Iˇsaˬyaˇ 58:2 - Akha

² Aˬ yawꞈ maꞈ yawˬ nah na ngaˬ-ahˇ uˬ duˬ tahˬ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ-ahˇ naˇ haˬ-awˇ, ngaˬ-euˬ gaˇ ma siˬ mawꞈ dui dui nya lehˇ ehˇ luꞈ-eu meh. Tsaˬ-eu zahˇ dawˬ kʼoꞈ dawˬ ngaˬ neh bi biꞈ mawꞈ-awˇ, ngaˬ-ahˇ uˬ duˬ tahˬ-eu nui kʼahˇ shiˇ miˇ-a lehˇ, aˬ yawꞈ maꞈ ehˇ-eu meh.”

Iˇsaˬyaˇ 58:2 ပူးပေါင်းရင်းမြစ်များ

Jaceuq 119:15

Nawˇ mehˬ-eu tsoˆ-eu dawˬ-ahˇ ngaˇ dzaw geuꞈ-awˇ, nawˬ-euˬ gaˇ ma-ahˇ ngaˇ shaˇ sawˇ ma.

Jaceuq 119:151

Ehˇ kʼawꞈ, Sahˬpaˬ Miˬyehˇ nawˇ ngaˬ nehˬ-ehˇ jawˇ-awˇ, nawˬ-euˬ dawˬ aˬ myah luꞈ ziꞈ-eu meh.

Jaceuq 119:87

Aˬ cawˬ ngaˬ-ahˇ sehꞈ-eu keuˆ laˇ taˬ-euˬ meh. Ehˇ kʼawꞈ, nawˬ-euˬ zahˇ dawˬ kʼoꞈ dawˬ-ahˇ ngaˇ maˬ byehˇ dzeh.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Iˇsaˬyaˇ 1:28

Ehˇ kʼawꞈ, puiˬ-eu deuˬ hawˇ-eu iˬ baˇ mˇ-eu deuˬ, tiˬ kawˆ loꞈ-ehˇ bi laˆ cawˆ-awˇ Sahˬpaˬ Miˬyehˇ-ahˇ byehˇ dzeh-euˬ deuˬ, bi laˆ meh jiˇ tehꞈ-a.

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Iˇsaˬyaˇ 42:20

Iˇsaˬleˬlaˆ-oˇ, nawˬ neh mawˇ-euˬ jeˬ maˬ gui jiˇ coeˇ-a. Ehˇ kʼawꞈ, dawˬ tsuiꞈ gʼoˆ nya ma loˇ. Naw maꞈ gaˬ-eu naˬ bawˇ tsoꞈ kʼawꞈ, gaˬ duˬ taˬ-euˬ aˬ jeˬ jaˆ te.”

Iˇsaˬyaˇ 57:12

Naw maꞈ yawˬ ha neh mˇ-euˬ tsaˬ ma lehˇ noeˬ meh. Ehˇ kʼawꞈ, naw maꞈ-euˬ gaˆ kawˆ ngaˇ pah doˆ jiˇ ngeh, naw maꞈ uˬ duˬ tahˬ-eu tahˬ pahˬ aˬ ma mawˇ kawˇ kʼoeˇ deuˬ, naw maꞈ-ahˇ maˬ caw ba nya-aˬ.

Iˇsaˬyaˇ 57:3

Ehˇ kʼawꞈ, jaˬ nehꞈ hawˇ-eu meh maˬ laˇ-euˬ zaˬ-ahˇ duˇ-awˇ, aˬ cawˬ miˬ zaˬ gʼawˇ-eu deuˬ-euˬ zaˬ-ahˇ duˇ-eu, iˬ baˇ mˇ-eu naw maꞈ heu gaˇ laˇ sheˇ.

Iˇsaˬyaˇ 59:13

Nawˬ-ahˇ nga maꞈ puiˬ-awˇ byehˇ dzeh yaꞈ-euˬ laꞈ kʼoeˇ, nawˬ-euˬ mehˬ nah maˬ caw teh ni dehꞈ laꞈ-euˬ ma. Aˬ cawˬ-ahˇ nga maꞈ nawˬ dzaˬ kʼaˆ dzaˬ-awˇ, nawˬ-ahˇ nga maꞈ byehˇ dzeh-euˬ ma. Nga maꞈ nui noeˬ noeˬ-euˬ bahˬ-awˇ, nga maꞈ-euˬ dawˬ jaˬ myawꞈ mehˇ shuiˇ tehꞈ ma.

Yeˬlaˬmiˇ 42:2

ngaˇ jawˇ gaˇ oe-awˇ heu loꞈ-ehˇ ehˇ le-euˬ meh. “Nga maꞈ nawˬ-ahˇ shaˇ-eu loꞈ-ehˇ jahˇ nehˬ laꞈ-awˬ. Nga maꞈ gʼaˇ duˬ nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Buˬ-iˇ law-iˇ-euˬ tsawˇ haˬ deuˬ pyeuꞈ-eu nga maꞈ dawˬ tawˆ luꞈ gʼaˇ duˬ guiˬ lahˬ shaˇ nehˬ laꞈ-awˬ. Dzeuˇ laˇ ngeh aˬ dui tsawˇ haˬ myaˬ dui dui-euˬ kʼawꞈ, nymˬ-mˇ nawˇ mawˇ luꞈ-eu loꞈ-ehˇ ui cuiˆ dzeˇ-eu tehꞈ meh.

Yeˬlaˬmiˇ 42:20

Naw maꞈ lehˬ dui dui-iˇ-eu jeˬ maˬ mˇ ni yahˇ-awˬ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ lehˇ, naw maꞈ ngaˬ-ahˇ ehˇ-awˇ, aˬ yawꞈ neh kʼaˇ ehˇ-euˬ jeˬ geuꞈ ma lehˇ naw maꞈ saˇ jaˇ dzaˬ taˬ gʼaˬ-euˬ meh.

Yeˬlaˬmiˇ 7:10

Ngaˇ maˬ haw nahˇ-eu gaˇ heu deuˬ-ahˇ naw maꞈ mˇ kʼawꞈ, ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ ngaˬ-euˬ mehˬ shi naw maꞈ yawꞈ laˇ-awˇ, ‘Nga maꞈ kʼahˬ lahˇ duˬ maˬ jaˆ’ lehˇ ehˇ-eu meh.

Yeˬlaˬmiˇ 7:9

Kʼoeˬ-eu gʼehꞈ-eu jeˬ, tsawˇ haˬ-ahˇ sehꞈ-eu jeˬ, aˬ cawˬ-euˬ miˬ zaˬ yo zaˬ-ahˇ bahˬ-eu jeˬ, jaˬ myawꞈ myawꞈ-awˇ kamˬ-eu jeˬ, Baˬlaˇ miˬ yehˇ-ahˇ lawˇ nehˬ shehˇ nehˬ-eu jeˬ, aˇ hu naw maꞈ maˬ siˬ maˬ mawˇ haw-euˬ miˬ yehˇ nui deuˬ-ahˇ uˬ duˬ tahˬ-eu jeˬ, heu deuˬ-ahˇ naw maꞈ mˇ bahˬ taˬ-euˬ meh.

Yeˬsaˬgeˬlaˇ 20:3

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, tsawˇ haˬ teu deuˬ-ahˇ ehˇ nehˬ-awˬ. Naw maꞈ ngaˇ nui ma tsaˬ-eu jeˬ gaˇ kawˆ naˇ haˬ laˇ-eu maˬ ngeuˇ loˇ. Ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, naw maꞈ ngaˬ-ahˇ tiˬ jeˬ-iˬ maˬ bi naˇ haˬ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Aˬmoˆ 5:18

Sahˬpaˬ Miˬyehˇ-euˬ aˇ nah-ahˇ noeˬ tmˬ luꞈ-eu naw maꞈ deuˬ aˇ naˆ ni guˆ paˬ-ehˇ gʼeh-eu nga. Aˇ nah kʼoeˇ nah naw maꞈ gʼaˇ duˬ aˬ jeˬ muiˬ nmˇ. Aˇ nah kʼoeˇ-aˬ, naw maꞈ gʼaˇ duˬ bya cehˆ ni gʼeh-eu aˇ nah maˬ ngeuˇ-a. Zahˇ tsui ni gʼeh-eu aˇ nah meh.

Maˬkuˆ 12:14

Aˬ yawꞈ maꞈ Yeˬsuˇ jawˇ gaˇ oe-awˇ ehˇ-eu, “Saˬ laˬ-oˇ, nawˇ-aˬ, tsawˇ haˬ zaˬ deuˬ noeˬ doeˇ laˇ gaˇ maˬ guˆ ni dawˇ coe ni ngehˬ-eu tmˇ-eu tsawˇ haˬ meh lehˇ nga maꞈ siˬ nya ma. Nawˇ tsawˇ haˬ-euˬ myaˆ pyawˬ naˇ mehˇ-ahˇ maˬ haw ni, tsawˇ haˬ zaˬ gʼaˇ duˬ Miˬyehˇ-euˬ nui kʼahˇ aˬ joˆ-ehˇ jaˆ-eu gaˇ kawˆ dawˇ coe ni mehˬ-eu meh. Loˇmaˆ Sahˬ pahˬ-ahˇ kawˬ doˆ nehˬ-eu aˬ dui-euˬ Zahˇ dawˬ kʼoꞈ dawˬ-ahˇ bahˬ meh loˇ, maˬ bahˬ-a loˇ lehˇ tiˬ poˆ ehˇ nehˬ laꞈ sheˇ.

Maˬkuˆ 6:20

Heˬloˆ-aˬ, Yoˇhaˬ-ahˇ guˆ-eu meh. Aˬ jeˬ miˇ neh ehˇ naˇ, Yoˇhaˬ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh lehˇ, aˬ yawꞈ siˬ nya-eu meh. Kʼoeˇ miˇ neh, maˬ bi ca laˇ ni haw piˇ nehˬ luꞈ-eu meh. Yoˇhaˬ-euˬ dawˬ kʼaˇ ya gaˬ ngeh aˬ yawꞈ nui ma maˬ saˇ kʼawꞈ, Yoˇhaˬ mehˬ-euˬ dawˬ-ahˇ aˬ yawꞈ naˇ haˬ mawꞈ-eu nui ma ahˇ-eu meh.

Yoˇhaˬ 5:35

Yoˇhaˬ neh ehˇ-euˬ dawˬ-aˬ, bya cehˆ ni doꞈ luꞈ-eu tsiˇ kʼmˬ-ahˇ duˇ-awˇ, naw maꞈ-ahˇ laˬ kʼaˬ bi cehˇ-eu meh. Naw maꞈ-ahˇ laˬ kʼaˬ bi cehˇ-eu yaw shehꞈ-ahˇ duˇ-eu aˬ yawꞈ-euˬ dawˬ kʼoeˇ-ahˇ, naw maꞈ tiˬ kʼehˬ tiˬ yamˬ ha geuꞈ-euˬ meh.

Tiˇtuˆ 1:16

Aˬ yawꞈ maꞈ Miˬyehˇ-ahˇ siˬ nya ma lehˇ ehˇ-eu kʼawꞈ, aˬ yawꞈ maꞈ mˇ-eu shaˇ-eu kʼoeˇ loꞈ-ehˇ maˬ ngeuˇ-a. Aˬ yawꞈ maꞈ-aˬ, bye dui dui laˇ paˬ-ehˇ gʼeh-eu, ehˇ dawˬ maˬ naˇ haˬ-eu tsawˇ haˬ deuˬ pyeuꞈ-awˇ, yaw muiˬ jeˬ mˇ-eu tiˬ pawꞈ-iˬ maˬ geuˇ-a.

Yaˬkoˆ 4:8

Miˬyehˇ-euˬ dawˬ peh jiˆ laˇ-awˬ. Naw maꞈ-euˬ dawˬ peh Miˬyehˇ jiˆ le tehꞈ-a. Iˬ baˇ zaˬ deuˬ-oˇ, naw maꞈ-euˬ aˬ laꞈ dzuiꞈ shawˇ-awˬ. Nui ma nyiˬ jeˬ noeˬ-eu tsawˇ haˬ deuˬ-oˇ, naw maꞈ-euˬ nui ma shawˇ-awˬ.