Iˇsaˬyaˇ 55:8 - Akha

⁸ Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ nui noeˬ hawˇ-eu naw maꞈ-euˬ nui noeˬ beu gaˇ-awˇ, ngaˬ-euˬ gaˇ ma hawˇ-eu naw maꞈ-euˬ gaˇ ma maˬ duˇ-a.

Iˇsaˬyaˇ 55:8 ပူးပေါင်းရင်းမြစ်များ

2 Saˬmeuˬlaˆ 7:19

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, kʼoeˇ naˆ tehꞈ-ehˇ nawˇ maˬ juˬ-ehˇ, kʼoeˇ naˆ maˬ tseˇ gʼeh-eu jeˬ ngaˬ-euˬ kʼoeˇ taˆ nawˇ paˇ mˇ nehˬ-eu lehˇ gʼeh-eu meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, mehˬ hu paw dehꞈ daˆ leꞈ-eu ngaˬ-euˬ zaˬ ngaˬ-euˬ uˆ deuˬ gʼaˇ duˬ, nawˇ ngaˬ-ahˇ saˇ jaˇ dzaˬ-awˇ, aˬ kaˇ pyeuꞈ laˇ-eu gaˇ kawˆ deuˬ nawˇ ngaˬ-ahˇ bi siˬ bi mawˇ laꞈ-euˬ meh.

2 Sahˬpaˬ 5:11

Ehˇ kʼawꞈ, Neˬmaˬ nui ma pehˇ-eu laꞈ kʼoeˇ doˆ-iˇ-awˇ, heu loꞈ-ehˇ ehˇ-eu meh. “Aˬ yawꞈ-euˬ gʼawˇ mawˇ ngaˇ jawˇ gaˇ oe doˆ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ-eu laꞈ kʼoeˇ, ngaˬ-euˬ maˇ naˇ kʼoeˇ taˆ aˬ laꞈ cawˬ ja-awˇ, laˆ taˬ nehˬ laꞈ-eu tsaˬ tehꞈ-a.

Yawˇbaˆ 35:5

Mˬ-ahˇ gʼawˇ leuˇ haw sheˇ. Mˬ dmˇ kʼoeˇ deuˬ aˇ naˆ ni goˇ-eu nga.

Jaceuq 25:10

Dawˬma saˇjaˇ-ahˇ caw teh-awˇ, yehˇdawˬnaˇ-eu deuˬ-euˬmehˬshi, yawꞈgaˬ-eu jeˬ, yawꞈ-euˬsaˇjaˇ, gaˇma kahˇli sheu taw nehˬmeh.

Jaceuq 33:11

SahˬpaˬMiˬyehˇ-euˬbawˬtoˆ-aˬ, mˬmaˬmaˬbyaˆzaˇziˇgmˬ-awˇ, aˬyawꞈneh shaˇnoeˬtaˬ-euˬjeˬ, mˬmaˬmaˬbyaˆzaˇziˇziꞈmeh.

Jaceuq 40:5

Nga maꞈjah-eu Miˬyehˇpyeuꞈ-eu, nga maꞈ-euˬSahˬpaˬMiˬyehˇ-oˇ, kʼaˆjeˬ-ehˇgʼeh-eu gʼawˬmya jeˬ, nga maꞈgʼaˇduˬnawˇmˇ-euˬmeh. Nawˇloꞈ-ehˇgaˇkawˆkawˆnya-eu, nawˬ-ahˇduˇ-eu gʼaˬmaˬjawˇ-a. Nawˬneh mˇnehˬlaꞈ-euˬgaˇdeuˬ, kʼaˬmeh neh maˬja jiˇcoeˇnya.

Jaceuq 92:5

Sahˬpaˬ Miˬyehˇ-oˇ, nawˬ neh mˇ-euˬ gaˇ deuˬ aˇ naˆ ni huiˬ-eu nga. Nawˬ-euˬ nui noeˬ aˇ naˆ ni naꞈ-eu nga.

Dawqdaq 21:8

Tsawˇ doeˇ gaˇ jaw poˆ. Tsawˇ muiˬ gaˇ dawˇ shaˇ.

Dawqdaq 25:3

Sahˬ paˬ tiˬ gʼaˬ-euˬ nui noeˬ-ahˇ nawˇ maˬ siˬ jiˇ nya-a. Aˬ yawꞈ-euˬ nui noeˬ mˬ loꞈ-ehˇ goˇ-awˇ, iˬ ma laˆ shaˆ loꞈ-ehˇ naꞈ-eu miˇ neh, aˬ dui maˬ teh miˇ coeˇ-a.

Iˇsaˬyaˇ 14:24

Baoˬ huiˬ-eu Sahˬpaˬ Miˬyehˇ ehˇ-eu, “Ngaˬ neh kʼaˇ lehˬ hmˬ taˬ-euˬ jeˬ keuˆ le-awˇ, ngaˇ kʼaˇ noeˬ tsehˆ taˬ-euˬ jeˬ pyeuꞈ laˇ tehꞈ-a.

Iˇsaˬyaˇ 53:6

Aˬ dui dawˬ tawˆ byoˆ-iˇ-eu yawˇ deuˬ-ahˇ duˇ-awˇ, tiˬ gʼaˬ tiˬ paw iˇ byoˆ jiˇ taˬ-euˬ meh. Ehˇ kʼawꞈ, aˬ dui-ahˇ oꞈ-eu kʼehˬ-eu kʼaˆ-eu jeˬ dawˬ tawˆ, Sahˬpaˬ Miˬyehˇ-ahˇ aˬ yawꞈ-euˬ kʼoeˇ taˆ baꞈ daˆ nehˬ jiˇ-euˬ meh.

Iˇsaˬyaˇ 58:13

Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ nah muiˬ-eu shawˇ-eu meh lehˇ siˬ-awˇ, yawˬ ha-euˬ nui kʼahˇ maˬ poˆ ni jawˇ-eu uˬ taꞈ, ngaˬ-euˬ nah muiˬ nah shawˇ-ahˇ taˬ huiˬ-eu laꞈ kʼoeˇ, maˬ mˇ maˬ shaˇ maˬ iˇ maˬ laˇ tsehˆ ni jawˇ-awˇ, maˬ muiˬ dawˬ doeˇ maˬ ngehˬ maˬ tmˇ doˆ ni jawˇ naˇ,

Iˇsaˬyaˇ 65:2

Nui ma gʼahˇ-eu laꞈ kʼoeˇ yaw haiˬ jeˬ-ahˇ mˇ-awˇ, yawˬ ha nui kʼahˇ poˆ-eu ngaˬ-euˬ tsawˇ haˬ deuˬ-ahˇ ha geuꞈ nehˬ-eu gʼaˇ duˬ ngaˇ aˬ myah luꞈ lehˬ hmˬ-euˬ ma.

Iˇsaˬyaˇ 66:18

Aˬ yawꞈ maꞈ-euˬ nui noeˬ hawˇ-eu aˬ yawꞈ maꞈ neh mˇ-euˬ gaˇ deuˬ ngaˇ siˬ luꞈ mawˇ luꞈ ma. Miˇ kʼahˬ tsawˇ jeuˬ dawˬ tawˆ luꞈ kuˇ uiˬ-eu gʼaˇ duˬ ngaˇ oe-eu ma. Aˬ yawꞈ maꞈ tiˬ gaˇ uiˬ laˇ jiˇ ngeh, ngaˬ-euˬ baoˬ-ahˇ gʼoe-awˇ mˇ nya-eu gaˇ deuˬ-ahˇ aˬ yawꞈ maꞈ ya mawˇ tehꞈ-a.

Yeˬlaˬmiˇ 3:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ, aˬ cawˬ-ahˇ paˇ mˇ dzaˬ-iˇ gʼaˬ-euˬ gaˇ, sheuˬ kʼoꞈ geuꞈ nya ta loˇ. Kʼoeˇ loꞈ-ehˇ jahˇ-eu jeˬ miˇ tsaˬ tahˬ kʼawˇ-ahˇ bahˬ-eu meh. Ehˇ kʼawꞈ Iˇsaˬleˬlaˆ nawˇ-aˬ, miˇ kʼahˬ doe ni meh maˬ laˇ geuꞈ doe-awˇ, ngaˇ jawˇ gaˇ paˇ gʼoꞈ poˆ laˇ mawꞈ-eu meh.

Yeˬsaˬgeˬlaˇ 18:29

Kʼoeˇ ngeh jawˇ, naw maꞈ Iˇsaˬleˬlaˆ tsawˇ haˬ deuˬ, Sahˬpaˬ Miˬyehˇ neh mˇ-euˬ maˬ tsaˬ nga lehˇ ehˇ-eu meh. Ngaˇ gaˇ mˇ-eu maˬ tsaˬ nga lehˇ naw maꞈ noeˬ-eu maˬ ngeuˇ loˇ. Maˬ tsaˬ-eu-aˬ, naw maꞈ neh mˇ-euˬ gaˇ meh.

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

1 Saˬmeuˬlaˆ 16:7

Ehˇ kʼawꞈ, aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Aˬ yawꞈ aˇ gahˬ aˇ goˇ muiˬ-awˇ aˇ gʼehˇ muiˬ gaˇ taˬ haw. Aˬ yawꞈ-ahˇ ngaˇ tseˇ doˆ-euˬ maˬ ngeuˇ. Aˬ jeˬ miˇ neh ehˇ naˇ, tsawˇ haˬ zaˬ haw mawˇ-eu hawˇ-eu ngaˇ haw mawˇ-eu maˬ duˇ leˇ-a. Tsawˇ haˬ zaˬ-aˬ, laꞈ nyiˇ aˇ gʼehˇ-ahˇ tehꞈ-ehˇ haw-eu meh. Ehˇ kʼawꞈ, ngaˇ-aˬ nui ma-ahˇ haw-eu ma.”