Iˇsaˬyaˇ 51:12 - Akha

¹² Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ gʼaˬ biꞈ nehˬ-eu gʼaˬ ngaˇ ma. Daˬ yawˬ yaˇ moꞈ loˆ ni gʼeh-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ aˬ jeˬ miˇ neh naw maꞈ guˆ te.

Iˇsaˬyaˇ 51:12 ပူးပေါင်းရင်းမြစ်များ

2 Sahˬpaˬ 1:15

Sahˬpaˬ Miˬyehˇ-euˬ mˬ taˆ gʼaˬ kʼehˇ Eˇliˇyaˆ-ahˇ ehˇ nehˬ-eu,“Maˬ guˆ ni tsawˇ haˬ heu gʼaˬ nehˬ-ehˇ iˇ gʼeh-awˬ” lehˇ, Kʼoeˇ ngeh poˆ jawˇ, yaw huiˬ yaw mahˇ kʼoeˇ gʼaˬ nehˬ-ehˇ tiˬ kawˆ loꞈ-ehˇ, sahˬ paˬ jawˇ gaˇ Eˇliˇyaˆ iˇ-euˬ meh.

Jaceuq 118:6

Sahˬpaˬ Miˬyehˇ ngaˬ nehˬ-ehˇ jawˇ-eu miˇ neh, ngaˇ maˬ guˆ. Aˬ suˇ gʼaˬ ngaˬ-ahˇ aˬ jeˬ paˇ jahˇ laˇ nya ta.

Jaceuq 146:4

Aˬ yawꞈ maꞈ shiˇ ngeh miˇ tsaˬ-ahˇ paˇ ya gʼoꞈ uˇ-iˇ-awˇ, aˬ yawꞈ maꞈ neh kʼaˇ noeˬ tmˬ-euˬ jeˬ, shiˇ ngeh nah byoˆ jiˇ-eu meh.

Jaceuq 92:7

Haiˬ-eu tsawˇ haˬ deuˬ yaˇ moꞈ mehˇ laˇ gaˇ duˇ-awˇ, maˬ tsaˬ maˬ dawˇ-eu tsawˇ haˬ deuˬ baw le za le kʼawꞈ, dawˬ tawˆ luꞈ ya luˬ ya seˇ-iˇ jiˇ tehꞈ-a.

Dawqdaq 29:26

Sahˬ paˬ sahˬ ma deuˬ neh gʼawˬ shaˬ bi haw gaˬ-eu jeˬ-ahˇ yawˬ gʼaˬ na luꞈ geuꞈ mawꞈ-eu meh. Ehˇ kʼawꞈ, yaˇ kʼaˬ daˇ nehˬ-eu gʼaˬ Sahˬpaˬ Miˬyehˇ meh.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 2:22

Naˇ mehˇ saꞈ gʼawˇ-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ nui jah taˬ ahˇ. Tiˬ jeˬ-iˬ gaˇ dahˇ maˬ tsoeˬ-a.

Iˇsaˬyaˇ 40:1

“Ngaˬ-euˬ tsawˇ haˬ deuˬ-oˇ, nui saˇ za-awˬ. Nui saˇ za-awˬ” lehˇ naw maꞈ-euˬ Miˬyehˇ ehˇ-eu meh.

Iˇsaˬyaˇ 43:25

Ehˇ kʼawꞈ, ngaˬ-euˬ gʼaˇ duˬ naw maꞈ-euˬ yaw lehˬ-ahˇ ngehˇ-awˇ, naw maꞈ-ahˇ iˬ baˇ pyehˬ nehˬ-euˬ Miˬyehˇ ngaˇ ma.

Iˇsaˬyaˇ 49:13

Mˬ-oˇ, caˇ-awˇ ja ceuˬ-awˬ. Miˇ-oˇ, laˬ kʼaˬ cehˇ-awˇ guˇ-awˬ. Gawˬ jawˬ deuˬ kʼawꞈ yaw kʼaˆ-ehˇ caˇ-awˇ ja ceuˬ-awˬ. Aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui saˇ bi oꞈ tehꞈ-a. Kʼehˬ-eu kʼaˆ-eu gaˇ ya daˬ-euˬ aˬ yawꞈ-euˬ tsawˇ haˬ-ahˇ, aˬ yawꞈ gʼawˬ shaˬ gaˬ nehˬ tehꞈ-a.

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

Iˇsaˬyaˇ 52:9

Yeˬluˇsaˬlehˬ laꞈ kʼoeˇ cawˆ-iˇ taˬ-euˬ jawˇ duˬ dawˬ tawˆ, laˬ kʼaˬ tiˬ cehˇ guˇ kʼaˆ leꞈ-awˬ. Sahˬpaˬ Miˬyehˇ aˬ yawꞈ-euˬ meuˬ-ahˇ ka kʼoꞈ-awˇ, aˬ yawꞈ-euˬ tsawˇ haˬ-ahˇ nui saˇ bi oꞈ tehꞈ-a.

Iˇsaˬyaˇ 57:11

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-ahˇ jaˬ myawꞈ myawꞈ-awˇ ngehˇ byoˆ coeˇ ni, naw maꞈ-ahˇ laˆ guˆ-eu miˬyehˇ kʼoeˇ deuˬ aˬ suˇ gʼaˬ-a. Ngaˇ ciˬ cuˇ ni jawˇ myahˇ laꞈ-euˬ miˇ neh, naw maꞈ ngaˬ-ahˇ maˬ paˇ taˬ huiˬ ma loˇ.

Iˇsaˬyaˇ 61:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ka kʼoꞈ-awˇ, aˬ yawꞈ maꞈ-ahˇ muiˇ-eu deuˬ-ahˇ guiˇ deuˆ gʼaˬ-eu, aˇ nah aˇ yamˬ keuˆ le luꞈ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ pyehˬ leꞈ-euˬ meh. Noeˬ shaˬ noeˬ zahˬ-eu tsawˇ haˬ deuˬ nui ma bi saˇ laˇ ni, aˬ yawꞈ ngaˬ-ahˇ pyehˬ leꞈ-euˬ meh.

Iˇsaˬyaˇ 66:13

Aˬ ma zaˬ-ahˇ bo saˆ nehˬ-eu loꞈ-ehˇ, Yeˬluˇsaˬlehˬ laꞈ kʼoeˇ naw maꞈ-ahˇ ngaˇ bo saˆ nehˬ ma.

Iˇsaˬyaˇ 8:12

“Tsawˇ haˬ kʼoeˇ deuˬ nehˬ-ehˇ nawˇ mehˬ bawˬ taˬ gm. Aˬ yawꞈ maꞈ guˆ-eu jeˬ-ahˇ nawˇ taˬ guˆ.

Yeˬlaˬmiˇ 38:19

Sahˬ paˬ Zeˬdaˬkiˇ ehˇ-eu, “Baˬbuˇloˬ tsawˇ haˬ deuˬ jawˇ paw cehˆ ahˇ-iˇ-euˬ aˬ dui -euˬ miˇ kʼahˬ zaˬ deuˬ-ahˇ ngaˇ guˆ nya. Ngaˬ-ahˇ aˬ yawꞈ maꞈ-euˬ laꞈ-ahˇ a ahˇ nehˬ-awˇ bi kʼehˬ laꞈ-eu maˬ siˬ.”

Yeˬlaˬmiˇ 41:18

Aˬ jeˬ miˇ neh ehˇ naˇ, Baˬbuˇloˬ sahˬ paˬ neh miˇ kʼahˬ kʼoeˇ kʼahˬ-ahˇ bi uˆ lahˇ yaꞈ-euˬ gʼaˬ pyeuꞈ-eu Geˬdaˬliˇ-ahˇ, Iˇshaˬmeˬlaˇ neh sehꞈ-euˬ miˇ neh, Baˬbuˇloˬ tsawˇ haˬ deuˬ-ahˇ aˬ yawꞈ maꞈ guˆ-eu meh.

Yeˬsaˬgeˬlaˇ 2:6

“Ehˇ kʼawꞈ, tsawˇ haˬ zaˬ-oˇ, aˬ yawꞈ maꞈ-ahˇ maˬ ehˇ, aˬ yawꞈ maꞈ-euˬ dawˬ-ahˇ maˬ ehˇ, nawˇ maˬ ya guˆ-a. Aˬ yawꞈ maꞈ nawˬ-ahˇ yaˬ kʼehˇ yaˬ yaˬ-ehˇ ja bu ja doeˇ tehꞈ-a. Nawˇ-aˬ, boeˬ kaˬ laˬ ma yaw kaˬ-ahˇ yaw dehꞈ ya dehꞈ gaˇ duˇ tehꞈ-a. Ehˇ kʼawꞈ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ maˬ kaˬ, aˬ yawꞈ maꞈ-euˬ dawˬ-ahˇ maˬ kaˬ, nawˇ taˬ guˆ.

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

Yoˇhaˬ 14:18

“Ngaˇ naw maꞈ-ahˇ muˇ coe aˬ nmˇ loꞈ-ehˇ byehˇ dzeh-awˇ bi shaˬ yaꞈ-eu maˬ ngeuˇ. Naw maꞈ jawˇ gaˇ paˇ gʼoꞈ le ma.

Gʼaˬkʼehˇ 9:31

Kʼoeˇ ngeh, Yuˇdaˆ miˇ kʼahˬ, Gaˬliˬlehˇ miˇ kʼahˬ hawˇ-eu, Saˬmaˬliˆ miˇ kʼahˬ doe ni jaˆ-eu Ka li zaˬ aˇ muˇ deuˬ, nui saˇ oꞈ-eu laꞈ kʼoeˇ coꞈ ngehˇ ni tiˬ kʼehˬ ya dehꞈ-euˬ meh. SahˬpaˬMiˬyehˇ-ahˇ yaw zeu baw-awˇ dehꞈ-eu loꞈ-ehˇ, Muiˬ-eu shawˇ-eu Yaw sahˇ Miˬyehˇ caw ba-eu laꞈ kʼoeˇ myaˬ laˇ behˇ laˇ luꞈ-eu meh.

1 Beˬtuˆluˆ 1:24

Jaˇ liꞈ laꞈ kʼoeˇ ehˇ taˬ-euˬ, “Tsawˇ haˬ dawˬ tawˆ yaˇ moˬ pyeuꞈ-awˇ, aˬ yawꞈ maꞈ-euˬ yaw shehꞈ kʼahˬ sehˇ, bawˇ tsahˬ aˇ yehˆ loꞈ-ehˇ tehꞈ meh. Yaˇ moꞈ nyoeˬ-iˇ koˆ-iˇ jiˇ-awˇ, aˇ yehˆ juˬ-iˇ ga-iˇ-eu meh.

1 Saˬmeuˬlaˆ 15:24

Sawˇluˆ ehˇ-eu, “Ngeuˇ ma. Ngaˇ iˬ baˇ mˇ gʼaˬ-euˬ ma. Sahˬpaˬ Miˬyehˇ-euˬ dawˬ hawˇ-eu nawˬ neh mehˬ nehˬ tsoˆ nehˬ laꞈ-euˬ jeˬ-ahˇ ngaˇ maˬ naˇ haˬ geuꞈ ni, mˇ lehˬ shaˇ lehˬ gʼaˬ-euˬ miˇ-a. Ngaˬ-euˬ tsawˇ haˬ deuˬ-ahˇ ngaˇ guˆ-eu miˇ neh, aˬ yawꞈ maꞈ kʼaˇ bi mˇ mawꞈ-eu loꞈ-ehˇ mˇ-euˬ ma.

1 Saˬmeuˬlaˆ 17:11

Piˇliˇtiˆ tsawˇ haˬ kʼoeˇ gʼaˬ-euˬ dawˬ-ahˇ ya gaˬ ngeh, Sawˇluˆ hawˇ-eu aˬ yawꞈ-euˬ tsawˇ haˬ deuˬ guˆ dui dui-euˬ meh.

1 Saˬmeuˬlaˆ 21:13

Kʼoeˇ miˇ neh, aˬ yawꞈ maꞈ aˬ yawꞈ-euˬ dawˬ peh uiˬ laˇ ngeh, nui ma maˬ byah-eu geuꞈ-awˇ, aˬ yawꞈ-ahˇ paꞈ-eu lehˇ gʼeh ngeh, tsawˇ uˬ teuˆ-eu loꞈ-ehˇ teuˆ mehˬ nehˬ-euˬ meh. Meuˬ lahˇ kʼehˬ doe ni aˬ yawꞈ sahˬ boꞈ boꞈ byawꞈ boꞈ byawꞈ-ehˇ cah-awˇ, aˬ yawꞈ-euˬ mehˬ mahˬ-ahˇ iˇ ju bi ju ka-euˬ meh.