Iˇsaˬyaˇ 54:12 - Akha

¹² Nawˬ-ahˇ loꞈ piˇ-eu nymˇ nymˇ goˇ deuˬ-ahˇ, kʼaˬ lo sehˇ yaw neˇ neh gawˬ ma. Miˬ dzaˬ loꞈ-ehˇ bya-eu kʼaˬ lo sehˇ deuˬ yuˇ-awˇ, nawˬ-euˬ meuˬ lahˇ ngaˇ gawˬ ziꞈ ma. Nawˬ-euˬ meuˬ lahˇ tiˬ jawˬ kʼaˬ lo sehˇ neh gawˬ ma.

Iˇsaˬyaˇ 54:12 ပူးပေါင်းရင်းမြစ်များ

1 Sahˬpaˬ 7:4

Aˇ lawˆ kʼoeˇ lawˆ-euˬ kaˇ pyawˇ pyawˬ ma nyiˬ pyawˬ-ahˇ, tiˬ pyawˬ-euˬ laˇ gʼoˆ zaˬ smˬ cehˆ jahˇ tsoꞈ-euˬ meh.

Doˆ-iˇ 28:19

smˬ cehˆ tiˬ cehˆ-ahˇ, neˇ leuˬ leuˬ-eu kʼaˬ lo sehˇ, pyuˇ deuˬ ni gʼeh-eu kʼaˬ lo sehˇ hawˇ-eu, neˇ naˆ naˆ-eu kʼaˬ lo sehˇ maˬ ehˇ,

Iˇsaˬyaˇ 49:16

Yeˬluˇsaˬlehˬ-oˇ, nawˬ-ahˇ ngaˇ tiˬ jawˇ-iˬ maˬ ngehˇ. Ngaˬ-euˬ aˬ laꞈ laꞈ zaˬ kʼoeˇ taˆ, nawˬ-euˬ tsawˇ myahˇ ngaˇ boꞈ ahˇ taˬ-euˬ ma.

Iˇsaˬyaˇ 54:11

Sahˬpaˬ Miˬyehˇ ehˇ-eu, “Shaˬ zahˬ naꞈ-awˇ ngehˬ gʼeh nehˬ-eu gʼaˬ maˬ jawˇ-eu, nui saˇ maˬ oꞈ-eu Yeˬluˇsaˬlehˬ-oˇ, aˇ poeˬ kʼaˆ-eu kʼaˬ lo sehˇ deuˬ yuˇ-awˇ, nawˬ-euˬ dawˬ pehˬ ngaˇ gawˬ ziꞈ ma.

Iˇsaˬyaˇ 54:13

“Nawˬ-euˬ tsawˇ haˬ deuˬ-ahˇ ngaˇ mehˬ nehˬ tsoˆ nehˬ-awˇ, nui saˇ oꞈ-awˇ bi baw bi za le ma.

Yeˬsaˬgeˬlaˇ 48:31

Kʼoeˇ pyawˬ-ahˇ lahˇ kʼehˬ smˇ kʼehˬ dahˇ-awˇ, Luˇbeˬ lahˇ kʼehˬ, Yuˇdaˆ lahˇ kʼehˬ hawˇ-eu, Leˬbiˇ lahˇ kʼehˬ lehˇ myahˇ nehˬ taˬ-euˬ meh. Meuˬ-euˬ lahˇ kʼehˬ dawˬ tawˆ luꞈ-ahˇ, Iˇsaˬleˬlaˆ tsawˇ jeuˬ deuˬ-euˬ tsawˇ myahˇ biꞈ taˬ-euˬ meh.

Zaˬkaˬliˇ 9:16

Aˇ nah kʼoeˇ nah keuˆ le ngeh jawˇ, yawˇ bo-eu gʼaˬ yawˇ yawˇ maꞈ-ahˇ, haw piˇ-awˇ ka kʼoꞈ-eu loꞈ-ehˇ, aˬ yawꞈ-euˬ tsawˇ haˬ kʼoeˇ deuˬ-ahˇ, Sahˬpaˬ Miˬyehˇ ka kʼoꞈ tehꞈ-a. shuiˇ uˬ kʼoˆ kʼoeˇ taˆ bya luꞈ-eu, poeˬ-eu kʼaˬ lo sehˇ deuˬ loꞈ-ehˇ, aˬ yawꞈ-euˬ miˇ kʼahˬ kʼoeˇ uˬ du, aˬ yawꞈ maꞈ yaw shehꞈ bya tehꞈ-a.

Panmaeq 21:12

Huiˬ dui goˇ dui dui-eu meuˬ meuˬ lahˇ gawˬ taˬ-awˇ, lahˇ kʼehˬ tseˇ nyiꞈ kʼehˬ jaˆ-awˇ, mˬ taˆ gʼaˬ kʼehˇ tseˇ nyiꞈ gʼaˬ loꞈ luꞈ-eu meh. Lahˇ kʼehˬ kʼoeˇ deuˬ kʼoeˇ taˆ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ tsawˇ myahˇ boꞈ taˬ-euˬ meh.