Iˇsaˬyaˇ 51:8 - Akha

⁸ Aˬ iˬ bi shehˇ byoˆ-euˬ mehˬ tsoeˬ paˇ cehˇ loꞈ-ehˇ, aˬ yawꞈ maꞈ ya cawˆ-iˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-eu jeˬ poˆ laˇ paˇ laˇ-eu maˬ baw-a.”

Iˇsaˬyaˇ 51:8 ပူးပေါင်းရင်းမြစ်များ

Yawˇbaˆ 13:28

Uˬ duˬ duˬ laˇ ngeh, daˇ kawˬ yaw peuˬ loꞈ-ehˇ ngaˇ meuˇ-iˇ-awˇ, aˬ iˬ dzaˬ peuˬ-euˬ mehˬ tsoeˬ loꞈ-ehˇ byoˆ-iˇ miˇ-a.

Yawˇbaˆ 4:19

Shaˬ jehˆ yuˇ-awˇ tehˆ taˬ-euˬ deuˬ-ahˇ aˬ yawꞈ jah coeˇ tehꞈ-a lehˇ nawˇ noeˬ te loˇ. Miˇ tsaˬ neh jahˇ taˬ-awˇ aˇ lu ciˇ teuˆ loꞈ-ehˇ bi nyehꞈ pyehˆ nya-eu jeˬ-ahˇ aˬ yawꞈ jah coeˇ tehꞈ-a loˇ.

Iˇsaˬyaˇ 14:11

Nawˬ-euˬ yaw shehꞈ kʼahˬ sehˇ dawˬ tawˆ luꞈ, nawˬ-ahˇ taˬ huiˬ-eu deuˇ-mˬ teˇ saˇ nehˬ-ehˇ, lmˬ bymˇ-ahˇ hehˇ ahˇ leꞈ jiˇ-euˬ nga. Luˆ tahˬ kʼawˬ daˬ kʼoeˇ taˆ yuꞈ-awˇ, buˬ joe aˇ bui dm-awˬ’ lehˇ ehˇ laˇ tehꞈ-a.”

Iˇsaˬyaˇ 45:17

Ehˇ kʼawꞈ, Iˇsaˬleˬlaˆ-ahˇ Sahˬpaˬ Miˬyehˇ ka kʼoꞈ-awˇ, mˬ maˬ maˬ byaˆ zaˇ ziˇ gʼaˬ leˇ-eu gʼaˬ pyeuꞈ-awˇ, shaꞈ dawˇ-eu jeˬ maˬ keuˆ le-ehˇ daˬ maˬ ga-a.’

Iˇsaˬyaˇ 46:13

Gʼaˬ leˇ-eu aˇ nah kʼoeˇ ngaˇ bi peh le luꞈ ma. Gaˇ mahˇ maˬ paˇ kaˬ meh. Ngaˇ gʼaˬ leˇ-eu aˇ nah maˬ paˇ nyi naˬ nya meh. Yeˬluˇsaˬlehˬ meuˬ-ahˇ ngaˇ ka kʼoꞈ-awˇ, Iˇsaˬleˬlaˆ-ahˇ kʼoeˇ gaˇ ciˬ huiˬ nehˬ ma.”

Iˇsaˬyaˇ 50:9

Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, ngaˬ-ahˇ ja piˇ nehˬ laꞈ tehꞈ-a. Ngaˇ lehˬ-eu meh lehˇ aˬ suˇ gʼaˬ ja duˬ nya nmˇ. Ngaˬ-ahˇ yaw lehˬ poˆ-eu deuˬ dawˬ tawˆ luꞈ byoˆ-iˇ tehꞈ-a. Aˬ iˬ bi shehˇ byoˆ-euˬ mehˬ tsoeˬ loꞈ-ehˇ byoˆ-iˇ tehꞈ-a.

Iˇsaˬyaˇ 51:6

Mˬ-ahˇ gʼawˇ leuˇ haw-awˇ, miˇ tsaˬ-ahˇ awˆ kʼoꞈ-awˇ haw-awˬ. Uˬ kʼoeˬ loꞈ-ehˇ mˬ byoˆ-iˇ-awˇ, mehˬ tsoeˬ paˇ cehˇ loꞈ-ehˇ miˇ tsaˬ peuˬ-iˇ tehꞈ-a. Miˇ tsaˬ zaˬ deuˬ puˬ saˆ loꞈ-ehˇ shiˇ jiˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-euˬ jeˬ maˬ poˆ maˬ paˇ laˇ-a.

Iˇsaˬyaˇ 54:9

“Miˇ tsaˬ kʼoeˇ taˆ iˇ cuꞈ maˬ paˇ bi dahˬ pymˬ-eu gʼaˇ duˬ, Noˇaˬ-euˬ ziˇ-ahˇ ngaˇ saˇ jaˇ biꞈ-euˬ loꞈ-ehˇ, nawˬ-ahˇ nui ma maˬ paˇ pehˇ-eu gʼaˇ duˬ nymˬ-mˇ ngaˇ saˇ jaˇ biꞈ-eu ma. Nawˬ-ahˇ ngaˇ maˬ paˇ byehˇ dzeh ma.

Iˇsaˬyaˇ 66:24

“Aˬ yawꞈ maꞈ gʼoꞈ doˆ-iˇ ngeh, ngaˬ-ahˇ puiˬ-eu tsawˇ haˬ deuˬ shiˇ taˬ-awˇ ga gaˇ ya mawˇ tehꞈ-a. Aˬ yawꞈ maꞈ-ahˇ dzaˬ-eu buˬ joe deuˬ shiˇ-eu maˬ baw-ehˇ, aˬ yawꞈ maꞈ-ahˇ puiˆ-eu miˬ dzaˬ miˆ-iˇ-eu maˬ baw-a. Aˬ yawꞈ maꞈ-aˬ, miˇ tsaˬ zaˬ dawˬ tawˆ luꞈ gʼaˇ duˬ jawꞈ dui dui-eu jeˬ pyeuꞈ tehꞈ-a.”

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Hawˇseˬ 5:12

Kʼoeˇ miˇ neh Iˇsaˬleˬlaˆ-ahˇ, luˬ-iˇ seˇ-iˇ ni ngaˇ jahˇ-awˇ, Yuˇdaˆ tsawˇ haˬ deuˬ-euˬ kʼoeˇ taˆ, yaw cawˆ jeˬ ngaˇ bi keuˆ le ma.

Luˇkaꞈ 1:50

Aˬ yawꞈ-ahˇ taˬ huiˬ-eu deuˬ-ahˇ, aˬ yawꞈ-euˬ gʼawˬ shaˬ gaˬ-eu jeˬ, mˬ maˬ maˬ byaˆ zaˇ ziˇ gmˬ meh.