Iˇsaˬyaˇ 50:8 - Akha

⁸ Miˬyehˇ ngaˬ-euˬ dawˬ peh jawˇ meh. Ngaˇ iˬ baˇ maˬ ahˇ-eu aˬ yawꞈ siˬ nya luꞈ meh. Ngaˬ nehˬ-ehˇ yaˇ kʼaˬ ja mawꞈ-eu aˬ suˇ jawˇ ta. Yaˇ kʼaˬ daˇ duˬ-ahˇ tiˬ gm-ehˇ le-awˇ, ngaˬ-euˬ gaˇ kawˆ bi ja haw-awˬ.

Iˇsaˬyaˇ 50:8 ပူးပေါင်းရင်းမြစ်များ

Yawˇbaˆ 13:19

Miˬyehˇ-oˇ, nawˇ ngaˬ-ahˇ iˬ baˇ ahˇ nga lehˇ ehˇ le-eu gʼeh te loˇ. Toˆ-ehˇ ngeuˇ naˇ, ngaˇ dawˬ maˬ tmˇ ni shiˇ ma.

Jaceuq 119:151

Ehˇ kʼawꞈ, Sahˬpaˬ Miˬyehˇ nawˇ ngaˬ nehˬ-ehˇ jawˇ-awˇ, nawˬ-euˬ dawˬ aˬ myah luꞈ ziꞈ-eu meh.

Doˆ-iˇ 22:9

“Mawˇ neˇ, mahˬ tahˬ laˆ, yawˇ, dm gʼaˬ dm lmˇ hawˇ-eu, nui jeˬ aˬ geu jeˬ maˬ kaˬ, byoˆ-iˇ-euˬ paˇ mawˇ kʼoꞈ ngeh, tsawˇ haˬ nyiˬ gʼaˬ yaw kaˬ yaw sahˇ tawˬ-awˇ tsawˇ pyehˇ pyehˇ-eu laꞈ kʼoeˇ, dawˬ ja doˆ laˇ naˇ, uˬ duˬ tahˬ-eu jawˇ duˬ-ahˇ aˬ yawꞈ nyaꞈ-ahˇ ya sheuˬ gʼeh-eu meh. Iˬ baˇ ahˇ-eu meh lehˇ Miˬyehˇ neh laꞈ noeˇ bi toeˬ-euˬ gʼaˬ-aˬ, yawˬ gʼaˬ yawˬ-ahˇ nyiˬ bymˇ paˇ ya tsoeˬ kʼoꞈ nehˬ meh.

Iˇsaˬyaˇ 1:18

Sahˬpaˬ Miˬyehˇ ehˇ-eu, “Laˇ-awˬ tiˬ kawˆ loꞈ-ehˇ shaˇ noeˬ shaˇ sawˇ ma. Naw maꞈ-euˬ iˬ baˇ neˇ tseuˆ ni gʼeh kʼawꞈ, saˬ laˬ naˆ maˬ tseˇ pyuˇ laˇ tehꞈ-a. Naw maꞈ-euˬ iˬ baˇ shiˬ loꞈ-ehˇ neˇ kʼawꞈ, yawˇ zaˬ caꞈ hm loꞈ-ehˇ bi ba laˇ ma.

Iˇsaˬyaˇ 41:1

Miˬyehˇ ehˇ-eu, “Gaˇ mahˇ kaˬ gaˇ jaˆ-eu miˇ kʼahˬ deuˬ-oˇ, ciˬ cuˇ ni jawˇ-awˇ ngaˇ ehˇ gaˇ naˇ haˬ-awˬ. Naw maꞈ yaˇ kʼaˬ ja-eu gʼaˇ duˬ lehˬ hmˬ taˬ-awˬ. Naw maꞈ dawˬ ngehˬ-eu a kawˬ-aˬ jaˆ meh. Aˬ dui tiˬ kawˆ loꞈ-ehˇ uiˬ laˇ jiˇ-awˇ, aˬ geu gʼaˬ lehˬ nga lehˇ daˇ tsehˆ kaˇ-euˇ.

Iˇsaˬyaˇ 41:21

Iˇsaˬleˬlaˆ-euˬ sahˬ paˬ pyeuꞈ-eu Sahˬpaˬ Miˬyehˇ, heu loꞈ-ehˇ ehˇ-eu meh. “Miˇ kʼahˬ tsawˇ jeuˬ deuˬ-euˬ miˬ yehˇ deuˬ-oˇ, yaˇ kʼaˬ ja haw laˇ sheˇ. Naw maꞈ kʼaˇ ngehˬ nya-eu jeˬ ngehˬ laˇ sheˇ.

Iˇsaˬyaˇ 43:26

Dzeuˇ yaꞈ-euˬ gaˇ kawˆ deuˬ ehˇ doˆ haw sheˇ. Naw maꞈ tsaˬ-euˬ gaˇ kawˆ ja dahˇ haw sheˇ. Gaˇ kawˆ heu-ahˇ tiˬ kawˆ loꞈ-ehˇ ja duˬ kaˇ-euˇ.

Iˇsaˬyaˇ 45:25

Yaˬkoˆ-euˬ zaˬ deuˬ uˆ deuˬ dawˬ tawˆ-ahˇ, ngaˇ Sahˬpaˬ Miˬyehˇ ka kʼoꞈ-awˇ, aˬ yawꞈ maꞈ ngaˬ-ahˇ ya ja ceuˬ tehꞈ-a.

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Maꞈtehˬ 5:25

Nawˬ-ahˇ yaˇ kʼaˬ ja-eu tsawˇ haˬ nehˬ-ehˇ yaˇ kʼaˬ daˇ-eu nymˇ-ahˇ le luꞈ ngeh, naw nyaꞈ yaw kaˬ yaw kawˇ-ehˇ laˆ tsaꞈ geuꞈ-awˬ. Yaw kawˇ-ehˇ maˬ laˆ tsaˬ geuꞈ naˇ, tsawˇ haˬ kʼoeˇ gʼaˬ nawˬ-ahˇ yaˇ kʼaˬ daˇ-eu gʼaˬ-euˬ laꞈ-ahˇ aˬ nehˬ tehꞈ-a. Yaˇ kʼaˬ daˇ-eu gʼaˬ kʼawꞈ, nawˬ-ahˇ paˬ kuˆ-ahˇ haw-eu gʼaˬ-euˬ aˬ laꞈ laꞈ kʼoeˇ a nehˬ-awˇ, paꞈ kuˆ-ahˇ bi dawˆ tehꞈ-a.

Dawˬmehˬ 19:17

nyiˬ gʼaˬ luꞈ uˬ duˬ tahˬ-eu jawˇ duˬ-ahˇ ya le-awˇ, kʼoeˇ gaˇ gaˇ mˇ luꞈ-eu piˇ ma deuˬ hawˇ-eu yaˇ kʼaˬ daˇ-eu deuˬ neh ya bi daˇ tsehˆ meh.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

Panmaeq 12:10

Kʼoeˇ naˇ, mˬ kʼoeˇ taˆ teˇ saˇ yaw kʼaˆ-ehˇ heu loꞈ-ehˇ ehˇ gaˇ ngaˇ ya gaˬ-euˬ ma. “Miˬyehˇ-euˬ ka kʼoꞈ-eu jeˬ nymˬ-mˇ keuˆ le taˬ-euˬ meh. Miˬyehˇ aˬ yawꞈ Sahˬpaˬ pyeuꞈ-eu gaˇ kawˆ, aˬ yawꞈ-euˬ baoˬ nymˬ-mˇ bi mawˇ laꞈ-euˬ meh. Aˬ yawꞈ-euˬ Ka li kʼawꞈ, uˆ lahˇ-eu baoˬ bi mawˇ laꞈ-euˬ meh. Aˬ jeˬ miˇ neh ehˇ naˇ, Miˬyehˇ-euˬ mehˬ shi yawꞈ-awˇ, aˬ dui-euˬ aˬ yuiꞈ aˬ nyiˇ Ka li zaˬ deuˬ-ahˇ uˬ ciꞈ nah gʼahˇ maˬ ehˇ iˬ baˇ poˆ luꞈ-eu gʼaˬ-aˬ, mˬ-ahˇ neh bi biˬ ka-euˬ meh.