Iˇsaˬyaˇ 58:14 - Akha

¹⁴ ngaˬ-euˬ nui kʼahˇ poˆ-eu miˇ neh za-eu, laˬ kʼaˬ cehˇ-eu jeˬ naw maꞈ za tehꞈ-a. Miˇ tsaˬ kʼoeˇ taˆ yawˬ gaˇ na luꞈ, aˬ cawˬ naw maꞈ-ahˇ taˬ huiˬ ni ngaˇ caw ba-awˇ, naw maꞈ-euˬ aˬ poeˬ Yaˬkoˆ-ahˇ ngaˇ biꞈ taˬ-euˬ miˇ kʼahˬ laꞈ kʼoeˇ, naw maꞈ laˬ kʼaˬ tiˬ cehˇ ya jawˇ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 58:14 ပူးပေါင်းရင်းမြစ်များ

Yawˇbaˆ 22:26

Kʼoeˇ ngeh Miˬyehˇ-ahˇ nawˇ aˬ myah luꞈ gʼoe-awˇ, aˬ yawꞈ nawˬ-euˬ laˬ kʼaˬ cehˇ duˬ pyeuꞈ gaˇ ya mawˇ tehꞈ-a.

Yawˇbaˆ 27:10

Miˬyehˇ neh biꞈ-euˬ laˬ kʼaˬ cehˇ-eu jeˬ-ahˇ aˬ yawꞈ maꞈ nui kʼahˇ shiˇ-eu tsaˬ-awˇ, aˬ yawꞈ-ahˇ maˬ tsehˆ leˇ ni guiˬ lahˬ shaˇ-eu tsaˬ meh.

Yawˇbaˆ 34:9

Miˬyehˇ nui ma tsaˬ-eu jeˬ-ahˇ caw teh-awˇ mˇ-eu tiˬ jeˬ-iˬ gaˇ dahˇ maˬ tsoeˬ-a lehˇ aˬ yawꞈ ehˇ-eu meh.

Jaceuq 135:12

Aˬ yawꞈ-euˬ tsawˇ haˬ Iˇsaˬleˬlaˆ tsawˇ jeuˬ-ahˇ, sahˬ paˬ kʼoeˇ deuˬ-euˬ miˇ kʼahˬ biꞈ nehˬ-euˬ meh.

Jaceuq 136:21

Sahˬ paˬ kʼoeˇ deuˬ-euˬ miˇ kʼahˬ aˬ yawꞈ-eu tsawˇ jeuˬ-ahˇ aˬ yawꞈ biꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ meh.

Jaceuq 36:8

Baw-eu za-eu nawˬ-euˬnymˇ-ahˇ, aˬyawꞈmaꞈdzaˬdehˆdawˇdehˆ-awˇ, nawˬ-euˬ guiˬlahˬlawˇbaˬyoeˇgaˇ, aˬyawꞈmaꞈya kʼawꞈdawˇ-eu meh.

Jaceuq 37:11

Nui nahˬnui yu ahˇ-eu deuˬ-aˬ, miˇkʼahˬjeˬbiˇ oꞈ-eu laꞈkʼoeˇ, baw dui za dui dui le tehꞈ-a.

Jaceuq 37:4

SahˬpaˬMiˬyehˇlaꞈkʼoeˇ cehˇ-awˬ. Nawˇkʼaˇmawꞈ-eu yawˬjeˬna luꞈ, aˬyawꞈnawˬ-ahˇbiꞈlaꞈtehꞈ-a.

Iˇsaˬyaˇ 33:16

Kʼoeˇ loꞈ-ehˇ dehꞈ-eu gʼaˬ nui saˇ oꞈ-awˇ, ziꞈ dah ni gʼeh-eu taˆ laꞈ kʼoeˇ jawˇ-eu loꞈ-ehˇ, guˆ-eu gaˆ-eu jeˬ-ahˇ dzeuˇ-eu uˬ taꞈ, dzaˬ-eu dzaˇ hawˇ-eu dawˇ-eu iˇ cuꞈ gʼaˇ duˬ, kʼahˬ maˬ lahˇ ni ya dehꞈ tehꞈ-a.

Iˇsaˬyaˇ 34:16

Jeˬ zaˬ deuˬ gaˇ kawˆ boꞈ ahˇ taˬ-euˬ, Sahˬpaˬ Miˬyehˇ-euˬ sahˬ boꞈ pah haw sheˇ. Jeˬ zaˬ heu deuˬ tiˬ mawˇ-iˬ maˬ ya byoˆ-iˇ-eu uˬ taꞈ, aˇ gu ma baw-eu aˇ teˬ maˬ ya bi jawˇ-a lehˇ, Sahˬpaˬ Miˬyehˇ dawˬ biꞈ taˬ-eu jaˆ-awˇ, aˬ yawꞈ maꞈ-ahˇ aˬ yawꞈ tiˬ gaˇ sheuˬ dzoeˇ tehꞈ-a.

Iˇsaˬyaˇ 40:5

Kʼoeˇ naˇ, Sahˬpaˬ Miˬyehˇ-euˬ yaw shehꞈ kʼahˬ sehˇ pah mehˬ le-awˇ, tsawˇ jeuˬ dawˬ tawˆ luꞈ ya mawˇ tehꞈ-a lehˇ, Sahˬpaˬ Miˬyehˇ saˇ jaˇ biꞈ taˬ-euˬ meh.”

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Yeˬlaˬmiˇ 3:19

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ-oˇ, nawˬ-ahˇ ngaˬ-euˬ aˬ li bi geuꞈ mawꞈ-awˇ, miˇ tsaˬ kʼoeˇ taˆ aˬ cawˬ naˆ maˬ tseˇ muiˬ dzehˬ-eu, nui saˇ za-eu miˇ kʼahˬ nawˬ-ahˇ biꞈ mawꞈ-eu ma. Nawˇ ngaˬ-ahˇ aˬ da kuˇ-awˇ, maˬ gʼawˬ-iˇ ni bi dehꞈ mawꞈ nya.

Yeˬsaˬgeˬlaˇ 36:2

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Aˇ hu ba neh jaˆ-euˬ gawˬ jawˬ kʼoeˇ deuˬ, nymˬ-mˇ poˆ jawˇ-aˬ nga maꞈ-euˬ ma’ lehˇ Iˇsaˬleˬlaˆ-ahˇ muiˇ-eu deuˬ ehˇ luꞈ-eu meh.

Miˇkaˬ 4:4

Tsawˇ haˬ zaˬ yawˬ gʼaˬ yawˬ na luꞈ, yawˬ ha aˬ gaꞈ baw duˆ uˬ moˆ, yawˬ ha siˬ guˬ aˬ bawˇ uˬ moˆ, nui saˇ oꞈ-awˇ ya nuiˇ meh lehˇ, Baoˬ huiˬ dui dui-eu gʼaˬ pyeuꞈ-eu Sahˬpaˬ Miˬyehˇ ehˇ taˬ-euˬ meh.

Maꞈtehˬ 24:35

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Dawˬmehˬ 32:13

“Gawˬ jawˬ yaw goˇ bi uˆ lahˇ-awˇ, deh ga boeˬ nmˬ bi dzaˬ-euˬ meh. Lo guˇ byaˬ uiˇ bi cuˆ dawˇ-awˇ, lo gahˬ kʼoeˇ taˆ ka dehꞈ taˬ-euˬ saˬ loˬ tsiˇ bi dawˇ dehˆ-euˬ meh.

Dawˬmehˬ 33:29

Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh ka kʼoꞈ-euˬ, naw maꞈ loꞈ-ehˇ gʼeh-eu tsawˇ jeuˬ, miˇ tsaˬ kʼoeˇ taˆ aˬ gaˇ jawˇ ta. Naw maꞈ-ahˇ ceh piˇ loꞈ piˇ-awˇ, aˬ cawˬ-ahˇ bi gʼaˬ leˇ-eu lehˇ, Sahˬpaˬ Miˬyehˇ aˬ yawꞈ mawˇ do, naw maꞈ-euˬ dehˬ daˬ duˬ pyeuꞈ-awˇ, naw maꞈ-euˬ mi cehˇ pyeuꞈ-eu meh. Muiˇ-eu deuˬ naw maꞈ-euˬ mehˬ shi, gʼawˬ shaˬ gaˬ ni tahˬ shaˇ laˇ gaˇ, naw maꞈ tsawˬ nawˬ ya nawˬ tehꞈ-a.

Piˇliˇpiˆ 4:4

Aˬ myah luꞈ Sahˬpaˬ Yeˬsuˇ laꞈ kʼoeˇ laˬ kʼaˬ cehˇ-awˬ. Ngaˇ tiˬ poˆ paˇ ehˇ ma. Laˬ kʼaˬ cehˇ-awˬ.

1 Beˬtuˆluˆ 1:8

Aˬ yawꞈ-ahˇ naw maꞈ maˬ mawˇ haw-euˬ kʼawꞈ, naw maꞈ aˬ yawꞈ-ahˇ gaˬ-awˇ, nymˬ-mˇ aˬ yawꞈ-ahˇ naw maꞈ maˬ ya mawˇ kʼawꞈ, naw maꞈ aˬ yawꞈ-ahˇ jah-eu meh. Kʼoeˇ miˇ neh, maˬ ehˇ jiˇ coeˇ gaˇ keuˆ ni laˬ kʼaˬ cehˇ-awˬ.