Iˇsaˬyaˇ 53:10 - Akha

¹⁰ Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Iˇsaˬyaˇ 53:10 ပူးပေါင်းရင်းမြစ်များ

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Jaceuq 147:11

Ehˇ kʼawꞈ, aˬ yawꞈ-ahˇ taˬ huiˬ-eu tsawˇ haˬ deuˬ hawˇ-eu, maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ-ahˇ gʼoe-eu tsawˇ haˬ deuˬ-ahˇ, aˬ yawꞈ nui kʼahˇ shiˇ-eu meh.

Jaceuq 149:4

Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui kʼahˇ shiˇ-eu meh. Nui nahˬ nui yu ahˇ-eu deuˬ-ahˇ aˬ cawˬ kʼoeˇ taˆ bi gʼaˬ leˇ-eu laꞈ kʼoeˇ taˬ huiˬ taˬ mahˇ nehˬ-eu meh.

Jaceuq 21:4

Aˬyawꞈnawˬ-ahˇziˇlahˬshaˇngeh, ziˇza guiˬlahˬ nawˇbiꞈ-euˬmeh.

Jaceuq 22:30

Aˬkaˇ tiˬziˇ saˇ-iˬ tiˬziˇ, SahˬpaˬMiˬyehˇ-ahˇgʼoe tehꞈ-a. SahˬpaˬMiˬyehˇhuiˬ-eu gaˇkawˆ, nahˬziˇdeuˬ-ahˇja mehˬtehꞈ-a.

Jaceuq 22:31

SahˬpaˬMiˬyehˇ-euˬtsawˇjeuˬ-ahˇ, aˬyawꞈka kʼoꞈnehˬ-euˬgaˇkawˆ, aˬkaˇdehꞈle-eu deuˬ-ahˇ kʼawꞈ, aˬyawꞈmaꞈja mehˬnehˬtehꞈ-a.

Jaceuq 69:26

Nawˬ neh kʼehˬ nehˬ-euˬ tsawˇ haˬ-ahˇ aˬ yawꞈ maꞈ paˇ kʼehˬ poˆ-awˇ, nawˬ neh laˆ tahˬ laˆ naˇ nehˬ-euˬ tsawˇ haˬ deuˬ-ahˇ aˬ yawꞈ maꞈ dawˬ doeˇ paˇ ciˬ pi nehˬ-eu meh.

Jaceuq 72:17

Sahˬ paˬ-euˬ tsawˇ myahˇ tiˬ jawˇ-iˬ maˬ byoˆ-iˇ ni, nahˇ ma kʼaˇ bya kʼoeˇ keuˆ ni aˬ yawꞈ tsawˇ myahˇ doˆ luꞈ-uˇ. Tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ luꞈ-uˇ. Aˬ yawꞈ maꞈ-ahˇ guiˬ lahˬ biꞈ laꞈ lehˇ Miˬyehˇ-ahˇ aˬ yawꞈ maꞈ shaˇ-awˇ, sahˬ paˬ nui saˇ oꞈ ni aˬ yawꞈ maꞈ nui ma keuˆ luꞈ-uˇ.

Jaceuq 72:7

Aˬ yawꞈ-euˬ ziˇ laꞈ kʼoeˇ yaw tsaˬ yaw dawˇ jeˬ jaˆ-awˇ, ba la kʼaˇ tsehˬ kʼoeˇ keuˆ ni baw le za le luꞈ-uˇ.

Jaceuq 89:29

Aˬ yawꞈ-euˬ dzoeˬ dzaˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ zaˬ deuˬ uˆ deuˬ aˬ myah luꞈ sahˬ paˬ geuꞈ tehꞈ-a.

Jaceuq 89:36

Nahˇ ma maˬ byoˆ tsehˆ kʼoeˇ keuˆ ni, aˬ yawꞈ-euˬ zaˬ deuˬ uˆ deuˬ aˬ myah luꞈ dehꞈ-awˇ jawˇ-awˇ, aˬ yawꞈ-euˬ miˇ kʼahˬ-ahˇ ngaˇ haw piˇ ma.

Iˇsaˬyaˇ 42:1

Sahˬpaˬ Miˬyehˇ ehˇ-eu, “Heu-aˬ, ngaˬ-euˬ zaˬ kʼaˆ ma. Ngaˇ hehˇ tehˇ nehˬ luꞈ-eu gʼaˬ ma. Aˬ yawꞈ-ahˇ ngaˇ tseˇ doˆ-awˇ, nui kʼahˇ shiˇ luꞈ-eu gʼaˬ ma. Aˬ yawꞈ kʼoeˇ taˆ ngaˬ-euˬ Yaw sahˇ jawˇ-awˇ, tsawˇ jeuˬ yawˬ jeuˬ na luꞈ kʼoeˇ taˆ, yaw tsaˬ yaw dawˇ jeˬ aˬ yawꞈ bi keuˆ le tehꞈ-a.

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Iˇsaˬyaˇ 49:4

Ehˇ kʼawꞈ, ngaˇ heu loꞈ-ehˇ ehˇ nehˬ-euˬ ma. “Ngaˇ gaˇ mˇ-euˬ noeˬ tmˬ kʼaˇ maˬ za-a. Ngaˬ-euˬ gʼaˬ jiˇ-euˬ kʼawꞈ gaˇ dahˇ maˬ tsoeˬ leˇ-a.” Ehˇ kʼawꞈ Sahˬpaˬ Miˬyehˇ noeˬ muiˬ nehˬ laꞈ gaˇ noeˬ tmˬ ma. Ngaˬ neh mˇ-euˬ aˇ poeˬ aˬ yawꞈ haw tsaˬ nehˬ laꞈ tehꞈ-a.

Iˇsaˬyaˇ 53:12

Kʼoeˇ miˇ neh aˬ yawꞈ-ahˇ ngaˇ taˬ huiˬ taˬ mahˇ nehˬ-awˇ, baoˬ huiˬ-eu deuˬ-euˬ jawˇ duˬ-ahˇ bi jawˇ ma. Haiˬ-eu tsawˇ haˬ deuˬ ya daˬ-eu yaw doeˇ aˬ yawꞈ daˬ-awˇ, nui ma keuˆ-eu laꞈ kʼoeˇ shiˇ dah-euˬ meh. Tsawˇ haˬ gʼawˬ mya ni-euˬ iˬ baˇ aˬ yawꞈ pi-awˇ, aˬ yawꞈ maꞈ iˬ baˇ ya buˬ ni mˇ dah-euˬ meh.”

Iˇsaˬyaˇ 54:3

Nawˬ-euˬ miˇ kaˬ yawˬ pyawˬ na luꞈ teh jiˆ taˬ-awˬ. Aˬ cawˬ tsawˇ jeuˬ neh ceh geuꞈ taˬ-euˬ miˇ tsaˬ deuˬ, nawˬ-euˬ tsawˇ haˬ deuˬ paˇ za kʼoꞈ tehꞈ-a. Meuˬ tsoeˬ tsoeˬ-iˇ-euˬ meuˬ kʼoeˇ deuˬ, tsawˇ haˬ paˇ jawˇ byah jiˇ tehꞈ-a.

Iˇsaˬyaˇ 61:9

Miˇ kʼahˬ tsawˇ jeuˬ kʼoeˇ taˆ aˬ yawꞈ maꞈ-euˬ tsawˇ myahˇ doˆ-awˇ, aˬ yawꞈ maꞈ ngaˬ neh guiˬ lahˬ biꞈ nehˬ-euˬ tsawˇ jeuˬ pyeuꞈ-eu gaˇ kawˆ, aˬ yawꞈ maꞈ-ahˇ kʼaˇ mawˇ-eu deuˬ siˬ nya tehꞈ-a.”

Iˇsaˬyaˇ 66:22

“Ngaˬ-euˬ baoˬ baˬ da neh, mˬ yaw shuiꞈ hawˇ-eu miˇ kʼahˬ yaw shuiꞈ maˬ cawˆ-iˇ ni ziꞈ-eu loꞈ-ehˇ, naw maꞈ-euˬ zaˬ deuˬ uˆ deuˬ hawˇ-eu naw maꞈ-eu tsawˇ myahˇ, maˬ cawˆ-iˇ ni ziꞈ tehꞈ-a.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Yeˬlaˬmiˇ 32:41

Aˬ yawꞈ maꞈ-ahˇ yaw muiˬ jeˬ mˇ nehˬ-eu gʼaˇ duˬ ngaˇ laˬ kʼaˬ cehˇ-awˇ, miˇ kʼahˬ heu kʼahˬ laꞈ kʼoeˇ ziꞈ dah ni bi dehꞈ ma.

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Yeˬsaˬgeˬlaˇ 37:25

Aˬ yawꞈ maꞈ-euˬ aˬ poeˬ Yaˬkoˆ-ahˇ ngaˬ neh biꞈ-euˬ miˇ kʼahˬ pyeuꞈ-eu, aˬ yawꞈ maꞈ-euˬ aˬ poeˬ aˬ bawˇ deuˬ jawˇ-eu miˇ kʼahˬ-ahˇ, aˬ yawꞈ maꞈ jawˇ tehꞈ-a. Aˬ yawꞈ maꞈ-euˬ ziˇ-ahˇ neh, zaˬ deuˬ uˆ deuˬ-euˬ ziˇ ahˇ keuˆ ni, mˬ maˬ maˬ byaˆ zaˇ ziˇ kʼoeˇ gaˇ ya jawˇ tehꞈ-a. Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ, mˬ maˬ maˬ byaˆ zaˇ ziˇ aˬ yawꞈ maꞈ-ahˇ uˆ lahˇ tehꞈ-a.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Zeˬpaˬniˇ 3:17

Sahˬpaˬ Miˬyehˇ nawˬ nehˇ jawˇ-awˇ, gʼaˬ leˇ-eu baoˬ biꞈ laꞈ tehꞈ-a. Aˬ yawꞈ nawˬ-ahˇ nui kʼahˇ shiˇ-awˇ, nawˬ-ahˇ gaˬ-eu jeˬ baˬ da neh, yaw shuiꞈ bi dehꞈ paˇ laꞈ tehꞈ-a. Aˬ yawꞈ nawˬ-ahˇ nui ma tsaˬ-eu, laˬ kʼaˬ cehˇ-eu caˇ dawˬ caˇ-awˇ,

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Bawˇtsahˬ 7:15

miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu tiˬ myaˇ byah-eu yawˇ zaˬ aˬ buˬ tiˬ mawˇ,

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

Luˇkaꞈ 1:33

Yaˬkoˆ-euˬ zaˬ deuˬ uˆ deuˬ kʼoeˇ taˆ aˬ yawꞈ sahˬ paˬ geuꞈ-awˇ, Aˬ yawꞈ uˆ lahˇ-eu miˇ kʼahˬ kʼoeˇ, mˬ maˬ maˬ byaˆ zaˇ ziˇ aˇ saˬ saˬ-eu maˬ baw-a.”

Yoˇhaˬ 1:29

Yawˬ nah yawˬ, Yeˬsuˇ oe luꞈ gaˇ Yoˇhaˬ mawˇ-awˇ ehˇ-eu, “Miˇ tsaˬ zaˬ-euˬ iˬ baˇ-ahˇ pi dzeh le-euˬ Miˬyehˇ-euˬ yawˇ zaˬ-ahˇ haw sheˇ.

Yoˇhaˬ 12:24

Ngaˇ naw nyaꞈ-ahˇ maˇ jawˆ ni ehˇ-eu ma. Cehˇ cehˇ nuiˆ tiˬ nuiˆ-aˬ, miˇ tsaˬ-ahˇ ga-iˇ-awˇ maˬ shiˇ kʼoeˇ keuˆ ni, cehˇ cehˇ nuiˆ tiˬ nuiˆ tehꞈ meh. Ehˇ kʼawꞈ, cehˇ cehˇ nuiˆ kʼoeˇ nuiˆ shiˇ ngeh, cehˇ cehˇ nuiˆ gʼawˬ mya ni paˇ myaˬ laˇ-eu meh.

Yoˇhaˬ 13:32

Tsawˇhaˬ-euˬ Zaˬmaˇ laꞈ kʼoeˇ Miˬyehˇ-euˬ yaw shehꞈ kʼahˬ sehˇ ya mawˇ-eu jeˬ ngeuˇ naˇ, Miˬyehˇ-euˬ laꞈ kʼoeˇ Tsawˇhaˬ-euˬ Zaˬmaˇ-euˬ yaw shehꞈ kʼahˬ sehˇ pah mehˬ le tehꞈ-a. Miˬyehˇ yaw kawˇ-ehˇ pah mehˬ le tehꞈ-a.

Lormav 6:9

Aˬ jeˬ miˇ neh ehˇ naˇ, Ka li-ahˇ shiˇ-euˬ gaˇ paˇ bi gʼoꞈ dehꞈ laˇ gʼaˬ-euˬ-aˬ, tiˬ jawˇ-iˬ maˬ paˇ shiˇ-ehˇ, shiˇ-eu jeˬ aˬ yawꞈ-ahˇ maˬ paˇ uˆ lahˇ nya meh lehˇ aˬ dui siˬ nya ma.

Lormav 8:32

Yawˬ ha-euˬ Zaˬmaˇ-ahˇ keuˆ ni ciˇ kʼoꞈ maˬ kʼoꞈ ni aˬ dui dawˬ tawˆ luꞈ gʼaˇ duˬ biꞈ nehˬ leꞈ-euˬ Miˬyehˇ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ aˬ dui-ahˇ maˬ biꞈ laꞈ-aˇ loˇ.

Lormav 8:8

Yawˬ ha-euˬ shiˬ shaˬ jiˇ nui noeˬ ehˇ dawˬ naˇ haˬ-eu tsawˇ haˬ-aˬ, Miˬyehˇ nui kʼahˇ shiˇ-eu tsawˇ haˬ maˬ pyeuꞈ laˇ nya-a.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Gaˬlaˬtiˆ 3:13

Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.

Eˇpeˇsu 1:5

Miˬyehˇ aˬ dui-ahˇ gaˬ-eu miˇ neh, Yeˬsuˇ Ka li-ahˇ gʼoe-awˇ aˬ dui-ahˇ aˬ yawꞈ-euˬ zaˬ deuˬ bi pyeuꞈ laˇ-eu gʼaˇ duˬ noeˬ tsehˆ taˬ-euˬ meh. Kʼoeˇ loꞈ-ehˇ bi pyeuꞈ laˇ-eu gʼaˇ duˬ aˬ yawꞈ laˬ kʼaˬ cehˇ-awˇ noeˬ tmˬ taˬ-euˬ meh.

Eˇpeˇsu 1:9

aˬ yawꞈ neh noeˬ tmˬ taˬ-euˬ loꞈ-ehˇ Yeˬsuˇ Ka li-ahˇ gʼoe-awˇ mˇ byah-eu gʼaˇ duˬ lehˬ hmˬ taˬ-euˬ zaꞈ taˬ-euˬ jeˬ, aˬ dui-ahˇ bi siˬ bi mawˇ laꞈ-euˬ meh.

Eˇpeˇsu 5:2

Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

2 Teˇsaˬloˇni 1:11

Kʼoeˇ miˇ neh, naw maꞈ gʼaˇ duˬ nga maꞈ aˬ myah luꞈ guiˬ lahˬ shaˇ-eu ma. Miˬyehˇ neh naw maꞈ-ahˇ bi dehꞈ bi jawˇ-eu lehˇ kuˇ taˬ-euˬ aˇ tiˆ-ahˇ naw maꞈ dehꞈ nya jawˇ nya ni, aˬ dui-euˬ Miˬyehˇ-ahˇ shaˇ-eu ma. Yaw muiˬ jeˬ mˇ mawꞈ-eu naw maꞈ-euˬ nui kʼahˇ dawˬ tawˆ luꞈ hawˇ-eu, naw maꞈ jah-eu miˇ neh mˇ luꞈ-eu gaˇ-ahˇ, aˬ yawꞈ-euˬ baoˬ-ahˇ gʼoe-awˇ aˬ yawꞈ bi byah laˇ luꞈ-uˇ.

HeˬByehˇ 2:13

“Ngaˇ Miˬyehˇ-ahˇ gʼoe-awˇ jah ma” lehˇ aˬ yawꞈ ehˇ-eu meh. “Miˬyehˇ neh ngaˬ-ahˇ biꞈ laꞈ-euˬ zaˬ deuˬ nehˬ-ehˇ ngaˇ jawˇ luꞈ ma” lehˇ kʼawꞈ ehˇ-eu meh.

HeˬByehˇ 7:27

Piˇ ma yaw huiˬ nui deuˬ-ahˇ aˬ yawꞈ maˬ duˇ-a. Aˬ yawꞈ maꞈ loꞈ-ehˇ yawˬ nah na luꞈ yawˬ ha-euˬ iˬ baˇ gʼaˇ duˬ jeˬ hu lawˇ gʼaˬ shehˇ gʼaˬ ngeh, aˬ cawˬ-euˬ i baˇ gʼaˇ duˬ ya lawˇ ya shehˇ-eu heu deuˬ-ahˇ aˬ yawꞈ mˇ-eu maˬ loˬ-a. Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, tiˬ poˆ lawˇ-awˇ mˬ maˬ maˬ byaˆ zaˇ ziˇ gmˬ-eu lawˇ-euˬ jeˬ pyeuꞈ-eu meh.

HeˬByehˇ 9:14

Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.