Iˇsaˬyaˇ 51:22 - Akha

²² Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ, naw maꞈ-ahˇ kʼahˇ kʼoꞈ-awˇ heu loꞈ-ehˇ ehˇ-eu meh. “Ngaˇ nui ma pehˇ ngeh ciˬ nehˬ-euˬ, kʼmˬ maˬ kʼoeˇ ngaˇ ciˬ kʼoꞈ-eu ma. Nawˬ-ahˇ gaˇ ma maˬ cah gahˇ nya ni bi shaˬ-euˬ, kʼmˬ maˬ kʼoeˇ nawˇ tiˬ jawˇ-iˬ maˬ paˇ ya dawˇ meh.

Iˇsaˬyaˇ 51:22 ပူးပေါင်းရင်းမြစ်များ

Jaceuq 35:1

SahˬpaˬMiˬyehˇ-oˇ, ngaˬ-ahˇmuiˇ-eu deuˬ-ahˇ muiˇ-awˇ, ngaˬ-ahˇdeuˆ-eu deuˬ-ahˇdeuˆ-awˬ.

Jaceuq 60:3

Nawˬ-euˬ tsawˇ haˬ deuˬ ya shaˬ ya zahˬ dui dui ni, nawˇ jahˇ nehˬ laꞈ-euˬ meh. Jiˇ baˬ dawˇ yehꞈ-awˇ shaˬ-eu loꞈ-ehˇ, nga maꞈ coˬ coˬ-ehˇ cah-eu ma.

Dawqdaq 22:23

Sahˬpaˬ Miˬyehˇ aˬ yawꞈ maꞈ jawˇ paw pyawˬ-awˇ, aˬ yawꞈ maꞈ-ahˇ laˆ shaˬ-eu tsawˇ haˬ uˬ kʼawˇ deuˬ ni jahˇ kʼoꞈ nehˬ tehꞈ-a. -2-

Iˇsaˬyaˇ 29:9

Aˬ dzawˬ dzawˬ dzawˬ-ehˇ jawˇ-awˬ. Myaˆ behꞈ behꞈ behꞈ-ehˇ jawˇ-awˬ. Jiˇ baˬ maˬ dawˇ-euˬ gaˇ yehꞈ-awˇ, jiˇ huˬ maˬ shuˆ-euˬ gaˇ coˬ-awˬ.

Iˇsaˬyaˇ 3:12

Zaˬ guˬ deuˬ ngaˬ-euˬ tsawˇ haˬ deuˬ-ahˇ nawˬ tehˬ-awˇ, zaˬ miˬ zaˬ deuˬ aˬ yawꞈ maꞈ kʼoeˇ taˆ uˆ lahˇ-eu meh. Ngaˬ-euˬ tsawˇ haˬ deuˬ-oˇ, naw maꞈ-ahˇ sheuˬ gʼeh-eu deuˬ gaˇ ma sheuˬ bahˬ-awˇ, naw maꞈ miˇ bahˬ bahˬ luꞈ meh.

Iˇsaˬyaˇ 3:13

Sahˬpaˬ Miˬyehˇ yaˇ kʼaˬ daˇ duˬ-ahˇ zaꞈ le-awˇ, aˬ yawꞈ-euˬ tsawˇ haˬ-ahˇ yaˇ kʼaˬ daˇ-eu lehˇ tuˇ laˇ luꞈ meh.

Iˇsaˬyaˇ 49:25

Sahˬpaˬ Miˬyehˇ ehˇ kʼoꞈ nehˬ-eu, “Kʼoeˇ loꞈ-ehˇ gʼeh-eu jeˬ maˇ maˇ ni pyeuꞈ doˆ laˇ tehꞈ-a. Yehˇ neh paꞈ taˬ-euˬ tsawˇ haˬ bi sheuˬ kʼoꞈ geuꞈ-awˇ, guˆ laˇ paˬ-ehˇ gʼeh-eu gʼaˬ neh deuˆ za-euˬ myawˬ gahˬ deuˬ bi ceh geuꞈ jiˇ tehꞈ-a. Nawˬ-ahˇ guiˇ kʼaˇ deuˆ-eu deuˬ-ahˇ ngaˇ guiˇ deuˆ-awˇ, nawˬ-euˬ zaˬ deuˬ-ahˇ ngaˇ ka kʼoꞈ nehˬ ma.

Iˇsaˬyaˇ 51:17

Yeˬluˇsaˬlehˬ-oˇ, noeˬ laˇ-awˬ. Mˇ zoˇ-awˇ tuˇ laˇ-awˬ. Sahˬpaˬ Miˬyehˇ nui ma pehˇ laˇ-awˇ ciˬ nehˬ-euˬ, kʼehˬ-euˬ kʼaˆ-euˬ kʼmˬ maˬ nawˇ ya ciˬ shuˆ-euˬ meh. Kʼmˬ maˬ kʼoeˇ dawˇ jiˇ-euˬ miˇ neh, nawˇ kuiˇ toꞈ maˬ ciˬ tsaˬ nya-a.

Iˇsaˬyaˇ 62:8

Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ jaˆ-awˇ, aˬ yawꞈ-euˬ baoˬ zmˬ-awˇ saˇ jaˇ kʼoeˇ bi byah laˇ tehꞈ-a. “Muiˇ-eu deuˬ-ahˇ naw maꞈ-euˬ cehˇ maˬ paˇ bi dzaˬ ma. Boeˇ miˬ siˬ kʼaˬ deuˬ-ahˇ naw maꞈ-eu aˬ gaꞈ dzaˇ uiˇ maˬ paˇ bi dawˇ ma.

Yeˬlaˬmiˇ 25:15

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˇ nui ma pehˇ-eu jeˬ tiˬ byah ni dahˬ-eu aˬ gaꞈ dzaˇ uiˇ kʼmˬ maˬ heu kʼmˬ-ahˇ haw sheˇ. Ngaˇ nawˬ-ahˇ kʼaˇ kʼehˇ gʼeh-euˬ tsawˇ jeuˬ dawˬ tawˆ luꞈ jawˇ gaˇ kʼmˬ maˬ heu ciˬ gʼeh-awˇ bi dawˇ-awˬ.

Yeˬlaˬmiˇ 50:34

Ehˇ kʼawꞈ, aˬ yawꞈ maꞈ-ahˇ ka kʼoꞈ nehˬ le-eu lehˇ gʼeh-eu gʼaˬ, gʼaˬ kʼaˆ dui dui-eu meh. Aˬ yawꞈ-euˬ tsawˇ myahˇ-aˬ, Baoˬ huiˬ-eu Sahˬpaˬ Miˬyehˇ meh. Aˬ yawꞈ maꞈ dehꞈ doˆ laˇ nya ni aˬ yawꞈ yaw muiˬ paˬ-ehˇ ngehˬ gʼeh nehˬ-awˇ, miˇ tsaˬ kʼoeˇ taˆ nui saˇ oꞈ-eu jeˬ bi keuˆ le tehꞈ-a. Ehˇ kʼawꞈ, Baˬbuˇloˬ miˇ kʼahˬ kʼoeˇ taˆ shaˬ zahˬ bi keuˆ le tehꞈ-a.”

Yeˬlaˬmiˇ 51:36

Kʼoeˇ miˇ neh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ gʼaˇ duˬ ngaˇ shaˇ noeˬ-awˇ, naw maꞈ-ahˇ jahˇ nehˬ-euˬ aˇ poeˬ, naw maꞈ-ahˇ muiˇ-eu deuˬ paˇ bi daˬ poˆ ma. Baˬbuˇloˬ lawˇ baˬ tahˬ mehˇ deuˬ bi tsiˇ leˇ jiˇ-awˇ, lawˇ baˬ bi gui-iˇ ma.

Ngoeˇ dawˬ 3:15

Jaˆ gaˆ yaw kʼaˬ bi dzaˬ laꞈ-awˇ, pyaˬ kuiˇ bi dawˇ nehˬ laꞈ-euˬ meh.

Ngoeˇ dawˬ 3:58

“Sahˬpaˬ Miˬyehˇ nawˇ oe keuˆ-awˇ, ngaˬ-ahˇ ka kʼoꞈ nehˬ le-euˬ meh.

Yeˬsaˬgeˬlaˇ 39:29

Iˇsaˬleˬlaˆ tsawˇ jeuˬ kʼoeˇ taˆ ngaˬ-euˬ Yaw sahˇ shehˬ daˆ nehˬ-awˇ, aˬ yawꞈ maꞈ-ahˇ tiˬ jawˇ-iˬ maˬ paˇ byehˇ dzeh ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yawˇlaˆ 3:2

Yaˇ kʼaˬ daˇ-eu Deh kʼawꞈ laꞈ kʼoeˇ, tsawˇ jeuˬ dawˬ tawˆ sheuˬ uiˬ jiˇ-awˇ ngaˬ-euˬ tsawˇ haˬ deuˬ-euˬ kʼoeˇ taˆ, yawꞈ maꞈ neh jahˇ doeˇ-euˬ aˇ poeˬ, yawꞈ maꞈ-ahˇ ngaˇ yaˇ kʼaˬ daˇ ma. Iˇsaˬleˬlaˆ tsawˇ haˬ deuˬ-ahˇ, aˬ cawˬ miˇ kʼahˬ-ahˇ teh byaˆ-awˇ, ngaˬ-euˬ miˇ kʼahˬ Iˇsaˬleˬlaˆ, aˬ yawꞈ maꞈ nyiˬ paˆ paˆ-euˬ meh.

Aaˇbaˬdiˇ 1:16

Ngaˬ-euˬ shawˇ-eu gawˬ duˇ kʼoeˇ taˆ, kʼehˬ-eu kʼaˆ-eu kʼmˬ maˬ yaw kʼaˬ, ngaˬ-euˬ tsawˇ haˬ deuˬ dawˇ-euˬ meh. Ehˇ kʼawꞈ, jawˬ jawˬ-ehˇ kʼaˇ jawˇ-eu, tsawˇ jeuˬ kʼoeˇ deuˬ dawˬ tawˆ luꞈ kʼawꞈ, kʼoeˇ naˆ maˬ tseˇ kʼaˬ dui dui-eu, kʼehˬ-eu kʼaˆ-eu kʼmˬ maˬ dawˇ-awˇ, dawˬ tawˆ luꞈ ya myoꞈ ahˇ jiˇ-awˇ, ya shiˇ byoˆ jiˇ gaˇ keuˆ tehꞈ-a.

Miˇkaˬ 7:9

Sahˬpaˬ Miˬyehˇ-ahˇ aˬ dui mˇ lehˬ taˬ-euˬ miˇ neh, aˬ yawꞈ nui ma pehˇ-eu jeˬ-ahˇ tiˬ kʼehˬ ya daˬ tehꞈ-a. Ehˇ kʼawꞈ, aˇ saˬ saˬ laˇ ngeh, aˬ yawꞈ aˬ dui gʼaˇ duˬ yaˇ kʼaˬ ja gʼaˬ-eu laꞈ kʼoeˇ, aˬ dui-ahˇ aˬ cawˬ neh mˇ taˬ-euˬ yaw lehˬ jeˬ-ahˇ laˆ tsaˬ nehˬ laꞈ tehꞈ-a. Aˬ dui-ahˇ yaw shehꞈ jaˆ gaˇ sheuˬ doˆ gʼeh-awˇ ka kʼoꞈ nehˬ laꞈ gaˇ aˬ dui ya mawˇ tehꞈ-a.

Zaˬkaˬliˇ 12:2

“Yeˬluˇsaˬlehˬ meuˬ-ahˇ aˬ gaꞈ dzaˇ uiˇ kʼmˬ maˬ loꞈ-ehˇ ngaˇ bi pyeuꞈ laˇ-awˇ, dawˬ peh jawˇ-eu tsawˇ jeuˬ deuˬ bi dawˇ yehꞈ jiˇ ma. Yeˬluˇsaˬlehˬ meuˬ-ahˇ aˬ yawꞈ maꞈ loꞈ jawˬ ngeh, Yuˇdaˆ miˇ kʼahˬ laꞈ kʼoeˇ kʼaˇ jaˆ-eu meuˬ deuˬ-ahˇ kʼawꞈ loꞈ jawˬ tehꞈ-a.

Maꞈtehˬ 20:22

Aˬ nyaꞈ nmˇ-ahˇ Yeˬsuˇ ehˇ nehˬ-eu, “Naw nyaꞈ nmˇ shaˇ-eu jeˬ-ahˇ naw nyaꞈ nmˇ maˬ siˬ nya-a. Ngaˇ dawˇ-eu lehˇ gʼeh-eu shaˬ zahˬ naꞈ-eu kʼmˬ maˬ-ahˇ naw nyaꞈ nmˇ dawˇ coeˇ ma loˇ.” Aˬ nyaꞈ nmˇ ehˇ-eu, “Dawˇ coeˇ ma.”

1 Saˬmeuˬlaˆ 25:39

Naˬbaˬlaˇ shiˇ-euˬ gaˇ kawˆ Daˬbiˇ ya gaˬ ngeh, heu loꞈ-ehˇ ehˇ-eu meh. “Yaw lehˬ jeˬ maˬ ya mˇ ni ngaˬ-ahˇ ha lahˇ nehˬ laꞈ-awˇ, ngaˬ-ahˇ yehˬ bawˬ sehˇ lu-ehˇ ehˇ-eu Naˬbaˬlaˇ-ahˇ Sahˬpaˬ Miˬyehˇ laꞈ poˆ poˆ kʼoꞈ nehˬ-euˬ miˇ neh, Sahˬpaˬ Miˬyehˇ-ahˇ ngaˇ ja ceuˬ-eu ma. Naˬbaˬlaˇ yaw haiˬ jeˬ mˇ-euˬ miˇ neh, Sahˬpaˬ Miˬyehˇ neh aˬ yawꞈ-ahˇ kʼehˬ nehˬ kʼaˆ nehˬ-euˬ meh.” Kʼoeˇ naˇ, “Ngaˬ-ahˇ mˇ dzaˬ laˇ ma loˇ” lehˇ, Daˬbiˇ neh Aˬbiˇgeˬlaˆ-ahˇ bi naˇ haˬ-iˇ-euˬ meh.