Iˇsaˬyaˇ 57:13 - Akha

¹³ Caw ba nehˬ laꞈ lehˇ naw maꞈ ngoeˇ laˇ ngeh, tahˬ pahˬ aˬ ma mawˇ kawˇ kʼoeˇ deuˬ ngehˬ gʼeh luꞈ-uˇ. Jaˬ lehˇ tiˬ bahˬ laꞈ kʼoeˇ aˬ yawꞈ maꞈ byoˆ-iˇ jiˇ tehꞈ-a. Ehˇ kʼawꞈ ngaˬ-ahˇ jah-eu tsawˇ haˬ deuˬ-aˬ, miˇ kʼahˬ heu kʼahˬ laꞈ kʼoeˇ ziꞈ dah ni ya jawˇ-awˇ, Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ uˬ duˬ ya tahˬ tehꞈ-a.”

Iˇsaˬyaˇ 57:13 ပူးပေါင်းရင်းမြစ်များ

2 Sahˬpaˬ 3:13

Iˇsaˬleˬlaˆ sahˬ paˬ-ahˇ Eˇliˇshehˇ ehˇ nehˬ-eu, “Ngaˇ nawˬ-ahˇ aˬ jeˬ miˇ neh ya caw ba ta. Nawˬ da nawˬ ma gʼoe-euˬ miˬ yehˇ gʼaˇ duˬ ngehˬ dah-eu kʼoeˇ deuˬ jawˇ gaˇ iˇ-awˬ tawˇ.” Yoˇlamˬ ehˇ-eu, “Toˆ-ehˇ maˬ ngeuˇ-a. Mawˇbaˆ sahˬ paˬ-euˬ aˬ laꞈ laꞈ kʼoeˇ a nehˬ-eu lehˇ, ngaˬ ha sahˬ paˬ smˇ gʼaˬ-ahˇ kuˇ dzoeˇ nehˬ laꞈ-euˬ gʼaˬ-aˬ, Sahˬpaˬ Miˬyehˇ meh.”

Yawˇbaˆ 21:18

jaˬ lehˇ neh bi hehˇ dzaˬ gʼeh-euˬ gʼo yoeˬ loꞈ-ehˇ bi baw byoˆ gʼeh-awˇ, jaˬ lehˇ lehˇ ma neh bi baw ha gʼeh-euˬ kʼaˬ lehˇ loꞈ-ehˇ jahˇ nehˬ-euˬ jaˆ ta loˇ.

Jaceuq 1:4

Maˬtsaˬmaˬdawˇ-eu tsawˇhaˬ-aˬ , jaˬlehˇ neh bi hehˇdzaˬgʼeh-euˬ gʼo yoeˬ jehˆbymˇ-ahˇduˇ-eu meh.

Jaceuq 118:8

Tsawˇ haˬ zaˬ-ahˇ gʼoe-eu naˆ maˬ tseˇ, Miˬyehˇ-ahˇ laꞈ jeuˬ shaˇ-eu muiˬ dzehˬ meh.

Jaceuq 125:1

Sahˬpaˬ Miˬyehˇ-ahˇ gʼoe-eu tsawˇ haˬ deuˬ-aˬ, tiˬ jawˇ-iˬ maˬ jiˆ maˬ paˇ laˇ ni ziꞈ-eu Ziˇoˬ gawˬ jawˬ-ahˇ duˇ-eu meh.

Jaceuq 37:11

Nui nahˬnui yu ahˇ-eu deuˬ-aˬ, miˇkʼahˬjeˬbiˇ oꞈ-eu laꞈkʼoeˇ, baw dui za dui dui le tehꞈ-a.

Jaceuq 37:22

SahˬpaˬMiˬyehˇgʼawˬshaˬgaˬ-awˇ, guiˬlahˬbiꞈ-euˬtsawˇhaˬdeuˬ-aˬ, miˇkʼahˬza-awˇya dehꞈtehꞈ-a. SahˬpaˬMiˬyehˇmaˬhaw nahˇ-ehˇ, yaˬkʼehˇyaˬnehˬ-euˬtsawˇhaˬ-aˬ, teh dzeh nehˬgaˇya daˬtehꞈ-a.

Jaceuq 37:29

Tsawˇmuiˬdeuˬ-ahˇmiˇkʼahˬoꞈ-awˇ, mˬmaˬmaˬbyaˆya jawˇtehꞈ-a.

Jaceuq 37:3

SahˬpaˬMiˬyehˇ-ahˇnawˇgʼoe-awˇ, yaw muiˬjeˬ-ahˇmˇ-awˬshaˇ-awˬ. Miˇkʼahˬheu kʼahˬnawˇya jawˇ-awˇ, nui saˇ oꞈ-awˇya dehꞈtehꞈ-a.

Jaceuq 37:34

SahˬpaˬMiˬyehˇ-ahˇ noeˬtmˬ-awˇ, aˬyawꞈ-euˬ ehˇdawˬnaˇhaˬ-awˬ. Aˬyawꞈnawˬ-ahˇ miˇkʼahˬbiꞈ-awˇ, taˬhuiˬtaˬmahˇnehˬ-eu uˬtaꞈ, haiˬ-eu tsawˇhaˬbi teh dzeh gaˇ, nawˬ-euˬmyaˆnuiˆya mawˇtehꞈ-a.

Jaceuq 37:9

Haiˬ-eu tsawˇhaˬbi teh dzeh kʼawꞈ, SahˬpaˬMiˬyehˇ-ahˇdawˬ-eu deuˬ, miˇkʼahˬza-eu yaw duˬbaw meh.

Jaceuq 58:9

Aˬ yawꞈ maꞈ-ahˇ maˬ siˬ leˇ mi naˆ-ehˇ, yaˇ moꞈ loꞈ-ehˇ bi myaˬ dzeh jiˇ tehꞈ-a. Miˬyehˇ nui ma pehˇ-eu laꞈ kʼoeˇ, aˬ yawꞈ maꞈ yaw dehꞈ-ehˇ jawˇ gaˇ myaˬ dzeh nehˬ tehꞈ-a.

Jaceuq 84:12

Baoˬ huiˬ-eu Miˬyehˇ-oˇ, nawˬ-ahˇ gʼoe-eu tsawˇ haˬ deuˬ aˇ naˆ ni laˬ kʼaˬ ya cehˇ-eu nga.

Dawqdaq 28:25

Nui kʼahˇ huiˬ-eu tsawˇ haˬ shaˬ zahˬ ya tahˬ puˬ-eu yaw duˬ baw meh. Sahˬpaˬ Miˬyehˇ-ahˇ gʼoe-eu tsawˇ haˬ baw le za le tehꞈ-a.

Iˇsaˬyaˇ 11:9

Iˬ ma laˆ shaˆ iˇ cuꞈ byah-eu loꞈ-ehˇ, Sahˬpaˬ Miˬyehˇ-ahˇ siˬ nya-eu jeˬ, miˇ tsaˬ kʼoeˇ taˆ byah-eu miˇ neh, Miˬyehˇ-euˬ muiˬ-eu shawˇ-eu Ziˇoˬ gawˬ jawˬ-ahˇ, lehˬ laˇ ca laˇ duˬ maˬ jaˆ-a.

Iˇsaˬyaˇ 14:32

Piˇliˇtiˆ tsawˇ haˬ dawˬ dzawˇ mˇ-eu tsawˇ haˬ deuˬ-ahˇ, aˬ joˆ-ehˇ ehˇ nehˬ nmˇ. Ziˇoˬ meuˬ-ahˇ Sahˬpaˬ Miˬyehˇ laˆ ziꞈ-awˇ, shaˬ zahˬ mˇ-euˬ aˬ yawꞈ-euˬ tsawˇ jeuˬ-ahˇ, nui saˇ bi oꞈ-eu meh lehˇ ehˇ nehˬ ma.”

Iˇsaˬyaˇ 25:4

Mehꞈ-eu shuꞈ-eu deuˬ hawˇ-eu shaˬ-eu zahˬ-eu deuˬ, nawˇ jawˇ gaˇ cehˆ laˇ-awˇ, guˆ-eu gaˆ-eu jeˬ-ahˇ buˬ-iˇ-euˬ meh. Jaˬ lehˇ lehˇ ma baw ngeh aˬ yawꞈ maꞈ-ahˇ nawˇ haw lahˇ-awˇ, nahˇ tsaˇ kʼaˆ ngeh naˇ shmˇ bi awˆ-euˬ meh. Haiˬ-eu tsawˇ haˬ deuˬ neh mˇ-euˬ yaw doeˇ jeˬ-aˬ, kaˇ pyawˇ-ahˇ ciˬ tahˬ ciˬ tuˆ-eu jaˬ lehˇ lehˇ ma -ahˇ duˇ-awˇ,

Iˇsaˬyaˇ 40:24

Aˬ yawꞈ maꞈ-aˬ ka-euˬ tiˬ dehˬ pyeuꞈ-awˇ, duˬ ciˇ maˬ toeˬ ziꞈ-euˬ sahˬ lahˬ-ahˇ duˇ-eu meh. Sahˬpaˬ Miˬyehˇ jaˬ lehˇ bi baw laꞈ ngeh, aˬ yawꞈ maꞈ koˆ-iˇ-awˇ gʼoˆ yoeˬ loꞈ-ehˇ bi baw byoˆ gʼeh-eu meh.

Iˇsaˬyaˇ 41:16

Aˬ yawꞈ maꞈ-ahˇ dzeh diˇ-awˇ, jaˬ lehˇ neh bi baw byoˆ gʼeh-awˇ, jaˬ lehˇ lehˇ ma neh bi hehˇ dzaˬ tehꞈ-a. Kʼoeˇ naˇ, ngaˇ naw maꞈ-euˬ Miˬyehˇ pyeuꞈ-eu miˇ neh, naw maꞈ laˬ kʼaˬ ya cehˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, naw maꞈ ja ceuˬ tehꞈ-a.

Iˇsaˬyaˇ 45:20

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ-oˇ, tiˬ kawˆ loꞈ-ehˇ uiˬ laˇ jiˇ-awˬ. Miˇ kʼahˬ byaˆ-iˇ gaˇ cehˆ buˬ-euˬ tsawˇ haˬ dawˬ tawˆ, laˇ-awˇ bi pyehˆ tseˇ duˬ laˇ sheˇ. Daˇ kawˬ jahˇ-euˬ tahˬ pahˬ aˬ ma mawˇ kawˇ-ahˇ cehˇ gʼa-awˇ, maˬ ka kʼoꞈ nehˬ nya-eu miˬ yehˇ deuˬ-ahˇ guiˬ lahˬ shaˇ-eu, tsawˇ haˬ kʼoeˇ deuˬ dawˇ ga tehꞈ meh.

Iˇsaˬyaˇ 49:8

Aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ ehˇ-eu, “Nawˬ-ahˇ ka kʼoꞈ-eu aˇ yamˬ tsaˬ laˇ ngeh, nawˬ-euˬ myaˆ pyawˬ naˇ mehˇ-ahˇ ngaˇ haw-awˇ, nawˬ-euˬ shaˇ dawˬ ngaˇ naˇ haˬ ma. Nawˬ-ahˇ ngaˇ bo saˆ haw piˇ-awˇ, nawˬ-ahˇ gʼoe-eu laꞈ kʼoeˇ tsawˇ jeuˬ dawˬ tawˆ luꞈ-ahˇ, ngaˇ dawˬ ma saˇ jaˇ dzaˬ taꞈ ma. Nymˬ-mˇ yaw cawˆ-ehˇ jaˆ-eu nawˬ-euˬ miˇ kʼahˬ-ahˇ, nawˬ-ahˇ paˇ bi jawˇ kʼoꞈ laˇ ma.

Iˇsaˬyaˇ 56:7

ngaˬ-euˬ muiˬ-eu shawˇ-eu gawˬ jawˬ-ahˇ sheuˬ daˆ-awˇ, ngaˬ-euˬ guiˬ lahˬ shaˇ nymˇ laꞈ kʼoeˇ, aˬ yawꞈ maꞈ-ahˇ ngaˇ laˬ kʼaˬ bi cehˇ ma. Aˬ yawꞈ maꞈ neh lawˇ-euˬ shehˇ-euˬ jeˬ-ahˇ, ngaˬ-euˬ lawˇ duˬ kʼoeˇ taˆ ngaˇ ha geuꞈ ma. Ngaˬ-euˬ Uˬ duˬ tahˬ nymˇ nymˇ ma heu-ahˇ, tsawˇ jeuˬ dawˬ tawˆ luꞈ-euˬ uˬ duˬ tahˬ nymˇ lehˇ myahˇ tehꞈ-a.”

Iˇsaˬyaˇ 60:21

Nawˬ-euˬ tsawˇ haˬ dawˬ tawˆ yaw tsaˬ yaw dawˇ jeˬ-ahˇ mˇ-awˇ, mˬ maˬ maˬ byaˆ zaˇ ziˇ miˇ kʼahˬ heu za tehꞈ-a. Ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, aˬ yawꞈ maꞈ-ahˇ ngaˬ neh ka-awˇ, ngaˬ neh mˇ taˬ-euˬ kuiˇ zaˇ laꞈ zaˇ pyeuꞈ-eu ma.

Iˇsaˬyaˇ 65:11

“Ehˇ kʼawꞈ, ngaˬ-euˬ muiˬ-eu shawˇ-eu Ziˇoˬ gawˬ duˇ-ahˇ ngehˇ byoˆ-awˇ, ngaˬ-ahˇ byehˇ dzeh yaꞈ-eu laꞈ kʼoeˇ, lahˬ hawˇ-eu dawˇ-euˬ dah zaˇ dah-eu Gaˆ miˬ yehˇ hawˇ-eu Meˬniˇ miˬ yehˇ-ahˇ gʼoe-eu naw maꞈ deuˬ gʼaˇ duˬ, yawˬ jeˬ yawˬ lehˬ hmˬ taˬ-euˬ ma.

Iˇsaˬyaˇ 65:25

Kʼaˬ yehˇ hawˇ-eu yawˇ zaˬ tiˬ gaˇ gaˆ-awˇ, aˇ laˬ jaˬ shiˇ mawˇ neˇ nehˬ-ehˇ gʼo yoeˬ dzaˬ-awˇ, aˇ lawˇ maˬ toˆ laˇ-ehˇ pyeuꞈ-iˇ tehꞈ-a. Ngaˬ-euˬ muiˬ-eu shawˇ-eu Ziˇoˬ gawˬ jawˬ kʼoeˇ taˆ, yaw haiˬ jeˬ hawˇ-eu guˆ-eu gaˆ-eu jeˬ, dawˬ tawˆ luꞈ byoˆ-iˇ jiˇ tehꞈ-a.”

Iˇsaˬyaˇ 65:9

Yuˇdaˆ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ, ngaˇ guiˬ lahˬ biꞈ nehˬ ma. Aˬ yawꞈ maꞈ-euˬ zaˬ deuˬ uˆ deuˬ-ahˇ, ngaˬ-euˬ miˇ kʼahˬ gawˬ jawˬ gawˬ duˇ oꞈ leˇ tehꞈ-a. Ngaˬ-euˬ nui kʼahˇ poˆ-eu ngaˬ neh tseˇ doˆ-euˬ tsawˇ haˬ deuˬ kʼoeˇ gaˇ ya jawˇ tehꞈ-a.

Iˇsaˬyaˇ 66:20

Ngaˬ-ahˇ laꞈ sawˬ biꞈ laˇ-eu loꞈ-ehˇ, aˬ cawˬ miˇ kʼahˬ laꞈ kʼoeˇ kʼaˇ jawˇ-eu naw maꞈ-euˬ tsawˇ haˬ dawˬ tawˆ luꞈ-ahˇ, aˬ yawꞈ maꞈ sheuˬ kʼoꞈ laꞈ tehꞈ-a. Zahˇ jahˇ gaˇ geuꞈ nya ni shawˇ-eu kʼa puˬ kʼa lu laꞈ kʼoeˇ, Iˇsaˬleˬlaˆ tsawˇ haˬ deuˬ dzaˬ la gʼo cehˇ lawˇ-eu jeˬ dawˆ ahˇ-awˇ, Uˬ duˬ tahˬ nymˇ nymˇ ma-ahˇ hehˇ laꞈ-eu loꞈ-ehˇ, naw maꞈ-euˬ tsawˇ haˬ kʼoeˇ deuˬ-ahˇ, mahˬ deuˬ, mahˬ tahˬ laˆ deuˬ, law taw deuˬ hawˇ-eu, mahˬ laˆ lawˬ deuˬ kʼoeˇ taˆ bi dziˬ-awˇ, Yeˬluˇsaˬlehˬ meuˬ laꞈ kʼoeˇ jaˆ-eu ngaˬ-eu muiˬ-eu shawˇ-eu gawˬ duˇ jaˆ gaˇ sheuˬ kʼoꞈ ha laˇ tehꞈ-a.

Yeˬlaˬmiˇ 2:28

Naw maꞈ neh yawˬ ha gʼaˇ duˬ tehˆ taˬ-euˬ miˬ yehˇ kʼoeˇ deuˬ aˬ lehˬ. Naw maꞈ kʼoeˇ taˆ shaˬ-eu zahˬ-eu jeˬ keuˆ le ngeh, aˬ yawꞈ maꞈ ka kʼoꞈ nya naˇ bi ka kʼoꞈ le-awˬ. Yuˇdaˆ miˇ kʼahˬ-oˇ, nawˇ meuˬ jaˆ myaˬ-eu loꞈ-ehˇ, miˬ yehˇ kʼawꞈ myaˬ dui dui-eu meh.

Yeˬlaˬmiˇ 22:20

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, Leˬbaˬnoˬ gawˬ jawˬ-ahˇ le-awˇ guˇ-awˬ. Baˬshaˬ miˇ kʼahˬ-ahˇ le-awˇ ngoeˇ leˇ-awˬ. Mawˇbaˆ gawˬ jawˬ doe ni le-awˇ guˇ-awˬ. Aˬ jeˬ miˇ neh ehˇ naˇ, naw maꞈ-ahˇ nui ma gm-euˬ deuˬ, aˬ cawˬ neh deuˆ gʼaˬ jiˇ-euˬ meh.

Yeˬlaˬmiˇ 22:22

Naw maꞈ-euˬ aˬ yuiꞈ aˬ tsu deuˬ, jaˬ lehˇ neh bi baw byoˆ jiˇ-awˇ, naw maꞈ-ahˇ nui ma gm-euˬ deuˬ, guiˇ deuˆ gaˇ bi nyehꞈ mi tehꞈ-a. Naw maꞈ neh mˇ-euˬ yaw haiˬ jeˬ baˬ da, naw maꞈ-euˬ meuˬ daˬ ga-awˇ ya shaꞈ dawˇ tehꞈ-a.

Yeˬlaˬmiˇ 30:14

Yaw beh naw maꞈ-ahˇ gaˬ-euˬ tsawˇ haˬ deuˬ, naw maꞈ-ahˇ ngehˇ tsehˆ jiˇ-awˇ, naw maꞈ gaˇ kawˆ maˬ shaˇ noeˬ-a. Naw maꞈ iˬ baˇ myaˬ dui dui-awˇ, lehˬ-eu ca-eu aˇ dzehˬ dzeuˇ-eu miˇ neh, naw maꞈ-ahˇ ngaˇ muiˇ-eu laꞈ kʼoeˇ, yaw kʼaˆ-ehˇ kʼehˬ-euˬ ma.

Yeˬsaˬgeˬlaˇ 20:40

Ngaˬ-euˬ muiˬ-eu shawˇ-eu gawˬ jawˬ pyeuꞈ-eu Iˇsaˬleˬlaˆ gawˬ jawˬ yaw goˇ kʼoeˇ taˆ, naw maꞈ Iˇsaˬleˬlaˆ tsawˇ haˬ dawˬ tawˆ luꞈ ngaˬ-ahˇ uˬ duˬ tahˬ tehꞈ-a. Naw maꞈ-ahˇ ngaˇ nui kʼahˇ shiˇ-awˇ, naw maꞈ-euˬ lawˇ-eu shehˇ-eu jeˬ, damˬ-eu jeˬ hawˇ-eu, muiˬ-eu shawˇ-eu laꞈ sawˬ deuˬ-ahˇ ngaˇ ha geuꞈ ma.

Hawˇseˬ 13:3

Uˬ shawˬ tmˬ-eu juˬ kʼoeˬ hawˇ-eu, uˬ shawˬ buiˇ-iˇ-eu ceuˬ loꞈ-ehˇ, tsawˇ haˬ kʼoeˇ deuˬ byoˆ jiˇ tehꞈ-a. Cehˇ diˬ-euˬ gaˇ ga-eu lehˇ meuꞈ, jaˬ lehˇ bi baw byoˆ-eu loꞈ-ehˇ, uˬ kʼoeˬ bawˬ law-ahˇ doˆ laˇ-eu, miˬ dzaˬ tsawˬ bu uˬ kʼoeˬ loꞈ-ehˇ, aˬ yawꞈ maꞈ byoˆ-iˇ jiˇ tehꞈ-a.

Yawˇlaˆ 3:17

“Kʼoeˇ ngeh jawˇ, Iˇsaˬleˬlaˆ-oˇ, SahˬpaˬMiˬyehˇ lehˇ kuˇ-eu ngaˇ, nawˬ-euˬ Miˬyehˇ pyeuꞈ-eu ma lehˇ, nawˇ siˬ duˬ mawˇ duˬ laˇ tehꞈ-a. Muiˬ-eu shawˇ-eu ngaˬ-euˬ gawˬjawˬ, Ziˇoˬ-euˬ kʼoeˇ taˆ ngaˇ jawˇ ma. Yeˬluˇsaˬlehˬ meuˬ shawˇ laˇ-awˇ, aˬ cawˬ neh bi deuˆ gʼaˬ-eu jeˬ, tiˬ jawˇ-iˬ maˬ paˇ keuˆ le meh.

Zaˬkaˬliˇ 7:13

Ngaˬ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ-euˬ miˇ neh, aˬ yawꞈ maꞈ-euˬ guiˬ lahˬ shaˇ dawˬ-ahˇ ngaˇ maˬ naˇ haˬ.

Yaˇ kʼaˬ daˇ 10:14

Naw maꞈ neh tseˇ geuꞈ-euˬ miˬ yehˇ deuˬ-ahˇ guˇ gaˬ nehˬ-awˬ. Shaˬ-eu zahˬ-eu jeˬ naw maꞈ ya tahˬ puˬ ngeh, aˬ yawꞈ maꞈ naw maꞈ-ahˇ bi ka kʼoꞈ le-awˬ.”