Iˇsaˬyaˇ 54:13 - Akha

¹³ “Nawˬ-euˬ tsawˇ haˬ deuˬ-ahˇ ngaˇ mehˬ nehˬ tsoˆ nehˬ-awˇ, nui saˇ oꞈ-awˇ bi baw bi za le ma.

Iˇsaˬyaˇ 54:13 ပူးပေါင်းရင်းမြစ်များ

Jaceuq 119:165

Nawˬ-euˬ zahˇ dawˬ kʼoꞈ dawˬ-ahˇ gaˬ-eu deuˬ guˆ kʼaˇ maˬ za-ehˇ, aˬ yawꞈ maꞈ coˬ-iˇ ni maˬ jahˇ nya-a.

Jaceuq 119:33

Sahˬpaˬ Miˬyehˇ-oˇ, nawˬ-euˬ zahˇ dawˬ kʼoꞈ dawˬ-euˬ dawˬ tsuiꞈ mehˬ nehˬ laꞈ. Dawˬ kʼoeˇ deuˬ-ahˇ ngaˇ aˬ myah luꞈ caw teh ma.

Jaceuq 147:14

Nawˬ-euˬ miˇ kʼahˬ-ahˇ nui saˇ oꞈ-eu jeˬ aˬ yawꞈ neh bi keuˆ le-awˇ, nawˬ-euˬ nui kʼahˇ tiˬ shiˇ muiˬ dui dui-eu cehˇ bi za le-euˬ meh.

Jaceuq 71:17

Nyiˇ ngeh neh nawˇ ngaˬ-ahˇ mehˬ nehˬ tsoˆ nehˬ laꞈ-awˇ, nawˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ-ahˇ, iˬ nah keuˆ ni ngaˇ ja luꞈ ma.

Iˇsaˬyaˇ 11:9

Iˬ ma laˆ shaˆ iˇ cuꞈ byah-eu loꞈ-ehˇ, Sahˬpaˬ Miˬyehˇ-ahˇ siˬ nya-eu jeˬ, miˇ tsaˬ kʼoeˇ taˆ byah-eu miˇ neh, Miˬyehˇ-euˬ muiˬ-eu shawˇ-eu Ziˇoˬ gawˬ jawˬ-ahˇ, lehˬ laˇ ca laˇ duˬ maˬ jaˆ-a.

Iˇsaˬyaˇ 2:3

tsawˇ haˬ gʼawˬ mya ni uiˬ laˇ bymˇ laˇ-awˇ, heu loꞈ-ehˇ ehˇ tehꞈ-a. “Laˇ-awˬ. Sahˬpaˬ Miˬyehˇ-euˬ gawˬ jawˬ-ahˇ daˆ leˇ kaˇ-euˇ. Iˇsaˬleˬlaˆ Miˬyehˇ-euˬ Uˬ duˬ tahˬ nymˇ nymˇ ma-ahˇ le kaˇ-euˇ. Aˬ yawꞈ-euˬ gaˇ ma-ahˇ aˬ dui cah nya ni, aˬ yawꞈ neh bi mehˬ bi tsoˆ leˇ kaˇ-euˇ.” Ziˇoˬ meuˬ-ahˇ neh zahˇ dawˬ kʼoꞈ dawˬ doˆ le-awˇ, Yeˬluˇsaˬlehˬ meuˬ-ahˇ neh Sahˬpaˬ Miˬyehˇ-euˬ dawˬ gaˬ doˆ le-eu meh.”

Iˇsaˬyaˇ 26:3

Nui ma ziꞈ dah ni gʼeh-awˇ, nawˬ-ahˇ jah-eu tsawˇ haˬ deuˬ-ahˇ, byah dui dui-eu nui saˇ oꞈ-eu jeˬ, Sahˬpaˬ Miˬyehˇ nawˇ biꞈ nehˬ-awˬ.

Iˇsaˬyaˇ 28:9

Aˬ yawꞈ maꞈ ngaˬ-ahˇ bye-awˇ ehˇ-eu, “Tsawˇ haˬ teu gʼaˬ aˬ suˇ gʼaˬ-ahˇ mehˬ-eu tsoˆ-eu gʼeh ta. Aˬ yawꞈ mehˬ gaˇ aˬ suˇ gʼaˬ naˇ haˬ mawꞈ nga jeˇ. Aˬ coeˇ byehˇ-euˬ zaˬ nahˬ-ahˇ mehˬ luꞈ-uˇ.

Iˇsaˬyaˇ 29:24

Aˬ dzawˬ aˇ gah deuˬ noeˬ siˬ noeˬ mawˇ nya laˇ-awˇ, naˬ lehˬ deuˬ mehˬ paˇ nya tehꞈ-a.”

Iˇsaˬyaˇ 48:18

“Ngaˬ-euˬ dawˬ-ahˇ naw maꞈ naˇ haˬ law nmˇ, maˬ gui-iˇ ni yoeˇ-eu lawˇ baˬ tiˬ gawˆ loꞈ-ehˇ, naw maꞈ gʼaˇ duˬ guiˬ lahˬ yoeˇ-awˇ, lawˇ deh-ahˇ tahˬ pymˬ-eu iˇ kʼawˇ loꞈ-ehˇ, gʼaˬ leˇ-eu jeˬ naw maꞈ za-euˬ tehꞈ-a.

Iˇsaˬyaˇ 50:4

Nui ma cawˆ-eu deuˬ-ahˇ gʼaˬ biꞈ-eu dawˬ ngehˬ nehˬ nya ni, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, ngaˬ-ahˇ mehˬ laꞈ tsoˆ laꞈ-euˬ meh. Aˬ yawꞈ ngaˬ-ahˇ mehˬ nehˬ tsoˆ nehˬ laꞈ-eu jeˬ-ahˇ, ngaˇ nui ma keuˆ-awˇ naˇ haˬ ni, yawˬ shawˬ na luꞈ ngaˬ-ahˇ aˬ yawꞈ laˆ noeˬ-eu meh.

Iˇsaˬyaˇ 54:12

Nawˬ-ahˇ loꞈ piˇ-eu nymˇ nymˇ goˇ deuˬ-ahˇ, kʼaˬ lo sehˇ yaw neˇ neh gawˬ ma. Miˬ dzaˬ loꞈ-ehˇ bya-eu kʼaˬ lo sehˇ deuˬ yuˇ-awˇ, nawˬ-euˬ meuˬ lahˇ ngaˇ gawˬ ziꞈ ma. Nawˬ-euˬ meuˬ lahˇ tiˬ jawˬ kʼaˬ lo sehˇ neh gawˬ ma.

Iˇsaˬyaˇ 55:12

“Baˬbuˇloˬ meuˬ-ahˇ neh laˬ kʼaˬ tiˬ cehˇ, naw maꞈ ya gʼoꞈ doˆ laˇ tehꞈ-a. Naw maꞈ nui ma saˇ lehˆ ni ya doˆ le tehꞈ-a. Gawˬ jawˬ gawˬ duˇ naw maꞈ mehˬ shi caˇ dawˬ caˇ-awˇ, sahˬ lahˬ aˇ bawˇ deuˬ laꞈ kʼawˆ tehˆ tehꞈ-a.

Iˇsaˬyaˇ 66:12

Sahˬpaˬ Miˬyehˇ heu loꞈ-ehˇ ehˇ-eu meh. “Maˬ cawˆ-iˇ nya-eu baw le za le-eu guiˬ lahˬ, naw maꞈ-ahˇ ngaˇ biꞈ ma. Maˬ gui iˇ-eu iˇ cuꞈ lawˇ baˬ loꞈ-ehˇ, miˇ kʼahˬ tsawˇ jeuˬ-euˬ pyuˇ shuiˇ myawˬ gahˬ deuˬ, naw maꞈ jawˇ gaˇ yoeˇ le tehꞈ-a. Aˬ ma-euˬ bawˇ kʼahˇ laꞈ kʼoeˇ ciˬ ahˇ-awˇ, gaˬ huiˬ haw huiˬ-euˬ zaˬ-ahˇ naw maꞈ duˇ tehꞈ-a.

Yeˬlaˬmiˇ 31:34

Ngaˬ-ahˇ siˬ nya laˇ ni, aˬ yawꞈ maꞈ tiˬ gʼaˬ tiˇ gʼaˬ mehˬ-eu tsoˆ-eu maˬ paˇ loˬ-aˇ. Aˬ jeˬ miˇ neh ehˇ naˇ, huiˬ zaˬ nyiˇ zaˬ dawˬ tawˆ luꞈ ngaˬ-ahˇ siˬ nya jiˇ tehꞈ-a. Aˬ yawꞈ maꞈ-ahˇ ngaˇ iˬ baˇ pyehˬ nehˬ-awˇ, aˬ yawꞈ maꞈ-euˬ yaw lehˬ ngaˇ maˬ paˇ noeˬ taˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

Yeˬsaˬgeˬlaˇ 34:25

Aˬ yawꞈ maꞈ guˆ kʼaˇ maˬ za-ehˇ ya dehꞈ ni, aˬ yawꞈ maꞈ nehˬ-ehˇ ngaˇ dawˬ ma saˇ jaˇ dzaˬ ma. Ngaˬ-euˬ yawˇ deuˬ deh ga-ahˇ nui ma saˇ lehˆ ni ya gaˆ-awˇ, sahˬ kʼaˆ uˬ moˆ ciˬ cuˇ ni ya yuꞈ-eu gʼaˇ duˬ, bawˇ tsahˬ jeˬ zaˬ yaw haiˬ dawˬ tawˆ luꞈ ngaˇ laˆ byoˆ ma.

Yeˬsaˬgeˬlaˇ 34:28

Aˬ cawˬ tsawˇ jeuˬ deuˬ aˬ yawꞈ maꞈ-ahˇ maˬ paˇ kʼaˆ dzaˬ nya-ehˇ, bawˇ tsahˬ jeˬ zaˬ yaw haiˬ deuˬ aˬ yawꞈ maꞈ-ahˇ maˬ paˇ kawꞈ sehꞈ dzaˬ nya ni pyeuꞈ-iˇ tehꞈ-a. Aˬ yawꞈ maꞈ nui saˇ oꞈ-eu laꞈ kʼoeˇ ya dehꞈ-awˇ, guˆ kʼaˇ maˬ za ni pyeuꞈ-iˇ tehꞈ-a.

Yeˬsaˬgeˬlaˇ 37:26

Aˬ yawꞈ maꞈ-ahˇ mˬ maˬ maˬ byaˆ zaˇ ziˇ nui saˇ bi oꞈ-eu dawˬ ma saˇ jaˇ ngaˇ dzaˬ ma. Aˬ yawꞈ maꞈ-ahˇ bi dehꞈ dzaˬ laˇ-awˇ, bi jeuˬ bi o le ma. Aˬ yawꞈ maꞈ-euˬ miˇ kʼahˬ laꞈ kʼoeˇ, ngaˬ-euˬ uˬ duˬ tahˬ nymˇ nymˇ ma mˬ maˬ maˬ byaˆ zaˇ ziˇ bi jaˆ ma.

Hawˇseˬ 2:18

Aˇ yamˬ kʼoeˇ yamˬ keuˆ laˇ ngeh jawˇ, ngaˬ-euˬ tsawˇ haˬ heu deuˬ kʼoeˇ taˆ, maˬ coeˬ maˬ ciˆ nehˬ-eu gʼaˇ duˬ, bawˇ tsahˬ jeˬ zaˬ dawˬ tawˆ hawˇ-eu, kʼoeˇ taˆ zaw-eu aˇ jiˇ maˬ ehˇ, miˇ tsa joe-eu deuˬ-ahˇ maˬ ehˇ, ngaˇ saˇ jaˇ dzaˬ taꞈ-eu lehˇ ma. Miˇ kʼahˬ heu kʼahˬ laꞈ kʼoeˇ jaˆ-eu, guiˇ deuˆ-eu keu ka dawˬ tawˆ luꞈ, mi cehˇ hawˇ-eu kaˆ dawˬ tawˆ luꞈ, ngaˇ laˆ piˬ laˆ byoˆ nehˬ jiˇ-awˇ, ngaˬ-euˬ tsawˇ haˬ heu deuˬ dawˬ tawˆ, nui saˇ oꞈ-awˇ ya dehꞈ tehꞈ-a.

Miˇkaˬ 4:2

aˬ yawꞈ maꞈ heu loˇ ehˇ tehꞈ-a. “Sahˬpaˬ Miˬyehˇ-euˬ gawˬ jawˬ-ahˇ, Yaˬkoˆ-euˬ Miˬyehˇ-euˬ nymˇ-ahˇ, laˇ-awˬ, aˬ dui daˆ leˇ kaˇ-euˇ. Yawꞈ-euˬ gaˇ ma-ahˇ cah nya ni, yawꞈ aˬ dui-ahˇ mehˬ laꞈ tehꞈ-a.” Sahˬpaˬ Miˬyehˇ zahˇ dawˬ kʼoꞈ dawˬ, Ziˇoˬ gawˬ jawˬ-ahˇ doˆ le-awˇ, yawꞈ neh mehˬ-euˬ tsoˆ-euˬ dawˬ deuˬ, Yeˬluˇsaˬlehˬ-ahˇ doˆ le meh.

Zaˬkaˬliˇ 10:7

Iˇsaˬleˬlaˆ tsawˇ haˬ deuˬ-aˬ, gʼaˬ kʼaˆ-eu yehˇ-ahˇ duˇ leˇ-awˇ, aˬ gaꞈ dzaˇ uiˇ dawˇ-eu loꞈ-ehˇ, laˬ kʼaˬ cehˇ-eu jeˬ oꞈ tehꞈ-a. Aˬ yawꞈ maꞈ gʼaˬ leˇ-euˬ gaˇ kawˆ, zaˬ deuˬ uˆ deuˬ maˬ ngehˇ leˇ-ehˇ, Sahˬpaˬ Miˬyehˇ mˇ-euˬ gaˇ-ahˇ, laˬ kʼaˬ cehˇ nui kʼahˇ shiˇ tehꞈ-a.

Maꞈtehˬ 16:17

Yeˬsuˇ ehˇ-eu, “Yawˇnaˆ-euˬ aˬ li Siˇmoˬ-oˇ, nawˇ-aˬ guiˬ lahˬ zawˇ huiˬ-eu tsawˇ haˬ meh. Aˬ jeˬ miˇ neh ehˇ naˇ, gaˇ kawˆ heu tsawˇ haˬ zaˬ neh nawˬ-ahˇ pah mehˬ-euˬ maˬ ngeuˇ-a. Mˬ kʼoeˇ taˆ jawˇ-eu ngaˬ Da neh nawˬ-ahˇ pah mehˬ nehˬ-euˬ meh.

Luˇkaꞈ 24:45

Kʼoeˇ ngeh, Jaˇ liꞈ-ahˇ gʼoˆ shaw nya ni, aˬ yawꞈ maꞈ-euˬ nui ma-ahˇ aˬ yawꞈ pah nehˬ-euˬ meh.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Yoˇhaˬ 6:45

“‘Tsawˇ haˬ yawˬ gʼaˬ na luꞈ-ahˇ Miˬyehˇ mehˬ nehˬ tsoˆ nehˬ tehꞈ-a’ lehˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh boꞈ taˬ-euˬ jaˆ-eu meh. Aˬda-euˬ dawˬ ya gaˬ-awˇ dzaw geuꞈ-eu tsawˇ haˬ aˬ geu gʼaˬ maˬ kaˬ, ngaˇ jawˇ gaˇ laˇ tehꞈ-a.

Gʼaˬkʼehˇ 2:39

Aˬ jeˬ miˇ neh ehˇ naˇ, Muiˬ-eu shawˇ-eu Yaw sahˇ Miˬyehˇ biꞈ ma lehˇ Miˬyehˇ neh saˇ jaˇ dzaˬ taˬ-euˬ kʼoeˇ-aˬ, naw maꞈ hawˇ-eu naw maꞈ-euˬ zaˬ deuˬ-ahˇ dzaˬ taˬ-euˬ saˇ jaˇ pyeuꞈ-eu meh. Kʼoeˇ uˬ taꞈ, gaˇ mahˇ kaˬ gaˇ jawˇ-eu tsawˇ haˬ dawˬ tawˆ luꞈ hawˇ-eu aˬ dui-euˬ Miˬyehˇ pyeuꞈ-eu SahˬpaˬMiˬyehˇ neh aˬ yawꞈ jawˇ gaˇ kʼaˇ kuˇ taˬ-euˬ deuˬ dawˬ tawˆ luꞈ-ahˇ dzaˬ-euˬ saˇ jaˇ kʼawꞈ pyeuꞈ-eu meh.”

Lormav 14:17

Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, dzaˬ-eu dawˇ-eu jeˬ maˬ ngeuˇ-a. Kʼoeˇ-aˬ, yaw tsaˬ yaw dawˇ jeˬ, Miˬyehˇ laꞈ kʼoeˇ nui saˇ oꞈ-eu jeˬ hawˇ-eu, Muiˬ-eu Shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬ pyeuꞈ-eu meh.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Lormav 5:1

Jah-eu jeˬ baˬ da neh nymˬ-mˇ aˬ dui Miˬyehˇ-ahˇ tsaˬ leˇ tsahˇ leˇgʼaˬ-euˬ miˇ neh, aˬ dui-euˬ Sahˬpaˬ Yeˬsuˇ Ka li baˬ da neh Miˬyehˇ-ahˇ tsaˬ leˇ dzoeˇ leˇ-euˬ ma.

1 Gawˇliˬtu 2:10

Ehˇ kʼawꞈ, Miˬyehˇ aˬ yawꞈ neh zaꞈ taˬ-euˬ jeˬ, aˬ yawꞈ-euˬ Yaw sahˇ Miˬyehˇ-ahˇ gʼoe-awˇ aˬ dui-ahˇ bi siˬ bi mawˇ laꞈ-euˬ meh. Aˬ jeˬ miˇ neh ehˇ naˇ, Yaw sahˇ Miˬyehˇ-aˬ, yawˬ jeˬ na luꞈ-ahˇ poˆ tseˇ-eu meh. Naꞈ dui dui gaˇ zaꞈ taˬ-euˬ Miˬyehˇ-euˬ nui kʼahˇ-ahˇ kʼawꞈ, poˆ tseˇ doˆ-eu meh.

Gaˬlaˬtiˆ 5:22

Ehˇ kʼawꞈ, Yaw sahˇ Miˬyehˇ laꞈ kʼoeˇ siˬ le-eu aˇ siˬ deuˬ-aˬ, gʼoeˇ-eu gaˬ-eu, laˬ kʼaˬ cehˇ-eu, nui saˇ oꞈ-eu, nui ma gʼawˬ mahˇ ni taˬ-eu, gʼawˬ shaˬ gaˬ-eu nui ma ahˇ-eu, yaw muiˬ jeˬ mˇ-eu, saˇ jaˇ ziꞈ-eu,

Eˇpeˇsu 4:21

Naw maꞈ aˬ yawꞈ gaˇ Kawˆ ya gaˬ duˬ gʼaˬ-awˇ, aˬ yawꞈ-euˬ mehˬ nah caw teh-eu tsawˇ haˬ pyeuꞈ-eu loꞈ-ehˇ, Yeˬsuˇ laꞈ kʼoeˇ ahˇ-eu yaw tsaˬ yaw dawˇ jeˬ gaˇ kawˆ aˬ cawˬ naw maꞈ-ahˇ mehˬ gʼaˬ-euˬ meh.

Piˇliˇpiˆ 4:7

Yeˬsuˇ Ka li laꞈ kʼoeˇ naw maꞈ nui saˇ oꞈ-eu jeˬ za nya ni, tsawˇ haˬ zaˬ maˬ noeˬ doˆ coeˇ-eu Miˬyehˇ-euˬ nui saˇ oꞈ-eu jeˬ naw maꞈ-ahˇ caw ba tehꞈ-a.

1 Teˇsaˬloˇni 4:9

Ka li zaˬ cawˬ cawˬ ya gaˬ ya gʼoeˇ-eu gaˇ kawˆ naw maꞈ-ahˇ boꞈ nehˬ-eu maˬ paˇ loˬ meh. Naw maꞈ tiˬ gʼaˬ tiˇ gʼaˬ aˬ joˆ-ehˇ ya gaˬ ya gʼoeˇ-eu gaˇ kawˆ, Miˬyehˇ neh naw maꞈ-ahˇ mehˬ nehˬ tsoˆ nehˬ gʼaˬ-euˬ meh.

HeˬByehˇ 8:10

Nymˬ-mˇ dawˬ ma saˇ jaˇ heu hmˬ, aˬ kaˇ mehˬ hu aˇ yamˬ laꞈ kʼoeˇ, Iˇsaˬleˬlaˇ tsawˇ haˬ nehˬ-ehˇ, ngaˇ dzaˬ taꞈ mˇ taꞈ geuꞈ ma lehˇ, Sahˬpaˬ Miˬyehˇ ehˇ taˬ-euˬ meh. Aˬ yawꞈ maꞈ-euˬ nui noeˬ laꞈ kʼoeˇ, zahˇ dawˬ kʼoꞈ dawˬ dawˆ ahˇ nehˬ-awˇ, nui ma laꞈ kʼoeˇ boꞈ myahˬ nehˬ ma. Ngaˇ yawꞈ maꞈ-euˬ Miˬyehˇ geuꞈ-awˇ, Yawꞈ maꞈ ngaˬ-euˬ tsawˇ haˬ geuꞈ ma.

HeˬByehˇ 8:11

Yawˬ ha tsawˇ jeuˬ yaw kaˬ hawˇ-eu, yawˬ ha miˇ kʼahˬ zaˬ deuˬ yaw kaˬ, ‘Sahˬpaˬ Miˬyehˇ-ahˇ siˬ-awˬ’lehˇ, mehˬ nehˬ tsoˆ nehˬ-eu maˬ loˬ-aˇ. Huiˬ zaˬ nyiˇ zaˬ yawˬ gʼaˬ na luꞈ, ngaˬ-ahˇ siˬ nya jiˇ laˇ tehꞈ-a.

1 Yoˇhaˬ 2:20

Ehˇ kʼawꞈ, Ka li neh naw maꞈ kʼoeˇ taˆ Muiˬ-eu shawˇ-eu Yaw sahˇ Miˬyehˇ shehˆ daˆ nehˬ gʼaˬ-euˬ miˇ neh, naw maꞈ dawˬ tawˆ luꞈ yaw tsaˬ yaw dawˇ jeˬ-ahˇ siˬ nya meh.

1 Yoˇhaˬ 2:27

Ehˇ kʼawꞈ, Ka li neh naw maꞈ-euˬ kʼoeˇ taˆ aˬ yawꞈ-euˬ Yaw sahˇ shehˆ daˆ nehˬ gʼaˬ-euˬ meh. Aˬ yawꞈ-euˬ Yaw sahˇ kʼoeˇ naw maꞈ laꞈ kʼoeˇ kʼaˇ jawˇ kʼoeˇ keuˆ ni, aˬ cawˬ naw maꞈ-ahˇ mehˬ nehˬ tsoˆ nehˬ-eu maˬ paˇ loˬ meh. Aˬ jeˬ miˇ neh ehˇ naˇ, aˬ yawꞈ-euˬ Yaw sahˇ kʼoeˇ naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ tehꞈ-a. Aˬ yawꞈ-euˬ Yaw sahˇ kʼaˇ mehˬ kʼaˇ tsoˆ-eu jeˬ dawˬ tawˆ luꞈ, tsaˬ dui dui-eu meh. Tiˬ pawꞈ-iˬ maˬ lehˬ-a. Yaw sahˇ kʼoeˇ neh mehˬ nehˬ tsoˆ nehˬ laꞈ-euˬ jeˬ-ahˇ naˇ haˬ geuꞈ-awˇ, Ka li-euˬ laꞈ kʼoeˇ jawˇ-awˬ.