Iˇsaˬyaˇ 5:8 - Akha

⁸ Nymˇ tiˬ nymˇ saˇ-iˬ tiˬ nymˇ tsoˆ lahˬ-awˇ, deh yaˇ tiˬ kawˬ saˇ-iˬ tiˬ kawˬ laˆ lahˬ-eu tsawˇ haˬ, ya noeˬ shaˬ dui dui tehꞈ-a. Aˬ cawˬ jawˇ kʼaˇ maˬ za-ehˇ pyeuꞈ laˇ-awˇ, miˇ kʼahˬ heu hui ni gʼeh-eu laꞈ kʼoeˇ, jawˇ cawˬ maˬ baw ni ya shaˬ tehꞈ-a.

Iˇsaˬyaˇ 5:8 ပူးပေါင်းရင်းမြစ်များ

Yawˇbaˆ 15:28

Tsawˇ haˬ kʼoeˇ gʼaˬ meuˬ deuˬ-ahˇ deuˆ gʼaˬ-awˇ, nymˇ sahˇ deuˬ cehˆ byoˆ-euˬ nymˇ deuˬ yuˇ geuꞈ-eu meh. Ehˇ kʼawꞈ, guiˇ deuˆ-eu laꞈ kʼoeˇ meuˬ kʼoeˇ deuˬ hawˇ-eu nymˇ kʼoeˇ deuˬ ya cawˆ-iˇ tehꞈ-a.

Yawˇbaˆ 20:21

Aˬ yawꞈ dzaˬ ngeh dawˇ ngeh, tiˬ jeˬ-iˬ maˬ bi dzeˇ yaꞈ-a. Kʼoeˇ miˇ neh aˬ yawꞈ-euˬ myawˬ gahˬ maˬ gmˬ-a.

Dawqdaq 15:27

Myawꞈ dzaˬ shuiˇ dzaˬ-eu deuˬ yaw ha nymˇ jiˇ laˆ shaˬ-awˇ, laꞈ nmˬ maˬ yuˇ-eu deuˬ ziˇ baw-eu meh.

Yeˬsaˬgeˬlaˇ 11:15

“Tsawˇ haˬ zaˬ-oˇ, nawˇ hawˇ-eu nawˬ nehˬ-ehˇ aˬ cawˬ miˇ kʼahˬ-ahˇ bi nyehꞈ daˆ laꞈ-euˬ nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ gaˇ kawˆ Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ ja luꞈ meh. ‘Aˬ cawˬ miˇ kʼahˬ-ahˇ bi nyehꞈ byoˆ gʼeh-euˬ tsawˇ haˬ kʼoeˇ deuˬ-aˬ, gaˇ mahˇ kaˬ-iˇ-euˬ miˇ neh, Sahˬpaˬ Miˬyehˇ-ahˇ maˬ gʼoe miˇ coeˇ-a. Miˇ kʼahˬ heu kʼahˬ aˬ yawꞈ aˬ dui-ahˇ biꞈ tsehˆ nehˬ laꞈ gʼaˬ-euˬ meh’ lehˇ ja luꞈ meh.

Yeˬsaˬgeˬlaˇ 33:24

“Tsawˇ haˬ zaˬ-oˇ, Iˇsaˬleˬlaˆ miˇ kʼahˬ laꞈ kʼoeˇ jaˆ-eu cawˆ-iˇ-euˬ meuˬ deuˬ laꞈ kʼoeˇ jawˇ-eu tsawˇ haˬ deuˬ heu loꞈ-ehˇ ehˇ luꞈ meh. ‘Aˬbyaˬhaˬ tiˬ gʼaˬ tehꞈ-ahˇ kʼawꞈ, miˇ kʼahˬ heu kʼahˬ kʼahˬ lah ni biꞈ-euˬ-aˬ, aˬ dui heu myaˆ ni paˇ gʼeh-eu-aˬ, miˇ kʼahˬ heu kʼahˬ za tsehˆ-euˬ ngaˇ’ lehˇ ehˇ luꞈ meh.

Aˬmoˆ 1:13

Sahˬpaˬ Miˬyehˇ ehˇ-eu, “Aˬmoˬ tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ miˇ kʼahˬ bi jeˇ laˇ-eu lehˇ aˬ yawꞈ maꞈ guiˇ deuˆ ngeh, Giˇlaˆ miˇ kʼahˬ-ahˇ jawˇ-eu aˬ nyiˇ pi luꞈ-eu zaˬ miˬ zaˬ deuˬ-euˬ uˬ maˆ tsawˆ paˆ nehˬ-euˬ meh.

Miˇkaˬ 2:1

Yaw noeˬ-ehˇ yuꞈ-awˇ yaw haiˬ jeˬ mˇ-eu gʼaˇ duˬ saˇ sawˇ luꞈ-eu tsawˇ haˬ deuˬ kʼoeˇ taˆ guˆ-eu gaˆ-eu jeˬ keuˆ le tehꞈ-a. Uˬ bya bya laˇ-awˇ, yaw haiˬ jeˬ mˇ-eu gʼaˇ duˬ yehꞈ laˇ ngeh jawˇ, aˬ yawꞈ maꞈ neh saˇ sawˇ taˬ-euˬ jeˬ tiˬ poˆ tehꞈ-ehˇ mˇ-eu meh.

Miˇkaˬ 2:2

Aˬ yawꞈ maꞈ deh ma geuꞈ mawꞈ ngeh, aˬ cawˬ-ahˇ kʼaˆ geuꞈ-euˬ meh. Aˬ yawꞈ maꞈ nymˇ geuꞈ mawꞈ ngeh, aˬ cawˬ-euˬ nymˇ yuˇ geuꞈ-euˬ meh. Tsawˇ haˬ tiˬ gʼaˬ-iˬ yawˬ ha-euˬ nymˇ jiˇ hawˇ-eu nymˇ dahˬ myawˬ gahˬ deuˬ aˬ yawꞈ maꞈ-euˬ laꞈ-ahˇ maˬ ya ahˇ leˇ ni maˬ tuˆ tehˬ ziꞈ nya-aˬ.

Haˬbaˬkuˆ 2:6

Kʼaˇ jawˇ kʼaˇ deuˬ yawꞈ-ahˇ bye-awˇ, yaˬ kʼehˇ maˬ toˇ-ehˇ jawˇ nmˇ loˇ. “Aˬ cawˬ-euˬ pyuˇ shuiˇ baꞈ uiˬ-awˇ, smˇ muiˬ aˬ da geuꞈ-eu gʼaˬ-oˇ, nawˇ dehꞈ dzaˬ-eu aˇ nah aˇ yamˬ, nymˇ le-euˬ siˬ nya ma loˇ” lehˇ, yaˬ kʼehˇ yaˬ gaˇ ya daˬ tehꞈ-a.

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.