Iˇsaˬyaˇ 52:1 - Akha

¹ Yeˬluˇsaˬlehˬ meuˬ-oˇ, noeˬ laˇ-awˬ. Beuˇ laˇ-awˬ. Gʼaˬ ziꞈ dah ni paˇ ahˇ laˇ-awˬ. Miˬyehˇ-euˬ muiˬ-eu shawˇ-eu meuˬ-oˇ, yaw shehꞈ kʼahˬ sehˇ dm-awˬ. Lawˇ ciꞈ zaˬ deuˬ meuˬ lahˇ laꞈ kʼoeˇ maˬ paˇ ya uˇ laˇ meh.

Iˇsaˬyaˇ 52:1 ပူးပေါင်းရင်းမြစ်များ

1 Laˬsaˬbaˬ 16:29

Yaw shehꞈ kʼahˬ sehˇ huiˬ dui dui-eu, yawꞈ-euˬ tsawˇ myahˇ-ahˇ ja ceuˬ yawˬ. Uˬ duˬ tahˬ nymˇ nymˇ ma laꞈ kʼoeˇ lawˇ-eu shehˇ-eu jeˬ yuˇ laꞈ yawˬ. Muiˬ-eu shawˇ-eu Sahˬpaˬ Miˬyehˇ zaꞈ le gaˇ awˆ byaˆ-awˇ laˇ yawꞈ.

Neˬhaˬmiˇ 11:1

Miˇ kʼahˬ-ahˇ uˆ lahˇ-eu aˬ yuiꞈ aˬ tsu deuˬ Yeˬluˇsaˬlehˬ meuˬ-ahˇ jawˇ-euˬ meh. Miˇ kʼahˬ zaˬ deuˬ laꞈ kʼoeˇ, muiˬ-eu shawˇ-eu Yeˬluˇsaˬlehˬ meuˬ-ahˇ bi jawˇ-eu gʼaˇ duˬ tseˇ zawꞈ-ahˇ tiˬ zawꞈ mehˇ beuˬ-awˇ tseˇ doˆ-euˬ meh. Kʼaˇ dzeˇ laˇ-euˬ deuˬ dawˬ tawˆ luꞈ meuˬ nui deuˬ-ahˇ jawˇ-euˬ meh.

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Doˆ-iˇ 28:2

Bi haw muiˬ-eu gʼaˇ duˬ maˬ ehˇ, aˬ cawˬ yaw zeu bi baw-eu gʼaˇ duˬ maˬ ehˇ, piˇ ma-euˬ dm gʼaˬ dm lmˇ deuˬ, Aˬloˬ-ahˇ guꞈ nehˬ-awˬ.

Doˆ-iˇ 28:40

“Bi haw muiˬ-eu gʼaˇ duˬ maˬ ehˇ, aˬ cawˬ yaw zeu bi baw-eu gʼaˇ duˬ maˬ ehˇ, Aˬloˬ-euˬ aˬ li deuˬ gʼaˇ duˬ, pehˇ kʼahˬ, joꞈ tsiˬ hawˇ-eu, uˬ dzahˬ guꞈ-awˬ.

Iˇsaˬyaˇ 1:21

Yaw beh saˇ jaˇ ziꞈ-eu meuˬ, meh maˬ laˇ-ahˇ dehꞈ duˇ taˬ-euˬ meh. Yaw beh yaw tsaˬ yaw dawˇ jeˬ byah-awˇ, yaw muiˬ yaw shawˇ jeˬ jaˆ-euˬ kʼawꞈ, nymˬ-mˇ aˬ cawˬ-ahˇ sehꞈ-eu tsawˇ haˬ tehꞈ meh.

Iˇsaˬyaˇ 1:26

Aˇ hu-euˬ sahˬ paˬ sahˬ ma-ahˇ duˇ-eu sahˬ paˬ sahˬ ma deuˬ, nawˬ-ahˇ ngaˇ biꞈ paˇ ma. Kʼoeˇ ngeh jawˇ Yeˬluˇsaˬlehˬ meuˬ-oˇ nawˬ-ahˇ, yaw tsaˬ yaw dawˇ-euˬ meuˬ lehˇ kuˇ-awˇ, saˇ jaˇ ziꞈ-eu meuˬ nga lehˇ aˬ cawˬ ehˇ tehꞈ-a.”

Iˇsaˬyaˇ 26:2

Meuˬ lahˇ kʼehˬ laˇ gʼoˆ pah-awˇ, yaw tsaˬ yaw dawˇ jeˬ mˇ-eu, saˇ jaˇ ziꞈ-eu tsawˇ jeuˬ bi uˇ laˇ-awˬ.

Iˇsaˬyaˇ 35:8

“Muiˬ-eu shawˇ-eu gaˇ jawˬ” lehˇ kuˇ-eu gaˇ jawˬ tiˬ kahˇ, kʼoeˇ gaˇ dahˇ laˇ tehꞈ-a. Iˬ baˇ zaˬ deuˬ gaˇ jawˬ kʼoeˇ kahˇ maˬ cah-ehˇ, dawˇ ga deuˬ kʼoeˇ gaˇ gaˇ bahˬ maˬ bahˬ-a.

Iˇsaˬyaˇ 4:3

Miˬyehˇ neh bi dzeuˇ-iˇ-awˇ, Yeˬluˇsaˬlehˬ meuˬ-ahˇ kʼaˇ jawˇ yaꞈ-euˬ yawˬ gʼaˬ na luꞈ-ahˇ, yaw muiˬ yaw shawˇ tsawˇ haˬ lehˇ aˬ cawˬ kuˇ tehꞈ-a.

Iˇsaˬyaˇ 48:2

Ehˇ kʼawꞈ, nawˇ kʼahˬ sehˇ jehˆ-eu laꞈ kʼoeˇ, muiˬ-eu shawˇ-eu meuˬ-ahˇ jawˇ-eu tsawˇ haˬ pyeuꞈ-awˇ, Baoˬ huiˬ-eu Sahˬpaˬ Miˬyehˇ lehˇ myahˇ taˬ-euˬ, Iˇsaˬleˬlaˆ Miˬyehˇ-ahˇ gʼoe luꞈ ma lehˇ ehˇ-eu meh.

Iˇsaˬyaˇ 49:18

Doe doe-ehˇ nawˇ haw gʼeh-iˬ sheˇ. Nawˬ-euˬ tsawˇ haˬ uiˬ leˇ luꞈ meh. Aˬ yawꞈ maꞈ gʼoꞈ laˇ-eu lehˇ gʼeh luꞈ meh. Ngaˇ dehꞈ luꞈ-eu Miˬyehˇ pyeuꞈ-eu duˬ-euˬ loꞈ-ehˇ, jiˇ cehˇ gʼeh-eu zaˬ miˬ myawˬ guˇ geuꞈ-awˇ jahˇ gʼeh haw gaˇ duˇ ni, nawˬ-euˬ tsawˇ haˬ gʼaˇ duˬ nawˇ kʼahˬ sehˇ jehˆ tehꞈ-a.

Iˇsaˬyaˇ 51:17

Yeˬluˇsaˬlehˬ-oˇ, noeˬ laˇ-awˬ. Mˇ zoˇ-awˇ tuˇ laˇ-awˬ. Sahˬpaˬ Miˬyehˇ nui ma pehˇ laˇ-awˇ ciˬ nehˬ-euˬ, kʼehˬ-euˬ kʼaˆ-euˬ kʼmˬ maˬ nawˇ ya ciˬ shuˆ-euˬ meh. Kʼmˬ maˬ kʼoeˇ dawˇ jiˇ-euˬ miˇ neh, nawˇ kuiˇ toꞈ maˬ ciˬ tsaˬ nya-a.

Iˇsaˬyaˇ 51:9

Sahˬpaˬ Miˬyehˇ nawˇ noeˬ laˇ-awˇ nga maꞈ-ahˇ ka kʼoꞈ-awˬ. Nawˬ-euˬ baoˬ-ahˇ gʼoe-awˇ nga maꞈ-ahˇ ka kʼoꞈ nehˬ laꞈ-awˬ. Aˇ hu nawˬ-euˬ baoˬ bi mawˇ-euˬ loꞈ-ehˇ nymˬ-mˇ bi mawˇ laꞈ-awˬ. Laˆ shaˆ byaˆ yahˬ Laˬhaˇ-ahˇ byehˆ nmˆ nehˬ-euˬ gʼaˬ nawˇ meh.

Iˇsaˬyaˇ 60:1

Yeˬluˇsaˬlehˬ meuˬ-oˇ, tuˇ-awˬ. Nawˬ-euˬ yaw shehꞈ keuˆ le-euˬ meh. Sahˬpaˬ Miˬyehˇ-euˬ yaw shehꞈ kʼahˬ sehˇ, nawˬ-euˬ kʼoeˇ taˆ doˆ laˇ luꞈ meh.

Iˇsaˬyaˇ 60:21

Nawˬ-euˬ tsawˇ haˬ dawˬ tawˆ yaw tsaˬ yaw dawˇ jeˬ-ahˇ mˇ-awˇ, mˬ maˬ maˬ byaˆ zaˇ ziˇ miˇ kʼahˬ heu za tehꞈ-a. Ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, aˬ yawꞈ maꞈ-ahˇ ngaˬ neh ka-awˇ, ngaˬ neh mˇ taˬ-euˬ kuiˇ zaˇ laꞈ zaˇ pyeuꞈ-eu ma.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Iˇsaˬyaˇ 64:10

Nawˬ-euˬ muiˬ-eu shawˇ-eu meuˬ deuˬ, bawˇ tsahˬ bawˇ dahˇ pyeuꞈ jiˇ-euˬ meh. Yeˬluˇsaˬlehˬ hawˇ-eu Ziˇoˬ meuˬ tsoeˬ tsoeˬ-iˇ-euˬ meh.

Yeˬlaˬmiˇ 31:23

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ jeuˬ heu jeuˬ-ahˇ aˬ yawꞈ maꞈ-euˬ miˇ kʼahˬ laꞈ kʼoeˇ ngaˇ sheuˬ kʼoꞈ gʼeh nehˬ-awˇ paˇ bi jawˇ ngeh, Yuˇdaˆ miˇ kʼahˬ hawˇ-eu kʼoeˇ gaˇ jaˆ-eu meuˬ deuˬ laꞈ kʼoeˇ, aˬ yawꞈ maꞈ heu loꞈ-ehˇ paˇ ya ehˇ tehꞈ-a. ‘Yaw tsaˬ yaw dawˇ jeˬ jawˇ-eu jawˇ duˬ-oˇ, muiˬ-eu shawˇ-eu gawˬ jawˬ-oˇ Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ’ lehˇ ya ehˇ tehꞈ-a.

Yeˬsaˬgeˬlaˇ 44:9

“Baˆ kʼoˆ mehˬ dzaˬ maˬ yehˬ-euˬ aˬ cawˬ tsawˇ jeuˬ hawˇ-eu, ngaˬ-euˬ ehˇ dawˬ maˬ naˇ haˬ-eu tsawˇ haˬ tiˬ gʼaˬ-iˬ ngaˬ-euˬ Uˬ duˬ tahˬ nymˇ nymˇ ma-ahˇ maˬ ya uˇ laˇ-a. Iˇsaˬleˬlaˆ tsawˇ haˬ deuˬ nehˬ-ehˇ jawˇ luꞈ-eu aˬ cawˬ tsawˇ jeuˬ deuˬ kʼawꞈ, tiˬ gʼaˬ-iˬ maˬ ya uˇ laˇ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Daˬyeˬlaˇ 10:9

Aˬ yawꞈ-euˬ teˇ saˇ ngaˇ ya gaˬ ngeh, miˇ tsa coˬ dzeh-awˇ, moꞈ tsahˬ-ehˇ maˬ noeˬ ni ga-euˬ ma.

Yawˇlaˆ 3:17

“Kʼoeˇ ngeh jawˇ, Iˇsaˬleˬlaˆ-oˇ, SahˬpaˬMiˬyehˇ lehˇ kuˇ-eu ngaˇ, nawˬ-euˬ Miˬyehˇ pyeuꞈ-eu ma lehˇ, nawˇ siˬ duˬ mawˇ duˬ laˇ tehꞈ-a. Muiˬ-eu shawˇ-eu ngaˬ-euˬ gawˬjawˬ, Ziˇoˬ-euˬ kʼoeˇ taˆ ngaˇ jawˇ ma. Yeˬluˇsaˬlehˬ meuˬ shawˇ laˇ-awˇ, aˬ cawˬ neh bi deuˆ gʼaˬ-eu jeˬ, tiˬ jawˇ-iˬ maˬ paˇ keuˆ le meh.

Naˬhmˬ 1:15

Gawˬ jawˬ uˬ du oe ka luꞈ-eu, laˬ kʼaˬ cehˇ-eu dawˬ tsaꞈ le-euˬ, dawˬ dzawˇ mˇ-eu gʼaˬ-ahˇ haw yawˬ. Gʼaˬ leˇ-euˬ gaˇ kawˆ dzawˇ-eu lehˇ, aˬ yawꞈ oe ka luꞈ gaˇ haw yawˬ. Yuˇdaˆ miˇ kʼahˬ-oˇ, bawˬ-iˬ gʼeh-awˬ. Naw maꞈ saˇ jaˇ dzaˬ taˬ-euˬ jeˬ, Miˬyehˇ-ahˇ paˇ mˇ kʼoꞈ nehˬ-awˬ. Naw maꞈ-ahˇ muiˇ-eu haiˬ-eu deuˬ, naw maꞈ-ahˇ guiˇ maˬ deuˆ nya ni, laˆ piˬ laˆ byoˆ jiˇ nehˬ-euˬ meh.

Haˬgaiˇ 2:4

Ehˇ kʼawꞈ, naw maꞈ tiˬ gʼaˬ-iˬ nui ma taꞈ cawˆ. Zeˬluˇbaˬbeˬlaˇ-oˇ, Piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ-oˇ, Miˇ kʼahˬ zaˬ dawˬ tawˆ luꞈ-oˇ, nui ma taˬ cawˆ. Naw maꞈ nehˬ-ehˇ ngaˇ jawˇ ma.

Zaˬkaˬliˇ 3:4

“Tsawˇ haˬ heu gʼaˬ dm luꞈ-eu mehˬ tsoeˬ yaw jawꞈ lehˆ dzeh nehˬ-awˬ” lehˇ, mˬ taˆ gʼaˬ kʼehˇ kʼoeˇ gʼaˬ aˬ yawꞈ-euˬ mehˬ shi yawꞈ luꞈ-eu deuˬ- ahˇ ehˇ nehˬ-euˬ meh. Kʼoeˇ naˇ, “Nawˬ-euˬ iˬ baˇ ngaˇ yuˇ dzeh gʼaˬ-awˇ, ngaˇ nawˬ-ahˇ mehˬ tsoeˬ yaw muiˬ bi dm ma” lehˇ, Yawˇshuˆ-ahˇ aˬ yawꞈ ehˇ nehˬ-euˬ meh.

Maꞈtehˬ 4:5

Kʼoeˇ naˇ, Nehꞈ sahˬ paˬ kʼoeˇ gʼaˬ Yeˬsuˇ-ahˇ Muiˬ-eu shawˇ-eu Meuˬ pyeuꞈ-eu Yeˬluˇsaˬlehˬ meuˬ-ahˇ sheuˬ gʼeh-awˇ, Uˬ duˬ tahˬ nymˇ nymˇ ma-euˬ kʼaˬ boeˬ goˇ dui dui-eu tsahˇ-ahˇ sheuˬ taˬ-euˬ meh.

Luˇkaꞈ 15:22

Ehˇ kʼawꞈ, aˬ da gʼaˬ aˬ yawꞈ-euˬ zaˬ kʼaˆ deuˬ-ahˇ kuˇ-awˇ ehˇ-eu, ‘Aˬ cawˬ naˆ maˬ tseˇ muiˬ dzehˬ-eu pehˇ kʼahˬ pehˇ mahˇ yuˇ leꞈ-awˇ ngaˬ li-ahˇ yaw kawˇ-ehˇ bi dm sheˇ. Laꞈ behˬ gʼeh bi behˬ-awˇ, sehˬ nawˆ gʼeh bi nawˆ-awˬ.

Lormav 13:14

Aˬ dui-euˬ guiˇ deuˆ-eu keu ka pyeuꞈ-eu Yeˬsuˇ Ka li-ahˇ dm-awˇ, shiˬ shaˬ jiˇ-euˬ nui loˆ maˬ paˇ poˆ ni, shiˬ shaˬ jiˇ nui kʼahˇ jaˆ-eu jeˬ-ahˇ byehˇ dzeh yaꞈ jiˇ kaˇ-euˇ.

Lormav 3:22

Aˬ yawꞈ maꞈ Yeˬsuˇ Ka li-ahˇ jah-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ bi pyeuꞈ laˇ-euˬ meh. Ka li-ahˇ kʼaˇ jah-eu tsawˇ haˬ dawˬ tawˆ luꞈ-ahˇ, tsawˇ jeuˬ maˬ tseˇ paˆ ni, Miˬyehˇ kʼoeˇ loꞈ-ehˇ jahˇ nehˬ-euˬ meh.

Eˇpeˇsu 4:24

Maˇ maˇ ni gʼeh-eu yaw tsaˬ yaw dawˇ hawˇ-eu yaw muiˬ yaw shawˇ laꞈ kʼoeˇ Miˬyehˇ-euˬ aˇ gʼeh-ahˇ duˇ leˇ ni beh taˬ-euˬ yaw dehꞈ dehꞈ-eu yaw shuiꞈ jeˬ-ahˇ dm-awˬ.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

Panmaeq 11:2

Ehˇ kʼawꞈ, uˬ duˬ tahˬ nymˇ-euˬ laꞈ nyiˇ pu ka guiˇ ga ceuˬ-ahˇ maˬ dza haw ni bi jaˆ-awˬ. Aˬ jeˬ miˇ neh ehˇ naˇ, kʼoeˇ-aˬ, Muiˬ-eu shawˇ-eu Meuˬ-ahˇ ba la oeˬ tseˇ nyiꞈ siˬ byah ni tsawˬ nawˬ nawˬ le-eu aˬ cawˬ tsawˇ jeuˬ deuˬ gʼaˇ duˬ taˬ taˬ-euˬ jawˇ duˬ pyeuꞈ-eu meh.

Panmaeq 19:14

Mˬ taˆ guiˇ maꞈ deuˬ mahˬ mahˬ pyuˇ dziˬ-awˇ, shawˇ jehˆ ni gʼeh-eu saˬ paˇ paˇ pyuˇ dm-awˇ, aˬ yawꞈ-euˬ mehˬ nah caw teh-eu meh.

Panmaeq 19:8

Dahˬ dzaˬ-iˇ-eu zaˬ miˬ gʼaˬ-ahˇ, yaw shehꞈ bya-eu paˇ pyuˇ paˇ shawˇ, bi dm-eu lehˇ jahˇ taˬ-euˬ meh.” (Paˇ pyuˇ paˇ shawˇ kʼoeˇ-aˬ, Miˬyehˇ-euˬ tsawˇ haˬ deuˬ neh mˇ-euˬ yaw tsaˬ yaw dawˇ jeˬ-euˬ dawˬ tsuiꞈ pyeuꞈ-eu meh.)

Panmaeq 21:2

Kʼoeˇ ngeh, Muiˬ-eu shawˇ-eu Meuˬ pyeuꞈ-eu Yeˬluˇsaˬlehˬ meuˬ-aˬ, smˇ miˇ iˇ-eu lehˇ gʼeh-eu zaˬ miˬ zaˬ tiˬ gʼaˬ yawˬ ha-euˬ kʼaˬ dzeˇ zaˬ jawˇ gaˇ iˇ-eu lehˇ dm gʼaˬ dm lmˇ tiˬ kuꞈ dm-awˇ lehˬ hmˬ taˬ-euˬ loꞈ-ehˇ, mˬ-ahˇ Miˬyehˇ jawˇ gaˇ neh zaꞈ ka le-euˬ meh.

Panmaeq 21:27

Ehˇ kʼawꞈ, maˬ muiˬ maˬ shawˇ-eu jeˬ tiˬ jeˬ-iˬ meuˬ kʼoeˇ meuˬ laꞈ kʼoeˇ maˬ ya hehˇ ahˇ gʼeh-a. Shaꞈ dawˇ-eu jeˬ mˇ-eu tsawˇ haˬ hawˇ-eu jaˬ myawꞈ myawꞈ-eu tsawˇ haˬ deuˬ kʼawꞈ, maˬ ya uˇ leˇ-a. Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ ahˇ-eu tsawˇ haˬ deuˬ tehꞈ-ehˇ kʼoeˇ gaˇ ya uˇ leˇ-eu meh.