Iˇsaˬyaˇ 53:8 - Akha

⁸ Aˬ yawꞈ-ahˇ nyehꞈ-awˇ yaˇ kʼaˬ daˇ nehˬ-awˇ, tsawˇ haˬ sehꞈ duˬ-ahˇ bi sheuˬ gʼeh-euˬ meh. Aˬ yawꞈ-euˬ guiˬ lahˬ kʼoeˇ naˆ ni doeˇ kʼawꞈ, aˬ yawˬ-ahˇ gʼawˬ shaˬ gaˬ-eu maˬ jawˇ-a. Aˬ dui-euˬ tsawˇ jeuˬ neh mˇ-euˬ iˬ baˇ aˇ poeˬ, aˬ yawꞈ ya shiˇ dah-eu jeˬ pyeuꞈ-eu ma.

Iˇsaˬyaˇ 53:8 ပူးပေါင်းရင်းမြစ်များ

Jaceuq 69:12

Aˬ yawꞈ maꞈ meuˬ doe ni ngaˬ-eu gaˇ kawˆ ja bu-awˇ, jiˇ baˬ yehꞈ-eu deuˬ ngaˬ-ahˇ caˇ niˇ gʼa-eu meh.

Jaceuq 88:5

Shiˇ-euˬ tsawˇ haˬ deuˬ-euˬ baꞈ dzah laꞈ kʼoeˇ ngaˬ-ahˇ sawˇ ahˇ taˬ-euˬ meh. Lmˬ bymˇ laꞈ kʼoeˇ bi sehꞈ ahˇ dzeuˇ-awˇ, nawˇ maˬ paˇ ka kʼoꞈ nehˬ nya-eu, nawˬ neh byehˇ dzeh-euˬ tsawˇ haˬ-ahˇ duˇ miˇ-a.

Iˇsaˬyaˇ 53:12

Kʼoeˇ miˇ neh aˬ yawꞈ-ahˇ ngaˇ taˬ huiˬ taˬ mahˇ nehˬ-awˇ, baoˬ huiˬ-eu deuˬ-euˬ jawˇ duˬ-ahˇ bi jawˇ ma. Haiˬ-eu tsawˇ haˬ deuˬ ya daˬ-eu yaw doeˇ aˬ yawꞈ daˬ-awˇ, nui ma keuˆ-eu laꞈ kʼoeˇ shiˇ dah-euˬ meh. Tsawˇ haˬ gʼawˬ mya ni-euˬ iˬ baˇ aˬ yawꞈ pi-awˇ, aˬ yawꞈ maꞈ iˬ baˇ ya buˬ ni mˇ dah-euˬ meh.”

Iˇsaˬyaˇ 53:5

Ehˇ kʼawꞈ, aˬ yawꞈ ya naˇ ya gawˇ-eu dawˬ tawˆ luꞈ, aˬ dui mˇ-euˬ iˬ baˇ baˬ da neh meh. Aˬ dui neh mˇ-euˬ yaw haiˬ jeˬ aˇ poeˬ, kʼehˬ-eu kʼaˆ-eu jeˬ-ahˇ aˬ yawꞈ ya daˬ-euˬ meh. Kʼehˬ-eu kʼaˆ-eu jeˬ-ahˇ aˬ yawꞈ daˬ-euˬ miˇ neh, aˬ dui nui saˇ oꞈ-awˇ, naˇ-eu gawˇ-eu jeˬ-ahˇ aˬ yawꞈ daˬ-euˬ miˇ neh, aˬ dui jawˇ saˇ doˆ laˇ-euˬ ma.

Yeˬlaˬmiˇ 11:19

Ngaˇ-aˬ aˬ cawˬ neh bi sehꞈ dzaˬ-eu lehˇ gʼeh-eu nahˬ jawˆ ni gʼeh-eu yawˇ zaˬ-ahˇ duˇ-eu ma. Aˬ yawꞈ maꞈ ngaˬ-ahˇ yaw doeˇ jahˇ mawꞈ law hawˇ ngaˬ lehˇ ngaˇ maˬ siˬ-aˬ. Aˬ yawꞈ maꞈ heu loꞈ-ehˇ ehˇ-eu meh. “Aˇ siˬ siˬ-eu aˇ bawˇ heu bawˇ tuˇ dzeh kaˇ-euˇ. Tsawˇ haˬ tiˬ gʼaˬ-iˬ maˬ noeˬ mawˇ coeˇ ni, bi ngehˇ jiˇ-eu gʼaˇ duˬ sehꞈ byoˆ kaˇ-euˇ.”

Ngoeˇ dawˬ 3:54

Uˬ duˬ iˇ cuꞈ dahˬ pymˬ laꞈ-awˇ, ya shiˇ miˇ-a lehˇ noeˬ-euˬ ma.

Daˬyeˬlaˇ 9:26

Aˇ yamˬ kʼoeˇ yamˬ aˇ saˬ saˬ laˇ ngeh, Miˬyehˇ neh tseˇ doˆ-awˇ bi uˆ lahˇ-euˬ tsawˇ haˬ kʼoeˇ gʼaˬ, maˬ tsaˬ maˬ dawˇ-eu laꞈ kʼoeˇ bi sehꞈ tehꞈ-a. Baoˬ huiˬ-eu uˆ lahˇ-eu tsawˇ haˬ tiˬ gʼaˬ-euˬ guiˇ maꞈ uˇ le-awˇ, meuˬ hawˇ-eu Uˬ duˬ tahˬ nymˇ nymˇ ma-ahˇ laˆ cawˆ tehꞈ-a. Aˇ saˬ saˬ-eu aˇ nah aˇ yamˬ iˇ jeuˬ jeuˬ-eu loꞈ-ehˇ keuˆ le-awˇ, Miˬyehˇ neh lehˬ hmˬ taˬ-euˬ guiˇ deuˆ-eu jeˬ hawˇ-eu laˆ luˬ laˆ seˇ-eu jeˬ hehˇ ahˇ leꞈ tehꞈ-a.

Maꞈtehˬ 1:1

Heu-aˬ, Aˬbyaˬhaˬ hawˇ-eu Daˬbiˇ-ahˇ neh gui ka leꞈ-euˬ Yeˬsuˇ Ka li-euˬ tsuiꞈ meh.

Yoˇhaˬ 19:7

Tsawˇ haˬ aˇ maꞈ ehˇ-eu, “Nga maꞈ-euˬ zahˇ dawˬ kʼoꞈ dawˬ tiˬ dawˬ-ahˇ gʼoe-awˇ ya ehˇ naˇ, yawˬ haˇ yawˬ ha Miˬyehˇ-euˬ Zaˬmaˇ ma lehˇ ehˇ-eu baˬ da neh aˬ yawꞈ shiˇ-eu tsaˬ meh.”

Gʼaˬkʼehˇ 8:33

Yaw tsaˬ yaw dawˇ jeˬ maˬ geuꞈ ni, aˬ yawꞈ shaꞈ dawˇ ni jahˇ-euˬ meh. Aꞈ yawꞈ miˇ kʼoeˇ taˆ ya dehꞈ-eu, aˇ nah aˇ yamˬ li-iˇ jiˇ-awˇ, tsuiꞈ dahˬ dahˬ shaw-euˬ baˬ da neh, tsuiꞈ toeˬ maˬ paˇ gui ka nya meh.”

Lormav 1:4

Miˬyehˇ-ahˇ taꞈ-eu paw neh sawˇ leꞈ naˇ, aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu gaˇ kawˆ, huiˬ dui dui-eu baoˬ laꞈ kʼoeˇ aˬ dui-ahˇ bi mawˇ laꞈ-euˬ meh. Aˬ yawꞈ shiˇ gʼaˬ-euˬ gaˇ Miˬyehˇ neh paˇ bi gʼoꞈ dehꞈ laˇ-eu laꞈ kʼoeˇ bi mawˇ laꞈ-euˬ meh.

1 Beˬtuˆluˆ 3:18

Tsawˇ haˬ zaˬ-euˬ iˬ baˇ gʼaˇ duˬ Ka li tiˬ poˆ tehꞈ-ehˇ kamˇ shiˇ-euˬ meh. Aˬ yawꞈ kamˇ shiˇ-euˬ kʼoeˇ-aˬ, iˬ baˇ zaˬ deuˬ-ahˇ Miˬyehˇ jawˇ gaˇ sheuˬ gʼeh-eu gʼaˇ duˬ, iˬ baˇ maˬ ahˇ-eu tsawˇ haˬ tiˬ gʼaˬ iˬ baˇ zaˬ deuˬ-euˬ dah zaˇ kamˇ shiˇ-euˬ jeˬ pyeuꞈ-awˇ, mˬ maˬ maˬ byaˆ zaˇ ziˇ gʼaˇ duˬ tiˬ poˆ tehꞈ-ehˇ kamˇ shiˇ-euˬ jeˬ pyeuꞈ-eu meh. Shiˬ shaˬ jiˇ paw taꞈ leˇ-awˇ aˬ yawꞈ-ahˇ sehꞈ-euˬ kʼawꞈ, saꞈ laˇ paw taꞈ leˇ-awˇ Miˬyehˇ neh aˬ yawꞈ-ahˇ bi dehꞈ-euˬ meh.