Iˇsaˬyaˇ 55:2 - Akha

² Dzaˬ-eu jeˬ maˬ ngeuˇ-eu gʼaˇ duˬ, aˬ jeˬ miˇ neh pyuˇ zmˬ dzeh te. Uˬ maˆ maˬ dehˆ-eu jeˬ gʼaˇ duˬ, aˬ jeˬ miˇ neh gʼaˬ gaˇ poeˬ zmˬ dzeh te. Ngaˬ-euˬ dawˬ-ahˇ naˇ haˬ geuꞈ-awˇ, gaˇ dahˇ tsoeˬ-eu jeˬ-ahˇ dzaˬ-awˬ. Kuiˇ-eu dzaˇ muiˬ naw maꞈ dzaˬ ngeh, naw maꞈ nui ma tmˬ jawˆ ni jaˆ tehꞈ-a.

Iˇsaˬyaˇ 55:2 ပူးပေါင်းရင်းမြစ်များ

Jaceuq 22:26

Shaˬzaˬzahˬzaˬya dzaˬdehˆ-awˇ, SahˬpaˬMiˬyehˇ-ahˇpoˆ-eu deuˬ, aˬyawꞈ-ahˇ ya ja ceuˬtehꞈ-a. Mˬmaˬmaˬbyaˇzaˇziˇjiˇni, yawˬmaꞈbaw le za le luꞈ-uˇ.

Jaceuq 34:11

Zaˬguˬdeuˬngaˇjawˇgaˇlaˇ-awˇ, ngaˬ-euˬdawˬ-ahˇnaˇhaˬlaˇsheˇ. SahˬpaˬMiˬyehˇ-ahˇzeu-eu jeˬ, naw maꞈ-ahˇngaˇmehˬduˬnehˬnyaˇ.

Jaceuq 36:8

Baw-eu za-eu nawˬ-euˬnymˇ-ahˇ, aˬyawꞈmaꞈdzaˬdehˆdawˇdehˆ-awˇ, nawˬ-euˬ guiˬlahˬlawˇbaˬyoeˇgaˇ, aˬyawꞈmaꞈya kʼawꞈdawˇ-eu meh.

Jaceuq 63:5

Ngaˬ-euˬ saꞈ laˇ dzaˬ dehˆ dawˇ dehˆ-awˇ, nui kʼahˇ shiˇ tehꞈ-a. Kʼoeˇ naˇ, nawˬ-ahˇ ja ceuˬ-eu caˇ dawˬ laˬ kʼaˬ tiˬ cehˇ ngaˇ caˇ ma.

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Dawqdaq 1:33

Ehˇ kʼawꞈ ngaˬ-euˬ ehˇ dawˬ naˇ haˬ-eu deuˬ ziꞈ dah ni dehꞈ-awˇ, guˆ-eu gaˆ-eu jeˬ maˬ jaˆ-a.”

Dawqdaq 7:23

Aˬ yawꞈ-euˬ nui ma-ahˇ kaˆ myaˬ beuˆ byoe laˇ gaˇ iˇ-eu meh. Baw gʼaꞈ-ahˇ coeˬ uˇ gʼeh-eu aˇ jiˇ loꞈ-ehˇ, aˬ yawꞈ-euˬ uˬ kʼawˇ deuˬ laˇ gaˇ maˬ siˬ nya-a.

Dawqdaq 8:32

Teu miˇ neh zaˬ guˬ deuˬ-oˇ, ngaˬ-euˬ dawˬ-ahˇ naˇ haˬ-awˬ. Ngaˬ neh ehˇ-euˬ loꞈ-ehˇ dehꞈ-awˇ nui saˇ oꞈ-awˬ.

Dawqdaq 9:5

“Laˇ-awˬ, ngaˬ neh lehˬ hmˬ taˬ-euˬ dzaˇ dzaˬ laˇ-awˇ, ngaˬ neh laˆ saˆ taˬ-euˬ aˬ gaꞈ dzaˇ uiˇ dawˇ le-awˬ.

Dawˬ tsoˆ 6:2

Tsawˇ haˬ zaˬ tiˬ gʼaˬ-ahˇ Miˬyehˇ pyuˇ shuiˇ myawˬ gahˬ biꞈ-awˇ, tsawˇ myahˇ bi doˆ-euˬ uˬ taꞈ, kʼaˇ geuꞈ mawꞈ-eu jeˬ dawˬ tawˆ luꞈ ehˇ kʼaˇ maˬ za ni biꞈ byah nehˬ-euˬ meh. Ehˇ kʼawꞈ, kʼoeˇ deuˬ dawˬ tawˆ luꞈ-ahˇ aˬ yawꞈ maˬ ya geuꞈ ni, boeˇ miˬ siˬ kʼaˬ tiˬ gʼaˬ neh bi geuꞈ jiˇ-eu meh. Kʼoeˇ-aˬ, tiˬ pawꞈ-iˬ maˬ tsaˬ maˬ dawˇ-ehˇ, tiˬ jeˬ-iˬ gaˇ dahˇ maˬ tsoeˬ-a.

Iˇsaˬyaˇ 1:19

Naw maꞈ nui ma keuˆ-eu laꞈ kʼoeˇ ngaˬ-eu ehˇ dawˬ naˇ haˬ naˇ, miˇ tsaˬ miˇ tsiˇ ya dzaˬ tehꞈ-a.

Iˇsaˬyaˇ 10:27

Aˇ nah aˇ yamˬ kʼoeˇ yamˬ keuˆ le ngeh, Aˬshuˇliˆ tsawˇ haˬ deuˬ-euˬ laꞈ-ahˇ neh naw maꞈ-ahˇ ngaˇ bi dzeuˇ-iˇ-awˇ, aˬ yawꞈ maꞈ-euˬ kʼaˆ baꞈ kawˬ naw maꞈ-euˬ baꞈ pu-ahˇ maˬ paˇ bi daˇ ma.”

Iˇsaˬyaˇ 25:6

Ziˇoˬ gawˬ jawˬ heu jawˬ kʼoeˇ taˆ, miˇ tsaˬ tsawˇ jeuˬ dawˬ tawˆ luꞈ gʼaˇ duˬ, Baoˬ huiˬ-eu Sahˬpaˬ Miˬyehˇ hawˬ byawˇ laˆ dawˆ tehꞈ-a. Muiˬ dui dui-eu dzaˬ dzaˬ dawˇ dawˇ deuˬ hawˇ-eu, kuiˇ dui dui-eu aˬ gaꞈ dzaˇ uiˇ aˬ yawꞈ lehˬ hmˬ tehꞈ-a.

Iˇsaˬyaˇ 44:20

Kʼoeˇ-aˬ, kʼaˬ lehˇ tawˆ dzaˬ-eu naˆ ni dawˇ ga ga gaˇ duˇ-eu meh. Aˬ dzawˬ aˇ gah-euˬ nui noeˬ neh bi sheuˬ pyawˇ taˬ-euˬ miˇ neh, aˬ yawꞈ-ahˇ ngehˬ maˬ paˇ gʼeh nehˬ nya meh. Aˬ yawꞈ-euˬ aˬ laꞈ-ahˇ tuˆ tehˬ taˬ-euˬ tahˬ pahˬ aˬ ma mawˇ kawˇ kʼoeˇ miˬ yehˇ maˬ ngeuˇ-eu gaˇ kawˆ, aˬ yawꞈ-ahˇ maˬ mehˬ paˇ nya-a.

Iˇsaˬyaˇ 46:6

Tsawˇ haˬ tiˬ paˆ na deuˬ shuiˇ pehˇ zeuˇ tahˬ kʼaˇ-awˇ, pyuˇ-ahˇ paˆ yawˬ neh saˆ-eu meh. Shuiˇ kʼaˇ-eu tsawˇ haˬ-ahˇ aˇ poeˬ biꞈ-awˇ, tahˬ pahˬ aˬ ma mawˇ kawˇ bi kʼaˇ-awˇ uˬ duˬ tahˬ-eu meh.

Iˇsaˬyaˇ 51:1

Sahˬpaˬ Miˬyehˇ heu loꞈ-ehˇ ehˇ-eu meh. “Ka kʼoꞈ-eu jeˬ-ahˇ poˆ luꞈ-awˇ, ngaˬ-ahˇ tahˬ shaˇ laˇ-eu tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Naw maꞈ doˆ le-euˬ lo guˇ-ahˇ haw-awˬ. Naw maꞈ-ahˇ taꞈ doˆ-euˬ lo gahˬ-ahˇ shaˇ noeˬ-awˬ.

Iˇsaˬyaˇ 51:4

“Ngaˬ-euˬ tsawˇ haˬ deuˬ-oˇ, ngaˬ-euˬ dawˬ naˇ haˬ-awˬ. Ngaˬ-euˬ tsawˇ jeuˬ ngaˇ ehˇ gaˇ naˬ bawˇ ciˬ kʼmˇ-awˬ. Miˇ kʼahˬ tsawˇ jeuˬ deuˬ-ahˇ ngaˇ mehˬ-eu tsoˆ-eu ma. Ngaˬ-euˬ zahˇ dawˬ kʼoꞈ dawˬ aˬ yawꞈ maꞈ-ahˇ yaw shehꞈ bya nehˬ tehꞈ-a.

Iˇsaˬyaˇ 51:7

“Ngaˬ-euˬ zahˇ dawˬ kʼoꞈ dawˬ nui ma laꞈ kʼoeˇ ahˇ-awˇ, tsaˬ-eu dawˇ-eu jeˬ siˬ nya-eu naw maꞈ, ngaˇ ehˇ gaˇ naˇ haˬ-awˬ. Aˬ cawˬ naw maꞈ-ahˇ yehˬ bawˬ sehˇ lu-ehˇ ehˇ laˇ-awˇ lmˬ gaˇ, naw maꞈ ta guˆ.

Iˇsaˬyaˇ 62:8

Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ jaˆ-awˇ, aˬ yawꞈ-euˬ baoˬ zmˬ-awˇ saˇ jaˇ kʼoeˇ bi byah laˇ tehꞈ-a. “Muiˇ-eu deuˬ-ahˇ naw maꞈ-euˬ cehˇ maˬ paˇ bi dzaˬ ma. Boeˇ miˬ siˬ kʼaˬ deuˬ-ahˇ naw maꞈ-eu aˬ gaꞈ dzaˇ uiˇ maˬ paˇ bi dawˇ ma.

Iˇsaˬyaˇ 62:9

Ehˇ kʼawꞈ, cehˇ ka-awˇ yehˬ-euˬ deuˬ pyeuꞈ-eu naw maꞈ, cehˇ meu kaˬ muˇ dzaˬ-awˇ Sahˬpaˬ Miˬyehˇ-ahˇ ya ja ceuˬ tehꞈ-a. Aˬ gaꞈ yaˇ kmˇ laˆ saˆ-awˇ aˇ siˬ pyaˆ uiˬ-eu naw maꞈ, Uˬ duˬ tahˬ nymˇ nymˇ ma pu ka aˬ gaꞈ dzaˇ uiˇ ya dawˇ tehꞈ-a.”

Iˇsaˬyaˇ 65:23

Aˬ yawꞈ maꞈ neh kʼaˇ mˇ-euˬ jeˬ guiˬ lahˬ baw-awˇ, aˬ yawꞈ maꞈ-euˬ zaˬ deuˬ shaˬ zahˬ maˬ ya mˇ-a. Aˬ yawꞈ maꞈ hawˇ-eu zaˬ deuˬ uˆ deuˬ-ahˇ, mˬ maˬ maˬ byaˆ zaˇ ziˇ ngaˇ guiˬ lahˬ biꞈ nehˬ ma.

Yeˬlaˬmiˇ 12:13

Ngaˬ-euˬ tsawˇ haˬ deuˬ cehˇ ka kʼawꞈ, shmˇ ma tehꞈ-ehˇ ya yehˬ tehꞈ-a. Aˬ yawꞈ maꞈ gaˇ mˇ sehꞈ leꞈ kʼawꞈ, guiˬ lahˬ tiˬ jeˬ-iˬ maˬ baw-a. Ngaˇ nui ma pehˇ-eu jeˬ baˬ da neh, dzaˬ la gʼo cehˇ maˬ za le-a.”

Yeˬlaˬmiˇ 17:24

“Ngaˬ-euˬ dawˬ deuˬ-ahˇ ya naˇ haˬ geuꞈ meh lehˇ, tsawˇ haˬ kʼoeˇ deuˬ-ahˇ ehˇ nehˬ-awˬ. Jawˇ nah ngeh nah-ahˇ, lahˇ kʼehˬ heu deuˬ-ahˇ neh meuˬ laꞈ kʼoeˇ myawˬ maˬ ya sha ahˇ-a. Jawˇ nah ngeh nah-ahˇ, nah muiˬ nah shawˇ aˇ nah loꞈ-ehˇ aˬ yawꞈ maꞈ ya lah ya daw-awˇ, gaˇ aˬ geu jeˬ maˬ kaˬ, maˬ ya mˇ-a.

Yeˬlaˬmiˇ 2:13

Aˬ jeˬ miˇ neh ehˇ naˇ ngaˬ-euˬ tsawˇ jeuˬ, iˬ baˇ nyiˬ jeˬ mˇ taˬ-euˬ meh. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu ngaˬ-ahˇ, aˬ yawꞈ maꞈ byehˇ dzeh-awˇ, iˇ cuꞈ maˬ dahˬ ziꞈ nya-eu lah duˬ gawˬ-euˬ meh.

Yeˬlaˬmiˇ 31:14

Piˇ ma deuˬ-ahˇ dzaˇ muiˬ oꞈ-awˇ, nui kʼahˇ tiˬ shiˇ bi dzaˬ dehˆ ma. Ngaˬ-euˬ tsawˇ haˬ deuˬ dzaˬ tuiˆ dawˇ tuiˆ jaˆ le tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Hawˇseˬ 12:1

Iˇsaˬleˬlaˆ tsawˇ haˬ deuˬ neh, mˬ tiˬ ciꞈ mˇ-euˬ shaˇ-euˬ jeˬ, yaw muiˬ maˬ jaˆ yaw cawˆ tehꞈ meh. Yaw lehˬ hawˇ-eu yaw ca mˇ-eu, myaˬ laˇ kʼaˆ laˇ tehˇ tehˬ-eu meh. Aˬshuˇliˆ-ahˇ saˇ jaˇ dzaˬ-awˇ, Iˇjiˇtuˆ-ahˇ gaꞈ taꞈ-eu meh.”

Hawˇseˬ 8:7

Jaˬ lehˇ aˇ yoeˬ sehˬ-euˬ miˇ neh, jaˬ lehˇ lehˇ ma ya yehˬ tehꞈ-a. Cehˇ nmˇ maˬ myah laˇ-euˬ cehˇ yaˇ, hawˬ mˇ saꞈ-awˇ maˬ dzaˬ nya-a. Paˇ mˇ saꞈ dzaˬ nya law hawˇ kʼawꞈ, aˬ cawˬ tsawˇ jeuˬ dzaˬ jiˇ tehꞈ-a.

Haˬbaˬkuˆ 2:13

miˇkʼahˬ tsawˇjeuˬ shaˬdoeˇ-euˬ kʼoeˇ, gaˇ dahˇ tsoeˬ leˇ duˬ maˬ jaˆ ni, Baoˬ huiˬ-eu Sahˬpaˬ Miˬyehˇ neh, noeˬ tsehˆ daˇ tsehˆ jiˇ taˬ-euˬ meh.

Maꞈtehˬ 15:9

Yawꞈ maꞈ ngaˬ-ahˇ uˬ duˬ tahˬ-eu, tiˬ jeˬ-iˬ gaˇ dahˇ maˬ tsoeˬ-a. Yawꞈ maꞈ mehˬ-eu zahˇ sahˇ kʼoꞈ deuˬ, tsawˇ haˬ neh beh-euˬ zahˇ meh lehˇ, Miˬyehˇ ehˇ taˬ-euˬ jaˆ-eu meh.’ ”

Maꞈtehˬ 22:4

Zaˬ kʼaˆ yawˬ deuˬ yawˬ-ahˇ aˬ yawꞈ paˇ pyehˬ gʼeh-awˇ, ‘Dzaˬ byawˇ lehˬ hmˬ dah taˬ-euˬ ma. Mawˇ neˇ mawˇ gaw deuˬ hawˇ-eu, cu tsuˇ taˬ-euˬ jeˬ zaˬ deuˬ sehꞈ-awˇ, yawˬ jeˬ na luꞈ laˆ dah jiˇ taˬ-euˬ ma. Oeˇ mˇ baˇ-eu bawˬ-iˬ-ahˇ laˇ-awˬ’ lehˇ paˇ bi kuˇ-iˇ-euˬ meh.

Maꞈtehˬ 5:6

“Yaw tsaˬ yaw dawˇ jeˬ-ahˇ mehꞈ-eu shuꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ aˬ yawꞈ maꞈ ya dzaˬ ya dawˇ dehˆ tehꞈ-a.

Maˬkuˆ 7:14

Kʼoeˇ naˇ tsawˇ haˬ aˇ maꞈ-ahˇ Yeˬsuˇ tiˬ poˆ paˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Naw maꞈ daw tawˆ luꞈ yaw muiˬ paˬ-ehˇ naˇ haˬ-awˇ gʼoˆ shaw geuꞈ-awˬ.

Luˇkaꞈ 15:23

Kʼoeˇ naˇ, aˬ cawˬ naˆ maˬ tseˇ tsuˇ-eu mawˇ neˇ mawˇ gaw zaˬ tsahˇ leꞈ-awˇ sehꞈ-awˬ. Aˬ dui maꞈ laˬ kʼaˬ tiˬ cehˇ dzaˬ taꞈ dawˇ taꞈ kaˇ-euˇ.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Lormav 10:17

Dawˬ tawˆ luꞈ ehˇ leꞈ naˇ, jah-eu kʼoeˇ-aˬ, Miˬyehˇ dawˬ kawˬ ya gaˬ-euˬ miˇ neh jah-awˇ, Miˬyehˇ dawˬ kawˬ ya gaˬ-euˬ kʼoeˇ-aˬ, Ka liˬ-euˬ dawˬ baˬ da neh ya gaˬ-euˬ jeˬ pyeuꞈ-eu meh.

Lormav 9:31

Ehˇ kʼawꞈ, Iˇsaˬleˬlaˆ tsawˇ haˬ deuˬ-aˬ, yawˬ ha Miˬyehˇ-ahˇ tsaˬ leˇ tsahˇ leˇ nya ni jahˇ nehˬ laꞈ nya-eu zahˇ dawˬ kʼoꞈ dawˬ-ahˇ poˆ luꞈ kʼawꞈ, maˬ poˆ mawˇ nya-ehˇ shaˬ luꞈ meh.

Dawˬmehˬ 11:13

“Kʼoeˇ miˇ neh, iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˇ, naw maꞈ-euˬ nui ma dawˬ tawˆ luꞈ aˬ yawꞈ-euˬ gaˇ mˇ-awˬ.

HeˬByehˇ 13:9

La kʼaˬ cehˇ-eu Guiˬ lahˬ dawˬ-ahˇ beu gaˇ-eu mehˬ-eu tsoˆ-eu gʼawˬ mya jeˬ neh gaˇ ma taˬ bi sheuˬ bahˬ. Dzaˇ dzaˬ sheuˬ-eu baˬ da neh naw maꞈ-euˬ saꞈ laˇ gʼaˬ kʼaˆ laˇ-eu maˬ ngeuˇ-a. Miˬyehˇ-euˬ guiˬ lahˬ yaw dzahˇ-aˬ, naw maꞈ-euˬ saꞈ laˇ gʼaˬ bi kʼaˆ laˇ-eu gʼaˇ duˬ muiˬ dui dui-eu jeˬ pyeuꞈ-eu meh. Dzaˇ dzaˬ sheuˬ-eu kʼoeˇ-aˬ, tsawˇ haˬ zaˬ gʼaˇ duˬ gaˇ dahˇ maˬ tsoeˬ-a.