Iˇsaˬyaˇ 58:3 - Akha

³ Aˬ yawꞈ maꞈ ehˇ-eu, “Sahˬpaˬ Miˬyehˇ yaw muiˬ maˬ no laꞈ gaˇ, aˬ jeˬ miˇ neh aˬ dui maˬ dzaˬ-eu zahˇ jahˇ-eu. Aˬ yawꞈ maˬ haw cawˬ nehˬ laꞈ gaˇ, aˬ jeˬ miˇ neh aˬ dui dzaˇ maˬ dzaˬ ni dzahˬ-eu.” Aˬ yawꞈ maꞈ-ahˇ Sahˬpaˬ Miˬyehˇ ehˇ-eu , “Gaˇ kawˆ heu loꞈ-ehˇ jaˆ-eu meh. Naw maꞈ maˬ dzaˬ-eu zahˇ jahˇ kʼawꞈ, yawˬ ha nui noeˬ tehꞈ-ehˇ geuꞈ-awˇ, naw maꞈ-euˬ gaˇ mˇ zaˬ deuˬ ahˇ kʼehˬ luꞈ-eu meh.

Iˇsaˬyaˇ 58:3 ပူးပေါင်းရင်းမြစ်များ

Eˇzaˬlaˬ 8:21

Nga maꞈ gaˇ ma doˆ-iˇ luꞈ ngeh Miˬyehˇ sheuˬ gʼeh nehˬ laꞈ-awˇ, nga maꞈ-euˬ aˬ buˇ aˬ li deuˬ hawˇ-eu nga maꞈ kʼaˇ jaˆ-eu jeˬ dawˬ tawˆ luꞈ kʼoeˇ taˆ haw piˇ nehˬ laꞈ-eu gʼaˇ duˬ, yawˬ gʼaˬ na luꞈ maˬ dzaˬ-eu zahˇ jahˇ-eu laꞈ kʼoeˇ nui ma nahˬ yu ni taˬ-awˇ guiˬ lahˬ shaˇ-awˬ lehˇ, Aˬhaˬbaˬ uiˇ kʼehˬ dawˬ peh ngaˇ dawˬ biꞈ-eu ma.

Neˬhaˬmiˇ 5:7

Gaˇ kawˆ kʼoeˇ-ahˇ ngaˬ-euˬ nui ma laꞈ kʼoeˇ saˇ sawˇ haw-awˇ, aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ-ahˇ ngaˇ iˬ baˇ taˬ-awˇ, “Naw maꞈ, yawˬ ha tsawˇ jeuˬ kʼoeˇ taˆ kʼaˆ dzaˬ nga” lehˇ ehˇ nehˬ-euˬ ma. Gaˇ kawˆ kʼoeˇ hmˬ-ahˇ taꞈ leˇ-awˇ, tsawˇ haˬ dawˬ tawˆ luꞈ-ahˇ ngaˇ kuˇ uiˬ-eu laꞈ kʼoeˇ,

Yawˇbaˆ 34:9

Miˬyehˇ nui ma tsaˬ-eu jeˬ-ahˇ caw teh-awˇ mˇ-eu tiˬ jeˬ-iˬ gaˇ dahˇ maˬ tsoeˬ-a lehˇ aˬ yawꞈ ehˇ-eu meh.

Jaceuq 69:10

Dzaˇ dzaˬ sheuˬ-awˇ nui ma nahˬ yu ni taˬ ngeh, aˬ cawˬ yaˬ kʼehˇ yaˬ gaˇ ya daˬ luꞈ-eu ma.

Dawqdaq 28:9

Zahˇ sahˇ kʼoꞈ mehˬ nah maˬ caw teh-eu tsawˇ haˬ-euˬ guiˬ lahˬ shaˇ dawˬ-ahˇ, Miˬyehˇ nui daˆ daˆ-eu meh.

Iˇsaˬyaˇ 22:12

Kʼoeˇ naˇ, nawˇ noeˬ shaˬ-awˇ ngoeˇ-eu laꞈ kʼoeˇ, uˬ jehˆ jehˆ-awˇ guˬ daˇ pehˇ zeuˇ mehˬ tsoeˬ dm-eu gʼaˇ duˬ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ, nawˬ-ahˇ kuˇ le tehꞈ-a.

Iˇsaˬyaˇ 22:13

Ehˇ kʼawꞈ, nawˇ uiˇ-awˇ bawˬ-iˬ gʼeh-eu laꞈ kʼoeˇ, yawˇ hawˇ-eu mawˇ neˇ sehꞈ-awˇ, aˬ gaꞈ dzaˇ uiˇ lehˬ hmˬ taˬ-awˇ, dzaˬ byawˬ dawˇ byawˬ byawˬ gʼa tehꞈ-a. “Ni shawˬ shiˇ-eu keuˆ le-euˬ-aˬ, iˬ nah dzaˬ byawˬ dawˇ byawˬ byawˬ ma” lehˇ nawˇ ehˇ tehꞈ-a.

Iˇsaˬyaˇ 47:6

Ngaˬ-euˬ tsawˇ jeuˬ-ahˇ ngaˇ nui ma pehˇ-awˇ, ngaˬ-euˬ tsawˇ haˬ maˬ paˇ sawˇ ni byehˇ dzeh nehˬ ngeh, nawˬ-euˬ baoˬ uˬ moˆ aˬ yawꞈ maꞈ-ahˇ ngaˇ bi jawˇ-euˬ ma. Kʼoeˇ ngeh aˬ yawꞈ maꞈ-ahˇ nawˇ gʼawˬ shaˬ maˬ gaˬ-ehˇ, tsawˇ mawˬ deuˬ-ahˇ kʼawꞈ yehˬ bawˬ-ehˇ jahˇ nehˬ-euˬ meh.

Uˬ duˬ 16:29

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ aˬ myah luꞈ ya caw teh meh. Ba la shiꞈ siˬ tiˬ siˬ tseˇ nah tiˬ nah-ahˇ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ nehˬ-ehˇ jawˇ-eu boeˇ miˬ siˬ kʼaˬ deuˬ, maˬ dzaˬ maˬ dawˇ-ehˇ, gaˇ maˬ mˇ ni jawˇ-awˇ, ya lah ya daw meh.

Uˬ duˬ 16:31

Kʼoeˇ ngeh nah-aˬ, aˬ yawꞈ maꞈ maˬ dzaˬ maˬ dawˇ-ehˇ, gaˇ maˬ mˇ ni jawˇ-awˇ, ya lah ya daw-eu muiˬ dui shawˇ dui dui-eu aˇ nah pyeuꞈ-eu meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ, aˬ myah luꞈ maˬ byehˇ ni, ya caw teh meh.

Uˬ duˬ 23:27

Ba la shiꞈ siˬ tiˬ siˬ tseˇ nah tiˬ nah-aˬ, tiˬ kʼoꞈ tiˬ poˆ Iˇsaˬleˬlaˆ tsawˇ haˬ deuˬ-euˬ iˬ baˇ sha dzeh-eu zahˇ jahˇ-eu aˇ nah pyeuꞈ-eu meh. Aˇ nah kʼoeˇ nah-ahˇ, tiˬ jeˬ-iˬ maˬ dzaˬ-ehˇ jawˇ-awˇ, Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ uiˬ leˇ-awˇ, dzaˬ dzaˬ dawˇ dawˇ lawˇ-eu jeˬ Sahˬpaˬ Miˬyehˇ-ahˇ ya lawˇ meh.

Maˬlaˬkiˇ 3:14

Naw maꞈ heu loꞈ-ehˇ ehˇ-euˬ meh. ‘Miˬyehˇ ehˇ dawˬ naˇ haˬ-eu yawꞈ ngehꞈ ngaˇ. Aˬ yawꞈ neh ehˇ-euˬ loꞈ-ehˇ mˇ-awˇ, aˬ dui neh mˇ-euˬ yaw lehˬ jeˬ gʼaˇ duˬ, Baoˬ huiˬ-eu Sahˬpaˬ Miˬyehˇ mehˬ shi noeˬ shaˬ-eu jahˇ geuꞈ-eu tiˬ jeˬ-iˬ gaˇ dahˇ maˬ tsoeˬ-aˇ.

Bawˇtsahˬ 23:4

Kʼoeˇ gaˇ, Miˬyehˇ aˬ yawꞈ-ahˇ tahˬ puˬ le-euˬ meh. Miˬyehˇ-ahˇ Baˬlamˬ ehˇ nehˬ-eu, “Lawˇ duˬ shiꞈ tsahˇ ngaˇ tsoˆ gʼaˬ-awˇ, aˬ yawꞈ tsahˇ yawꞈ kʼoeˇ taˆ, mawˇ neˇ mawˇ gaw tiˬ mawˇ hawˇ-eu yawˇ aˬ buˬ tiˬ mawˇ lawˇ-euˬ ma.”

Luˇkaꞈ 15:29

Ehˇ kʼawꞈ, aˬ yawꞈ-euˬ aˬ da-ahˇ aˬ yawꞈ ehˇ nehˬ-eu, ‘Heu myaˆ kʼoꞈ heu myaˆ la nawˬ-ahˇ ngaˇ zaˬ kʼaˆ loꞈ-ehˇ mˇ cu-euˬ uˬ taꞈ, nawˬ-euˬ ehˇ dawˬ maˬ naˇ haˬ-euˬ tiˬ poˆ-iˬ maˬ jaˆ haw-aˬ. Ehˇ kʼawꞈ, ngaˬ-euˬ cawˬ deuˬ nehˬ-ehˇ dzaˬ taꞈ dawˇ taꞈ-eu gʼaˇ duˬ, ciꞈ myehꞈ ciꞈ zaˬ tiˬ mawˇ tehꞈ-ehˇ kʼawꞈ nawˇ ngaˬ-ahˇ tiˬ jawˇ-iˬ maˬ biꞈ laꞈ haw-aˬ.