Iˇsaˬyaˇ 51:19 - Akha

¹⁹ Nawˬ-euˬ kʼoeˇ taˆ shaˬ zahˬ nyiˬ jeˬ keuˆ le-euˬ meh. Guiˇ deuˆ-eu baˬ da neh nawˬ-euˬ miˇ kʼahˬ ya cawˆ-iˇ-awˇ, nawˬ-euˬ tsawˇ haˬ ya mehꞈ ya shuꞈ-eu meh. Nawˬ-ahˇ gʼawˬ shaˬ gaˬ nehˬ-eu tsawˇ haˬ maˬ jawˇ-a.

Iˇsaˬyaˇ 51:19 ပူးပေါင်းရင်းမြစ်များ

Yawˇbaˆ 2:11

Yawˇbaˆ-euˬ cawˬ smˇ gʼaˬ-aˬ, Teˬmaˬ meuˬ-ahˇ jawˇ-euˬ Eˇliˇpaˬ, Shuˇaˬ miˇ kʼahˬ-ahˇ jawˇ-eu Biˇlaˬdaˇ hawˇ-eu Naˬmaˬ miˇ kʼahˬ-ahˇ jawˇ-eu Zoˇpaˬ meh. Yawˇbaˆ shaˬ zahˬ naꞈ dui dui luꞈ-eu gaˇ kawˆ aˬ ha smˇ gʼaˬ ya gaˬ ngeh, iˇ-awˇ gʼaˬ biꞈ-iˇ ma lehˇ aˬ yawꞈ maꞈ noeˬ tsehˆ-euˬ meh.

Yawˇbaˆ 42:11

Yawˇbaˆ-euˬ mehˇ nmˇ deuˬ, dmˇ ma deuˬ hawˇ-eu cawˬ deuˬ aˬ yawꞈ jawˇ gaˇ dawˬ deh gʼa laˇ-awˇ, aˬ yawꞈ-euˬ nymˇ laꞈ kʼoeˇ aˬ yawꞈ nehˬ-ehˇ dzaˬ taꞈ dawˇ taꞈ-euˬ meh. Sahˬpaˬ Miˬyehˇ neh aˬ yawꞈ kʼoeˇ taˆ bi keuˆ le-euˬ shaˬ zahˬ dawˬ tawˆ luꞈ gʼaˇ duˬ, aˬ yawꞈ maꞈ aˬ yawꞈ-ahˇ gʼawˬ shaˬ gaˬ-euˬ gaˇ kawˆ ja doˆ-awˇ, aˬ yawꞈ-ahˇ gʼaˬ biꞈ-euˬ meh. Yawˬ gʼaˬ yawˬ na luꞈ, pyuˇ ui cuiˆ hawˇ-eu shuiˇ laꞈ behˬ tiˬ behˬ aˬ yawꞈ-ahˇ biꞈ-euˬ meh.

Jaceuq 69:20

Aˬ cawˬ-euˬ dawˬ doeˇ ngaˬ-euˬ nui ma-ahˇ zaw dui dui laˇ-awˇ, nui ma cawˆ dui dui luꞈ-eu ma. Ngaˬ-ahˇ gʼawˬ shaˬ gaˬ nehˬ laꞈ gaˇ noeˬ tmˬ kʼawꞈ, gʼawˬ shaˬ gaˬ nehˬ laꞈ-eu tiˬ gʼaˬ-iˬ maˬ jawˇ-a. Gʼaˬ biꞈ nehˬ laꞈ gaˇ noeˬ tmˬ kʼawꞈ, gʼaˬ biꞈ nehˬ laꞈ-eu tiˬ gʼaˬ-iˬ maˬ jawˇ-a.

Dawˬ tsoˆ 4:1

Nahˇ ma heu siˬ uˬ moˆ kʼehˬ-eu kʼaˆ-eu jeˬ dawˬ tawˆ luꞈ-ahˇ ngaˇ paˇ ya mawˇ-euˬ ma. Kʼehˬ-eu kʼaˆ-eu jeˬ-ahˇ ya daˬ luꞈ-eu tsawˇ haˬ deuˬ myaˆ biˇ yoeˇ luꞈ-awˇ, ngehˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ kʼehˬ luꞈ-eu deuˬ jawˇ paw gʼaˬ kʼaˆ-eu miˇ neh, tiˬ gʼaˬ-iˬ ngehˬ maˬ gʼeh nehˬ peuˬ-a.

Iˇsaˬyaˇ 14:30

Shaˬ dui dui-eu ngaˬ-euˬ tsawˇ haˬ ya dzaˬ ya dawˇ dehˆ-awˇ, zahˬ dui dui-eu ngaˬ-euˬ tsawˇ haˬ nui saˇ oꞈ tehꞈ-a. Ehˇ kʼawꞈ, naw maꞈ tsawˇ haˬ tiˬ gʼaˬ-iˬ maˬ dehꞈ dzeuˇ nya ni, mehꞈ-eu shuꞈ-eu jeˬ ngaˇ bi keuˆ le ma.”

Iˇsaˬyaˇ 22:4

Kʼoeˇ miˇ neh ngaˬ-ahˇ maˬ haw cawˬ laˇ ni, tiˬ gʼaˬ tehꞈ-ehˇ bi ngoeˇ nehˬ laꞈ. Shiˇ dzeuˇ-euˬ ngaˬ-euˬ tsawˇ haˬ deuˬ gʼaˇ duˬ, ngaˇ shaˬ zahˬ mˇ-awˇ ngoeˇ luꞈ ngeh, ngaˬ-ahˇ muˇ taˬ-eu lehˇ taˬ gʼeh.

Iˇsaˬyaˇ 47:9

Ehˇ kʼawꞈ, tiˬ kʼehˇ laˇ kʼehˬ tiˬ nah laꞈ kʼoeˇ, kʼoeˇ nyiˬ jeˬ luꞈ keuˆ le tehꞈ-a. Nyiˇ paˬ shaˆ ma-ahˇ nawˇ gʼoe kʼawꞈ, nawˬ-euˬ kʼaˬ dzeˇ zaˬ hawˇ-eu zaˬ deuˬ shiˇ tehꞈ-a.

Iˇsaˬyaˇ 54:11

Sahˬpaˬ Miˬyehˇ ehˇ-eu, “Shaˬ zahˬ naꞈ-awˇ ngehˬ gʼeh nehˬ-eu gʼaˬ maˬ jawˇ-eu, nui saˇ maˬ oꞈ-eu Yeˬluˇsaˬlehˬ-oˇ, aˇ poeˬ kʼaˆ-eu kʼaˬ lo sehˇ deuˬ yuˇ-awˇ, nawˬ-euˬ dawˬ pehˬ ngaˇ gawˬ ziꞈ ma.

Iˇsaˬyaˇ 60:18

Haiˬ-eu gaˇ kawˆ maˬ paˇ ya gaˬ haw-ehˇ, nawˬ-euˬ miˇ kʼahˬ-ahˇ laˆ cawˆ-eu jeˬ maˬ paˇ keuˆ le meh. Meuˬ lahˇ gawˬ-euˬ loꞈ-ehˇ nawˬ-ahˇ ngaˇ haw piˇ-awˇ, nawˬ-ahˇ ngaˇ ka kʼoꞈ-eu miˇ neh, ngaˬ-ahˇ nawˇ ya ja ceuˬ-euˬ tehꞈ-a.

Iˇsaˬyaˇ 61:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ka kʼoꞈ-awˇ, aˬ yawꞈ maꞈ-ahˇ muiˇ-eu deuˬ-ahˇ guiˇ deuˆ gʼaˬ-eu, aˇ nah aˇ yamˬ keuˆ le luꞈ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ pyehˬ leꞈ-euˬ meh. Noeˬ shaˬ noeˬ zahˬ-eu tsawˇ haˬ deuˬ nui ma bi saˇ laˇ ni, aˬ yawꞈ ngaˬ-ahˇ pyehˬ leꞈ-euˬ meh.

Iˇsaˬyaˇ 8:21

Tsawˇ haˬ kʼoeˇ deuˬ nui ma cawˆ-awˇ hawˬ mehꞈ shaˬ-eu laꞈ kʼoeˇ, miˇ kʼahˬ doe ni cah cah-ehˇ jawˇ tehꞈ-a. Aˬ yawꞈ maꞈ hawˬ mehꞈ mehꞈ ngeh nui ma pehˇ laˇ-awˇ, aˬ yawꞈ maꞈ-euˬ sahˬ paˬ hawˇ-eu aˬ yawꞈ maꞈ-euˬ Miˬyehˇ-ahˇ yaˬ kʼehˇ yaˬ tehꞈ-a. Aˬ yawꞈ maꞈ mˬ-ahˇ gʼawˇ leuˇ haw-awˇ,

Iˇsaˬyaˇ 9:20

Dzaˇ kʼaˇ jaˆ-eu ceh dzaˬ jiˇ-awˇ, kʼaˇ dzaˬ nya-eu jeˬ poˆ dzaˬ jiˇ kʼawꞈ, uˬ maˆ maˬ dehˆ laˇ-eu miˇ neh, yawˬ ha baw-euˬ zaˬ-ahˇ sehꞈ-awˇ, shaˬ jiˇ ya dzaˬ gaˇ keuˆ tehꞈ-a.

Yeˬlaˬmiˇ 15:5

Sahˬpaˬ Miˬyehˇ ehˇ-eu , “Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-ahˇ gʼawˬ shaˬ gaˬ nehˬ-eu aˬ suˇ jawˇ nmˇ. Naw maꞈ-ahˇ shaˬ zahˬ caw mˇ-eu aˬ suˇ jawˇ nmˇ. Naw maꞈ jawˇ gaˇ naˬ le-awˇ haw nehˬ-eu aˬ suˇ jawˇ nmˇ.

Yeˬlaˬmiˇ 24:10

Aˬ yawꞈ maꞈ hawˇ-eu aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ tiˬ gʼaˬ-iˬ maˬ dzeˇ-ehˇ pyeuꞈ-iˇ ngeh keuˆ ni, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ, aˬ yawꞈ maꞈ kʼoeˇ taˆ ngaˇ bi keuˆ le ma.”

Ngoeˇ dawˬ 1:12

“Kʼaˇ iˇ kʼaˇ laˇ tsehˆ-eu deuˬ-oˇ, naw maꞈ ngaˬ-ahˇ maˬ taꞈ te loˇ. Sahˬpaˬ Miˬyehˇ nui ma pehˇ-awˇ, ngaˬ-euˬ kʼoeˇ taˆ bi keuˆ le-euˬ, ngaˇ mˇ luꞈ-eu shaˬ zahˬ naˆ ni, shaˬ haw mˇ haw-euˬ jawˇ meh loˇ. Naw maꞈ haw le-awˇ shaˇ noeˬ sheˇ.

Ngoeˇ dawˬ 1:9

Pi di yaw jawꞈ mawˇ jiˇ laˇ-awˇ, yawˬ ha-euˬ daˬ maˬ shaˇ noeˬ-a. Coˬ dzeh-iˇ-euˬ naˇ dui dui-awˇ, haw cawˬ nehˬ-eu gʼaˬ maˬ jawˇ-a. “Sahˬpaˬ Miˬyehˇ ngaˬ-ahˇ haw sheˇ. Muiˇ-eu deuˬ ngaˬ-ahˇ gʼaˬ leˇ-awˇ, ngaˇ ya daˬ luꞈ gaˇ haw le sheˇ.”

Ngoeˇ dawˬ 3:47

Shaˬ zahˬ guˆ gaˆ-ahˇ daˬ luꞈ-awˇ, yaw cawˆ laꞈ kʼoeˇ jawˇ luꞈ-eu ma.

Yeˬsaˬgeˬlaˇ 14:15

“Maˬ ngeuˇ naˇ, tsawˇ haˬ-ahˇ laˆ sehꞈ-eu jeˬ zaˬ yaw haiˬ deuˬ ngaˇ pyehˬ gʼeh leꞈ-awˇ, miˇ kʼahˬ kʼoeˇ kʼahˬ laꞈ kʼoeˇ tsawˇ haˬ tiˬ gʼaˬ-iˬ maˬ iˇ maˬ laˇ nya ni bi laˆ shaˬ ma.

Yeˬsaˬgeˬlaˇ 14:21

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Doeˇ dui dui-eu kʼehˬ-eu kʼaˆ-eu oeˬ jeˬ pyeuꞈ-eu, guiˇ deuˆ-eu, mehꞈ-eu shuꞈ-eu, jeˬ zaˬ yaw haiˬ deuˬ hawˇ-eu, naˇ-eu gawˇ-eu heu oeˬ jeˬ Yeˬluˇsaˬlehˬ meuˬ kʼoeˇ taˆ ngaˇ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi shiˇ ma.

Aˬmoˆ 7:2

Nyehˇ bahˇ kʼoeˇ deuˬ miˇ kʼahˬ heu kʼahˬ laꞈ kʼoeˇ kʼaˇ jaˆ-eu buˬ nyoeˇ dawˬ tawˆ luꞈ teuꞈ byoˆ jiˇ gaˇ, yaw sahˇ laꞈ kʼoeˇ ngaˇ ya mawˇ-awˇ, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-ahˇ iˬ baˇ pyehˬ nehˬ-awˬ. Aˬ yawꞈ maꞈ-ahˇ aˬ joˆ-ehˇ bi dehꞈ-iˇ nmˇ. Aˬ yawꞈ maꞈ-aˬ, teˬ dui nyiˇ dui dui-awˇ, gʼaˬ baˬ dui dui-eu meh.”

Naˬhmˬ 3:7

Nawˬ-ahˇ kʼaˇ haw mawˇ le-euˬ deuˬ, kuiˇ toꞈ naˇ kʼah paw ciˬ kʼoꞈ-awˇ, ‘Niˇnaˬbeˬ meuˬ cawˆ jiˇ taˬ ngaˇ. Aˬ suˇ gʼaˬ gʼawˬ shaˬ gaˬ nehˬ nmˇ. Aˬ suˇ gʼaˬ ngehˬ gʼeh nehˬ nmˇ’ lehˇ, naˇ kʼah ciˬ pyawˇ-awˇ ehˇ tehꞈ-a.”

2 Gawˇliˬtu 7:13

Kʼoeˇ baˬ da neh, nga maꞈ-euˬ nui ma gʼaˬ tiˬ tiˆ lahˬ laˇ-euˬ ma. Nga maꞈ-euˬ nui ma gʼaˬ tiˬ tiˆ lahˬ laˇ-euˬ tehꞈ maˬ ngeuˇ-a siˬ. Tiˇ tuˆ-euˬ nui ma gʼaˬ doeˇ dah kʼaˇ za ni naw maꞈ dawˬ tawˆ luꞈ caw ba nehˬ-euˬ miˇ neh Tiˇtuˆ laˬ kʼaˬ cehˇ-eu kʼoeˇ, nga maꞈ-ahˇ laˬ kʼaˬ cehˇ-eu jeˬ bi lahˬ laˇ gaˇ duˇ miˇ-a.