Iˇsaˬyaˇ 57:15 - Akha

¹⁵ “Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Iˇsaˬyaˇ 57:15 ပူးပေါင်းရင်းမြစ်များ

Aˇ dahˬ 21:33

Kʼoeˇ naˇ, Beˬlaˇsheˬba lehˇ kuˇ-eu jawˇ duˬ kʼoeˇ tsahˇ-ahˇ, Aˬbyaˬhaˬ ciˬ caˬ aˇ behˆ aˇ bawˇ tiˬ bawˇ ka-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-euˬ meh.

1 Sahˬpaˬ 8:27

“Ehˇ kʼawꞈ, Miˬyehˇ-oˇ, miˇ tsaˬ kʼoeˇ taˆ nawˇ aˬ diˇ jawˇ nya ma loˇ. Mˬ siˬ lah-ehˇ nawˇ jawˇ kʼaˇ maˬ deˇ-eu-aˬ, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ laꞈ kʼoeˇ aˬ joˆ-ehˇ jawˇ kʼaˇ deˇ nmˇ.

2 Laˬsaˬbaˬ 34:27

Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ ma lehˇ ehˇ taˬ-euˬ gaˇ nawˇ ya gaˬ ngeh, nawˬ-euˬ nui ma noeˬ paˇ-awˇ, mehˬ tsoeˬ cehˬ pyaˬ-awˇ ngoeˇ-eu laꞈ kʼoeˇ, ngaˬ-euˬ mehˬ shi nawˇ nui ma nahˬ yu ni taˬ-euˬ meh. Nawˬ-euˬ shaˇ dawˬ-ahˇ ngaˇ ya gaˬ gʼaˬ-euˬ ma.

Yawˇbaˆ 22:29

Nui ma huiˬ-eu mahˇ-eu tsawˇ haˬ-ahˇ Miˬyehˇ dehˬ awˆ-awˇ, nui ma nahˬ yu ni gʼeh-eu tsawˇ haˬ-ahˇ aˬ yawꞈ ka kʼoꞈ tehꞈ-a.

Yawˇbaˆ 6:10

Aˬ yawꞈ ngaˬ-ahˇ sehꞈ tehꞈ-a lehˇ ngaˇ ya siˬ duˬ law nmˇ-aˬ, aˇ naˆ ni ya naˇ ya gawˇ kʼawꞈ ehˬ-ehˇ ngeuˇ-iˬ. Ngaˇ laˬ kʼaˬ cehˇ cehˇ-ehˇ tsawˬ ma. Miˬyehˇ-aˬ, muiˬ meh shawˇ meh lehˇ ngaˇ siˬ nya ma. Aˬ yawꞈ-euˬ dawˬ-ahˇ ngaˇ tiˬ jawˇ-iˬ maˬ leuˇ haw-aˬ.

Jaceuq 111:9

Aˬ yawꞈ-eu tsawˇ haˬ deuˬ-ahˇ aˬ yawꞈ bi buˬ-iˇ-awˇ, mˬ maˬ maˬ byaˆ zaˇ ziˇ ziꞈ-eu saˇ jaˇ dzaˬ taꞈ-euˬ meh. Aˬ yawꞈ-aˬ, muiˬ-eu shawˇ-eu gʼaˬ hawˇ-eu baoˬ huiˬ-eu gʼaˬ meh.

Jaceuq 115:3

Nga maꞈ-euˬ Miˬyehˇ mˬ kʼoeˇ taˆ jawˇ-awˇ, aˬ yawꞈ kʼaˇ mˇ mawꞈ-euˬ jeˬ mˇ-eu meh.

Jaceuq 123:1

Sahˬpaˬ Miˬyehˇ-oˇ, nawˬ-ahˇ ngaˇ gʼawˇ leuˇ haw-eu ma. Nawˇ uˆ lahˇ luꞈ-eu mˬ kʼoeˇ taˆ ngaˇ gʼawˇ leuˇ haw-eu ma.

Jaceuq 138:6

Goˇ dui dui gaˇ nawˇ jawˇ luꞈ kʼawꞈ, yaw awˆ-ahˇ jawˇ-eu deuˬ-ahˇ nawˇ ngehˬ gʼeh-awˇ, nui ma huiˬ-eu mahˇ-eu deuˬ nawˬ-euˬ mehˬ shi cehˆ zaꞈ kʼaˇ maˬ za-a.

Jaceuq 138:7

Shaˬ-eu zahˬ-eu jeˬ ngaˬ-euˬ tiˬ jawˬ keuˆ le ngeh, nawˇ ngaˬ-ahˇ dah teˬ-euˬ meh. Ngaˬ-ahˇ nui ma pehˇ-eu muiˇ-eu deuˬ-euˬ mehˬ shi nawˇ aˬ laꞈ cawˬ doˆ-awˇ, nawˬ-euˬ baoˬ neh ngaˬ-ahˇ ka kʼoꞈ-euˬ meh.

Jaceuq 147:3

Nui ma tsawˬ paˆ-iˇ-euˬ deuˬ-ahˇ aˬ yawꞈ laˆ taˬ nehˬ-awˇ, maˇ kʼehˬ-ahˇ lahˇ cuꞈ nehˬ-eu meh.

Jaceuq 34:18

Nui ma tsawˬpaˆ-euˬdeuˬdawˬpeh, SahˬpaˬMiˬyehˇjawˇluꞈ-eu meh. Nui ma cawˆ-eu tsawˇhaˬdeuˬ-ahˇ, aˬyawꞈka kʼoꞈdoˆnehˬ-eu meh.

Jaceuq 34:19

Tsawˇmuiˬshaˬzahˬaˇmyaˆmyaˬkʼawꞈ, shaˬzahˬdawˬtawˆluꞈ-ahˇdzeuˇni, SahˬpaˬMiˬyehˇka kʼoꞈ-eu meh.

Jaceuq 51:17

Miˬyehˇ-oˇ, ngaˇ nawˬ-ahˇ nui nahˬ nui yu lawˇ nehˬ ma. Nahˬ yu ni gʼeh-eu iˬ baˇ noeˬ poˆ-euˬ nui ma-ahˇ nawˇ maˬ byehˇ dzeh nehˬ laꞈ-a.

Jaceuq 51:19

Kʼoeˇ naˇ, nawˇ nui kʼahˇ shiˇ-eu tsaˬ-eu dawˇ-eu lawˇ-eu jeˬ pyeuꞈ-eu, miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, mawˇ neˇ mawˇ gaw deuˬ-ahˇ nawˬ-euˬ lawˇ duˬ kʼoeˇ taˆ ya lawˇ tehꞈ-a.

Jaceuq 83:18

Nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu uˆ lahˇ-eu gʼaˬ pyeuꞈ-eu gaˇ kawˆ, aˬ yawꞈ maꞈ siˬ nya leˇ luꞈ-uˇ.

Jaceuq 90:2

Gawˬ jawˬ gawˬ duˇ deuˬ-ahˇ nawˇ maˬ beh mi naˆ-ehˇ, miˇ tsaˬ tahˬ kʼawˇ-ahˇ nawˇ maˬ beh mi naˆ-ehˇ, nawˇ Miˬyehˇ pyeuꞈ luꞈ-awˇ, mˬ maˬ maˬ byaˆ zaˇ ziˇ Miˬyehˇ pyeuꞈ tehꞈ-a.

Jaceuq 93:2

Sahˬpaˬ Miˬyehˇ-oˇ, nawˬ-euˬ nuiˇ mahˬ-aˬ, miˇ tsaˬ tahˬ kʼawˇ maˬ beh mi naˆ ehˇ ziꞈ dah ni jaˆ-awˇ, aˇ yamˬ aˇ law maˬ baw laˇ mi naˆ ehˇ nawˇ dehꞈ luꞈ-eu meh.

Jaceuq 97:9

Baoˬ huiˬ-eu Sahˬpaˬ Miˬyehˇ-oˇ, nawˇ-aˬ, miˇ tsaˬ dawˬ tawˆ luꞈ kʼoeˇ taˆ uˆ lahˇ-eu gʼaˬ meh. Miˬyehˇ dawˬ tawˆ luꞈ naˆ maˬ tseˇ, nawˇ huiˬ dui mahˇ dui dui-eu meh.

Jaceuq 99:3

Baoˬ yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, yawˬ gʼaˬ na luꞈ ja ceuˬ tehꞈ-a. Aˬ yawꞈ-aˬ, Muiˬ-eu shawˇ-eu gʼaˬ meh.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Doˆ-iˇ 15:13

Nawˬ-euˬ saˇ jaˇ nawˇ ziꞈ-awˇ, nawˬ neh ka kʼoꞈ-euˬ tsawˇ haˬ-ahˇ nawˇ sheuˬ gʼeh-euˬ meh. Nawˬ-euˬ baoˬ-ahˇ gʼoe-awˇ, muiˬ-eu shawˇ-eu nawˬ-euˬ miˇ kʼahˬ-ahˇ, aˬ yawꞈ maꞈ-ahˇ nawˇ sheuˬ gʼeh-euˬ meh.

Doˆ-iˇ 15:18

Sahˬpaˬ Miˬyehˇ-oˇ, mˬ maˬ maˬ byaˆ zaˇ ziˇ nawˇ sahˬ paˬ pyeuꞈ tehꞈ-a.”

Doˆ-iˇ 40:34

Kʼoeˇ naˇ, Sehˬ gʼawˆ-ahˇ mˬ dmˇ dehˬ kaˬ le-awˇ, Sahˬpaˬ Miˬyehˇ zaꞈ uˇ le-euˬ miˇ neh, aˬ yawꞈ-euˬ yaw shehꞈ kʼahˬ sehˇ Sehˬ gʼawˆ tiˬ byah ni jaˆ luꞈ-eu meh.

Doˆ-iˇ 40:35

Kʼoeˇ miˇ neh, Sehˬ gʼawˆ laꞈ kʼoeˇ Moˇseˬ maˬ uˇ leˇ nya-a.

Dawqdaq 16:19

Yaw haiˬ deuˬ nehˬ-ehˇ kʼaˆ dzaˇ biˇ dzaˬ-eu naˆ maˬ tseˇ, tsawˇ shaˬ deuˬ nehˬ-ehˇ nahˬ yu ni dehꞈ-eu muiˬ dzehˬ meh.

Dawqdaq 8:23

Boeˬ boeˬ luˆ luˆ maˬ beh mi naˆ-ehˇ, mˬ hawˇ-eu miˇ maˬ beh mi naˆ-ehˇ, ngaˬ-ahˇ jeˬ huˬ beh-euˬ meh.

Iˇsaˬyaˇ 18:4

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Nahˇ ma yaw shehꞈ laꞈ kʼoeˇ ahˇ-eu nahˇ tsaˇ hawˇ-eu, nahˇ tsaˇ tsoꞈ gaˇ cehˇ diˬ luꞈ ngeh jaˆ-eu ceuˬ ahˇ-eu mˬ dmˇ loꞈ-ehˇ, mˬ taˆ ngaˬ-euˬ jawˇ duˬ-ahˇ ngaˇ jawˇ-awˇ, ciˬ cuˇ ni haw luꞈ ma.

Iˇsaˬyaˇ 33:5

Yaw goˇ-ahˇ jawˇ-eu Sahˬpaˬ Miˬyehˇ-ahˇ, ciˬ huiˬ ciˬ mahˇ tehꞈ-a. Yeˬluˇsaˬlehˬ meuˬ laꞈ kʼoeˇ yaw tsaˬ yaw dawˇ jeˬ, aˬ yawꞈ bi byah laˇ tehꞈ-a.

Iˇsaˬyaˇ 40:28

Nawˇ maˬ siˬ nya te loˇ. Nawˇ maˬ ya gaˬ-aˬ loˇ. Sahˬpaˬ Miˬyehˇ mˬ maˬ maˬ byaˆ zaˇ ziˇ Miˬyehˇ pyeuꞈ-awˇ, miˇ dawˬ tawˆ luꞈ-ahˇ beh-euˬ meh. Aˬ yawꞈ gʼaˬ doeˇ doeˇ-awˇ gʼaˬ baˬ-eu maˬ baw-ehˇ, aˬ yawꞈ nui noeˬ tiˬ gʼaˬ-iˬ maˬ siˬ duˬ nya-a.

Iˇsaˬyaˇ 52:13

Sahˬpaˬ Miˬyehˇ ehˇ-eu, “Ngaˬ-euˬ zaˬ kʼaˆ aˬ yawꞈ-ahˇ doˇ-eu gaˇ mˇ jiˇ tehꞈ-a. Ciˬ huiˬ ciˬ mahˇ nehˬ-eu guiˬ lahˬ-ahˇ aˬ yawꞈ za tehꞈ-a.

Iˇsaˬyaˇ 6:1

Sahˬ paˬ Awˇziˇ shiˇ ngeh kʼoꞈ, Sahˬpaˬ Miˬyehˇ-ahˇ ngaˇ mawˇ-euˬ ma. Aˬ yawꞈ-euˬ nuiˇ mahˬ-ahˇ nuiˇ-awˇ, aˬ yawꞈ-ahˇ ciˬ huiˬ ciˬ mahˇ nehˬ-euˬ meh. Aˬ yawꞈ-euˬ pehˇ kʼahˬ pehˇ mahˇ Uˬ duˬ tahˬ nymˇ nymˇ ma ma lah-ehˇ byah-eu meh.

Iˇsaˬyaˇ 6:3

Aˬ yawꞈ maꞈ tiˬ gʼaˬ tiˇ gʼaˬ heu loꞈ-ehˇ guˇ cawˬ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ meh.”

Iˇsaˬyaˇ 63:15

Mˬ taˆ jaˆ-awˇ yaw shehꞈ kʼahˬ sehˇ huiˬ-eu, muiˬ-eu shawˇ-eu nawˬ-euˬ nuiˇ duˬ kʼoeˇ taˆ nuiˇ-awˇ, nga maꞈ kʼoeˇ taˆ haw ka leꞈ-awˬ. Nawˇ nga maꞈ-ahˇ gʼawˬ shaˬ gaˬ-eu aˬ gaˇ jaˆ te. Nawˬ-euˬ baoˬ aˬ geu gaˇ jaˆ te. Nawˬ-eu gʼoeˇ-eu gaˬ-eu jeˬ aˬ geu tsahˇ jaˆ te. Nga maꞈ-ahˇ taˬ byehˇ dzeh nehˬ laꞈ.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Ngoeˇ dawˬ 3:41

Mˬ taˆ yaw goˇ-euˬ Miˬyehˇ-ahˇ, aˬ dui nui ma pah mehˬ nehˬ-awˇ, heu loꞈ-ehˇ guiˬ lahˬ shaˇ kaˇ-euˇ.

Yeˬsaˬgeˬlaˇ 16:63

Nawˬ neh kʼaˇ mˇ kʼaˇ shaˇ lehˬ-euˬ jeˬ-ahˇ ngaˇ iˬ baˇ pyehˬ nehˬ ma. Ehˇ kʼawꞈ nawˬ-euˬ yaw lehˬ-ahˇ nawˇ noeˬ mawˇ-awˇ, kʼaˬ meh maˬ mˇ nga peuˬ ni shaꞈ dawˇ dui dui tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 9:4

“Yeˬluˇsaˬlehˬ meuˬ uˇ doe-awˇ, meuˬ laꞈ kʼoeˇ jawꞈ dui dui-eu jeˬ mˇ-euˬ baˬ da neh, nui ma cawˆ-awˇ noeˬ shaˬ noeˬ zahˬ luꞈ-eu tsawˇ haˬ yawˬ gʼaˬ na luꞈ-euˬ naˇ kʼawˇ-ahˇ, tsaˬ tsoˆ taˬ-iˇ-awˬ.”

Daˬyeˬlaˇ 2:11

Nawˬ neh naˇ haˬ-euˬ dawˬ heu kʼaˆ dui dui-eu miˇ neh, miˬ yehˇ deuˬ maˬ ngeuˇ naˇ, tsawˇ haˬ zaˬ nawˬ-ahˇ maˬ ehˇ nehˬ nya-a. Miˬ yehˇ kʼoeˇ deuˬ kʼawꞈ, tsawˇ haˬ zaˬ nehˬ-ehˇ maˬ jawˇ-a.”

Daˬyeˬlaˇ 4:17

Heu-aˬ, haw luꞈ pyaˆ luꞈ-eu mˬ taˆ gʼaˬ kʼehˇ neh noeˬ tsehˆ-awˇ, daˇ tsehˆ-euˬ dawˬ ma. Dawˬ tawˆ kʼoeˇ taˆ huiˬ-eu Miˬyehˇ-aˬ, tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, teˬ dui nyiˇ dui dui-eu tsawˇ haˬ tiˬ gʼaˬ-ahˇ keuˆ ni, aˬ yawꞈ miˇ kʼahˬ dzoeˬ dzaˬ biꞈ keuˆ nehˬ nya-eu gaˇ kawˆ, mˬ dzeˇ miˇ dzeˇ keuˆ ni jawˇ-eu tsawˇ haˬ dawˬ tawˆ luꞈ siˬ duˬ luꞈ-uˇ’ lehˇ ehˇ-eu meh.

Daˬyeˬlaˇ 4:34

Sahˬ paˬ Neˬbuˬkaˬneˬzaˬ ehˇ-eu, “Shiꞈ kʼoꞈ dzeuˇ-iˇ ngeh jawˇ, mˬ-ahˇ ngaˇ gʼawˇ leuˇ haw ngeh, nui ma-ahˇ noeˬ laˇ-euˬ miˇ-a. Dawˬ tawˆ kʼoeˇ taˆ huiˬ-eu Miˬyehˇ-ahˇ ngaˇ ja ceuˬ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ-ahˇ ciˬ poeˬ-awˇ taˬ huiˬ taˬ mahˇ nehˬ-euˬ ma. “Aˬ yawꞈ dzoeˬ dzaˬ zaˇ ziˇ gmˬ-awˇ, aˬ yawꞈ miˇ kʼahˬ zaˇ ziˇ ziꞈ meh.

Yawˇlaˆ 2:13

Mehˬtsoeˬ gʼeu paˆ gaˇ ngaˇ maˬ haw. Naw maꞈ noeˬ shaˬ-eu mawˇ laˇ ni, nui ma tsawˬ paˆ-euˬ byaˬ laˇ-awˬ.” Sahˬpaˬ Miˬyehˇ pyeuꞈ-eu Miˬyehˇ jawˇ paw naw maꞈ gʼoꞈ kʼoꞈ laˇ-awˬ. Aˬ yawꞈ gʼawˬ shaˬ gaˬ-eu byah-awˇ, nui ma oˇ oꞈ coeˇ-eu uˬ taꞈ, saˇ jaˇ dzaˬ taˬ-euˬ maˬ puiˬ-ehˇ, aˬ myah luꞈ iˬ baˇ pyehˬ nehˬ-awˇ, maˬ kʼehˬ maˬ kʼaˆ ni byehˇ-eu meh.

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Zaˬkaˬliˇ 2:13

Tsawˇ haˬ yawˬ gʼaˬ na luꞈ Sahˬpaˬ Miˬyehˇ mehˬ shi ciˬ cuˇ ni jawˇ-awˬ. Aˬ jeˬ miˇ neh ehˇ naˇ, aˬ yawꞈ-euˬ muiˬ-eu shawˇ-eu jawˇ duˬ-ahˇ neh aˬ yawꞈ luˆ laˇ-awˇ oe luꞈ meh.

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Maꞈtehˬ 6:9

Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Mˬ kʼoeˇ taˆ jawˇ-eu nga maꞈ-euˬ Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ.

Luˇkaꞈ 1:49

Iˬ nah neh naˇ aˬ cawˬ ngaˬ-ahˇ, laˬ kʼaˬ cehˇ-eu gʼaˬ lehˇ kuˇ meh. Aˬ jeˬ miˇ neh kuˇ ta ehˇ naˇ, Baoˬ huiˬ-eu Miˬyehˇ neh ngaˬ-ahˇ, huiˬ-eu jeˬ mˇ nehˬ laꞈ-euˬ meh. Aˬ yawꞈ tsawˇ myahˇ muiˬ meh shawˇ meh;

Luˇkaꞈ 4:18

“Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh.

Gʼaˬkʼehˇ 3:14

Aˬ yawꞈ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ meh. Ehˇ kʼawꞈ, naw maꞈ aˬ yawꞈ-ahˇ byehˇ dzeh-awˇ, aˬ yawꞈ-euˬ dah zaˇ aˬ cawˬ-ahˇ sehꞈ-euˬ tsawˇ haˬ tiˬ gʼaˬ-ahˇ pyehˬ nehˬ-awˬ lehˇ, sahˬ paˬ Piˇlaˆ-ahˇ naw maꞈ shaˇ-euˬ meh.

Lormav 1:20

Miˬyehˇ mˬ beh miˇ beh ngeh tiˬ nah neh, maˬ haw mawˇ nya-eu jeˬ pyeuꞈ-eu aˬ yawꞈ-euˬ laꞈ kʼoeˇ ahˇ-eu baoˬ hawˇ-eu, aˬ yawꞈ mˬ maˬ maˬ byaˆ zaˇ ziˇ Miˬyehˇ pyeuꞈ-eu gaˇ kawˆ, bya cehˆ ni siˬ duˬ mawˇ duˬ laˇ-euˬ meh. Aˬ yawꞈ neh mˇ taˬ-euˬ gaˇ-ahˇ haw-awˇ, kʼoeˇ loꞈ-ehˇ siˬ duˬ nya-eu meh. Kʼoeˇ miˇ neh, aˬ yawꞈ maꞈ maˬ pyehˇ dzeuˇ nya-a.

2 Gawˇliˬtu 1:4

Aˬ yawꞈ neh biꞈ leꞈ-euˬ ngehˬ gʼeh dah teˬ-eu jeˬ-ahˇ aˬ dui gʼoe-awˇ, shaˬ-eu zahˬ-eu yawˬ jeˬ na luꞈ-ahˇ ya tahˬ puˬ-eu tsawˇ haˬ deuˬ-ahˇ aˬ dui ngehˬ gʼeh dah teˬ nehˬ nya ni, aˬ dui ya tahˬ puˬ-eu shaˬ zahˬ dawˬ tawˆ luꞈ laꞈ kʼoeˇ Miˬyehˇ aˬ dui-ahˇ ngehˬ gʼeh dah teˬ nehˬ laꞈ-euˬ meh.

2 Gawˇliˬtu 2:7

Ehˇ kʼawꞈ, aˬ yawꞈ aˇ dzehˬ dzeuˇ ni noeˬ shaˬ-awˇ maˬ ya cawˆ-iˇ ni, nymˬ-mˇ naw maꞈ aˬ yawꞈ-ahˇ iˬ baˇ pyehˬ nehˬ-awˇ gʼaˬ biꞈ nehˬ-eu tsaˬ tehꞈ-a.

2 Gawˇliˬtu 7:6

Ehˇ kʼawꞈ, nui ma cawˆ-eu deuˬ-ahˇ gʼaˬ biꞈ-eu Miˬyehˇ-aˬ, Tiˇtuˆ-ahˇ bi laˇ-eu laꞈ kʼoeˇ nga maꞈ-euˬ nui ma-ahˇ gʼaˬ biꞈ lahˬ laꞈ-euˬ meh.

Dawˬmehˬ 33:27

Miˬyehˇ naw maꞈ-ahˇ aˬ myah luꞈ, ceh piˇ loꞈ piˇ bo saˆ luꞈ meh. Yawꞈ-euˬ yaˇ ziˇ ziꞈ-eu aˬ laꞈ, naw maꞈ-ahˇ caw ba luꞈ-eu meh. Naw maꞈ le-eu gaˇ ma mehˬ shi, muiˇ-eu deuˬ-ahˇ teh dzeh jiˇ-awˇ, dawˬ tawˆ luꞈ-ahˇ laˆ cawˆ-awˬ lehˇ, naw maꞈ-ahˇ aˬ yawꞈ ehˇ-eu meh.

1 Tiˆmoˇseˬ 1:17

Aˬ yawꞈ tiˬ gʼaˬ tehꞈ-ehˇ maˇ maˇ ni Miˬyehˇ pyeuꞈ-eu, maˬ shiˇ nya-eu uˬ taꞈ, tsawˇ haˬ zaˬ-euˬ myaˆ nuiˆ neh maˬ haw mawˇ nya-eu mˬ maˬ maˬ byaˆ zaˇ ziˇ Sahˬpaˬ-ahˇ, taˬ huiˬ taˬ mahˇ nehˬ-eu jeˬ hawˇ-eu yaw shehꞈ kʼahˬ sehˇ mˬ maˬ maˬ byaˆ zaˇ ziˇ jaˆ luꞈ-uˇ.

1 Tiˆmoˇseˬ 6:16

Aˬ yawꞈ tiˬ gʼaˬ tehꞈ-ehˇ mˬ maˬ maˬ byaˆ zaˇ ziˇ dehꞈ-awˇ, tsawˇ haˬ tiˬ gʼaˬ-iˬ maˬ tah tehˬ leˇ nya-eu yaw shehꞈ laꞈ kʼoeˇ aˬ yawꞈ jawˇ-eu meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ mawˇ haw-aˬ. Tsawˇ haˬ tiˬ gʼaˬ-iˬ aˬ yawꞈ-ahˇ tiˬ jawˇ-iˬ maˬ mawˇ nya-a. Taˬ huiˬ taˬ mahˇ nehˬ-eu jeˬ hawˇ-eu mˬ maˬ maˬ byaˆ zaˇ ziˇ uˆ lahˇ-eu baoˬ aˬ yawꞈ-ahˇ jaˆ luꞈ-uˇ.

HeˬByehˇ 9:14

Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.

Yaˬkoˆ 4:6

Ehˇ kʼawꞈ, Miˬyehˇ neh biꞈ laꞈ-euˬ guiˬ lahˬ yaw dzahˇ-aˬ, kʼoeˇ naˆ maˬ tseˇ naꞈ dzehˬ-eu meh. “Nui ma huiˬ-eu mahˇ-eu tsawˇ haˬ-ahˇ Miˬyehˇ muiˇ-awˇ, nui nahˬ nui yu ahˇ-eu tsawˇ haˬ-ahˇ guiˬ lahˬ biꞈ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Panmaeq 15:4

Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”

Panmaeq 3:7

“Piˇlaˬdeˬpiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, muiˬ-eu shawˇ-eu tsaˬ-eu dawˇ-eu gʼaˬ pyeuꞈ-awˇ, Daˬbiˇ-euˬ mahˬ tawꞈ kahˬ tuˆ tehˬ taˬ-awˇ, aˬ yawꞈ laˇ gʼoˆ pah ngeh tsawˇ haˬ tiˬ gʼaˬ-iˬ maˬ piˬ tehꞈ kʼoꞈ nya-eu uˬ taꞈ, aˬ yawꞈ laˇ gʼoˆ piˬ tehˬ ngeh tsawˇ haˬ tiˬ gʼaˬ-iˬ maˬ pah nya-eu gʼaˬ-euˬ dawˬ meh.

Panmaeq 4:8

Jeˬ zaˬ aˬ yawꞈ mawˇ yawꞈ aˬ dahˇ koꞈ dahˇ tsoꞈ-awˇ, aˬ dahˇ kʼoeˇ deuˬ-euˬ laꞈ kʼoeˇ laꞈ nyiˇ nyiˬ pyawˬ luꞈ myaˆ nuiˆ tiˬ byah ni tsoꞈ gʼoeˬ taˬ-euˬ meh. Jeˬ zaˬ kʼoeˇ deuˬ uˬ ciꞈ nah gʼahˇ maˬ ehˇ heu loꞈ-ehˇ caˇ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ meh shawˇ meh, muiˬ meh shawˇ meh, muiˬmeh shawˇ meh. Aˇ hu maˬ ehˇ, nymˬ-mˇ maˬ ehˇ, mˬ maˬ maˬ byaˆ zaˇ ziˇ dehꞈ meh.”

1 Saˬmeuˬlaˆ 2:2

“Sahˬpaˬ Miˬyehˇ loꞈ-ehˇ shawˇ-eu, nui gʼaˬ tiˬ gʼaˬ-iˬ maˬ jawˇ-a. Yawꞈ-ahˇ duˇ-eu gʼaˬ maˬ jawˇ-a. Miˬyehˇ loꞈ-ehˇ haw piˇ nya-eu, nui gʼaˬ tiˬ gʼaˬ-iˬ maˬ jawˇ-a.