Iˇsaˬyaˇ 56:4 - Akha

⁴ Sahˬpaˬ Miˬyehˇ heu loꞈ-ehˇ ehˇ-eu meh. “Aˇ caˆ pyehˆ-euˬ tsawˇ haˬ pyeuꞈ kʼawꞈ, ngaˬ-euˬ nui kʼahˇ poˆ-awˇ, ngaˬ-euˬ dawˬ ma saˇ jaˇ-ahˇ ziꞈ luꞈ-eu, jawˇ nah tawˬ-eu tsawˇ haˬ deuˬ-ahˇ,

Iˇsaˬyaˇ 56:4 ပူးပေါင်းရင်းမြစ်များ

2 Saˬmeuˬlaˆ 23:5

Ngaˬ-euˬ zaˬ deuˬ uˆ deuˬ kʼoeˇ taˆ, guiˬ lahˬ kʼoeˇ deuˬ Miˬyehˇ biꞈ meh. Mˬ maˬ maˬ byaˆ ziꞈ-eu saˇ jaˇ, aˬ yawꞈ ngaˬ-ahˇ dzaˬ taˬ-euˬ meh. Ngaˬ-euˬ nui kʼahˇ byah jiˇ laˇ ni, muiˇ-eu deuˬ-ahˇ ngaˇ gʼaˬ leˇ ni, Miˬyehˇ mˇ-eu yaw duˬ baw meh.

Jaceuq 119:111

Nawˬ-euˬ zahˇ dawˬ kʼoꞈ dawˬ-ahˇ mˬ maˬ maˬ byaˆ zaˇ ziˇ ngaˇ za gʼaˬ-awˇ, ngaˬ-euˬ nui ma-ahˇ laˬ kʼaˬ bi cehˇ-eu meh.

Jaceuq 25:10

Dawˬma saˇjaˇ-ahˇ caw teh-awˇ, yehˇdawˬnaˇ-eu deuˬ-euˬmehˬshi, yawꞈgaˬ-eu jeˬ, yawꞈ-euˬsaˇjaˇ, gaˇma kahˇli sheu taw nehˬmeh.

Iˇsaˬyaˇ 27:5

Yaˇ moꞈ hawˇ-eu aˬ gah kʼoeˇ deuˬ, ngaˬ-ahˇ tahˬ shaˇ laˇ naˇ, aˬ yawꞈ maꞈ ngaˬ-ahˇ dehꞈ tsaˬ luꞈ-uˇ. Aˬ yawꞈ maꞈ ngaˬ-ahˇ tsaˬ laˇ dzoeˇ laˇ luꞈ-uˇ.”

Iˇsaˬyaˇ 55:3

“Naˬ bawˇ ciˬ kʼmˇ-awˇ ngaˇ jawˇ gaˇ laˇ-awˬ. Dehꞈ-eu saꞈ laˇ za ni naˇ haˬ laˇ-awˬ. Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ, naw maꞈ nehˬ-ehˇ ngaˇ dzaˬ-eu ma. Daˬbiˇ-ahˇ saˇ jaˇ biꞈ taˬ-euˬ guiˬ lahˬ, naw maꞈ-ahˇ ngaˇ biꞈ ma.

Iˇsaˬyaˇ 56:2

Jawˇ nah-ahˇ maˬ laˆ jawꞈ ni lah daw-eu laꞈ kʼoeˇ, yaw haiˬ jeˬ maˬ mˇ-eu tsawˇ haˬ deuˬ guiˬ lahˬ huiˬ tehꞈ-a.”

Iˇsaˬyaˇ 56:6

Boeˇ miˬ siˬ kʼaˬ deuˬ Sahˬpaˬ Miˬyehˇ-euˬ gaˇ mˇ-awˇ, aˬ yawꞈ-euˬ tsawˇ myahˇ-ahˇ gaˬ-eu laꞈ kʼoeˇ, aˬ yawꞈ-ahˇ uˬ duˬ tahˬ luꞈ-eu uˬ taꞈ, jawˇ nah-ahˇ maˬ laˆ jawꞈ ni lah daw-awˇ, Sahˬpaˬ Miˬyehˇ-euˬ dawˬ ma saˇ jaˇ-ahˇ ziꞈ-eu, Sahˬpaˬ Miˬyehˇ jawˇ paw pyawˬ-eu tsawˇ haˬ deuˬ-ahˇ,

Iˇsaˬyaˇ 58:13

Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ nah muiˬ-eu shawˇ-eu meh lehˇ siˬ-awˇ, yawˬ ha-euˬ nui kʼahˇ maˬ poˆ ni jawˇ-eu uˬ taꞈ, ngaˬ-euˬ nah muiˬ nah shawˇ-ahˇ taˬ huiˬ-eu laꞈ kʼoeˇ, maˬ mˇ maˬ shaˇ maˬ iˇ maˬ laˇ tsehˆ ni jawˇ-awˇ, maˬ muiˬ dawˬ doeˇ maˬ ngehˬ maˬ tmˇ doˆ ni jawˇ naˇ,

Yeˬlaˬmiˇ 50:5

Aˬ yawꞈ maꞈ Ziˇoˬ meuˬ-ahˇ le-eu gaˇ ma naˇ haˬ naˇ haˬ-ehˇ laˇ tehꞈ-a. Mˬ maˬ maˬ byaˆ zaˇ ziˇ ziꞈ-eu saˇ jaˇ ngaˬ nehˬ-ehˇ aˬ yawꞈ maꞈ dzaˬ-awˇ, tiˬ jawˇ-iˬ maˬ paˇ puiˬ ni dehꞈ tehꞈ-a.

Luˇkaꞈ 10:42

Ehˇ kʼawꞈ, Maˬliˇ neh tseˇ geuꞈ-euˬ jeˬ tsaˬ dui dui meh. Kʼoeˇ jeˬ-ahˇ aˬ cawˬ maˬ lu doˆ geuꞈ nya-a.”

HeˬByehˇ 6:17

Miˬyehˇ neh saˇ jaˇ dzaˬ taˬ-euˬ tsawˇ haˬ deuˬ-ahˇ Miˬyehˇ aˬ yawꞈ neh noeˬ taˬ-euˬ jeˬ tiˬ jawˇ-iˬ maˬ poˆ maˬ paˇ-eu gaˇ kawˆ bi siˬ duˬ mawꞈ-eu meh. Kʼoeˇ miˇ neh, aˬ yawꞈ saˇ jaˇ dzaˬ ngeh, dzaˬ-euˬ loꞈ-ehˇ maˇ maˇ ni bi pyeuꞈ laˇ-eu gʼaˇ duˬ kamˬ tsehˆ-eu meh.

Yawˇshuˆ 24:15

Aˬ yawꞈ-ahˇ naw maꞈ uˬ duˬ maˬ tahˬ mawꞈ te lehˇ ngeuˇ naˇ, aˬ geu gʼaˬ-ahˇ uˬ duˬ tahˬ nmˇ lehˇ iˬ nah noeˬ tsehˆ-awˬ. Maˬsoˬpoˬtaˬmiˇ miˇ kʼahˬ-ahˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ. Maˬ ngeuˇ naˇ, iˬ nah naw maꞈ jawˇ luꞈ-eu miˇ kʼahˬ-ahˇ jawˇ-eu Aˬ mawˇ liˆ tsawˇ haˬ deuˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ lehˇ noeˬ tsehˆ-awˬ. Ngaˇ hawˇ-eu ngaˬ-eu miˬ sawˇ zaˬ deuˬ law nmˇ-aˬ, Sahˬpaˬ Miˬyehˇ-ahˇ uˬ duˬ tahˬ ma.”