Iˇsaˬyaˇ 50:4 - Akha

⁴ Nui ma cawˆ-eu deuˬ-ahˇ gʼaˬ biꞈ-eu dawˬ ngehˬ nehˬ nya ni, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, ngaˬ-ahˇ mehˬ laꞈ tsoˆ laꞈ-euˬ meh. Aˬ yawꞈ ngaˬ-ahˇ mehˬ nehˬ tsoˆ nehˬ laꞈ-eu jeˬ-ahˇ, ngaˇ nui ma keuˆ-awˇ naˇ haˬ ni, yawˬ shawˬ na luꞈ ngaˬ-ahˇ aˬ yawꞈ laˆ noeˬ-eu meh.

Iˇsaˬyaˇ 50:4 ပူးပေါင်းရင်းမြစ်များ

Yawˇbaˆ 4:4

Tsawˇ haˬ tiˬ gʼaˬ na sahˬ tiꞈ tiꞈ-eu miˇ neh, gʼaˬ byehˆ byehˆ-awˇ gʼaˬ doeˇ doeˇ ngeh, nawˬ-euˬ dawˬ gaˬ-awˇ gʼaˬ ahˇ-eu laꞈ kʼoeˇ yawꞈ ziꞈ nya-eu meh.

Jaceuq 119:147

Nahˇ ma maˬ doˆ laˇ mi naˆ-ehˇ nawˬ-ahˇ ngaˇ shaˇ-eu ma. Nawˬ-euˬ saˇ jaˇ-ahˇ ngaˇ noeˬ tmˬ-eu ma.

Jaceuq 143:8

Nawˬ-ahˇ ngaˇ gʼoe luꞈ-eu miˇ neh, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ, yawˬ shawˬ na luꞈ ngaˬ-ahˇ bi noeˬ mawˇ laꞈ. Ngaˬ-euˬ shaˇ dawˬ nawˇ jawˇ gaˇ le keuˆ ngeh, ngaˇ ya iˇ-eu gaˇ ma mehˬ laꞈ.

Jaceuq 40:7

Kʼoeˇbaˬda neh ngaˇoˬtoˬ-awˇ, nawˬ-ahˇheu loꞈ-ehˇ ehˇ-eu ma. “Nawˬneh biꞈ-euˬdawˬmehˬdawˬtsoˆ, Zahˇdawˬpaˇyoˆ laꞈkʼoeˇ ahˇma.”

Jaceuq 45:2

Kʼaˬ dzeˇ zaˬ dawˬ tawˆ luꞈ laꞈ kʼoeˇ, nawˇ aˬ cawˬ naˆ maˬ tseˇ seuˆ jeuꞈ aˇ gʼehˇ muiˬ-eu meh. Nawˇ dawˬ sahˇ dui dui-awˇ, Miˬyehˇ nawˬ-ahˇ aˬ myah luꞈ guiˬ lahˬ biꞈ-eu meh.

Jaceuq 5:3

Sahˬpaˬ Miˬyehˇ-oˇ, uˬ shawˬ paw, ngaˬ-euˬ dawˬ-ahˇ nawˇgaˬluꞈmeh. Nahˇma doˆngeh nawˬ-ahˇ lawˇ-awˇ, nawˬ-euˬdawˬ-ahˇ loꞈluꞈ-eu ma.

Jaceuq 88:13

Sahˬpaˬ Miˬyehˇ-oˇ, caw ba nehˬ laꞈ lehˇ nawˬ-ahˇ ngaˇ kuˇ-eu ma. Yawˬ shawˬ na luꞈ ngaˇ nawˬ-ahˇ guiˬ lahˬ shaˇ-eu ma.

Dawqdaq 12:25

Kʼahˬ lahˇ-eu nui ma yawˬ ha-ahˇ kʼehˬ-awˇ, dawˬ muiˬ tmˇ gaˇ nui saˇ caw-eu meh.

Dawqdaq 15:23

dawˬ tsaˬ tmˇ-eu nui saˇ bi oꞈ-awˇ, dawˬ muiˬ ngeh-eu laˬ kʼaˬ bi cehˇ-eu meh.

Dawqdaq 25:11

Gaˇ kawˆ shawˇ jehˆ ni ja duˬ ja mawˇ nehˬ nya-eu jeˬ-aˬ, pyuˇ kʼoeˇ taˆ shuiˇ neh aˇ boꞈ aˇ yehˆ yehˆ daˆ taˬ-euˬ gaˇ duˇ tehꞈ-a.

Iˇsaˬyaˇ 28:19

Naw maꞈ kʼoeˇ taˆ guˆ-eu gaˆ-eu jeˬ tiˬ kʼehˬ maˬ taˬ ni keuˆ le-awˇ, yawˬ shawˬ na luꞈ shaˬ zahˬ ya mˇ-awˇ, uˬ ciꞈ nah gʼahˇ maˬ ehˇ ya daˬ tehꞈ-a. Miˬyehˇ-euˬ dawˬ kawˬ kʼaˇ gaˬ keuˆ le ngeh, naw maꞈ ya tsawˬ guˆ-iˇ tehꞈ-a.

Iˇsaˬyaˇ 28:9

Aˬ yawꞈ maꞈ ngaˬ-ahˇ bye-awˇ ehˇ-eu, “Tsawˇ haˬ teu gʼaˬ aˬ suˇ gʼaˬ-ahˇ mehˬ-eu tsoˆ-eu gʼeh ta. Aˬ yawꞈ mehˬ gaˇ aˬ suˇ gʼaˬ naˇ haˬ mawꞈ nga jeˇ. Aˬ coeˇ byehˇ-euˬ zaˬ nahˬ-ahˇ mehˬ luꞈ-uˇ.

Iˇsaˬyaˇ 35:5

Myaˆ behꞈ mawˇ nya laˇ-awˇ, naˬ bawˬ gaˬ nya laˇ tehꞈ-a.

Iˇsaˬyaˇ 40:29

Gʼaˬ doeˇ doeˇ-awˇ gʼaˬ baˬ luꞈ-eu tsawˇ haˬ deuˬ-ahˇ, aˬ yawꞈ gʼaˬ biꞈ lahˬ nehˬ-eu meh.

Iˇsaˬyaˇ 50:10

Naw maꞈ laꞈ kʼoeˇ Sahˬpaˬ Miˬyehˇ-ahˇ guˆ-eu siˬ nya-awˇ, aˬ yawꞈ-euˬ zaˬ kʼaˆ ehˇ dawˬ naˇ haˬ-eu deuˬ dawˬ tawˆ luꞈ, naw maꞈ cah-eu gaˇ ma zahˇ dui dui meh. Ehˇ kʼawꞈ Sahˬpaˬ Miˬyehˇ-ahˇ naw maꞈ jah-awˇ, Miˬyehˇ-ahˇ gʼoe-eu jeˬ-ahˇ taˬ ngehˇ.

Iˇsaˬyaˇ 54:13

“Nawˬ-euˬ tsawˇ haˬ deuˬ-ahˇ ngaˇ mehˬ nehˬ tsoˆ nehˬ-awˇ, nui saˇ oꞈ-awˇ bi baw bi za le ma.

Iˇsaˬyaˇ 8:16

Ngaˬ-euˬ gʼaˬ zaˬ gʼaˬ kʼehˇ pyeuꞈ-eu naw maꞈ-aˬ, Miˬyehˇ neh ngaˬ-ahˇ kʼaˇ biꞈ laꞈ-euˬ dawˬ deuˬ maˬ bi byoˆ-iˇ ni ya jeˬ hmˬ-eu meh.

Yeˬlaˬmiˇ 1:9

Kʼoeˇ naˇ, Sahˬpaˬ Miˬyehˇ aˬ laꞈ cawˬ ja-awˇ, ngaˬ-euˬ mehˬ luˬ-ahˇ toeˬ-awˇ, heu loꞈ-ehˇ ehˇ-eu meh. “Naˇ haˬ-awˬ. Nawˇ ya ngehˬ-eu dawˬ nawˬ-ahˇ ngaˇ biꞈ-eu ma.

Yeˬlaˬmiˇ 31:25

Nui ma shaˬ zahˬ mˇ-euˬ tsawˇ haˬ deuˬ-ahˇ nui saˇ bi za-awˇ, mehꞈ-eu shuꞈ-eu baˬ da neh gʼaˬ baˬ-eu tsawˇ haˬ deuˬ-ahˇ, bi dzaˬ bi dawˇ dehˆ ma.

Yeˬsaˬgeˬlaˇ 46:13

Sahˬpaˬ Miˬyehˇ ehˇ-eu, “Yawˬ shawˬ na luꞈ, maˇ byawꞈ maˬ baw-eu yawˇ zaˬ tiˬ mawˇ, mawˇ lah-ehˇ dzah puiˆ-awˇ Sahˬpaˬ Miˬyehˇ-ahˇ ya lawˇ meh. Aˬ yawꞈ nah yawꞈ maˬ bi tsehˆ leˇ ni, kʼoeˇ loꞈ-ehˇ ya lawˇ meh.

Maꞈtehˬ 11:28

“Kʼaˆ behˆ yaw kah pi-awˇ gʼaˬ doeˇ doeˇ-eu tsawˇ haˬ dawˬ tawˆ luꞈ ngaˇ jawˇ gaˇ laˇ-awˬ. Ngaˇ naw maꞈ-ahˇ gʼaˬ naˬ bi naˬ ma.

Maꞈtehˬ 13:54

aˬ yawꞈ jawˇ-eu meuˬ-ahˇ gʼoꞈ leˇ-euˬ meh. Aˬ yawꞈ uˬ duˬ tahˬ nymˇ laꞈ kʼoeˇ mehˬ nehˬ tsoˆ nehˬ gʼaˬ ngeh, ya gaˬ-euˬ tsawˇ haˬ deuˬ zahˬ leˇ-awˇ, heu loꞈ-ehˇ ehˇ-eu meh. “Heu loꞈ-ehˇ gʼeh-eu zaˬ siˬ tsawˇ gahˇ deuˬ aˬ yawꞈ aˬ gaˇ neh za-euˬ nga. Zahˬ leˇ paˬ-ehˇ gʼeh-eu gaˇ heu deuˬ aˬ yawꞈ aˬ joˆ-ehˇ mˇ nya-eu nga.

Maꞈtehˬ 22:46

Kʼoeˇ ngeh, tsawˇ haˬ tiˬ gʼaˬ-iˬ Yeˬsuˇ-ahˇ dawˬ maˬ ngehˬ kʼoꞈ nya ni tsoˆ leˇ jiˇ-euˬ meh. Kʼoeˇ ngeh nah neh naˇ, tsawˇ haˬ tiˬ gʼaˬ-iˬ aˬ yawꞈ-ahˇ dawˬ tiˬ dawˬ-iˬ maˬ paˇ naˇ haˬ leˇ peuˬ ni pyeuꞈ-iˇ-euˬ meh.

Luˇkaꞈ 21:15

Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ maˬ ja gʼaˬ nya-eu dawˬ hawˇ-eu zaˬ siˬ tsawˇ gahˇ, naw maꞈ-ahˇ ngaˇ biꞈ ma.

Luˇkaꞈ 4:22

Aˬ yawꞈ maꞈ dawˬ tawˆ luꞈ aˬ yawꞈ-ahˇ ja ceuˬ-eu meh. Aˬ yawꞈ-euˬ kʼaˬ meh-ahˇ ngehˬ doˆ laꞈ-euˬ muiˬ dui dui-eu dawˬ deuˬ-ahˇ aˬ yawꞈ maꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yoˇsehˆ-euˬ aˬ li maˬ ngeuˇ-a loˇ.”

Yoˇhaˬ 7:46

Yehˇ kʼoeˇ deuˬ ehˇ-eu, “Tsawˇ haˬ tiˬ gʼaˬ-iˬ tsawˇ haˬ heu gʼaˬ loꞈ-ehˇ dawˬ ngehˬ-eu maˬ gaˬ haw-aˬ.”

Dawˬmehˬ 18:17

Kʼoeˇ miˇ neh, Sahˬpaˬ Miˬyehˇ ngaˬ-ahˇ ehˇ-eu, ‘Aˬ yawꞈ maꞈ shaˇ-eu tsaˬ meh.

Dawˬmehˬ 18:18

Nawˇ loꞈ-ehˇ gʼeh-eu ngaˬ-euˬ gʼaˇ duˬ ngehˬ dah-eu tsawˇ haˬ tiˬ gʼaˬ, aˬ yawꞈ maꞈ laꞈ kʼoeˇ ngaˇ bi doˆ laˇ ma. Aˬ joˆ-ehˇ ya ngehˬ ya tmˇ-eu gaˇ kawˆ ngaˇ aˬ yawꞈ-ahˇ ehˇ nehˬ-awˇ, ngaˬ neh dawˬ kʼaˇ biꞈ-euˬ yawˬ jeˬ na luꞈ, aˬ yawꞈ maꞈ-ahˇ aˬ yawꞈ ehˇ nehˬ tehꞈ-a.