Iˇsaˬyaˇ 5:30 - Akha

³⁰ Aˇ nah kʼoeˇ nah keuˆ le ngeh, iˬ ma laˆ shaˆ mahˇ-eu teˇ saˇ loꞈ-ehˇ, Iˇsaˬleˬlaˆ tsawˇ jeuˬ-ahˇ aˬ yawꞈ maꞈ lmˬ tehꞈ-a. Miˇ kʼahˬ kʼoeˇ kʼahˬ-ahˇ haw gʼeh-iˬ ngeh, yaw zahˇ jeˬ hawˇ-eu yaw naꞈ jeˬ tehꞈ-ehˇ mawˇ laˇ-awˇ, yaw shehꞈ kʼawꞈ mˬ dmˇ neh bi uˆ zahˇ tehꞈ-a.

Iˇsaˬyaˇ 5:30 ပူးပေါင်းရင်းမြစ်များ

Dawˬ tsoˆ 12:2

Nahˇ ma, ba la hawˇ-eu aˬ guiˇ yaw shehꞈ deuˬ nawˬ-euˬ gʼaˇ duˬ maˬ bya-ehˇ pyeuꞈ-iˇ-awˇ, uˬ yehˇ bi yehˇ le-eu mˬ dmˇ iˇ dzeuˇ-euˬ maˬ baw-eu aˇ yamˬ kʼoeˇ yamˬ maˬ keuˆ le mi naˆ-ehˇ noeˬ keuˆ-awˬ.

Iˇsaˬyaˇ 13:10

Mˬ taˆ aˬ guiˇ dawˬ tawˆ miˆ kʼaꞈ jiˇ-awˇ, nahˇ ma doˆ laˇ ngeh yaw shehꞈ maˬ bya-ehˇ, ba la tsehˬ ngeh zahˇ tsui ni jaˆ tehꞈ-a.

Iˇsaˬyaˇ 13:4

Tsawˇ haˬ uiˬ leˇ bymˇ leˇ taˬ-euˬ teˇ saˇ loꞈ-ehˇ, gawˬ jawˬ-ahˇ lawꞈ gʼa gaˇ naˇ haˬ sheˇ. Miˇ kʼahˬ tsawˇ jeuˬ yoeˇ uiˬ leꞈ-euˬ loꞈ-ehˇ, miˇ kʼahˬ luiˬ gʼa gaˇ naˇ haˬ sheˇ. Baoˬ huiˬ-eu Sahˬpaˬ Miˬyehˇ guiˇ deuˆ-eu lehˇ, guiˇ maꞈ lehˬ hmˬ-eu teˇ saˇ meh.

Iˇsaˬyaˇ 17:12

Naˇ haˬ sheˇ. Iˬ ma laˆ shaˆ iˇ luˆ dzeh-eu teˇ saˇ loꞈ-ehˇ, miˇ kʼahˬ tsawˇ jeuˬ luiˬ gʼa luꞈ meh. Naˇ haˬ sheˇ. Huiˬ-eu iˇ kʼawˇ ciˬ tahˬ ciˬ tuˆ-eu loꞈ-ehˇ, miˇ kʼahˬ tehˬ laˇ-euˬ teˇ saˇ mahˇ luꞈ meh.

Iˇsaˬyaˇ 30:6

Heu-aˬ, laꞈ oˆ paw kʼaˇ shuiꞈ deh yaˇ-ahˇ jawˇ-eu, jeˬ zaˬ deuˬ-ahˇ taꞈ-eu Miˬyehˇ-euˬ dawˬ meh. “Aˇ laˬ jaˬ shiˇ hawˇ-eu doꞈ kʼaˆ-eu aˇ lawˇ deuˬ jawˇ duˬ, zaw nya-eu byaˆ yahˬ deuˬ gaˆ dzaˬ luꞈ-eu guˆ laˇ paˬ-ehˇ gʼeh-eu jawˇ duˬ tiˬ tsahˇ-ahˇ, miˇ kʼahˬ tsawˇ kaˬ geuꞈ-eu deuˬ cah tsehˆ luꞈ-eu meh. Aˬ yawꞈ maꞈ-ahˇ ngehˬ maˬ gʼeh nehˬ nya-eu tsawˇ jeuˬ gʼaˇ duˬ, aˇ poeˬ kʼaˆ dui dui-eu laꞈ sawˬ deuˬ-ahˇ, mahˬ tahˬ laˆ neh tawˬ-awˇ cah luꞈ-eu meh.

Iˇsaˬyaˇ 59:9

Iˇsaˬleˬlaˆ tsawˇ haˬ deuˬ heu loꞈ-ehˇ ehˇ-eu meh. “Nga maꞈ-ahˇ kʼehˬ luꞈ-eu deuˬ-euˬ aˬ laꞈ laꞈ kʼoeˇ, aˬ jeˬ miˇ neh Miˬyehˇ maˬ ka kʼoꞈ nehˬ laꞈ-eu gaˇ kawˆ, nymˬ-mˇ nga maꞈ siˬ duˬ-eu ma. Yaw shehꞈ laꞈ kʼoeˇ nga maꞈ cah mawꞈ-eu kʼawꞈ, yaw zahˇ nga maꞈ-ahˇ uˆ lahˇ luꞈ-eu meh.

Iˇsaˬyaˇ 8:22

miˇ tsaˬ-ahˇ awˆ moꞈ haw kʼawꞈ, shaˬ zahˬ naꞈ-eu jeˬ hawˇ-eu yaw zahˇ jeˬ-ahˇ tehꞈ-ehˇ ya mawˇ-eu meh. Zahˇ dui dui-eu tsahˇ-ahˇ aˬ yawꞈ maꞈ bi teh ahˇ taˬ-euˬ meh.

Yeˬlaˬmiˇ 13:16

Yaw zahˇ jeˬ maˬ bi keuˆ le mi naˆ-ehˇ, gawˬ jawˬ kʼoeˇ taˆ naw maꞈ sahˬ tiꞈ maˬ ya tiꞈ mi naˆ-ehˇ, naw maꞈ noeˬ tmˬ-euˬ yaw shehꞈ-ahˇ, aˬ yawꞈ zahˇ tsui ni maˬ bi pyeuꞈ-iˇ mi naˆ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, naw maꞈ yaw zeu baw-awˬ.

Yeˬlaˬmiˇ 30:5

“Guˆ-awˇ guˇ-eu teˇ saˇ ngaˇ gaˬ-eu ma. Nui saˇ oꞈ-awˇ guˇ luꞈ-eu maˬ ngeuˇ-ehˇ, guˆ-eu baˬ da neh guˇ-eu teˇ saˇ meh.

Yeˬlaˬmiˇ 50:42

Kaˆ hawˇ-eu mi cehˇ-ahˇ tuˆ tehˬ taˬ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ dziˬ-awˇ oe ngeh, laˆ shaˆ iˇ kʼawˇ mahˇ laˇ gaˇ duˇ-eu meh. Baˬbuˇloˬ miˇ kʼahˬ-ahˇ deuˆ-eu gʼaˇ duˬ, aˬ yawꞈ maꞈ lehˬ hmˬ dah-euˬ meh.

Yeˬlaˬmiˇ 6:23

Aˬ yawꞈ maꞈ kaˆ hawˇ-eu mi cehˇ baꞈ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ pyehˬ teh sehˇ-awˇ oe-eu, iˬ ma laˆ shaˆ mahˇ gaˇ duˇ-awˇ, Yeˬluˇsaˬlehˬ meuˬ-ahˇ deuˆ-eu lehˇ gʼeh-eu meh.

Ngoeˇ dawˬ 3:2

Yaw shehꞈ maˬ jaˆ, zahˇ tsui gʼeh gaˇ, aˬ yawꞈ ngaˬ-ahˇ teh ahˇ-euˬ meh.

Yeˬsaˬgeˬlaˇ 26:3

“Nymˬ-mˇ poˆ jawˇ-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Duˇlu meuˬ-oˇ, ngaˇ nawˬ-ahˇ muiˇ-eu ma. Tsawˇ jeuˬ gʼawˬ mya jeuˬ nawˬ-ahˇ guiˇ bi deuˆ le ma. Iˬ ma laˆ shaˆ iˇ luˆ dzeh-eu loꞈ-ehˇ aˬ yawꞈ maꞈ oe tehꞈ-a.

Yawˇlaˆ 2:10

Aˬ yawꞈ maꞈ mehˬ hu paw le ngeh, miˇ tsaˬ tahˬ kʼawˇ miˇ luˆ luˆ-awˇ, mˬ nyeh nyeh-ehˇ pyeuꞈ laˇ-eu meh. Nahˇ ma ba la zahˇ-iˇ jiˇ-awˇ, aˬ guiˇ yaw shehꞈ maˬ paˇ bya meh.

Aˬmoˆ 5:18

Sahˬpaˬ Miˬyehˇ-euˬ aˇ nah-ahˇ noeˬ tmˬ luꞈ-eu naw maꞈ deuˬ aˇ naˆ ni guˆ paˬ-ehˇ gʼeh-eu nga. Aˇ nah kʼoeˇ nah naw maꞈ gʼaˇ duˬ aˬ jeˬ muiˬ nmˇ. Aˇ nah kʼoeˇ-aˬ, naw maꞈ gʼaˇ duˬ bya cehˆ ni gʼeh-eu aˇ nah maˬ ngeuˇ-a. Zahˇ tsui ni gʼeh-eu aˇ nah meh.

Aˬmoˆ 8:9

Nah loˆ ceh ngeh nahˇ ma ga ahˇ-awˇ, nah gʼahˇ nah gaˆ-ahˇ zahˇ tsui ni ngaˇ bi pyeuꞈ laˇ-eu aˇ yamˬ peh le luꞈ meh lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Maꞈtehˬ 24:29

“Guˆ-eu gaˆ-eu aˇ nah aˇ yamˬ kʼoeˇ keuˆ le gʼaˬ-euˬ nehˬ-ehˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Panmaeq 6:12

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ shiꞈ hmˬ tiˬ hmˬ-ahˇ ngawˬ paˆ gaˇ ngaˇ mawˇ-euˬ ma. Kʼoeˇ ngeh, miˇ luˆ luˆ dui dui laˇ-awˇ ‘nahˇ ma myahˬ naˆ-euˬ saˬ paˇ loꞈ-ehˇ zahˇ-iˇ-awˇ, ba la shiˬ loꞈ-ehˇ neˇ laˇ-euˬ meh.