Iˇsaˬyaˇ 57:6 - Akha

⁶ Kʼoeˇ gaˇ jaˆ-eu kʼaˬ lo lo juˇ naw maꞈ gʼoˆ-awˇ, miˬ yehˇ bi geuꞈ-awˇ uˬ duˬ tahˬ-euˬ meh. Aˬ gaꞈ dzaˇ uiˇ hawˇ-eu dzaˬ la gʼo cehˇ lawˇ nehˬ-eu jeˬ, kʼaˬ lo kʼoeˇ deuˬ-ahˇ naw maꞈ lawˇ nehˬ-euˬ maˬ ngeuˇ te loˇ. Naw maꞈ kʼoeˇ loꞈ-ehˇ mˇ luꞈ shaˇ luꞈ gaˇ, ngaˇ nui kʼahˇ shiˇ tehꞈ-a lehˇ noeˬ te loˇ.

Iˇsaˬyaˇ 57:6 ပူးပေါင်းရင်းမြစ်များ

Iˇsaˬyaˇ 65:11

“Ehˇ kʼawꞈ, ngaˬ-euˬ muiˬ-eu shawˇ-eu Ziˇoˬ gawˬ duˇ-ahˇ ngehˇ byoˆ-awˇ, ngaˬ-ahˇ byehˇ dzeh yaꞈ-eu laꞈ kʼoeˇ, lahˬ hawˇ-eu dawˇ-euˬ dah zaˇ dah-eu Gaˆ miˬ yehˇ hawˇ-eu Meˬniˇ miˬ yehˇ-ahˇ gʼoe-eu naw maꞈ deuˬ gʼaˇ duˬ, yawˬ jeˬ yawˬ lehˬ hmˬ taˬ-euˬ ma.

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Yeˬlaˬmiˇ 19:13

Yeˬluˇsaˬlehˬ meuˬ-ahˇ jaˆ-eu nymˇ deuˬ maˬ ehˇ, Yuˇdaˆ sahˬ paˬ deuˬ-euˬ nymˇ deuˬ maˬ ehˇ, nymˇ mˬ kʼoeˇ taˆ aˬ guiˇ deuˬ-ahˇ tsiˇ yaw saw jeˬ doꞈ damˬ-awˇ, miˬ yehˇ nui deuˬ-ahˇ aˬ gaꞈ dzaˇ uiˇ kʼaˇ-awˇ lawˇ nehˬ-euˬ nymˇ yawˬ nymˇ na luꞈ, Tawˇpehˆ lehˇ kuˇ-eu jawˇ duˬ loꞈ-ehˇ, maˬ muiˬ maˬ shawˇ-eu jeˬ pyeuꞈ-iˇ tehꞈ-a.”

Yeˬlaˬmiˇ 3:9

Aˬ yawꞈ shaꞈ dawˇ-eu nui ma tiˬ pawꞈ-iˬ maˬ ahˇ ni, kʼaˬ lo hawˇ-eu daˇ kawˬ-ahˇ uˬ duˬ tahˬ-eu laꞈ kʼoeˇ, aˬ cawˬ nehˬ-ehˇ dehꞈ bahˬ-euˬ meh.

Yeˬlaˬmiˇ 32:29

Baˬbuˇloˬ tsawˇ haˬ kʼoeˇ deuˬ meuˬ laꞈ kʼoeˇ uˇ laˇ-awˇ, nymˇ mˬ kʼoeˇ taˆ Baˬlaˇ miˬ yehˇ-ahˇ yaw saw jeˬ doꞈ damˬ-awˇ, miˬ yehˇ nui deuˬ-ahˇ aˬ gaꞈ dzaˇ uiˇ lawˇ nehˬ-eu laꞈ kʼoeˇ, ngaˇ nui ma pehˇ ni mˇ-euˬ nymˇ kʼoeˇ deuˬ nehˬ-ehˇ tiˬ kawˆ loꞈ-ehˇ, meuˬ kʼoeˇ meuˬ-ahˇ aˬ yawꞈ maꞈ miˬ dzaˬ dzah puiˆ dzeh tehꞈ-a.

Yeˬlaˬmiˇ 5:29

Ehˇ kʼawꞈ Sahˬpaˬ Miˬyehˇ pyeuꞈ-eu ngaˇ-aˬ, gaˇ kawˆ kʼoeˇ deuˬ baˬ da neh aˬ yawꞈ maꞈ-ahˇ kʼehˬ-awˇ, tsawˇ jeuˬ heu jeuˬ-ahˇ laꞈ poˆ poˆ nehˬ ma.

Yeˬlaˬmiˇ 5:9

Kʼoeˇ baˬ da neh aˬ yawꞈ maꞈ-ahˇ, ngaˇ maˬ kʼehˬ ni oˇ coeˇ nmˇ loˇ. Kʼoeˇ loꞈ-ehˇ gʼeh-eu tsawˇ jeuˬ-ahˇ, ngaˇ laꞈ poˆ maˬ poˆ ni jawˇ coeˇ nmˇ loˇ.

Yeˬlaˬmiˇ 7:18

Mˬ taˆ-euˬ sahˬ ma lehˇ aˬ yawꞈ maꞈ kuˇ-eu miˬ yehˇ ma kʼoeˇ gʼaˬ-ahˇ lawˇ nehˬ-eu kaˬ muˇ jahˇ-eu gʼaˇ duˬ, zaˬ deuˬ miˬ dzaˬ gʼoˆ uiˬ-awˇ, tsawˇ kʼaˆ aˬ da deuˬ miˬ dzaˬ baw doꞈ nehˬ-awˇ, tsawˇ kʼaˆ aˬ ma deuˬ cehˇ meu nyehꞈ keuˬ-eu meh. Ngaˬ-ahˇ bi coeˬ laˇ-eu gʼaˇ duˬ, miˬ yehˇ nui deuˬ-ahˇ kʼawꞈ, aˬ yawꞈ maꞈ aˬ gaꞈ dzaˇ uiˇ shehˆ-awˇ lawˇ nehˬ-euˬ meh.

Yeˬlaˬmiˇ 9:9

Aˬ yawꞈ maꞈ kʼoeˇ loꞈ-ehˇ dehꞈ doeˇ-eu baˬ da neh, ngaˇ maˬ kʼehˬ ni jawˇ coeˇ nmˇ loˇ. Kʼoeˇ naˆ ni doeˇ-eu tsawˇ jeuˬ-ahˇ, ngaˇ laꞈ poˆ maˬ poˆ ni dzahˬ tehˬ coeˇ nmˇ loˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 20:39

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu “Iˇsaˬleˬlaˆ tsawˇ haˬ deuˬ-oˇ, nymˬ-mˇ naw maꞈ-euˬ nui kʼahˇ mˇ-awˬ. Tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ tahˬ-ehˇ jawˇ tawˬ-awˬ. Tahˬ pahˬ aˬ ma mawˇ kawˇ deuˬ-ahˇ damˬ nehˬ-eu laꞈ kʼoeˇ ngaˬ-euˬ muiˬ-eu shawˇ-eu tsawˇ myahˇ-ahˇ yehˬ bawˬ-ehˇ maˬ gʼeh nya-eu aˇ yamˬ keuˆ le tehꞈ-a lehˇ, naw maꞈ-ahˇ ngaˇ yaw kʼaˆ kʼaˆ-ehˇ ehˇ-eu ma.

Haˬbaˬkuˆ 2:19

Daˇ kawˬ mawˇ kawˇ noeˬ laˇ-awˬ lehˇ, kʼaˬ lo mawˇ kawˇ tuˇ laˇ-awˬ lehˇ, ehˇ-eu gʼaˬ ya noeˬ shaˬ tehꞈ-a. Tahˬ pahˬ aˬ ma mawˇ kawˇ kʼoeˇ deuˬ, nawˬ-ahˇ aˬ jeˬ ehˇ nehˬ nya ta. Pyuˇ hawˇ-eu shuiˇ yaw taˬ-euˬ kʼawꞈ, saꞈ gʼawˇ nya-eu jeˬ maˬ ngeuˇ-a.