Iˇsaˬyaˇ 58:11 - Akha

¹¹ Kʼoeˇ naˇ naw maꞈ-ahˇ ngaˇ aˬ myah luꞈ sheuˬ gʼeh-awˇ, muiˬ-eu guiˬ lahˬ shehˬ byah lawˇ byah nehˬ-eu laꞈ kʼoeˇ, gʼoeˇ mˇ-awˇ jawˇ saˇ bi doˆ-eu miˇ neh, iˇ cuꞈ tiˬ byah za-eu yaˇ kmˇ hawˇ-eu, maˬ tsiˇ leˇ-eu lawˇ gawˆ-ahˇ naw maꞈ duˇ tehꞈ-a.

Iˇsaˬyaˇ 58:11 ပူးပေါင်းရင်းမြစ်များ

Yawˇbaˆ 5:20

Mehꞈ ngeh shuꞈ ngeh aˬ yawꞈ nawˬ-ahˇ bi dehꞈ dzeuˇ-awˇ, guiˇ deuˆ ngeh aˬ yawꞈ nawˬ-ahˇ haw piˇ tehꞈ-a.

Jaceuq 1:3

lawˇbaˬ gawˆtaw aˇ bawˇ loꞈ-ehˇ, yamˬlaw tsaˬni aˇ siˬloˆ-awˇ, aˇpaꞈ koˆ-iˇ-eu maˬ baw-ehˇ, kʼaˇmˇ-eu jeˬ guiˬlahˬbaw meh.

Jaceuq 107:9

Iˇ cuꞈ mehꞈ-eu tsawˇ haˬ-ahˇ aˬ yawꞈ bi dawˇ dehˆ-awˇ, mehꞈ-eu shuꞈ-eu deuˬ-ahˇ muiˬ-eu guiˬ lahˬ tiˬ byah ni shehˬ nehˬ lawˇ nehˬ-euˬ meh.

Jaceuq 25:9

Nui nahˬnui yu ahˇ-eu deuˬ-ahˇ, tsaˬ-eu gaˇma-ahˇ sheuˬgʼeh-awˇ, yawꞈ-euˬnui noeˬ mehˬnehˬ-eu meh.

Jaceuq 32:8

Sahˬpaˬ Miˬyehˇ ehˇ-eu, “Nawˇya iˇ-eu gaˇma tiˬkahˇ, nawˬ-ahˇngaˇmehˬnehˬtsoˆnehˬ-awˇ, Ngaˬ-euˬmyaˆnuiˆhaw piˇnehˬma.

Jaceuq 33:19

Shiˇ-eu laꞈkʼoeˇ ka kʼoꞈnehˬ-awˇ, mehꞈngeh shuꞈngeh maˬbi shiˇ-a.

Jaceuq 37:19

Haiˬ-eu aˇnah aˇyamˬ keuˆkʼawꞈ, aˬyawꞈmaꞈ maˬya shaꞈdawˇ-ehˇ, mehꞈ-eu shuꞈ-eu aˇnah oe kʼawꞈ, maˬdzaˬjiˇcoeˇni jaˆtehꞈ-a.

Jaceuq 48:14

Miˬyehˇ heu gʼaˬ mˬ maˬ maˬ byaˆ zaˇ ziˇ aˬ dui-euˬ Miˬyehˇ pyeuꞈ-eu meh. Aˬ yawꞈ aˬ dui-ahˇ mˬ maˬ maˬ byaˆ zaˇ ziˇ sheuˬ gʼeh tehꞈ-a lehˇ mehˬ nehˬ yaꞈ-awˬ.

Jaceuq 73:24

Nawˇ ngaˬ-ahˇ mehˬ-awˇ tsoˆ-awˇ sheuˬ gʼeh-eu laꞈ kʼoeˇ, aˇ saˬ saˬ laˇ ngeh nawˇ ngaˬ-ahˇ ciˬ huiˬ ciˬ mahˇ nehˬ laꞈ tehꞈ-a.

Jaceuq 84:7

Aˬ yawꞈ maꞈ mehˬ hu paw le ngeh gʼaˬ ahˇ dzehˬ laˇ-awˇ, miˬyehˇ dawˬ tawˆ luꞈ-euˬ Miˬyehˇ-ahˇ, Ziˇoˬ gawˬ jawˬ kʼoeˇ taˆ aˬ yawꞈ maꞈ ya tahˬ puˬ tehꞈ-a.

Jaceuq 92:14

aˬ myah luꞈ nyoeˇ jawꞈ ni jaˆ-awˇ, bawˇ mawˬ mawˬ laˇ ngeh keuˆ ni aˇ siˬ siˬ-eu aˇ bawˇ kʼoeˇ deuˬ-ahˇ duˇ tehꞈ-a.

Dawqdaq 11:25

Aˬ cawˬ-ahˇ biꞈ-eu tsawˇ haˬ baw le za le tehꞈ-a. Aˬ cawˬ-ahˇ caw ba-eu tsawˇ haˬ, yawˬ ha-ahˇ paˇ bi caw ba kʼoꞈ tehꞈ-a.

Dawqdaq 13:4

Yaw doeˇ neh noeˬ tmˬ-euˬ jeˬ tiˬ jawˇ-iˬ maˬ keuˆ le-ehˇ, leh jeh-eu deuˬ-euˬ nui kʼahˇ maˬ lehˬ-iˇ-a.

Dawqdaq 28:25

Nui kʼahˇ huiˬ-eu tsawˇ haˬ shaˬ zahˬ ya tahˬ puˬ-eu yaw duˬ baw meh. Sahˬpaˬ Miˬyehˇ-ahˇ gʼoe-eu tsawˇ haˬ baw le za le tehꞈ-a.

Dawqdaq 3:8

Kʼoeˇ loꞈ-ehˇ jahˇ-eu jeˬ-aˬ, nawˬ-euˬ shaˬ jiˇ naˇ gawˇ laˆ saˆ-awˇ, shaˬ yoeˬ naˇ gawˇ laˆ taˬ nehˬ laꞈ gaˇ duˇ tehꞈ-a.

Dawˬ caˇ 4:15

Yaˇ kmˇ-ahˇ lawˇ gawˆ iˇ cuꞈ shehˬ-eu meh. Iˇ cuꞈ lawˇ baˬ deuˬ hawˇ-eu, Leˬbaˬnoˬ gawˬ jawˬ-ahˇ neh yoeˇ ka leꞈ-euˬ lawˇ gawˆ deuˬ, yaˇ kmˇ kʼoeˇ-ahˇ iˇ cuꞈ biꞈ le-eu meh.

Iˇsaˬyaˇ 27:3

“Sahˬpaˬ Miˬyehˇ pyeuꞈ-eu ngaˇ, yaˇ kmˇ kʼoeˇ kmˇ-ahˇ bo saˆ-eu ma. Maˬ tsehˆ leˇ ni iˇ cuꞈ shehˬ-awˇ, aˬ cawˬ maˬ bi laˆ cawˆ laˇ-eu gʼaˇ duˬ, uˬ ciꞈ nah gʼahˇ maˬ ehˇ haw piˇ-eu ma.

Iˇsaˬyaˇ 33:16

Kʼoeˇ loꞈ-ehˇ dehꞈ-eu gʼaˬ nui saˇ oꞈ-awˇ, ziꞈ dah ni gʼeh-eu taˆ laꞈ kʼoeˇ jawˇ-eu loꞈ-ehˇ, guˆ-eu gaˆ-eu jeˬ-ahˇ dzeuˇ-eu uˬ taꞈ, dzaˬ-eu dzaˇ hawˇ-eu dawˇ-eu iˇ cuꞈ gʼaˇ duˬ, kʼahˬ maˬ lahˇ ni ya dehꞈ tehꞈ-a.

Iˇsaˬyaˇ 41:17

“Ngaˬ-euˬ tsawˇ haˬ iˇ cuꞈ mehꞈ-awˇ poˆ ngeh, aˬ yawꞈ maꞈ-euˬ kuˬ byahˬ gui ngeh, Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-euˬ shaˇ dawˬ naˇ haˬ nehˬ ma. Iˇsaˬleˬlaˆ-euˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ tiˬ jawˇ-iˬ maˬ byehˇ dzeh.

Iˇsaˬyaˇ 44:4

Iˇ cuꞈ jaˆ gaˇ dehꞈ-eu yaˇ moꞈ loꞈ-ehˇ aˬ yawꞈ maꞈ mehˇ laˇ-awˇ, lawˇ gawˆ dawˬ peh dehꞈ-eu iˇ nmˬ aˇ bawˇ-ahˇ duˇ tehꞈ-a.

Iˇsaˬyaˇ 49:10

Aˬ yawꞈ maꞈ-ahˇ gaˬ-eu gʼaˬ neh sheuˬ gʼeh nehˬ-euˬ miˇ neh, aˬ yawꞈ maꞈ mehꞈ-eu shuꞈ-eu maˬ baw-ehˇ, nahˇ tsaˇ hawˇ-eu kʼaˇ shuiꞈ deh ga yaw lahˇ, aˬ yawꞈ maꞈ-ahˇ maˬ coeˬ leˇ-a. Iˇ cuꞈ lawˇ baˬ yoeˇ-eu dawˬ peh, aˬ yawꞈ maꞈ-ahˇ aˬ yawꞈ sheuˬ gʼeh tehꞈ-a.

Iˇsaˬyaˇ 57:18

“Aˬ yawꞈ maꞈ-euˬ dehꞈ jeˬ dehꞈ kawˆ ngaˇ siˬ jiˇ kʼawꞈ, aˬ yawꞈ maꞈ-euˬ naˇ gawˇ ngaˇ laˆ saˆ ma. Aˬ yawꞈ maꞈ-ahˇ ngaˇ sheuˬ gʼeh ngehˬ gʼeh-awˇ, tsawˇ ngoeˇ ngoeˇ luꞈ-eu deuˬ nui ma bi saˇ laˇ ma.

Iˇsaˬyaˇ 61:11

Aˇ yoeˬ-ahˇ aˇ bawˇ dehꞈ laˇ-eu yaw duˬ baw-eu loꞈ-ehˇ, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, aˬ yawꞈ-euˬ tsawˇ jeuˬ-ahˇ ka kʼoꞈ nehˬ-eu yaw duˬ baw-awˇ, tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ tehꞈ-a.

Iˇsaˬyaˇ 66:14

Kʼoeˇ loꞈ-ehˇ pyeuꞈ laˇ gaˇ mawˇ ngeh, naw maꞈ laˬ kʼaˬ ya cehˇ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ jawˇ saˇ doˆ-awˇ gʼaˬ ahˇ tehꞈ-a. Kʼoeˇ loꞈ-ehˇ pyeuꞈ laˇ ngeh, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ ehˇ dawˬ naˇ haˬ-eu deuˬ-ahˇ ngehˬ gʼeh-awˇ, ngaˬ-ahˇ muiˇ-eu deuˬ-ahˇ nui ma bi mawˇ gaˇ, naw maꞈ ya siˬ ya mawˇ tehꞈ-a.”

Yeˬlaˬmiˇ 17:8

Tsawˇ haˬ kʼoeˇ gʼaˬ yaw dehꞈ dehꞈ-eu jeˬ-aˬ, lawˇ gawˆ dawˬ peh dehꞈ-eu aˇ bawˇ, iˇ cuꞈ-ahˇ duˬ ciˇ toeˬ puꞈ-awˇ, aˇ paꞈ nyoeˇ jawꞈ ni jaˆ luꞈ-eu miˇ neh, jawˇ la yaw lahˇ-ahˇ maˬ guˆ-ehˇ, uˬ yehˇ-ahˇ kʼahˬ maˬ ya lahˇ ni, aˇ siˬ siˬ-eu maˬ tsehˆ leˇ-eu aˇ bawˇ-ahˇ duˇ-eu meh.

Yeˬlaˬmiˇ 31:12

Aˬ yawꞈ maꞈ Ziˇoˬ gawˬ jawˬ-ahˇ laˇ-awˇ, laˬ kʼaˬ cehˇ-eu caˇ dawˬ caˇ laˇ tehꞈ-a. Ngaˬ neh biꞈ-euˬ laꞈ sawˬ pyeuꞈ-eu, dzaˬ la gʼo cehˇ, aˬ gaꞈ dzaˇ uiˇ, saˬ loˬ tsiˇ deuˬ hawˇ-eu, mawˇ nyoˬ jeˬ kaˇ deuˬ-ahˇ aˬ yawꞈ maꞈ nui kʼahˇ shiˇ tehꞈ-a. Iˇ cuꞈ tiˬ loꞈ za-eu yaˇ kmˇ tiˬ kmˇ loꞈ-ehˇ, aˬ yawꞈ maꞈ ehˇ kʼaˇ maˬ za ni dehꞈ dzaˬ tehꞈ-a.

Yeˬsaˬgeˬlaˇ 36:35

Bawˇ tsahˬ bawˇ dahˇ dahˇ-iˇ-euˬ miˇ kʼahˬ heu kʼahˬ, Eˬdeˬ yaˇ kmˇ loꞈ-ehˇ muiˬ laˇ-euˬ gaˇ kawˆ hawˇ-eu, aˬ cawˬ neh pyuˇ shuiˇ myawˬ gahˬ bi yuˇ geuꞈ jiˇ-euˬ uˬ taꞈ, bi deh pyaˆ bi deh shaˆ-awˇ yaw cawˆ-ehˇ byehˇ dzeh yaꞈ-euˬ meuˬ deuˬ, tsawˇ haˬ paˇ jawˇ byah-awˇ laˆ ziꞈ taˬ-euˬ gaˇ kawˆ, tsawˇ haˬ yawˬ gʼaˬ na luꞈ ja tehꞈ-a.

Hawˇseˬ 13:5

Kʼaˇ shuiꞈ deh-ahˇ gui dui dui gaˇ, naw maꞈ-ahˇ ngaˇ bo saˆ-euˬ ma.

Yoˇhaˬ 16:13

Ehˇ kʼawꞈ, Miˬyehˇ gaˇ kawˆ yaw tsaˬ yaw dawˇ jeˬ pah mehˬ le-eu gʼaˬ pyeuꞈ-eu Yaw sahˇ Miˬyehˇ oe ngeh, yaw tsaˬ yaw dawˇ dawˬ tawˆ luꞈ-ahˇ naw maꞈ siˬ nya laˇ ni aˬ yawꞈ sheuˬ mehˬ laꞈ tehꞈ-a. Aˬ jeˬ miˇ neh ehˇ aˇ, aˬ yawꞈ-euˬ nui noeˬ nui loˆ maˬ ngehˬ maˬ tmˇ-ehˇ, Aˬda neh kʼaˇ ehˇ nehˬ-euˬ jeˬ naw maꞈ-ahˇ dzawˇ nehˬ-awˇ, mehˬ hu paw pyeuꞈ laˇ-eu lehˇ gʼeh-eu gaˇ kawˆ deuˬ ehˇ mehˬ laꞈ tehꞈ-a.

Yoˇhaˬ 4:14

Ehˇ kʼawꞈ, ngaˬ neh biꞈ-euˬ iˇ cuꞈ dawˇ-eu tsawˇ haˬ-aˬ, iˇ cuꞈ mehꞈ laˇ-eu maˬ paˇ baw-aˇ. Ngaˬ neh bi dawˇ-euˬ iˇ cuꞈ kʼoeˇ-aˬ, aˬ yawꞈ laꞈ kʼoeˇ dehꞈ-eu saꞈ laˇ biꞈ-eu iˇ cuꞈ yoeˇ doˆ-eu iˇ cuꞈ iˇ byoe pyeuꞈ-iˇ-awˇ, mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ-ahˇ biꞈ tehꞈ-a.”

Yoˇhaˬ 7:38

Jaˇliꞈ laꞈ kʼoeˇ ehˇ taˬ-euˬ loꞈ-ehˇ, ‘Ngaˬ-ahˇ kʼaˇ jah-eu tsawˇ haˬ-euˬ nui ma laꞈ kʼoeˇ dehꞈ-eu saꞈ laˇ biꞈ-eu iˇ cuꞈ lawˇ gawˆ yoeˇ doˆ le tehꞈ-a.”’

Dawˬmehˬ 15:4

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ laꞈ kʼoeˇ, aˬ yawꞈ naw maꞈ-ahˇ guiˬ lahˬ biꞈ nehˬ laꞈ tehꞈ-a. Iˬ nah ngaˇ naw maꞈ-ahˇ dawˬ kʼaˇ biꞈ nehˬ-euˬ yawˬ jeˬ na luꞈ-ahˇ yaw muiˬ paˬ-ehˇ caw teh -awˇ, aˬ yawꞈ-euˬ ehˇ dawˬ naˇ haˬ geuꞈ naˇ, naw maꞈ tsawˇ haˬ tiˬ gʼaˬ-iˬ maˬ shaˬ ni ya dehꞈ dzaˬ tehꞈ-a.

1 Teˇsaˬloˇni 3:11

Naw maꞈ jawˇ gaˇ nga maꞈ laˇ nya ni, aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ gaˇ ma laˆ dahˇ nehˬ laꞈ luꞈ-uˇ.