Iˇsaˬyaˇ 51:9 - Akha

⁹ Sahˬpaˬ Miˬyehˇ nawˇ noeˬ laˇ-awˇ nga maꞈ-ahˇ ka kʼoꞈ-awˬ. Nawˬ-euˬ baoˬ-ahˇ gʼoe-awˇ nga maꞈ-ahˇ ka kʼoꞈ nehˬ laꞈ-awˬ. Aˇ hu nawˬ-euˬ baoˬ bi mawˇ-euˬ loꞈ-ehˇ nymˬ-mˇ bi mawˇ laꞈ-awˬ. Laˆ shaˆ byaˆ yahˬ Laˬhaˇ-ahˇ byehˆ nmˆ nehˬ-euˬ gʼaˬ nawˇ meh.

Iˇsaˬyaˇ 51:9 ပူးပေါင်းရင်းမြစ်များ

Yawˇbaˆ 26:12

Aˬ yawꞈ-euˬ gʼaˬ neh iˬ ma laˆ shaˆ-ahˇ aˬ yawꞈ gʼaˬ leˇ-awˇ, aˬ yawꞈ-euˬ tsawˇ gahˇ neh iˬ ma laˆ shaˆ byaˆ yahˬ Laˬhaˇ-ahˇ laˆ cawˆ-euˬ meh.

Yawˇbaˆ 9:13

Miˬyehˇ nui ma pehˇ-eu jeˬ maˬ byoˆ-iˇ nya-a. Iˬ ma laˆ shaˆ byaˆ yahˬ Laˬhaˇ-ahˇ caw ba le-eu aˬ yawꞈ-ahˇ muiˇ-eu deuˬ-ahˇ aˬ yawꞈ deh pyehˆ-eu meh.

Jaceuq 21:13

SahˬpaˬMiˬyehˇ-oˇ, nawˇgʼaˬkʼaˆgaˇja ceuˬ-eu ma. Huiˬdui dui-eu nawˬ-euˬbaoˬ-ahˇ, nga maꞈcaˇ-awˇja ceuˬ-eu ma.

Jaceuq 44:1

Miˬyehˇ-oˇ, aˇhu-euˬziˇ-ahˇ, nawˬneh mˇ-euˬhuiˬ-eu gaˇdeuˬ, poeˬpiˬja mehˬlaꞈ-euˬloꞈ-ehˇ, nga maꞈ naˬbawˇya gaˬ-euˬma.

Jaceuq 44:2

Aˬcawˬtsawˇjeuˬtsawˇca deuˬ-ahˇ, nawˬ-euˬaˬlaꞈneh teh dzeh-awˇ, nga maꞈ-euˬpoeˬpiˬkʼoeˇdeuˬ-ahˇ, kʼoeˇgaˇjawˇduˬbi dah-euˬmeh. Tsawˇjeuˬkʼoeˇdeuˬ-ahˇnawˇkʼehˬ-awˇ, poeˬpiˬdeuˬbi dehꞈdzaˬ-euˬmeh.

Jaceuq 44:23

SahˬpaˬMiˬyehˇ-oˇ, Tuˇ-awˬ. Aˬjeˬmiˇneh nawˇyuꞈluꞈte. Mˬmaˬmaˬbyaˆzaˇziˇjiˇni, nga maꞈ-ahˇtaˬbyehˇdzeh nehˬlaꞈ.

Jaceuq 44:24

Nawˬ-euˬmyaˆpyawˬciˬzaꞈtaˬ-awˇ, nga maꞈshaˬgaˇtaˬngehˇnehˬlaꞈ.

Jaceuq 59:4

Sahˬpaˬ Miˬyehˇ-oˇ, ngaˇ yaw lehˬ jeˬ mˇ taˬ-euˬ maˬ jaˆ gaˇ, ngaˬ-ahˇ laˆ cawˆ-eu lehˇ aˬ yawꞈ lehˬ hmˬ luꞈ meh.

Jaceuq 7:6

SahˬpaˬMiˬyehˇ nui ma pehˇ-awˇ, muiˇ-eu deuˬ kʼaˆluꞈgaˇzuiˆ-awˬ. SahˬpaˬMiˬyehˇ-oˇ, tuˇlaˇ-awˬ. ngaˬ-euˬgʼaˇduˬ yaˇkʼaˬdaˇ-awˬ.

Jaceuq 77:5

Dzeuˇ yaꞈ-euˬ aˇ nah aˇ yamˬ-ahˇ shaˇ noeˬ ngeh, aˇ hu ba-euˬ gaˇ kawˆ deuˬ noeˬ mawˇ laˇ miˇ-a.

Jaceuq 78:65

Aˇ saˬ saˬ laˇ ngeh uˬ noeˬ beuˇ laˇ-euˬ loꞈ-ehˇ Miˬyehˇ luˆ laˇ-awˇ, aˬ gaꞈ dzaˇ uiˇ dawˇ beuˇ-euˬ gʼaˬ kʼaˆ dui dui-eu tsawˇ haˬ loꞈ-ehˇ tuˇ laˇ-euˬ meh.

Jaceuq 87:4

“Ngaˬ-euˬ ehˇ dawˬ naˇ haˬ-euˬ miˇ kʼahˬ deuˬ-euˬ tsawˇ myahˇ ngaˇ yuˇ ngeh, Iˇjiˇtuˆ miˇ kʼahˬ hawˇ-eu Baˬbuˇloˬ miˇ kʼahˬ ngaˇ boꞈ ahˇ ma. Piˇliˇtiˆ, Duˇlu, Suˬdaˬ miˇ kʼahˬ heu deuˬ-ahˇ jawˇ-eu tsawˇ haˬ deuˬ-ahˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ nehˬ-ehˇ tsawˇ myahˇ dawˆ nehˬ ma.”

Jaceuq 89:10

Iˬ ma laˆ shaˆ byaˆ yahˬ Laˬhaˇ-ahˇ nawˇ nawˬ pyehˆ-awˇ sehꞈ-euˬ meh. Nawˬ-euˬ baoˬ huiˬ-eu gʼaˬ-ahˇ gʼoe-awˇ, muiˇ-eu deuˬ-ahˇ nawˇ deuˆ gʼaˬ-euˬ meh.

Jaceuq 89:11

Mˬ hawˇ-eu miˇ dawˬ tawˆ luꞈ nawˬ-euˬ meh. Miˇ tsaˬ tahˬ kʼawˇ hawˇ-eu miˇ tsaˬ kʼoeˇ taˆ kʼaˇ jaˆ-eu jeˬ dawˬ tawˆ luꞈ nawˬ neh beh-euˬ meh.

Jaceuq 93:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Baoˬ yaw shehꞈ kʼahˬ sehˇ hawˇ-eu gʼaˬ huiˬ-eu jeˬ-ahˇ aˬ yawꞈ dm taˬ-euˬ meh. Miˇ tsaˬ tahˬ kʼawˇ-ahˇ ziꞈ dah ni ciˬ tsaˬ taˬ-awˇ, maˬ luˆ-iˇ nya-a.

Doˆ-iˇ 6:6

Kʼoeˇ miˇ neh, ngaˇ heu loꞈ-ehˇ ehˇ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Ngaˇ-aˬ, Sahˬpaˬ Miˬyehˇ ma. Iˇjiˇtuˆ tsawˇ haˬ deuˬ-euˬ laꞈ oˆ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ma. Baoˬ ahˇ-eu ngaˬ-euˬ aˬ laꞈ cawˬ doˆ-awˇ, aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ bi keuˆ le-eu laꞈ kʼoeˇ, naw maꞈ-ahˇ ngaˇ ka kʼoꞈ ma.

Iˇsaˬyaˇ 27:1

Aˇ nah kʼoeˇ nah-ahˇ, Sahˬpaˬ Miˬyehˇ aˬ yawꞈ-euˬ baoˬ huiˬ dui dui-eu mi cehˇ-ahˇ gʼoe-awˇ, joe joe-ehˇ maˬ ehˇ, yaw gʼahˬ yaw diˆ-ehˇ maˬ ehˇ, cah nya-eu Leˬbeˇdaˬ aˇ lawˇ ma kʼoeˇ mawˇ-ahˇ kʼehˬ-awˇ, iˬ ma laˆ shaˆ-ahˇ uˇ-eu byaˆ yahˬ yahˬ ma kʼoeˇ mawˇ-ahˇ sehꞈ tehꞈ-a.

Iˇsaˬyaˇ 30:7

Iˇjiˇtuˆ miˇ kʼahˬ neh ngehˬ gʼeh-euˬ jeˬ, tiˬ pawꞈ-iˬ gaˇ dahˇ maˬ tsoeˬ-a. Kʼoeˇ miˇ neh, Iˇjiˇtuˆ miˇ kʼahˬ-ahˇ ngaˇ, doꞈ maˬ ahˇ-eu byaˆ yahˬ lehˇ kuˇ-eu ma.”

Iˇsaˬyaˇ 51:17

Yeˬluˇsaˬlehˬ-oˇ, noeˬ laˇ-awˬ. Mˇ zoˇ-awˇ tuˇ laˇ-awˬ. Sahˬpaˬ Miˬyehˇ nui ma pehˇ laˇ-awˇ ciˬ nehˬ-euˬ, kʼehˬ-euˬ kʼaˆ-euˬ kʼmˬ maˬ nawˇ ya ciˬ shuˆ-euˬ meh. Kʼmˬ maˬ kʼoeˇ dawˇ jiˇ-euˬ miˇ neh, nawˇ kuiˇ toꞈ maˬ ciˬ tsaˬ nya-a.

Iˇsaˬyaˇ 51:5

Ngaˇ yaw kawˇ-ehˇ oe-awˇ aˬ yawꞈ maꞈ-ahˇ ka kʼoꞈ le ma. Ngaˇ gʼaˬ leˇ-eu aˇ yamˬ dawˬ peh peh laˇ luꞈ meh. Tsawˇ jeuˬ dawˬ tawˆ luꞈ-ahˇ ngaˇ uˆ lahˇ ma. Gaˇ mahˇ kaˬ-eu miˇ kʼahˬ deuˬ ngaˬ-ahˇ dawˬ luꞈ meh. Aˬ yawꞈ maꞈ-ahˇ ngaˇ ka kʼoꞈ nehˬ le gaˇ noeˬ tmˬ luꞈ meh.

Iˇsaˬyaˇ 52:1

Yeˬluˇsaˬlehˬ meuˬ-oˇ, noeˬ laˇ-awˬ. Beuˇ laˇ-awˬ. Gʼaˬ ziꞈ dah ni paˇ ahˇ laˇ-awˬ. Miˬyehˇ-euˬ muiˬ-eu shawˇ-eu meuˬ-oˇ, yaw shehꞈ kʼahˬ sehˇ dm-awˬ. Lawˇ ciꞈ zaˬ deuˬ meuˬ lahˇ laꞈ kʼoeˇ maˬ paˇ ya uˇ laˇ meh.

Iˇsaˬyaˇ 52:10

Sahˬpaˬ Miˬyehˇ muiˬ-eu shawˇ-eu baoˬ-ahˇ gʼoe-awˇ, aˬ yawꞈ-euˬ tsawˇ haˬ-ahˇ ka kʼoꞈ nehˬ gaˇ, miˇ tsaˬ dawˬ tawˆ ya mawˇ tehꞈ-a.

Iˇsaˬyaˇ 53:1

Miˇ kʼahˬ zaˬ deuˬ ehˇ-eu, “Gaˇ kawˆ heu nga maꞈ ja mehˬ gaˇ aˬ suˇ gʼaˬ jah coeˇ nmˇ. Heu-euˬ laꞈ kʼoeˇ Miˬyehˇ-euˬ aˬ laꞈ caw luꞈ-eu aˬ suˇ gʼaˬ mawˇ nya nmˇ.

Iˇsaˬyaˇ 62:8

Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ jaˆ-awˇ, aˬ yawꞈ-euˬ baoˬ zmˬ-awˇ saˇ jaˇ kʼoeˇ bi byah laˇ tehꞈ-a. “Muiˇ-eu deuˬ-ahˇ naw maꞈ-euˬ cehˇ maˬ paˇ bi dzaˬ ma. Boeˇ miˬ siˬ kʼaˬ deuˬ-ahˇ naw maꞈ-eu aˬ gaꞈ dzaˇ uiˇ maˬ paˇ bi dawˇ ma.

Yeˬsaˬgeˬlaˇ 29:3

Iˇjiˇtuˆ sahˬ paˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu, Lawˇ baˬ gʼahˇ ceh yuꞈ-eu byaˆ yahˬ, Iˇjiˇtuˆ miˇ kʼahˬ sahˬ paˬ-oˇ, nawˬ-ahˇ ngaˇ muiˇ-eu ma.

Miˇkaˬ 7:15

Sahˬpaˬ Miˬyehˇ-oˇ, Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ nawˇ sheuˬ doˆ laꞈ ngeh loꞈ-ehˇ, nga maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ nehˬ laꞈ-awˬ.

Haˬbaˬkuˆ 2:19

Daˇ kawˬ mawˇ kawˇ noeˬ laˇ-awˬ lehˇ, kʼaˬ lo mawˇ kawˇ tuˇ laˇ-awˬ lehˇ, ehˇ-eu gʼaˬ ya noeˬ shaˬ tehꞈ-a. Tahˬ pahˬ aˬ ma mawˇ kawˇ kʼoeˇ deuˬ, nawˬ-ahˇ aˬ jeˬ ehˇ nehˬ nya ta. Pyuˇ hawˇ-eu shuiˇ yaw taˬ-euˬ kʼawꞈ, saꞈ gʼawˇ nya-eu jeˬ maˬ ngeuˇ-a.

Haˬbaˬkuˆ 3:13

Nawˬ-euˬ tsawˇ haˬ kʼoeˇ deuˬ hawˇ-eu, nawˬ neh tseˇ doˆ-euˬ sahˬpaˬ-ahˇ, ka kʼoꞈ-eu lehˇ nawˇ iˇ-euˬ meh. Haiˬ-eu sahˬ paˬ-ahˇ kʼoˆ coˬ-awˇ, gʼaˬ zaˬ gʼaˬ kʼehˇ dawˬ tawˆ luꞈ-ahˇ, nawˇ laˆ piˬ laˆ byoˆ nehˬ-euˬ meh.

Zaˬkaˬliˇ 10:11

Shaˬ zahˬ laˆ shaˆ yawꞈ maꞈ tsehˆ ngeh, Sahˬpaˬ Miˬyehˇ pyeuꞈ-eu ngaˇ gʼaˬ, iˇ luˆ dzeh gaˇ daˇ cuiˇ zuiˆ-awˇ, naꞈ-eu Niˬlaˇ lawˇ baˬ baˬ ma, gui coˇ ni ya tsiˇ leˇ tehꞈ-a. Aˬshuˇliˆ nui ma ga juˬ-awˇ, Iˇjiˇtuˆ gʼaˬ baˬ-iˇ tehꞈ-a.

Zaˬkaˬliˇ 2:13

Tsawˇ haˬ yawˬ gʼaˬ na luꞈ Sahˬpaˬ Miˬyehˇ mehˬ shi ciˬ cuˇ ni jawˇ-awˬ. Aˬ jeˬ miˇ neh ehˇ naˇ, aˬ yawꞈ-euˬ muiˬ-eu shawˇ-eu jawˇ duˬ-ahˇ neh aˬ yawꞈ luˆ laˇ-awˇ oe luꞈ meh.

Luˇkaꞈ 1:51

Baoˬ huiˬ-eu laꞈ du cawˬ doˆ-awˇ, nui ma huiˬ-eu deuˬ-euˬ bawˬ toˆ, dawˬ tawˆ luꞈ byaˆ dzeh nehˬ-eu meh.

Yoˇhaˬ 12:38

Aˬ yawꞈ maꞈ maˬ jah-eu kʼoeˇ-aˬ, Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ taˬ-euˬ dawˬ heu dawˬ byah laˇ-eu gʼaˇ duˬ pyeuꞈ-eu meh. “Gaˇ kawˆ heu nga maꞈ ja mehˬ gaˇ, jah nehˬ laꞈ-eu aˬ suˇ jawˇ nmˇ. Heu-euˬ laꞈ kʼoeˇ Miˬyehˇ aˬ laꞈ, ahˇ luꞈ meh lehˇ aˬ suˇ mawˇ nmˇ.”

Gʼaˬkʼehˇ 7:7

Ehˇ kʼawꞈ, aˬ yawꞈ maꞈ-ahˇ zaˬ kʼaˆ bi geuꞈ-euˬ tsawˇ jeuˬ koeˇ jeuˬ-ahˇ ngaˇ yaˇ kʼaˬ daˇ-awˇ, aˬ yawꞈ maꞈ-ahˇ miˇ kʼahˬ kʼoeˇ kʼahˬ laꞈ kʼoeˇ neh bi doˆ laˇ ma. Kʼoeˇ ngeh, jawˇ duˬ heu tsahˇ-ahˇ aˬ yawꞈ maꞈ ngaˬ-ahˇ uˬ duˬ tahˬ tehꞈ-a.’

Dawˬmehˬ 4:34

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ miˇ kʼahˬ laꞈ kʼoeˇ jahˇ-euˬ loꞈ-ehˇ, aˬ cawˬ tsawˇ jeuˬ-euˬ uˬ moˆ jawˇ-eu tsawˇ jeuˬ tiˬ jeuˬ-ahˇ aˬ yawꞈ-euˬ tsawˇ haˬ bi pyeuꞈ laˇ-eu lehˇ sheuˬ doˆ laˬ-iˇ peuˬ-eu miˬ yehˇ nui gʼaˬ jawˇ meh loˇ. Naw maꞈ-euˬ myaˆ kʼeh aˬ yawꞈ-euˬ huiˬ-eu baoˬ hawˇ-eu gʼaˬ-ahˇ zmˬ-awˇ, shaˬ zahˬ naˇ gawˇ maˬ ehˇ, guiˇ deuˆ-eu jeˬ maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ maˬ ehˇ, guˆ dui dui laˇ paˬ-ehˇ gʼeh-eu jeˬ maˬ ehˇ, aˬ yawꞈ bi keuˆ le-euˬ meh.

Panmaeq 11:17

Aˬ yawꞈ maꞈ ehˇ-eu, “Aˇ hu dehꞈ-awˇ nymˬ-mˇ dehꞈ-eu, Baoˬhuiˬ-eu Sahˬpaˬ Miˬyehˇ-oˇ, Nawˬ-euˬ huiˬ-eu baoˬ nawˇ yuˇ-awˇ, uˆ lahˇ dahˬ beh le-euˬ miˇ neh, nawˬ-euˬ guiˬ lahˬ-ahˇ ja ceuˬ ma.

Panmaeq 12:9

Aˇ hu ba-euˬ aˇ lawˇ kʼoeˇ mawˇ pyeuꞈ-eu, Nehꞈ sahˬ paˬ hawˇ-eu nehꞈ Saˬ daˬ lehˇ kuˇ-eu, miˇ tsaˬ zaˬ dawˬ tawˆ luꞈ-ahˇ sheuˬ bahˬ-euˬ byaˆ yahˬ yahˬ ma kʼoeˇ mawˇ miˇ tsaˬ kʼoeˇ taˆ bi biˬ ka leꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ kʼawꞈ, aˬ yawꞈ nehˬ-ehˇ bi biˬ ka leꞈ-euˬ meh.

Yaˇ kʼaˬ daˇ 6:13

Aˬ yawꞈ-ahˇ Giˇdoˬ ehˇ nehˬ-eu, “Ngaˇ heu loꞈ-ehˇ naˇ haˬ mawꞈ nya. Sahˬpaˬ Miˬyehˇ nga maꞈ nehˬ-ehˇ jawˇ-eu jeˬ maˇ-iˬ, aˬ jeˬ miˇ neh heu loꞈ-ehˇ pyeuꞈ laˇ ta. Aˬ yawꞈ neh nga maꞈ-euˬ aˬ da deuˬ-ahˇ Iˇjiˇtuˆ miˇ kʼahˬ-ahˇ neh sheuˬ doˆ nehˬ laꞈ-euˬ gaˇ kawˆ hawˇ-eu, aˬ yawꞈ neh mˇ mehˬ nehˬ-euˬ zahˬ leˇ paˬ-ehˇ gʼeh-eu gaˇ deuˬ, nga maꞈ-euˬ aˬ da deuˬ nga maꞈ-ahˇ dzawˇ mehˬ nehˬ laꞈ-euˬ gaˇ kawˆ kʼoeˇ deuˬ aˬ gaˇ iˇ byoˆ jiˇ-euˬ ta. Sahˬpaˬ Miˬyehˇ nga maꞈ-ahˇ byehˇ dzeh-awˇ, Miˇdiˬyaˬ tsawˇ haˬ deuˬ-euˬ aˬ laꞈ laꞈ kʼoeˇ a nehˬ-euˬ meh.”