Iˇsaˬyaˇ 58:12 - Akha

¹² Aˇ hu ba neh cawˆ-iˇ dzeuˇ-euˬ jeˬ-ahˇ, dawˬ pehˬ yaw oeˇ aˬ yawꞈ kʼoeˇ taˆ, nawˬ-euˬ tsawˇ haˬ deuˬ paˇ tsoꞈ ziꞈ leˇ tehꞈ-a. Byaˆ-iˇ taˬ-euˬ meuˬ lahˇ paˇ gawˬ ziꞈ-awˇ, nymˇ yaw cawˆ deuˬ paˇ tsoˆ muiˬ-eu tsawˇ haˬ nga lehˇ, aˬ cawˬ naw maꞈ-ahˇ kuˇ tehꞈ-a.”

Iˇsaˬyaˇ 58:12 ပူးပေါင်းရင်းမြစ်များ

Neˬhaˬmiˇ 2:17

Ehˇ kʼawꞈ, kʼoeˇ ngeh jawˇ aˬ yawꞈ maꞈ-ahˇ heu loꞈ-ehˇ ehˇ nehˬ-euˬ ma. “Yeˬluˇsaˬlehˬ meuˬ cawˆ-iˇ taˬ-awˇ meuˬ meuˬ lahˇ yaw pyaˆ-ehˇ jaˆ luꞈ-eu miˇ neh, aˬ dui aˇ naˆ ni ya shaˬ ya zahˬ luꞈ gaˇ haw sheˇ. Meuˬ meuˬ lahˇ paˇ gawˬ ziꞈ-awˇ, maˬ noeˬ shaˬ maˬ noeˬ zahˬ ni dehꞈ kaˇ-euˇ.”

Neˬhaˬmiˇ 2:5

sahˬ paˬ-ahˇ heu loꞈ-ehˇ ehˇ nehˬ-euˬ ma. “Sahˬ paˬ-oˇ, nawˇ ngaˬ-ahˇ nui ma tsaˬ-awˇ ngaˬ neh shaˇ-euˬ jeˬ biꞈ laꞈ ma lehˇ ngeuˇ naˇ, ngaˬ-euˬ aˬ poeˬ aˬ bawˇ deuˬ-euˬ lmˬ bymˇ jaˆ-eu Yuˇdaˆ miˇ kʼahˬ meuˬ kʼoeˇ meuˬ-ahˇ ngaˬ-ahˇ bi gʼoꞈ leˇ laꞈ-awˇ, meuˬ kʼoeˇ meuˬ bi tsoˆ muiˬ leˇ nehˬ laꞈ.”

Neˬhaˬmiˇ 6:1

Meuˬ-euˬ lahˇ kʼehˬ deuˬ-ahˇ nga maꞈ laˇ gʼoˆ maˬ jahˇ ahˇ dah mi naˆ-ehˇ, nga maꞈ meuˬ lahˇ gawˬ gʼaˬ-awˇ maˇ pehꞈ maˬ paˇ jaˆ-euˬ gaˇ kawˆ, Sahˬbaˬlaˆ, Tawˇbyaˬ, Geˬsheˬ hawˇ-eu nga maꞈ-ahˇ muiˇ-eu tsawˇ haˬ nui deuˬ-ahˇ gaˬ leˇ-euˬ meh.

Yawˇbaˆ 3:14

aˇ hu sahˬ paˬ-euˬ nymˇ deuˬ-ahˇ tsoˆ muiˬ geuꞈ-eu sahˬ paˬ hawˇ-eu uˆ lahˇ-eu deuˬ loꞈ-ehˇ ya yuꞈ luꞈ tehꞈ-a.

Iˇsaˬyaˇ 30:13

Naw maꞈ iˬ baˇ huiˬ dui dui meh. Tsawˬ nga taˬ-euˬ meuˬ lahˇ lahˇ goˇ loꞈ-ehˇ, ja pyuˬ ni coˬ pyaˆ coˬ shaˆ jiˇ tehꞈ-a.

Iˇsaˬyaˇ 44:28

Guˇluˆ-ahˇ ngaˇ heu loꞈ-ehˇ ehˇ nehˬ-euˬ ma. ‘Ngaˬ-euˬ gʼaˇ duˬ nawˇ dzoeˬ ya dzaˬ tehꞈ-a. Ngaˬ-euˬ nui kʼahˇ-ahˇ nawˇ mˇ byah tehꞈ-a. Yeˬluˇsaˬlehˬ meuˬ-ahˇ nawˇ paˇ bi tsoˆ muiˬ-awˇ, Uˬ duˬ tahˬ nymˇ nymˇ ma-euˬ dawˬ pehˬ gawˬ tehꞈ-a.’ ”

Iˇsaˬyaˇ 49:8

Aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ ehˇ-eu, “Nawˬ-ahˇ ka kʼoꞈ-eu aˇ yamˬ tsaˬ laˇ ngeh, nawˬ-euˬ myaˆ pyawˬ naˇ mehˇ-ahˇ ngaˇ haw-awˇ, nawˬ-euˬ shaˇ dawˬ ngaˇ naˇ haˬ ma. Nawˬ-ahˇ ngaˇ bo saˆ haw piˇ-awˇ, nawˬ-ahˇ gʼoe-eu laꞈ kʼoeˇ tsawˇ jeuˬ dawˬ tawˆ luꞈ-ahˇ, ngaˇ dawˬ ma saˇ jaˇ dzaˬ taꞈ ma. Nymˬ-mˇ yaw cawˆ-ehˇ jaˆ-eu nawˬ-euˬ miˇ kʼahˬ-ahˇ, nawˬ-ahˇ paˇ bi jawˇ kʼoꞈ laˇ ma.

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

Iˇsaˬyaˇ 52:9

Yeˬluˇsaˬlehˬ laꞈ kʼoeˇ cawˆ-iˇ taˬ-euˬ jawˇ duˬ dawˬ tawˆ, laˬ kʼaˬ tiˬ cehˇ guˇ kʼaˆ leꞈ-awˬ. Sahˬpaˬ Miˬyehˇ aˬ yawꞈ-euˬ meuˬ-ahˇ ka kʼoꞈ-awˇ, aˬ yawꞈ-euˬ tsawˇ haˬ-ahˇ nui saˇ bi oꞈ tehꞈ-a.

Iˇsaˬyaˇ 61:4

Cawˆ-iˇ taˬ-euˬ myahˇ laˇ-euˬ meuˬ deuˬ-ahˇ, aˬ yawꞈ maꞈ paˇ tsoˆ muiˬ tehꞈ-a.

Yeˬlaˬmiˇ 31:38

Sahˬpaˬ Miˬyehˇ heu loꞈ-ehˇ ehˇ-eu meh. “Nahˇ ma ga kʼehˬ paw jaˆ-eu meuˬ-ahˇ loꞈ piˇ-eu Haˬnaˬneˬlaˇ nymˇ goˇ ahˇ neh laꞈ coeˇ lahˇ kʼehˬ-ahˇ doˆ ni, Yeˬluˇsaˬlehˬ meuˬ meuˬ lah-ehˇ, paˇ gawˬ ziꞈ-eu aˇ yamˬ keuˆ le luꞈ meh.

Yeˬsaˬgeˬlaˇ 13:5

Meuˬ meuˬ lahˇ byaˆ-iˇ-euˬ tsahˇ-ahˇ aˬ yawꞈ maꞈ loꞈ piˇ-eu maˬ ngeuˇ-a. Meuˬ meuˬ lahˇ paˇ gawˬ muiˬ-eu kʼawꞈ maˬ geuˇ-a. Kʼoeˇ miˇ neh, Sahˬpaˬ Miˬyehˇ-euˬ aˇ nah keuˆ le-awˇ, guiˇ deuˆ ngeh, Iˇsaˬleˬlaˆ miˇ kʼahˬ-ahˇ maˬ ceh piˇ nya-a.

Yeˬsaˬgeˬlaˇ 36:33

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-euˬ iˬ baˇ dawˬ tawˆ luꞈ ngaˇ tsiˬ shawˇ gʼaˬ ngeh, naw maꞈ-euˬ meuˬ deuˬ laꞈ kʼoeˇ paˇ bi jawˇ-awˇ, kʼaˇ cawˆ-iˇ taˬ-euˬ jeˬ bi gawˬ bi tsoˆ muiˬ ma.

Yeˬsaˬgeˬlaˇ 36:4

Gawˬ jawˬ gawˬ duˇ deuˬ, lawˇ gawˆ gʼaˬ lawˬ deuˬ bi laˆ cawˆ-euˬ jawˇ duˬ deuˬ hawˇ-eu, dawˬ peh jawˇ-eu tsawˇ jeuˬ deuˬ neh pyuˇ shuiˇ myawˬ gah bi ceh geuꞈ jiˇ-awˇ, kʼaˇ ehˇ doeˇ mawꞈ-eu bi ehˇ doeˇ bi ehˇ doeˇ-ehˇ, ciˬ cuˇ ni jaˆ-euˬ meuˬ deuˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ gaˇ naˇ haˬ-awˬ.

Daˬyeˬlaˇ 9:25

Gaˇ kawˆ heu gʼoˆ shaw-awˇ juiˇ taˬ-awˬ. Yeˬluˇsaˬlehˬ meuˬ bi tsoˆ muiˬ-eu gʼaˇ duˬ dawˬ biꞈ-euˬ aˇ yamˬ-ahˇ neh, Miˬyehˇ neh tsiˇ shehˆ daˆ-awˇ tseˇ doˆ taˬ-euˬ uˆ lahˇ-eu gʼaˬ oe keuˆ ngeh keuˆ ni, shiꞈ kʼoꞈ, shiꞈ poˆ myahˇ tehꞈ-a. Yeˬluˇsaˬlehˬ meuˬ hawˇ-eu meuˬ laꞈ kʼoeˇ jaˆ-eu gaˇ ma deuˬ gawˬ muiˬ tsoˆ muiˬ jiˇ-awˇ, muiˇ-eu deuˬ guiˇ maˬ bi deuˆ gʼaˬ laˇ nya ni, ziꞈ dah ni gʼeh-eu taˆ deuˬ gawˬ ziꞈ tsoˆ ziꞈ gʼaˬ-awˇ, koꞈ tseˇ nyiꞈ kʼoꞈ, shiꞈ poˆ keuˆ ni gmˬ tehꞈ-a. Ehˇ kʼawꞈ, aˇ yamˬ kʼoeˇ yamˬ-aˬ, shaˬ zahˬ naꞈ-eu aˇ yamˬ pyeuꞈ tehꞈ-a.

Aˬmoˆ 9:11

Sahˬpaˬ Miˬyehˇ ehˇ-eu, “Coˬ pyaˆ coˬ shaˆ taˬ-euˬ nymˇ tiˬ nymˇ-ahˇ duˇ-eu Daˬbiˇ-euˬ miˇ kʼahˬ-ahˇ ngaˇ paˇ ciˬ tuˇ nehˬ-eu aˇ nah keuˆ le tehꞈ-a. Meuˬ meuˬ lahˇ deuˬ-ahˇ ngaˇ gawˬ muiˬ-awˇ, meuˬ deuˬ paˇ tsoˆ muiˬ nehˬ-eu laꞈ kʼoeˇ, aˇ hu ba kʼaˇ jaˆ-euˬ loꞈ-ehˇ aˬ yawꞈ yaw oeˇ-ahˇ duˇ ni laˆ saˆ muiˬ nehˬ ma.

Aˬmoˆ 9:14

Ngaˬ-euˬ tsawˇ jeuˬ Iˇsaˬleˬlaˆ, aˬ cawˬ miˇ kʼahˬ-ahˇ shaˬ luꞈ-eu, yawˬ ha miˇ kʼahˬ-ahˇ sheuˬ kʼoꞈ ma. Cawˆ-iˇ-euˬ meuˬ deuˬ tsoˆ muiˬ-awˇ, yawꞈ maꞈ jawˇ duˬ dah leˇ tehꞈ-a. Aˬ gaꞈ yaˇ kmˇ paˇ mˇ poˆ-awˇ, aˬ gaꞈ dzaˇ uiˇ ya dawˇ tehꞈ-a. Myawˬ kmˇ yaˇ kmˇ paˇ mˇ poˆ-awˇ, ka-eu loꞈ-ehˇ ya dzaˬ tehꞈ-a.

Miˇkaˬ 7:11

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ meuˬ meuˬ lahˇ paˇ ya gawˬ muiˬ-eu aˇ yamˬ keuˆ le luꞈ meh. Aˇ yamˬ kʼoeˇ yamˬ keuˆ le ngeh naw maꞈ-euˬ miˇ kʼahˬ jeˇ dzehˬ laˇ tehꞈ-a.