Iˇsaˬyaˇ 55:11 - Akha

¹¹ ngaˬ-euˬ kʼaˬ meh-ahˇ pyehˬ doˆ-euˬ dawˬ kʼawꞈ, ngaˬ-euˬ nui kʼahˇ mˇ byah yaꞈ-awˇ, ngaˬ neh kʼaˇ kʼehˇ-euˬ jeˬ maˬ mˇ luiˆ kʼoeˇ keuˆ ni, ngaˇ jawˇ gaˇ yawˬ ngehꞈ-ehˇ maˬ gʼoꞈ laˇ-a.

Iˇsaˬyaˇ 55:11 ပူးပေါင်းရင်းမြစ်များ

Iˇsaˬyaˇ 40:8

Ngeuˇ meh. Yaˇ moꞈ nyoeˬ-iˇ-awˇ aˇ yehˆ juˬ-iˇ-eu meh. Ehˇ kʼawꞈ, aˬ dui Miˬyehˇ-euˬ dawˬ, mˬ maˬ maˬ byaˆ zaˇ ziˇ gmˬ meh.”

Iˇsaˬyaˇ 45:23

Ngaˬ-euˬ saˇ jaˇ ziꞈ dui dui-awˇ, tiˬ jawˇ-iˬ poˆ laˇ paˇ laˇ-eu maˬ baw. Ngaˬ-ahˇ gʼoe-awˇ ngaˇ heu loꞈ-ehˇ, ziꞈ dui dui-eu saˇ jaˇ dawˬ ngehˬ-eu ma. Yawˬ gʼaˬ na luꞈ ngaˬ-euˬ mehˬ shi pawˬ tsuiꞈ pawˬ dmˬ dmˬ-awˇ, ngaˬ-ahˇ saˇ jaˇ ziꞈ ma lehˇ ya kamˬ tsehˆ tehꞈ-a.

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Iˇsaˬyaˇ 54:9

“Miˇ tsaˬ kʼoeˇ taˆ iˇ cuꞈ maˬ paˇ bi dahˬ pymˬ-eu gʼaˇ duˬ, Noˇaˬ-euˬ ziˇ-ahˇ ngaˇ saˇ jaˇ biꞈ-euˬ loꞈ-ehˇ, nawˬ-ahˇ nui ma maˬ paˇ pehˇ-eu gʼaˇ duˬ nymˬ-mˇ ngaˇ saˇ jaˇ biꞈ-eu ma. Nawˬ-ahˇ ngaˇ maˬ paˇ byehˇ dzeh ma.

Iˇsaˬyaˇ 59:21

Kʼoeˇ naˇ, naw maꞈ nehˬ-ehˇ ngaˇ dawˬ ma saˇ jaˇ dzaˬ ma. Mˬ maˬ maˬ byaˆ zaˇ ziˇ naw maꞈ bi geuꞈ tsehˆ-eu gʼaˇ duˬ, ngaˬ-euˬ baoˬ hawˇ-eu ngaˬ-euˬ dawˬ deuˬ, naw maꞈ-ahˇ ngaˇ biꞈ gʼaˬ-euˬ ma. Nymˬ-mˇ neh aˇ dahˬ beh-awˇ ngaˬ-euˬ dawˬ-ahˇ naw maꞈ ya naˇ haˬ geuꞈ-awˇ, naw maꞈ-euˬ zaˬ hawˇ-eu oeˬ paˬ oeˬ ma deuˬ-ahˇ kʼawꞈ, mˬ maˬ maˬ byaˆ zaˇ ziˇ jiˇ ni ya mehˬ daˆ leꞈ meh.”

Yeˬlaˬmiˇ 1:11

“Yeˬlaˬmiˇ-oˇ, nawˬ-ahˇ aˬ jeˬ mawˇ laˇ-eu nya” lehˇ Sahˬpaˬ Miˬyehˇ ngaˬ-ahˇ naˇ haˬ laˇ ngeh, “Aˬlaˬmoˬ aˇ bawˇ uˬ laꞈ tiˬ laꞈ mawˇ-euˬ ma” lehˇ ngaˇ ehˇ kʼoꞈ nehˬ-euˬ ma.

Yeˬlaˬmiˇ 1:12

Sahˬpaˬ Miˬyehˇ ehˇ-eu, “Nawˇ mawˇ-euˬ tsaˬ meh. Ngaˬ neh ehˇ taˬ-euˬ dawˬ byah laˇ gaˇ ngaˇ haw luꞈ-eu ma” lehˇ ehˇ-eu meh.

Yeˬlaˬmiˇ 1:13

Kʼoeˇ naˇ, Sahˬpaˬ Miˬyehˇ ngaˬ-ahˇ dawˬ tiˬ poˆ paˇ ngehˬ cawˬ laˇ-awˇ, “Nawˬ-ahˇ aˬ jeˬ paˇ mawˇ laˇ-eu nya” lehˇ naˇ haˬ laˇ ngeh, “Laˬ taˆ paw pyawˬ-ahˇ iˇ buiˇ buiˇ luꞈ-eu oeˬ lahˬ tiˬ sawˇ mawˇ laˇ-awˇ, heu paw dzeˇ coˬ kʼaˇ le-eu lehˇ gʼeh luꞈ-eu nga” lehˇ ehˇ kʼoꞈ nehˬ-euˬ ma.

Yeˬlaˬmiˇ 23:20

Aˬ yawꞈ nui noeˬ maˬ mˇ li kʼoeˇ keuˆ ni, Sahˬpaˬ Miˬyehˇ nui pehˇ maˬ shuꞈ-iˇ-aˇ.”

Yeˬlaˬmiˇ 25:13

Yeˬlaˬmiˇ-ahˇ gʼoe-awˇ ngaˬ neh ehˇ taˬ-euˬ jeˬ pyeuꞈ-eu, sahˬ boꞈ heu dmˬ laꞈ kʼoeˇ kʼaˇ boꞈ ahˇ taˬ-euˬ shaˬ-eu zahˬ-euˬ guˆ-eu gaˆ-eu jeˬ dawˬ tawˆ luꞈ, Baˬbuˇloˬ miˇ kʼahˬ kʼoeˇ taˆ ngaˇ bi keuˆ le-eu laꞈ kʼoeˇ, kʼehˬ nehˬ kʼaˆ nehˬ ma.

Yeˬsaˬgeˬlaˇ 24:14

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˇ nawˬ-ahˇ ya jahˇ nehˬ-eu aˇ yamˬ keuˆ laˇ-euˬ meh. Nawˬ-euˬ iˬ baˇ-ahˇ ngaˇ maˬ ngehˇ-ehˇ, nawˬ-ahˇ ngaˇ gʼawˬ shaˬ maˬ gaˬ nehˬ. Nawˬ neh kʼaˇ mˇ-euˬ loꞈ-ehˇ nawˇ ya daˬ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Aˬmoˆ 6:11

Sahˬpaˬ Miˬyehˇ dawˬ biꞈ ngeh, nymˇ yaw huiˬ yaw nyiˇ dawˬ tawˆ luꞈ pyaˆ-iˇ shaˆ-iˇ jiˇ tehꞈ-a.

Zaˬkaˬliˇ 1:6

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Maꞈtehˬ 24:35

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Yoˇhaˬ 6:63

Naw maꞈ-ahˇ dehꞈ-eu saꞈ laˇ biꞈ-euˬ-aˬ, Miˬyehˇ-euˬ Yaw sahˇ meh. Tsawˇ haˬ zaˬ-euˬ baoˬ neh tiˬ jeˬ-iˬ maˬ gʼeh nya-a. Ngaˬ neh naw maꞈ-ahˇ ehˇ-euˬ gaˇ kawˆ heu-aˬ, dehꞈ-eu saꞈ laˇ biꞈ-eu Miˬyehˇ-euˬ Yaw sahˇ-ahˇ naw maꞈ bi za nya-eu gʼaˇ duˬ pyeuꞈ-eu ma.

Lormav 10:17

Dawˬ tawˆ luꞈ ehˇ leꞈ naˇ, jah-eu kʼoeˇ-aˬ, Miˬyehˇ dawˬ kawˬ ya gaˬ-euˬ miˇ neh jah-awˇ, Miˬyehˇ dawˬ kawˬ ya gaˬ-euˬ kʼoeˇ-aˬ, Ka liˬ-euˬ dawˬ baˬ da neh ya gaˬ-euˬ jeˬ pyeuꞈ-eu meh.

1 Gawˇliˬtu 1:18

Aˬ jeˬ miˇ neh ehˇ naˇ, Ka li laꞈ yaꞈ kʼoeˇ taˆ kamˇ shiˇ-euˬ kʼoeˇ-aˬ, byoˆ-iˇ-euˬ tsawˇ haˬ deuˬ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a. Ehˇ kʼawꞈ kʼoeˇ-aˬ, aˬ dui ka kʼoꞈ-eu jeˬ za-euˬ deuˬ gʼaˇ duˬ Miˬyehˇ-euˬ baoˬ meh.

Dawˬmehˬ 32:2

Ngaˬ-euˬ dawˬ mehˬ uˬ yehˇ yehˇ-awˇ, ngaˬ-euˬ dawˬ tsoˆ ceuˬ ga ga-awˬ. Jaˆ gaˆ koeˇ taˆ yehˇ muˆ muˆ-awˇ, sahˬ lahˬ kʼoeˇ taˆ yehˇ ma ma-awˬ.

1 Teˇsaˬloˇni 2:13

Miˬyehˇ-euˬ guiˬ lahˬ-ahˇ nga maꞈ maˬ tsehˆ leˇ ni ja ceuˬ luꞈ-eu gaˇ kawˆ yawˬ hmˬ yawˬ-aˬ, heu loꞈ-ehˇ ma. Naw maꞈ jawˇ gaˇ nga maꞈ Miˬyehˇ dawˬ kawˬ hehˇ leꞈ ngeh, tsawˇ haˬ-euˬ dawˬ loꞈ-ehˇ sawˇ-awˇ naw ma ha geuꞈ-euˬ maˬ ngeuˇ-a. Maˇ maˇ ni Miˬyehˇ-euˬ dawˬ pyeuꞈ-eu miˇ neh, Miˬyehˇ-euˬ dawˬ loꞈ-ehˇ sawˇ-awˇ ha geuꞈ-euˬ meh. Aˬ jeˬ miˇ neh ehˇ naˇ, jah-eu tsawˇ haˬ pyeuꞈ-eu naw maꞈ-euˬ laꞈ kʼoeˇ Miˬyehˇ gaˇ mˇ luꞈ-eu meh.

HeˬByehˇ 6:7

Uˬ yehˇ uiˇ dawˇ-awˇ mˇ dzaˬ kʼawꞈ dawˇ-eu deuˬ gʼaˇ duˬ gaˇ dahˇ tsoeˬ-eu sahˬ lahˬ bi dehꞈ laˇ-eu miˇ tsaˬ-ahˇ Miˬyehˇ guiˬ lahˬ biꞈ-eu meh.

Yaˬkoˆ 1:18

Kʼaˇ beh dehꞈ taˬ-euˬ jeˬ dawˬ tawˆ luꞈ laꞈ kʼoeˇ aˬ dui aˬ cawˬ jeˬ hu hu saˬ ya jawˇ ni, aˬ yawꞈ nui ma kʼaˇ tsaˬ-eu loꞈ-ehˇ yaw tsaˬ yaw dawˇ dawˬ-ahˇ gʼoe-awˇ aˬ dui-ahˇ beh dehꞈ taˬ-euˬ meh.

1 Beˬtuˆluˆ 1:23

Aˬ jeˬ miˇ neh ehˇ naˇ, naw maꞈ-aˬ, mˬ maˬ maˬ byaˆ zaˇ ziˇ ziꞈ-eu dehꞈ luꞈ-eu Miˬyehˇ-euˬ dawˬ kawˬ baˬ da neh tiˬ jawˇ-iˬ maˬ shiˇ ni dehꞈ-eu gʼaˬ-euˬ zaˬ pyeuꞈ laˇ-euˬ meh. Shiˇ nya-eu tsawˇ haˬ-euˬ zaˬ pyeuꞈ laˇ-euˬ maˬ ngeuˇ-a.

1 Saˬmeuˬlaˆ 3:19

Saˬmeuˬlaˆ huiˬ laˇ luꞈ-eu loꞈ-ehˇ, Sahˬpaˬ Miˬyehˇ aˬ yawꞈ nehˬ-ehˇ jawˇ-awˇ, aˬ yawꞈ neh kʼaˇ ehˇ-euˬ jeˬ bi pyeuꞈ laˇ-euˬ meh.