Iˇsaˬyaˇ 56:3 - Akha

³ Sahˬpaˬ Miˬyehˇ-euˬ tsawˇ haˬ deuˬ jawˇ gaˇ, jawˇ ahˇ laˇ-euˬ boeˇ miˬ siˬ kʼaˬ deuˬ-euˬ kʼaˬ meh, “Sahˬpaˬ Miˬyehˇ-euˬ aˇ maꞈ aˇ muˇ laꞈ kʼoeˇ, ngaˬ-ahˇ aˬ diˇ teh dzeh nehˬ laꞈ tehꞈ-a” lehˇ taˬ bi ehˇ. Aˇ caˆ pyehˆ gʼaˬ-euˬ kʼaˬ dzeˇ zaˬ deuˬ kʼawꞈ, “Zaˬ maˬ jawˇ le nya-eu miˇ neh, aˇ bawˇ baw guˇ-ahˇ duˇ leˇ-awˇ, Sahˬpaˬ Miˬyehˇ-euˬ tsawˇ haˬ deuˬ-ahˇ maˬ taꞈ nya-a” lehˇ taˬ bi ngehˬ.

Iˇsaˬyaˇ 56:3 ပူးပေါင်းရင်းမြစ်များ

2 Laˬsaˬbaˬ 6:32

“Gaˇ mahˇ kaˬ-eu miˇ kʼahˬ-ahˇ jawˇ-eu boeˇ miˬ siˬ kʼaˬ tiˬ gʼaˬ na, nawˇ huiˬ dui mahˇ dui dui-eu gaˇ kawˆ, nawˇ baoˬ huiˬ dui dui-eu gaˇ kawˆ hawˇ-eu, nawˬ neh mˇ-euˬ gaˇ deuˬ gaˇ kawˆ ya gaˬ-awˇ, Uˬ duˬ tahˬ nymˇ nymˇ ma heu nymˇ-ahˇ laˇ-awˇ guiˬ lahˬ shaˇ ngeh,

Iˇsaˬtaˆ 9:27

Yuˇdaˆ tsawˇ haˬ deuˬ yawˬ ha-euˬ gʼaˇ duˬ maˬ ehˇ, zaˬ deuˬ uˆ deuˬ-euˬ ziˇ gʼaˇ duˬ maˬ ehˇ, Yuˇdaˆ tsawˇ haˬ kʼaˇ pyeuꞈ laˇ-euˬ aˬ cawˬ tsawˇ jeuˬ deuˬ gʼaˇ duˬ maˬ ehˇ, aˬ yawꞈ kʼoꞈ yawꞈ aˇ nah kʼoeˇ nyiˬ nah keuˆ laˇ ngeh, aˇ yamˬ tsaˬ tsaˬ ni Mawˬdaˬkehˇ neh mehˬ taˬ tsoˆ taˬ-euˬ loꞈ-ehˇ lah-eu daw-eu gʼaˇ duˬ, zahˇ sahˇ kʼoꞈ taˬ-euˬ meh.

Iˇsaˬyaˇ 14:1

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ paˇ gaˬ nehˬ-awˇ, aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tiˬ poˆ paˇ tseˇ doˆ nehˬ tehꞈ-a. Aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ paˇ bi jawˇ gʼoꞈ leˇ-awˇ, aˬ cawˬ tsawˇ jeuˬ deuˬ kʼawꞈ aˬ yawꞈ maꞈ nehˬ-ehˇ jawˇ leˇ tehꞈ-a.

Iˇsaˬyaˇ 39:7

Nawˬ-euˬ o neh jeuˬ le o le-euˬ nawˬ-euˬ oeˬ paˬ oeˬ ma tiˬ paˆ na deuˬ kʼawꞈ, Baˬbuˇloˬ miˇ kʼahˬ-ahˇ bi nyehꞈ gʼeh-awˇ, Baˬbuˇloˬ sahˬ paˬ-euˬ nymˇ laꞈ kʼoeˇ zaˬ kʼaˆ ya geuꞈ tehꞈ-a lehˇ ehˇ-eu meh.”

Iˇsaˬyaˇ 56:5

Zaˬ jawˇ-eu naˆ maˬ tseˇ muiˬ-eu tsawˇ myahˇ biꞈ-awˇ, ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ, mˬ maˬ maˬ byaˆ zaˇ ziˇ maˬ ngehˇ ni bi jaˆ ma.

Iˇsaˬyaˇ 56:6

Boeˇ miˬ siˬ kʼaˬ deuˬ Sahˬpaˬ Miˬyehˇ-euˬ gaˇ mˇ-awˇ, aˬ yawꞈ-euˬ tsawˇ myahˇ-ahˇ gaˬ-eu laꞈ kʼoeˇ, aˬ yawꞈ-ahˇ uˬ duˬ tahˬ luꞈ-eu uˬ taꞈ, jawˇ nah-ahˇ maˬ laˆ jawꞈ ni lah daw-awˇ, Sahˬpaˬ Miˬyehˇ-euˬ dawˬ ma saˇ jaˇ-ahˇ ziꞈ-eu, Sahˬpaˬ Miˬyehˇ jawˇ paw pyawˬ-eu tsawˇ haˬ deuˬ-ahˇ,

Yeˬlaˬmiˇ 50:5

Aˬ yawꞈ maꞈ Ziˇoˬ meuˬ-ahˇ le-eu gaˇ ma naˇ haˬ naˇ haˬ-ehˇ laˇ tehꞈ-a. Mˬ maˬ maˬ byaˆ zaˇ ziˇ ziꞈ-eu saˇ jaˇ ngaˬ nehˬ-ehˇ aˬ yawꞈ maꞈ dzaˬ-awˇ, tiˬ jawˇ-iˬ maˬ paˇ puiˬ ni dehꞈ tehꞈ-a.

Uˬ duˬ 21:20

pu lu lu-eu deuˬ maˬ ehˇ, maˬ huiˬ maˬ goˇ loꞈ-eu deuˬ maˬ ehˇ, myaˆ nuiˆ naˇ-eu deuˬ maˬ ehˇ, nyawˬ naˇ-eu deuˬ maˬ ehˇ, uˬ kʼawˇ aˇ nuiˆ maˬ byah-eu deuˬ maˬ ehˇ, lawˇ-eu shehˇ-eu jeˬ maˬ ya mˇ-a.

Uˬ duˬ 25:45

Naw maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ-euˬ zaˬ deuˬ naw maꞈ zeuˇ cu nya meh. Naw maꞈ miˇ kʼahˬ laꞈ kʼoeˇ dehꞈ le-euˬ kʼoeˇ loꞈ-ehˇ gʼeh-eu zaˬ deuˬ-ahˇ naw maꞈ zeuˇ tsehˆ geuꞈ nya meh.

Zeˬpaˬniˇ 2:11

Sahˬpaˬ Miˬyehˇ aˬ yawꞈ maꞈ-ahˇ, yaw kʼaˆ-ehˇ laˆ guˆ nehˬ tehꞈ-a. miˇ taˆ miˬyehˇ dawˬ tawˆ luꞈ-ahˇ, SahˬpaˬMiˬyehˇ laˆ cawˆ jiˇ-awˇ, miˇtsaˬtsawˇjeuˬtsawˇca dawˬtawˆ, yawˬ ha jawˇ-eu miˇ kʼahˬ laꞈ kʼoeˇ, aˬ yawꞈ-ahˇ uˬ duˬ tahˬ tehꞈ-a.

Bawˇtsahˬ 18:4

Aˬ yawꞈ maꞈ nawˬ nehˬ-ehˇ gaˇ mˇ-eu laꞈ kʼoeˇ, Sehˬ gʼawˆ laꞈ kʼoeˇ jaˆ-eu gaˇ deuˬ-ahˇ ya mˇ meh. Ehˇ kʼawꞈ, maˬ geuˇ-eu tsawˇ haˬ deuˬ-ahˇ nawˬ nehˬ-ehˇ gaˇ maˬ ya bi mˇ-a.

Bawˇtsahˬ 18:7

Ehˇ kʼawꞈ, lawˇ duˬ hawˇ-eu muiˬ-eu shawˇ-eu jawˇ duˬ-ahˇ taꞈ leˇ-eu gaˇ deuˬ-ahˇ, nawˇ hawˇ-eu nawˬ li deuˬ tehꞈ-ehˇ ya mˇ meh. Gaˇ heu deuˬ-aˬ, naw maꞈ-euˬ gaˇ pyeuꞈ-eu meh. Aˬ jeˬ miˇ neh ehˇ naˇ, piˇ ma geuꞈ-eu laꞈ sawˬ naw maꞈ-ahˇ ngaˇ biꞈ taˬ-euˬ ma. Maˬ geuˇ-eu tsawˇ haˬ aˬ geu gʼaˬ maˬ kaˬ, muiˬ-eu shawˇ-eu keu ka deuˬ dawˬ peh laˇ naˇ, sehꞈ gaˇ ya daˬ tehꞈ-a.”

Gʼaˬkʼehˇ 10:34

Kʼoeˇ ngeh, Beˬtuˆluˆ dawˬ ngehˬ-eu aˇ dahˬ beh-awˇ heu loꞈ-ehˇ ehˇ-eu meh. “Miˬyehˇ myaˆ pyawˬ huiˬ nyiˇ maˬ tseˇ-eu gaˇ kawˆ nymˬ-mˇ ngaˇ siˬ duˬ-eu ma.

Gʼaˬkʼehˇ 17:4

Aˬ yawꞈ maꞈ tiˬ paˆ na deuˬ noeˬ pehꞈ-awˇ, Pawˇluˆ hawˇ-eu Siˬlaˆ nehˬ-ehˇ gm leˇ-euˬ meh. Myaˆ pyawˬ naˇ mehˇ jaˆ-eu zaˬ miˬ zaˬ gʼawˬ mya gʼaˬ hawˇ-eu Heˬlaˬsaˇ tsawˇ haˬ gʼawˬ mya ni Miˬyehˇ-ahˇ uˬ duˬ tahˬ-euˬ meh.

Gʼaˬkʼehˇ 18:7

Kʼoeˇ naˇ, aˬ yawꞈ maꞈ jawˇ gaˇ neh aˬ yawꞈ doˆ-iˇ-awˇ, Tiˇtuˆ Yuˇtuˬ lehˇ myahˇ-euˬ, Miˬyehˇ-ahˇ uˬ duˬ tahˬ-eu aˬ cawˬ tsawˇ jeuˬ tiˬ gʼaˬ-euˬ nymˇ-ahˇ jawˇ-iˇ-euˬ meh. Tsawˇ haˬ kʼoeˇ gʼaˬ-euˬ nymˇ-aˬ, uˬ duˬ tahˬ nymˇ-ahˇ nymˇ kaˬ taꞈ-eu meh.

Lormav 15:16

Yuˇdaˆ tsawˇ haˬ maˬ ngeuˇ-eu deuˬ-euˬ gʼaˇ duˬ gaˇ bi mˇ-eu lehˇ, ngaˬ-ahˇ Yeˬsuˇ Ka li-euˬ zaˬ kʼaˆ bi geuꞈ laꞈ-euˬ meh. Miˬyehˇ-euˬ Laˬ kʼa cehˇ-eu Guiˬ lahˬ dawˬ mehˬ-eu gaˇ-ahˇ taꞈ leˇ-awˇ, piˇ ma tiˬ gʼaˬ loꞈ-ehˇ ngaˇ gaˇ mˇ luꞈ-eu ma. Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ-ahˇ lawˇ nehˬ-euˬ jeˬ loꞈ-ehˇ Miˬyehˇ ha geuꞈ nya ni, Muiˬ-eu Shawˇ-eu Yaw sahˇ Miˬyehˇ neh Miˬyehˇ-ahˇ damˬ nehˬ-euˬ jeˬ loꞈ-ehˇ bi pyeuꞈ-eu gʼaˇ duˬ, piˇ ma tiˬ gʼaˬ loꞈ-ehˇ ngaˇ mˇ luꞈ-eu ma.

1 Gawˇliˬtu 6:17

Ehˇ kʼawꞈ, Sahˬpaˬ Yeˬsuˇ nehˬ-ehˇ nui ma gm-eu tsawˇ haˬ-aˬ, saꞈ laˇ paw aˬ yawꞈ nehˬ-ehˇ tiˬ shiˬ tiˬ shaˬ tehꞈ-ehˇ pyeuꞈ-eu meh.

Eˇpeˇsu 2:12

Kʼoeˇ ngeh, naw maꞈ Ka li-ahˇ maˬ taꞈ leˇ-aˬ siˬ. Naw maꞈ-aˬ, aˬ cawˬ tsawˇ jeuˬ loꞈ-ehˇ pyeuꞈ-awˇ, Miˬyehˇ neh tseˇ doˆ-euˬ tsawˇ jeuˬ laꞈ kʼoeˇ maˬ ahˇ-a. Naw maꞈ-aˬ, Miˬyehˇ neh aˬ yawꞈ-euˬ tsawˇ haˬ deuˬ-ahˇ dzaˬ-euˬ dawˬ ma saˇ jaˇ-ahˇ maˬ ya taꞈ-ehˇ, miˇ tsaˬ heu kʼoeˇ taˆ noeˬ tmˬ duˬ maˬ jaˆ-eu uˬ taꞈ, Miˬyehˇ maˬ baw ni dehꞈ yaꞈ-euˬ meh.

Eˇpeˇsu 2:22

Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ jawˇ-eu jawˇ duˬ pyeuꞈ laˇ ni, naw maꞈ-ahˇ kʼawꞈ aˬ cawˬ nehˬ-ehˇ tiˬ kawˆ loꞈ-ehˇ Ka li laꞈ kʼoeˇ bi gawˬ ahˇ luꞈ-eu meh.

Dawˬmehˬ 23:9

“Nawˇ guiˇ deuˆ-eu laꞈ kʼoeˇ taˆ tsoˆ-awˇ jawˇ ngeh, zahˇ sahˇ kʼoꞈ-ahˇ taꞈ leˇ-eu laꞈ kʼoeˇ maˬ shawˇ-eu tsawˇ haˬ maˬ ya pyeuꞈ laˇ ni, yawˬ haˇ yawˬ ha ya yahˇ meh.

1 Beˬtuˆluˆ 1:1

Yeˬsuˇ Ka li-euˬ gʼaˬ kʼehˇ pyeuꞈ-eu ngaˇ Beˬtuˆluˆ, Aˬ cawˬ miˇ kʼahˬ doe ni bi teh byaˆ jiˇ-awˇ, Boˬtuˆ miˇ kʼahˬ, Gaˬlaˬtiˆ miˇ kʼahˬ, Gaˬbaˬdawˇciˆ miˇ kʼahˬ, Aˬshaˆ miˇ kʼahˬ, Beˬtuˇniˇ miˇ kʼahˬ, heu deuˬ-ahˇ jawˇ byaˆ taˬ-euˬ Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.