Iˇsaˬyaˇ 53:6 - Akha

⁶ Aˬ dui dawˬ tawˆ byoˆ-iˇ-eu yawˇ deuˬ-ahˇ duˇ-awˇ, tiˬ gʼaˬ tiˬ paw iˇ byoˆ jiˇ taˬ-euˬ meh. Ehˇ kʼawꞈ, aˬ dui-ahˇ oꞈ-eu kʼehˬ-eu kʼaˆ-eu jeˬ dawˬ tawˆ, Sahˬpaˬ Miˬyehˇ-ahˇ aˬ yawꞈ-euˬ kʼoeˇ taˆ baꞈ daˆ nehˬ jiˇ-euˬ meh.

Iˇsaˬyaˇ 53:6 ပူးပေါင်းရင်းမြစ်များ

Aˇ dahˬ 22:6

Aˬbyaˬhaˬ-aˬ, Iˇtsaˆ-ahˇ miˬ dzaˬ bi baꞈ-awˇ, aˬ yawꞈ gʼaˬ miˬ diˬ hawˇ-eu mi cehˇ jiˇ baˆ yuˇ-awˇ, tiˬ kawˆ loꞈ-ehˇ le-euˬ meh. Aˬ yawꞈ nyaꞈ le luꞈ ngeh,

Jaceuq 119:176

Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ byehˇ dzeh-euˬ miˇ neh, byoˆ-iˇ-euˬ yawˇ zaˬ loꞈ-ehˇ gaˇ ma cah bahˬ-euˬ nawˬ-euˬ zaˬ kʼaˆ-ahˇ gʼawˬ shaˬ gaˬ-awˇ poˆ kʼoꞈ le nehˬ laꞈ.

Jaceuq 69:4

Gaˇ kawˆ maˬ jaˆ gaˇ ngaˬ-ahˇ bye-eu tsawˇ haˬ deuˬ, ngaˬ-euˬ uˬ duˬ tsehˇ kahˇ myaˆ maˬ tseˇ myaˬ-eu meh. Ngaˬ-ahˇ muiˇ-eu deuˬ ngaˬ-euˬ gaˇ kawˆ jaˬ myawꞈ myawꞈ-awˇ, aˬ yawꞈ maꞈ gʼaˬ kʼaˆ-eu miˇ neh ngaˬ-ahˇ sehꞈ mawꞈ-eu meh. Ngaˬ neh maˬ kʼoeˬ-euˬ jeˬ, ngaˬ-ahˇ bi tsoeˬ laꞈ-euˬ meh.

Iˇsaˬyaˇ 40:2

“Yeˬluˇsaˬlehˬ meuˬ-ahˇ jawˇ-eu deuˬ-ahˇ gʼaˬ biꞈ nehˬ-awˬ. Aˬ yawꞈ maꞈ shaˬ zahˬ mˇ luꞈ-eu myahˇ laˇ-awˇ, nymˬ-mˇ aˬ yawꞈ maꞈ-ahˇ iˬ baˇ pyehˬ nehˬ-euˬ ma. Aˬ yawꞈ maꞈ neh mˇ-euˬ iˬ baˇ aˇ poeˬ, oꞈ-eu geuˇ-eu loꞈ-ehˇ kʼehˬ gʼaˬ kʼaˆ gʼaˬ-euˬ ma.”

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Iˇsaˬyaˇ 53:11

Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.

Iˇsaˬyaˇ 53:12

Kʼoeˇ miˇ neh aˬ yawꞈ-ahˇ ngaˇ taˬ huiˬ taˬ mahˇ nehˬ-awˇ, baoˬ huiˬ-eu deuˬ-euˬ jawˇ duˬ-ahˇ bi jawˇ ma. Haiˬ-eu tsawˇ haˬ deuˬ ya daˬ-eu yaw doeˇ aˬ yawꞈ daˬ-awˇ, nui ma keuˆ-eu laꞈ kʼoeˇ shiˇ dah-euˬ meh. Tsawˇ haˬ gʼawˬ mya ni-euˬ iˬ baˇ aˬ yawꞈ pi-awˇ, aˬ yawꞈ maꞈ iˬ baˇ ya buˬ ni mˇ dah-euˬ meh.”

Iˇsaˬyaˇ 53:5

Ehˇ kʼawꞈ, aˬ yawꞈ ya naˇ ya gawˇ-eu dawˬ tawˆ luꞈ, aˬ dui mˇ-euˬ iˬ baˇ baˬ da neh meh. Aˬ dui neh mˇ-euˬ yaw haiˬ jeˬ aˇ poeˬ, kʼehˬ-eu kʼaˆ-eu jeˬ-ahˇ aˬ yawꞈ ya daˬ-euˬ meh. Kʼehˬ-eu kʼaˆ-eu jeˬ-ahˇ aˬ yawꞈ daˬ-euˬ miˇ neh, aˬ dui nui saˇ oꞈ-awˇ, naˇ-eu gawˇ-eu jeˬ-ahˇ aˬ yawꞈ daˬ-euˬ miˇ neh, aˬ dui jawˇ saˇ doˆ laˇ-euˬ ma.

Iˇsaˬyaˇ 53:7

“Kʼaˆ dui dui-eu kʼehˬ-eu jeˬ-ahˇ aˬ yawꞈ ya daˬ-euˬ kʼawꞈ, dawˬ gʼoꞈ maˬ doˆ ni daˬ-euˬ meh. Bi diˬ sehꞈ-eu lehˇ tsahˇ taˬ-euˬ yawˇ zaˬ hawˇ-eu, caꞈ hm bi tehˬ geuꞈ-eu lehˇ gʼeh-eu yawˇ loꞈ-ehˇ, aˬ yawꞈ dawˬ gʼoꞈ tiˬ pawꞈ-iˬ maˬ doˆ-a.

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Iˇsaˬyaˇ 55:8

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ nui noeˬ hawˇ-eu naw maꞈ-euˬ nui noeˬ beu gaˇ-awˇ, ngaˬ-euˬ gaˇ ma hawˇ-eu naw maꞈ-euˬ gaˇ ma maˬ duˇ-a.

Iˇsaˬyaˇ 56:11

Biꞈ dehˆ-euˬ maˬ baw-eu aˬ kuiˬ loꞈ-ehˇ, aˬ yuiꞈ aˬ tsu kʼoeˇ deuˬ noeˬ siˬ nya-eu jeˬ maˬ ahˇ-ehˇ, yawˬ gʼaˬ na luꞈ yawˬ ha nui kʼahˇ poˆ-awˇ, yawˬ ha-ahˇ muiˬ laˇ ni leh jeh-eu meh.

Iˇsaˬyaˇ 6:7

Ngaˬ-euˬ mehˬ luꞈ-ahˇ, doꞈ luꞈ-eu miˬ dzaˬ miˬ jiˆ kʼoeˇ neh aˬ yawꞈ toeˬ ciˆ-awˇ, “Nawˬ-euˬ mehˬ luˬ-ahˇ miˬ dzaˬ miˬ jiˆ heu neh toeˬ ciˆ gʼaˬ shaw-euˬ baˬ da neh, nawˬ-euˬ yaw lehˬ yaw ca jeˬ tsiˬ shawˇ dzeh-awˇ, nawˬ-ahˇ iˬ baˇ pyehˬ nehˬ gʼaˬ-euˬ meh” lehˇ ehˇ-eu meh.

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Yeˬlaˬmiˇ 50:6

“Ngaˬ-euˬ tsawˇ haˬ deuˬ-aˬ, yawˇ bo-eu deuˬ neh gawˬ jawˬ gawˬ duˇ doe ni bi byoˆ-iˇ-euˬ yawˇ deuˬ-ahˇ duˇ-eu meh. Gawˬ jawˬ tiˬ jawˬ saˇ-iˬ ti jawˬ iˇ kaˬ gʼeh-awˇ, iˇ kahˇ-ahˇ maˬ gʼoꞈ doˆ laˇ nya-a.

Yeˬsaˬgeˬlaˇ 3:18

Haiˬ-eu tsawˇ haˬ tiˬ gʼaˬ shiˇ-eu keuˆ laˇ shaw-iˬ meh lehˇ ngaˇ ehˇ ngeh, aˬ yawꞈ yawˬ haˇ yawˬ ha ka kʼoꞈ nya ni bi dehꞈ paˇ-eu gʼaˇ duˬ nawˇ maˬ mehˬ maˬ tsoˆ-ehˇ iˬ baˇ pi-awˇ bi shiˇ naˇ, nawˬ-ahˇ ngaˇ do yuˇ ma.

Daˬyeˬlaˇ 9:5

“Nga maꞈ iˬ baˇ mˇ-euˬ ma. Nga maꞈ haiˬ-eu tsawˇ haˬ deuˬ pyeuꞈ-awˇ, nawˬ -ahˇ puiˬ-euˬ ma. Nawˬ neh bi mˇ laꞈ-euˬ jeˬ-ahˇ nga maꞈ maˬ mˇ ni, nawˬ neh mehˬ nehˬ laꞈ-euˬ yaw tsaˬ yaw dawˇ jeˬ-ahˇ nga maꞈ byehˇ dzeh-euˬ ma.

Lormav 4:25

Aˬ dui-euˬ iˬ baˇ baˬ da neh aˬ yawꞈ-ahˇ sehꞈ-eu gʼaˇ duˬ bi a nehˬ-awˇ, aˬ dui Miˬyehˇ-ahˇ tsaˬ leˇ tsahˇ leˇ nya ni aˬ yawꞈ-ahˇ bi gʼoꞈ dehꞈ laˇ-euˬ meh.

Yaˬkoˆ 5:20

heu loꞈ-ehˇ siˬ nya-awˬ. Iˬ baˇ zaˬ tiˬ gʼaˬ yawˬ ha-euˬ yaw lehˬ-ahˇ noeˬ poˆ leˇ ni sheuˬ pyawˇ nehˬ-euˬ tsawˇ haˬ aˬ geu gʼaˬ maˬ kaˬ, iˬ baˇ zaˬ kʼoeˇ gʼaˬ-euˬ saꞈ laˇ-ahˇ shiˇ-eu jeˬ laꞈ kʼoeˇ neh ka kʼoꞈ-awˇ, myaˬ dui dui-eu iˬ baˇ gʼaˇ duˬ iˬ baˇ pyehˬ nehˬ-eu jeˬ bi keuˆ le-eu meh.

1 Beˬtuˆluˆ 2:25

Yaw beh, naw maꞈ-aˬ, gaˇ ma byoˆ-iˇ-awˇ shaˬ luꞈ-eu yawˇ deuˬ-ahˇ duˇ-eu meh. Ehˇ kʼawꞈ, nymˬ-mˇ-aˬ, naw maꞈ-ahˇ Bo saˆ haw piˇ-eu gʼaˬ pyeuꞈ-eu Yawˇ bo-eu yaw sahˇ-euˬ mehˬ nah bi caw teh-eu gʼaˇ duˬ, naw maꞈ-ahˇ sheuˬ kʼoꞈ doˆ nehˬ laꞈ-euˬ meh.

1 Beˬtuˆluˆ 3:18

Tsawˇ haˬ zaˬ-euˬ iˬ baˇ gʼaˇ duˬ Ka li tiˬ poˆ tehꞈ-ehˇ kamˇ shiˇ-euˬ meh. Aˬ yawꞈ kamˇ shiˇ-euˬ kʼoeˇ-aˬ, iˬ baˇ zaˬ deuˬ-ahˇ Miˬyehˇ jawˇ gaˇ sheuˬ gʼeh-eu gʼaˇ duˬ, iˬ baˇ maˬ ahˇ-eu tsawˇ haˬ tiˬ gʼaˬ iˬ baˇ zaˬ deuˬ-euˬ dah zaˇ kamˇ shiˇ-euˬ jeˬ pyeuꞈ-awˇ, mˬ maˬ maˬ byaˆ zaˇ ziˇ gʼaˇ duˬ tiˬ poˆ tehꞈ-ehˇ kamˇ shiˇ-euˬ jeˬ pyeuꞈ-eu meh. Shiˬ shaˬ jiˇ paw taꞈ leˇ-awˇ aˬ yawꞈ-ahˇ sehꞈ-euˬ kʼawꞈ, saꞈ laˇ paw taꞈ leˇ-awˇ Miˬyehˇ neh aˬ yawꞈ-ahˇ bi dehꞈ-euˬ meh.

Yaˇ kʼaˬ daˇ 21:25

Aˇ yamˬ kʼoeˇ yamˬ laꞈ kʼoeˇ, Iˇsaˬleˬlaˆ tsawˇ jeuˬ sahˬ paˬ maˬ baw-a. Tsawˇ haˬ yawˬ gʼaˬ na luꞈ yawˬ ha neh kʼaˇ noeˬ-euˬ loꞈ-ehˇ dehꞈ-euˬ meh.