Iˇsaˬyaˇ 57:4 - Akha

⁴ Aˬ suˇ gʼaˬ-ahˇ naw maꞈ cehꞈ lehꞈ ka te. Aˬ geu gʼaˬ-ahˇ naw maꞈ mehˬ laˇ cawˬ doˆ nehˬ-awˇ, aˬ jaꞈ jaꞈ niˇ gʼaˬ te. Naw maꞈ smˇ kʼoeˬ tahˇ joe-euˬ zaˬ maˬ ngeuˇ te loˇ.

Iˇsaˬyaˇ 57:4 ပူးပေါင်းရင်းမြစ်များ

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

Jaceuq 22:13

Shaˬjiˇmehꞈlaˇ-awˇjoeˬluꞈ-eu, haiˬ-eu aˇlaˬjaˬshiˇ loꞈ-ehˇ, kʼaˬmeh mˇnga-awˇloꞈ-eu meh.

Jaceuq 22:17

Ngaˬ-euˬshaˬyoeˬ gui jiˇnya-awˇ, muiˇ-eu deuˬ-ahˇ tmˬleˇ-euˬmeh.

Jaceuq 22:7

Kʼaˇmawˇle-eu deuˬnaˬgʼa-awˇ, mehˬlaˇcawˬdoˆmehˬnehˬlaꞈ-awˇ, uˬduˬjuiꞈmehˬnehˬlaꞈ-eu meh.

Jaceuq 35:21

Aˬyawꞈmaꞈkʼaˬmeh gʼawˇpaˆ-awˇ, “Nawˇmˇ-eu jeˬ mawˇjiˇmaˬ” lehˇ, ngaˬ-ahˇyaw lehˬpoˆlaˇ-eu meh.

Jaceuq 69:12

Aˬ yawꞈ maꞈ meuˬ doe ni ngaˬ-eu gaˇ kawˆ ja bu-awˇ, jiˇ baˬ yehꞈ-eu deuˬ ngaˬ-ahˇ caˇ niˇ gʼa-eu meh.

Doˆ-iˇ 9:17

Ehˇ kʼawꞈ, iˬ nah keuˆ ni nawˇ nui ma huiˬ-awˇ, ngaˬ-euˬ tsawˇ haˬ-ahˇ maˬ pyehˬ nehˬ ni jawˇ luꞈ-eu meh.

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

Iˇsaˬyaˇ 10:15

Sahˬpaˬ Miˬyehˇ ehˇ-eu, “Daˇ kawˬ deuˆ-eu deuˆ haˬ tiˬ kahˇ, deuˆ sahˇ taꞈ-ehˇ huiˬ dzehˬ ta loˇ. Teˇ byaꞈ yehˬ-eu yehˬ ma tiˬ kahˇ, yehˬ sahˇ taꞈ-ehˇ huiˬ dzehˬ ta loˇ. Daˇ cuiˇ-ahˇ tsawˇ haˬ sheu diˇ-eu maˬ ngeuˇ naˇ, tsawˇ haˬ-ahˇ daˇ cuiˇ maˬ sheu diˇ nya-a.”

Iˇsaˬyaˇ 30:1

Sahˬpaˬ Miˬyehˇ heu loꞈ-ahˇ ehˇ-eu meh. “Yuˇdaˆ miˇ kʼahˬ-ahˇ uˆ lahˇ-eu tsawˇ haˬ deuˬ, ngaˬ-ahˇ puiˬ-eu miˇ neh, ya noeˬ shaˬ dui dui tehꞈ-a. Ngaˇ maˬ bi mˇ mawꞈ-eu jeˬ aˬ yawꞈ maꞈ mˇ-awˇ, ngaˇ nui ma maˬ tsaˬ-eu deuˬ-ahˇ mehˬ bawˬ gm-eu laꞈ kʼoeˇ, iˬ baˇ duˬ gahˬ gahˬ luꞈ-eu meh.

Iˇsaˬyaˇ 30:9

Aˬ yawꞈ maꞈ Miˬyehˇ-ahˇ maˬ tsehˆ leˇ ni puiˬ-awˇ, jaˬ myawꞈ mehˇ shuiˇ myaˬ-eu laꞈ kʼoeˇ, Sahˬpaˬ Miˬyehˇ mehˬ gaˇ maˬ naˇ haˬ-a.

Iˇsaˬyaˇ 37:23

Aˬ suˇ gʼaˬ-ahˇ nawˇ yehˬ bawˬ sehˇ lu-ehˇ ehˇ-awˇ yaˬ kʼehˇ yaˬ luꞈ te lehˇ noeˬ-eu nya. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, nawˇ yaw zeu maˬ baw te loˇ.

Iˇsaˬyaˇ 37:29

Nawˇ ngaˬ-ahˇ guiˇ deuˆ le-euˬ gaˇ kawˆ hawˇ-eu, nawˇ nui ma huiˬ luꞈ mahˇ luꞈ-eu gaˇ kawˆ deuˬ ngaˇ ya gaˬ gʼaˬ jiˇ-euˬ ma. Nawˬ-euˬ naˇ mehˇ-ahˇ ngaˇ shmˇ kuˆ seuˬ diˬ ceuˬ-awˇ, nawˬ-euˬ kʼaˬ meh-ahˇ shmˇ daˇ ceh taꞈ tsoˆ-awˇ, nawˬ neh oe-euˬ gaˇ ma kahˇ li nawˬ-ahˇ ngaˇ tsahˇ kʼoꞈ gʼeh ma.”

Iˇsaˬyaˇ 48:8

Nawˬ-ahˇ maˬ jah coeˇ-eu ngaˇ siˬ nya ma. Dehꞈ le ngeh neh ngaˬ-ahˇ puiˬ-eu tsawˇ haˬ lehˇ bi kuˇ-euˬ meh. Kʼoeˇ miˇ neh gaˇ kawˆ heu nawˇ tiˬ jawˇ-iˬ maˬ ya gaˬ haw-ehˇ, nawˬ-euˬ naˬ bawˇ-ahˇ dawˬ tiˬ dawˬ-iˬ maˬ ahˇ leˇ haw-aˬ.

Iˇsaˬyaˇ 57:5

Miˇ muiˬ bi muiˬ laˇ-eu miˬ yehˇ ma-ahˇ uˬ duˬ tahˬ-awˇ, muiˬ-eu shawˇ-eu aˇ bawˇ uˬ moˆ kʼaˬ miˬ sheu luꞈ-eu meh. Lawˇ baˬ dawˬ peh jaˆ-eu lo kʼahˬ laꞈ kʼoeˇ, naw maꞈ-euˬ zaˬ sehꞈ-awˇ lawˇ nehˬ shehˇ nehˬ-euˬ meh.

Yeˬlaˬmiˇ 20:8

Ngaˇ dawˬ kʼaˇ ngehˬ ngeh ngoeˇ-eu jeˬ oꞈ-awˇ, “Yaw haiˬ hawˇ-eu yaw cawˆ jeˬ tehꞈ nga” lehˇ ya guˇ-eu meh. Sahˬpaˬ Miˬyehˇ nawˬ-euˬ dawˬ ngaˇ ya dzawˇ gaˬ-eu miˇ neh, dawˬ doeˇ daˬ-eu maˬ tsehˆ leˇ nya.

Yeˬsaˬgeˬlaˇ 2:4

Aˬ yawꞈ maꞈ nui ma gʼahˇ-awˇ, ngaˬ-ahˇ yaw zeu maˬ baw-a. Kʼoeˇ miˇ neh, dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, nawˬ-ahˇ aˬ yawꞈ maꞈ jawˇ gaˇ pyehˬ gʼeh-awˇ, ngaˬ-euˬ dawˬ bi ehˇ gaˬ-iˇ-eu lehˇ gʼeh-eu ma.

Hawˇseˬ 10:9

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ deuˬ-aˬ, Giˇbyaˬ meuˬ-ahˇ aˇ dahˬ beh-euˬ, iˬ baˇ mˇ-eu maˬ naˬ-aˬ siˬ. Kʼoeˇ baˬ da neh Giˇbyaˬ meuˬ-ahˇ, guiˇ deuˆ-eu jeˬ keuˆ le tehꞈ-a.

Bawˇtsahˬ 16:11

Naw maꞈ Aˬloˬ-ahˇ iˬ baˇ taˬ-eu dawˬ ngehˬ-eu heu-aˬ, aˬ diˇ aˬ maˇ nawˇ hawˇ-eu nawˬ-euˬ mehˬ nah caw teh-eu tsawˇ haˬ deuˬ Sahˬpaˬ Miˬyehˇ-ahˇ puiˬ-eu jeˬ pyeuꞈ-eu meh.”

Maꞈtehˬ 13:38

Deh yaˇ lehˇ ehˇ-eu-aˬ, miˇ tsaˬ heu-ahˇ ehˇ-eu meh. Siˬ yoeˬ yaw muiˬ lehˇ ehˇ-eu-aˬ, Miˬyehˇ Miˇkʼahˬ-ahˇ taꞈ-eu tsawˇ haˬ deuˬ-ahˇ ehˇ-eu meh.

Maꞈtehˬ 27:29

Aˬ yawꞈ maꞈ aˬ gah ciˇ ni neh sahˬ paˬ kʼoˆ-eu shuiˇ uˬ kʼoˆ loꞈ-ehˇ jahˇ-awˇ, Yeˬsuˇ-ahˇ bi kʼoˆ-euˬ meh. Aˬ yawꞈ-euˬ aˇ maˇ laꞈ-ahˇ aˇ toꞈ tiˬ kahˬ bi yuˇ-euˬ meh. Kʼoeˇ naˇ, aˬ yawꞈ-euˬ mehˬ shi pawˬ tsuiꞈ pawˬ dmˬ dmˬ-awˇ, “Yuˇdaˆ sahˬ paˬ ziˇ baw ziˇ za luꞈ-uˇ” lehˇ naˬ gʼa-eu meh.

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Gʼaˬkʼehˇ 9:4

Aˬ yawꞈ miˇ tsa coˬ dzeh-awˇ, heu loꞈ-ehˇ ehˇ-eu teˇ saˇ-ahˇ ya gaˬ-euˬ meh. “Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te.”

Eˇpeˇsu 5:6

Gaˇ dahˇ maˬ tsoeˬ-eu dawˬ neh tsawˇ haˬ tiˬ gʼaˬ-iˬ naw maꞈ-ahˇ mehˇ shuiˇ taˬ bi shuiˇ tawˆ. Aˬ jeˬ miˇ neh ehˇ naˇ, kʼoeˇ loꞈ-ehˇ gʼeh-eu jeˬ baˬ da neh Miˬyehˇ ehˇ dawˬ maˬ naˇ haˬ-eu deuˬ kʼoeˇtaˆ Miˬyehˇ nui ma pehˇ-eu jeˬ keuˆ le tehꞈ-a.

Gawˇlawˇsehˇ 3:6

Kʼoeˇ loꞈ-ehˇ mˇ-awˇ Miˬyehˇ ehˇ dawˬ maˬ naˇ haˬ-eu deuˬ kʼoeˇ taˆ Miˬyehˇ nui ma pehˇ-eu jeˬ keuˆ le tehꞈ-a.

Yawˇshuˆ 10:21

Yawˇshuˆ-euˬ tsawˇ haˬ dawˬ tawˆ luꞈ tiˬ gʼaˬ-iˬ maˬ bi laˆ tahˬ laˆ naˇ ni, Maˬgeˬdaˬ taˆ-ahˇ aˬ yawꞈ jawˇ gaˇ gʼoꞈ keuˆ le-euˬ meh. Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ tiˬ gʼaˬ-iˬ Iˇsaˬleˬlaˆ tsawˇ haˬ deuˬ-ahˇ bahˬ leˇ-eu dawˬ tehꞈ-ehˇ kʼawꞈ maˬ ngehˬ peuˬ-a.

2 Beˬtuˆluˆ 2:13

Aˬ yawꞈ maꞈ neh aˬ cawˬ-ahˇ yaw doeˇ jahˇ-awˇ kʼaˇ bi daˬ-euˬ loꞈ-ehˇ, aˬ yawꞈ maꞈ ya daˬ poˆ tehꞈ-a. Nah gʼahˇ nah gaˆ-ehˇ yawˬ ha-euˬ shiˬ shaˬ jiˇ nui kʼahˇ ya mˇ byah-eu jeˬ-ahˇ laˬ kʼaˬ cehˇ-eu jeˬ lehˇ aˬ yawꞈ maꞈ sawˇ-eu meh. Aˬ yawꞈ maꞈ-aˬ, naw maꞈ nehˬ-ehˇ dzaˬ taꞈ dawˇ taꞈ ngeh daˬ ga-awˇ shaꞈ dawˇ dui dui paˬ-ehˇ gʼeh-eu, aˬ myah luꞈ jaˬ myawꞈ mehˇ shuiˇ-ahˇ laˬ kʼaˬ cehˇ-eu tsawˇ haˬ deuˬ meh.