Iˇsaˬyaˇ 56:12 - Akha

¹² Aˬ yawꞈ maꞈ heu loꞈ-ehˇ ehˇ-eu meh. ‘Aˬ dui jiˇ baˬ kʼaˇ uiˬ taˬ-awˇ, kʼaˇ dawˇ coeˇ-eu dawˇ haw kaˇ-euˇ. Iˬ nah maˬ tseˇ ni shawˬ dehꞈ byawˬ dzehˬ ma’ ”

Iˇsaˬyaˇ 56:12 ပူးပေါင်းရင်းမြစ်များ

Yawˇbaˆ 24:23

Miˬyehˇ aˬ yawꞈ-ahˇ saˇ lehˆ ni bi dehꞈ tawˬ luꞈ kʼawꞈ, myaˆ nuiˆ tiˬ pyawˬ aˬ yawꞈ-ahˇ haw tsoˆ taˬ-euˬ meh.

Jaceuq 10:6

“Ngaˇtiˬjawˇ-iˬ maˬsm-iˇ-ehˇ, shaˬzahˬmaˬjaˆ”lehˇehˇluꞈmeh.

Dawqdaq 20:1

Jiˇ baˬ dawˬ oeˬ lahˬ. Dzaˬ yehꞈ dawˇ yehꞈ dawˬ ja dmˬ gahˬ. Jiˇ baˬ gʼaˬ zaˬ tsawˇ haˬ dawˇ ga.

Dawqdaq 23:35

“Yaw kʼaˆ-ehˇ bi laˆ tahˬ-euˬ nya. Ngaˬ-ahˇ ga uiˬ-awˇ diˬ nehˬ laꞈ-euˬ nya. Aˬ geuˬ gaˇ bi diˬ-euˬ maˬ noeˬ doˆ coeˇ nya. Aˬ jeˬ miˇ neh ngaˬ-ahˇ maˬ noeˬ gahˇ laˇ-eu nya heu. Tiˬ poˆ ya dawˇ nya siˬ” lehˇ nawˇ ehˇ tehꞈ-a.

Dawqdaq 27:1

Ni shawˬ gʼaˇ duˬ kʼahˬ sehˇ taˬ jehˆ. Heu yaw kaˬ-ahˇ aˬ jeˬ pyeuꞈ laˇ-eu nawˇ maˬ ehˇ tsehˆ nya-a.

Dawˬ tsoˆ 2:24

Tsawˇ haˬ zaˬ gʼaˇ duˬ maˬ kʼaˇ gaˇ dzehˬ-eu jeˬ-aˬ, yawˬ ha neh kʼaˇ poˆ uiˬ taˬ-euˬ jeˬ dzaˬ byawˬ dawˇ byawˬ byawˬ-eu kʼoeˇ meh. Heu kʼawꞈ, Miˬyehˇ neh biꞈ leꞈ-euˬ guiˬ lahˬ tiˬ jeˬ meh lehˇ ngaˇ paˇ noeˬ mawˇ-euˬ ma.

Iˇsaˬyaˇ 5:11

Uˬ shawˬ yaw naꞈ-ehˇ tuˇ-awˇ jiˇ baˬ dawˇ-awˇ, uˬ ciꞈ mya-iˇ ngeh keuˆ ni dawˇ yehꞈ-eu tsawˇ haˬ deuˬ, ya noeˬ shaˬ dui dui tehꞈ-a.

Iˇsaˬyaˇ 5:12

Aˬ yawꞈ maꞈ dzaˬ byawˬ dawˇ byawˬ byawˬ gaˇ, deuˇ-mˬ, bawˬ law, cehˇ lehˇ hawˇ-eu jiˇ baˬ jaˆ kʼawꞈ, Sahˬpaˬ Miˬyehˇ neh mˇ-euˬ gaˇ-ahˇ maˬ shaˇ sawˇ-ehˇ, aˬ yawꞈ-euˬ kuiˇ zaˇ laꞈ zaˇ maˬ siˬ nya-a.

Iˇsaˬyaˇ 5:22

Jiˇ baˬ dawˇ-eu aˬ cawˬ taꞈ-ehˇ dzehˬ-awˇ, jiˇ baˬ jiˇ keuˬ maˬ guˆ ni dawˇ peuˬ-eu tsawˇ haˬ deuˬ, ya noeˬ shaˬ dui dui tehꞈ-a.

Yeˬlaˬmiˇ 18:18

Aˬ yawꞈ maꞈ ehˇ-eu, “Yeˬlaˬmiˇ-ahˇ tiˬ jeˬ paˬ jahˇ nehˬ kaˇ-euˇ. Aˬ dui-ahˇ mehˬ nehˬ tsoˆ nehˬ laꞈ-eu gʼaˇ duˬ piˇ ma aˬ myah luꞈ jawˇ tehꞈ-a. Aˬ dui-ahˇ ja noeˬ ja duˇ nehˬ-eu gʼaˇ duˬ, zaˬ siˬ tsawˇ gahˇ byah-eu tsawˇ haˬ kʼawꞈ aˬ myah luꞈ jawˇ-awˇ, aˬ dui-ahˇ Miˬyehˇ gʼaˇ duˬ ngehˬ dah nehˬ laꞈ-eu tsawˇ haˬ kʼawꞈ, aˬ myah luꞈ jawˇ tehꞈ-a. Aˬ dui aˬ yawꞈ-ahˇ ceh-awˇ, aˬ yawꞈ ehˇ gaˇ maˬ naˇ haˬ nehˬ ni byehˇ kaˇ-euˇ.”

Hawˇseˬ 4:11

Sahˬpaˬ Miˬyehˇ heu loˇ ehˇ meh. “Jiˇ baˬ jiˇ oeˇ jiˇ shuiꞈ kʼoeˇ deuˬ, ngaˬ-euˬ tsawˇ haˬ-euˬ nui ma-ahˇ. maˬ gahˇ ni bi pyeuꞈ-iˇ-euˬ meh.

Aˬmoˆ 4:1

Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.

Naˬhmˬ 1:10

Aˬ gah gʼoˆ yoeˬ jehˆ bymˇ loꞈ-ehˇ, keuˬ dzeh gaˇ nawˇ ya daˬ tehꞈ-a.

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

1 Gawˇliˬtu 15:32

Tsawˇ haˬ-euˬ nui noeˬ nui loˆ ya ehˇ naˇ, nymˬ-mˇ Eˇpeˇsu meuˬ heu meuˬ laꞈ kʼoeˇ “haiˬ-eu bawˇ tsahˬ jeˬ zaˬ” deuˬ-ahˇ ngaˇ dawꞈ ceh ceh naˇ, ngaˬ-euˬ gʼaˇ duˬ aˬ jeˬ guiˬ lahˬ baw ta. Shiˇ-euˬ tsawˇ haˬ deuˬ-ahˇ maˬ bi gʼoꞈ dehꞈ laˇ nya-eu ngeuˇ naˇ, “Ni shawˬ ya shiˇ-eu baˬ da neh dzaˬ byawˬ dawˇ byawˬ byawˬ kaˇ-euˇ” lehˇ ehˇ-eu dawˬ daˬ kʼoeˇ tsaˬ dui dui meh.

Tiˇtuˆ 1:7

Ka li zaˬ aˇ muˇ-ahˇ sheuˬ gʼeh-eu tsawˇ haˬ deuˬ-aˬ, Miˬyehˇ-euˬ gaˇ-ahˇ haw-eu pyaˆ-eu tsawˇ haˬ pyeuꞈ-eu miˇ neh, iˬ baˇ taˬ kʼaˇ maˬ ya bi za-a. Yawˬ ha-euˬ nui noeˬ geuꞈ-eu, nui ma nymˇ-eu, aˬ gaꞈ dzaˇ uiˇ dawˇ yehꞈ-eu, aˬ cawˬ-ahˇ dawꞈ-eu ceh-eu, pyuˇ-ahˇ mehˇ juiˇ juiˇ-eu, heu loꞈ-ehˇ gʼeh-eu tsawˇ haˬ maˬ ya bi pyeuꞈ-a.