Iˇsaˬyaˇ 54:7 - Akha7 “Nawˬ-ahˇ ngaˇ tiˬ kʼehˇ laˇ kʼehˬ byehˇ dzeh-euˬ tehꞈ ma. Gaˬ dui dui-eu laꞈ kʼoeˇ nawˬ-ahˇ ngaˇ paˇ sheuˬ kʼoꞈ geuꞈ ma. အခန်းကိုကြည့်ပါ။ |
Iˇsaˬyaˇ 54:7
34 ပူးပေါင်းရင်းမြစ်များ
Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.
Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ paˇ gaˬ nehˬ-awˇ, aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tiˬ poˆ paˇ tseˇ doˆ nehˬ tehꞈ-a. Aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ paˇ bi jawˇ gʼoꞈ leˇ-awˇ, aˬ cawˬ tsawˇ jeuˬ deuˬ kʼawꞈ aˬ yawꞈ maꞈ nehˬ-ehˇ jawˇ leˇ tehꞈ-a.
Kʼoeˇ ngeh nawˇ yawˬ haˇ yawˬ ha heu loꞈ-ehˇ ehˇ tehꞈ-a. ‘Ngaˬ-euˬ gʼaˇ duˬ zaˬ heu deuˬ-ahˇ aˬ suˇ gʼaˬ neh puˬ byah taˬ ta. Ngaˬ-euˬ zaˬ deuˬ byoˆ-iˇ jiˇ-awˇ aˇ dzehˬ maˬ paˇ jawˇ ma. Ngaˬ-ahˇ aˬ cawˬ paꞈ-awˇ bi tsahˇ byoˆ gʼeh-euˬ ma. Zaˬ heu deuˬ-ahˇ aˬ suˇ gʼaˬ paˇ sheuˬ uiˬ laꞈ taˬ. Ngaˇ tiˬ gʼaˬ tehꞈ-ehˇ dzeˇ yaꞈ-euˬ maˬ ngeuˇ-a loˇ. Zaˬ heu deuˬ aˬ geu gaˇ paˇ doˆ le taˬ.’ ”
Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.
Paˬ tseuˆ bi tseuˆ dzeh-euˬ zaˬ lehˇ nawˬ-ahˇ maˬ paˇ kuˇ meh. Nawˬ-euˬ miˇ kʼahˬ-ahˇ kʼawꞈ, “meuˬ meuˬ tsoeˬ” lehˇ maˬ paˇ kuˇ meh. “Miˬyehˇ nui kʼahˇ shiˇ-eu gʼaˬ” lehˇ nawˬ-ahˇ ya kuˇ paˇ-awˇ, nawˬ-euˬ miˇ kʼahˬ-euˬ tsawˇ myahˇ yaw shuiꞈ-aˬ, “Laˬ kʼaˬ tiˬ cehˇ sheuˬ dahˬ dzaˬ-euˬ” lehˇ meh. Aˬ jeˬ miˇ neh ehˇ naˇ, Sahˬpaˬ Miˬyehˇ nawˬ-ahˇ nui kʼahˇ shiˇ-awˇ, nawˬ-euˬ miˇ kʼahˬ hawˇ-eu aˬ yawꞈ, miˬ zaˬ yo zaˬ-ahˇ duˇ-eu meh.
Sahˬpaˬ Miˬyehˇ-euˬ gʼoeˇ-eu gaˬ-eu jeˬ, maˬ poˆ maˬ paˇ laˇ-eu gaˇ kawˆ ngaˇ ja gaˬ ma. Aˬ dui kʼoeˇ taˆ aˬ yawꞈ neh kʼaˇ mˇ taˬ-euˬ jeˬ gʼaˇ duˬ, aˬ yawꞈ-euˬ guiˬ lahˬ-ahˇ ngaˇ ja ceuˬ ma. Aˬ yawꞈ-euˬ gʼawˬ shaˬ gaˬ-eu jeˬ hawˇ-eu, maˬ tsehˆ leˇ nya-eu gʼoeˇ-eu gaˬ-eu jeˬ baˬ da, aˬ yawꞈ-euˬ Iˇsaˬleˬlaˆ tsawˇ jeuˬ-ahˇ, muiˬ-eu guiˬ lahˬ tiˬ byah biꞈ nehˬ-euˬ meh.
“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ nawˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ uˬ moˆ ya ciˆ ya zaˬ deuˬ-ahˇ uˆ kaˬ nehˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-eu nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-a.
ကြော်ငြာတွေ