Iˇsaˬyaˇ 58:6 - Akha

⁶ “Ngaˇ geuꞈ mawꞈ-eu maˬ dzaˬ-eu zahˇ heu loꞈ-ehˇ ma. Kʼehˬ-eu kʼaˆ-eu shmˇ caˆ hawˇ-eu maˬ tsaˬ maˬ dawˇ-eu kʼaˆ baꞈ deuˬ, dawˬ tawˆ biˬ dzeh jiˇ-awˇ, kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ, dawˬ tawˆ puiˇ pyehˬ jiˇ-awˬ.

Iˇsaˬyaˇ 58:6 ပူးပေါင်းရင်းမြစ်များ

2 Laˬsaˬbaˬ 10:11

‘Ngaˬ da-aˬ, kah dui dui-eu kʼaˆ behˆ naw maꞈ-ahˇ ciˬ pi-euˬ meh. Ngaˇ-aˬ, kʼoeˇ naˆ maˬ tseˇ kah-eu kʼaˆ behˆ naw maꞈ-ahˇ paˇ ciˬ pi nehˬ ma. Ngaˬ da naw maꞈ-ahˇ aˇ caˆ neh juiꞈ-euˬ meh. Ehˇ kʼawꞈ, ngaˇ naw maꞈ-ahˇ boeˬ kaˬ laˬ ma nyehꞈ kawꞈ ma’ lehˇ ehˇ nehˬ-awˬ.”

2 Laˬsaˬbaˬ 28:11

Ngaˇ ehˇ gaˇ naˇ haˬ sheˇ. Naw maꞈ neh nyehꞈ laꞈ-euˬ tsawˇ haˬ heu deuˬ-aˬ, naw maꞈ-euˬ aˬ yuiꞈ aˬ nyiˇ pyeuꞈ-eu meh. Aˬ yawꞈ maꞈ-ahˇ bi gʼoꞈ-iˇ-awˬ. Maˬ bi gʼoꞈ-iˇ naˇ, Sahˬpaˬ Miˬyehˇ nui ma pehˇ-eu laꞈ kʼoeˇ naw maꞈ-ahˇ kʼehˬ nehˬ kʼaˆ nehˬ laꞈ tehꞈ-a.”

Dawqdaq 24:11

Maˬ tsaˬ maˬ dawˇ-eu laꞈ kʼoeˇ aˬ cawˬ neh bi sehꞈ-eu lehˇ gʼeh luꞈ-eu tsawˇ haˬ-ahˇ maˬ nyi naˬ ni ka kʼoꞈ nehˬ-awˬ.

Iˇsaˬyaˇ 1:17

Yaw muiˬ jeˬ mˇ-eu dzaw-awˬ. Yaw tsaˬ yaw dawˇ jeˬ-ahˇ poˆ-awˬ. Nawˬ dzaˬ kʼaˆ dzaˬ-eu jeˬ laˆ byoˆ-awˬ. Aˬ da maˬ baw-eu deuˬ-ahˇ haw piˇ-awˬ. Miˬ coeˬ miˬ ma-ahˇ gʼawˬ shaˬ gaˬ-awˬ.”

Iˇsaˬyaˇ 33:15

Yaw sui yaw dawˇ dawˇ-ehˇ dehꞈ-awˇ, yaw tsaˬ yaw dawˇ jeˬ-ahˇ ngehˬ-eu tmˇ-eu laꞈ kʼoeˇ, aˬ cawˬ kʼoeˇ taˆ maˬ myawꞈ maˬ shuiˇ dzaˬ ni, laꞈ nmꞈ nmꞈ gaˇ maˬ ha geuꞈ-eu uˬ taꞈ, tsawˇ haˬ-ahˇ sehꞈ-eu deuˬ-ahˇ naˬ bawˇ maˬ ciˬ kʼmˇ ni, yaw haiˬ jeˬ toˆ gaˇ myaˆ maˬ haw cawˬ-eu tsawˇ haˬ, buˬ-iˇ law-iˇ tehꞈ-a.

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Iˇsaˬyaˇ 58:9

Naw maꞈ guiˬ lahˬ shaˇ ngeh ngaˇ naˇ haˬ-awˇ, naw maꞈ ngaˬ-ahˇ kuˇ ngeh ngaˇ naˬ bawˇ ciˬ kʼmˇ ma. “Naw maꞈ aˬ cawˬ-ahˇ kʼehˬ-eu jeˬ byehˇ-awˇ, aˬ cawˬ-ahˇ yehˬ bawˬ-ehˇ maˬ gʼeh-eu uˬ taꞈ, dawˬ doeˇ maˬ paˇ ngehˬ ni dehꞈ naˇ,

Yeˬlaˬmiˇ 22:3

“Yaw tsaˬ yaw dawˇ jeˬ mˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ dawˬ biꞈ-eu ma. Aˬ cawˬ neh mehˇ shuiˇ bi shuiˇ dzaˬ-euˬ tsawˇ haˬ deuˬ-ahˇ, mehˇ shuiˇ shuiˇ dzaˬ-eu tsawˇ haˬ deuˬ-euˬ aˬ laꞈ laꞈ kʼoeˇ neh ka kʼoꞈ doˆ nehˬ-awˬ. Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ nehˬ. Maˬ lehˬ maˬ ca-eu tsawˇ haˬ deuˬ-ahˇ muiˬ-eu shawˇ-eu jawˇ duˬ heu tsahˇ laꞈ kʼoeˇ taˬ sehꞈ.

Yeˬlaˬmiˇ 50:33

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ hawˇ-eu Yuˇdaˆ tsawˇ haˬ-ahˇ aˬ cawˬ kʼehˬ nehˬ kʼaˆ nehˬ-euˬ meh. Aˬ yawꞈ maꞈ-ahˇ kʼaˇ nyehꞈ mi ngeh, maˬ bi cehˆ dzeuˇ ni yaw muiˬ paˬ-ehˇ loꞈ jawˬ taˬ-euˬ meh.

Daˬyeˬlaˇ 4:27

Kʼoeˇ miˇ neh sahˬ paˬ-oˇ, ngaˬ-euˬ ehˇ dawˬ geuꞈ nehˬ laꞈ. Iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ-eu laꞈ kʼoeˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-awˬ. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ nui saˇ oꞈ-eu jeˬ maˬ byoˆ-iˇ-aˇ.”

Yawˇnaˆ 3:8

Tsawˇ haˬ hawˇ-eu jeˬ zaˬ dawˬ tawˆ luꞈ guˬ daˇ pehˇ zeuˇ mehˬ tsoeˬ ya dm meh. Yawˬ gʼaˬ na luꞈ nui ma keuˆ-eu laꞈ kʼoeˇ Miˬyehˇ-ahˇ guiˬ lahˬ ya shaˇ-awˇ, yawˬ ha neh mˇ-euˬ yaw lehˬ yaw ca jeˬ hawˇ-eu yaw haiˬ jeˬ-ahˇ ya byehˇ dzeh jiˇ meh.

Zaˬkaˬliˇ 7:9

“Aˇ hu ba ngaˬ-euˬ tsawˇ haˬ deuˬ-ahˇ ngaˇ heu loꞈ-ehˇ dawˬ biꞈ-euˬ ma. ‘Yaw tsaˬ yaw dawˇ jeˬ-ahˇ naw maꞈ tuˆ tehˬ taˬ-awˇ, aˬ cawˬ-ahˇ gʼawˬ shaˬ gaˬ-eu nui ma ya ahˇ meh.

Gʼaˬkʼehˇ 8:23

Aˬ jeˬ miˇ neh lehˇ ehˇ naˇ, kʼaˬ jawꞈ ni gʼeh-eu myaˆ naˆ-eu jeˬ nawˬ-euˬ laꞈ kʼoeˇ tiˬ byah ni ahˇ-awˇ, iˬ baˇ neh nawˬ-ahˇ paꞈ tawꞈ taˬ-euˬ ngaˇ mawˇ luꞈ ma.”

1 Tiˆmoˇseˬ 6:1

Miˬyehˇ-euˬ tsawˇ myahˇ-ahˇ maˬ ehˇ, aˬ dui neh mehˬ-euˬ tsoˆ-euˬ jeˬ-ahˇ maˬ ehˇ, tsawˇ haˬ tiˬ gʼaˬ-iˬ yaw doeˇ maˬ ya ehˇ ni, aˬ cawˬ-euˬ zaˬ kʼaˆ kʼaˇ geuꞈ luꞈ-eu tsawˇ haˬ dawˬ tawˆ luꞈ yawˬ ha-euˬ baw leˬ-ahˇ yaw zeu ya baw-eu gaˇ kawˆ siˬ nya paˬ-ehˇ gʼeh-eu meh.