Iˇsaˬyaˇ 5:25 - Akha

²⁵ Kʼoeˇ miˇ neh, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ kʼehˬ-eu lehˇ aˬ laꞈ cawˬ doˆ ngeh, gawˬ jawˬ deuˬ luˆ luˆ-ehˇ pyeuꞈ laˇ-awˇ, meuˬ-euˬ lehˆ kawˆ doe ni aˬ yawꞈ maꞈ shiˇ uiˬ taˬ-awˇ, mˇ myawˬ yaw cehˇ byaˆ dzeh taˬ-euˬ loꞈ-ehˇ ga tehꞈ-a. Ehˇ kʼawꞈ, Sahˬpaˬ Miˬyehˇ nui ma pehˇ-eu maˬ taˬ leˇ-ehˇ, aˬ laꞈ maˬ cawˬ kʼoꞈ ni bi jaˆ tehꞈ-a.

Iˇsaˬyaˇ 5:25 ပူးပေါင်းရင်းမြစ်များ

1 Sahˬpaˬ 14:11

Nawˬ-euˬ nymˇ kʼahˬ zaˬ deuˬ laꞈ kʼoeˇ, meuˬ-ahˇ shiˇ dzeh taˬ-euˬ deuˬ-ahˇ aˬ kuiˬ dzaˬ-awˇ, bawˇ tsahˬ-ahˇ kʼaˇ shiˇ-euˬ deuˬ-ahˇ jeˬ shiˇ kʼaˬ dzeˇ dzaˬ tehꞈ-a. Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma’ lehˇ ehˇ-eu meh lehˇ ehˇ nehˬ-awˬ.”

1 Sahˬpaˬ 16:4

Meuˬ laꞈ kʼoeˇ kʼaˇ shiˇ-euˬ nawˬ-euˬ nymˇ kʼahˬ zaˬ deuˬ-ahˇ aˬ kuiˬ dzaˬ-awˇ, bawˇ tsahˬ-ahˇ kʼaˇ shiˇ-euˬ nawˬ-euˬ nymˇ kʼahˬ zaˬ deuˬ-ahˇ jeˬ shiˇ kʼaˬ dzeˇ dzaˬ tehꞈ-a.”

1 Sahˬpaˬ 21:24

Nawˬ-euˬ aˬ yuiꞈ aˬ nyiˇ meuˬ laꞈ kʼoeˇ kʼaˇ shiˇ-euˬ deuˬ-ahˇ aˬ kuiˬ dzaˬ-awˇ, bawˇ tsahˬ-ahˇ kʼaˇ shiˇ-euˬ deuˬ-ahˇ jeˬ shiˇ kʼaˬ dzeˇ dzaˬ tehꞈ-a.”

2 Sahˬpaˬ 13:3

Kʼoeˇ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ nui ma pehˇ-awˇ, Suˇliˆ sahˬ paˬ Haˬzeˬlaˇ hawˇ-eu aˬ yawꞈ-euˬ aˬ li Beˬhaˬdaˇ aˬ nyaꞈ da zaˬ neh, Iˇsaˬleˬlaˆ miˇ kʼahˬ-ahˇ tiˬ poˆ saˇ-iˬ tiˬ poˆ bi deuˆ gʼaˬ-euˬ meh.

2 Sahˬpaˬ 9:37

Aˬ yawꞈ-ahˇ tsawˇ haˬ tiˬ gʼaˬ-iˬ maˬ haw siˬ nya-ehˇ pyeuꞈ-iˇ ngeh keuˆ ni, aˬ yawꞈ-euˬ shaˬ jiˇ tiˬ gaˇ tiˬ jehꞈ-ehˇ, aˬ nyoˬ mawˇ neˇ keˬ loꞈ-ehˇ ga tehꞈ-a’ lehˇ ehˇ taˬ-euˬ jaˆ-eu meh.”

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

Yawˇbaˆ 9:13

Miˬyehˇ nui ma pehˇ-eu jeˬ maˬ byoˆ-iˇ nya-a. Iˬ ma laˆ shaˆ byaˆ yahˬ Laˬhaˇ-ahˇ caw ba le-eu aˬ yawꞈ-ahˇ muiˇ-eu deuˬ-ahˇ aˬ yawꞈ deh pyehˆ-eu meh.

Jaceuq 106:40

Kʼoeˇ miˇ neh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ nui daˆ daˆ-euˬ meh.

Jaceuq 114:7

Miˇ tsaˬ tahˬ kʼawˇ-oˇ, Sahˬpaˬ Miˬyehˇ oe ngeh yaw dzuˬ dzuˬ-awˬ. Yaˬkoˆ-euˬ Miˬyehˇ mehˬ shi yaw dzuˬ dzuˬ-awˬ.

Jaceuq 18:7

Aˬyawꞈnui ma pehˇlaˇ-euˬkʼoeˇ, miˇtsaˬtahˬkʼawˇgah nyeh nyeh-awˇ, gawˬjawˬduˬpuˇyaˇlaˇ-euˬmeh.

Jaceuq 68:8

Miˇ tsaˬ tahˬ kʼawˇ nyeh laˇ-awˇ, mˬ kʼoeˇ taˆ uˬ yehˇ shehˆ dzeh leꞈ-euˬ meh. Siˇnaˆ gawˬ jawˬ-euˬ Miˬyehˇ oe luꞈ-eu miˇ neh, Iˇsaˬleˬlaˆ-euˬ Miˬyehˇ oe luꞈ-eu miˇ neh, kʼoeˇ loꞈ-ehˇ pyeuꞈ laˇ-euˬ meh.

Jaceuq 77:18

Nawˬ-euˬ mˬ jeˬ mahˇ doˆ laˇ-awˇ, mˬ myawꞈ myawꞈ-awˇ miˇ tsaˬ-ahˇ bi bya laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ luˆ luˆ-ehˇ jaˆ-eu meh.

Jaceuq 78:38

Ehˇ kʼawꞈ, aˬ yawꞈ-euˬ tsawˇ haˬ deuˬ-ahˇ Miˬyehˇ gʼawˬ shaˬ gaˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ maˬ bi keuˆ le-a. Aˬ yawꞈ nui ma kʼaˇ pehˇ-eu loꞈ-ehˇ aˬ laꞈ maˬ bi keuˆ leˇ ni, gʼawˬ mya poˆ oˇ dzeuˇ nehˬ-euˬ meh.

Jaceuq 83:10

Eˬdawˇlaˆ meuˬ dawˬ peh aˬ yawꞈ maꞈ-ahˇ nawˇ deuˆ gʼaˬ-awˇ, aˬ yawꞈ maꞈ-euˬ gʼawˇ mawˇ miˇ tsa ga buꞈ-euˬ meh.

Doˆ-iˇ 7:19

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Gawˬ yoeˬ kʼoeˇ hmˬ yuˇ-awˇ, Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu iˇ cuꞈ lawˇ baˬ deuˬ, iˇ cuꞈ uiˇ kʼehˬ deuˬ hawˇ-eu iˇ cuꞈ lah deuˬ kʼoeˇ taˆ cawˬ ja-awˬ lehˇ Aˬloˬ-ahˇ ehˇ nehˬ-awˬ. Iˇ cuꞈ kʼoeˇ deuˬ shiˬ pyeuꞈ jiˇ-awˇ, miˇ kʼahˬ kʼahˬ lah ni shiˬ tehꞈ-ehˇ jaˆ tehꞈ-a. Daˇ kawˬ teˇ byaꞈ neh taꞈ taˬ-euˬ shehˇ byehˇ deuˬ hawˇ-eu, kʼaˬ lo neh jahˇ taˬ-euˬ mui deuˇ oeˬ lahˬ deuˬ laꞈ kʼoeˇ kʼaˇ dahˬ-eu iˇ cuꞈ dawˬ tawˆ luꞈ-ahˇ keuˆ ni, shiˬ pyeuꞈ jiˇ tehꞈ-a” lehˇ ehˇ nehˬ-euˬ meh.

Iˇsaˬyaˇ 10:4

Aˬ cawˬ neh bi deuˆ sehꞈ-eu jeˬ hawˇ-eu, aˬ cawˬ miˇ kʼahˬ-ahˇ bi nyehꞈ gʼeh-eu nyiˬ jeˬ uˬ taꞈ, gaˇ ma yawˬ kahˇ yawˬ maˬ dahˇ-a. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ taˬ leˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.

Iˇsaˬyaˇ 10:6

Miˬyehˇ maˬ baw-eu tsawˇ jeuˬ hawˇ-eu, ngaˇ nui ma pehˇ-eu tsawˇ haˬ deuˬ jawˇ gaˇ, aˬ yawꞈ-ahˇ ngaˇ pyehˬ gʼeh-awˇ, aˬ yawꞈ maꞈ-euˬ pyuˇ shuiˇ myawˬ gahˬ bi ceh geuꞈ-awˇ, gaˇ ma-ahˇ jaˆ-eu shaˬ jehˆ nawˬ pahˬ-eu loꞈ-ehˇ, aˬ yawꞈ maꞈ-ahˇ bi nawˬ pahˬ ma.

Iˇsaˬyaˇ 14:19

Ehˇ kʼawꞈ, nawˇ lmˬ bymˇ maˬ baw-ehˇ, aˇ yamˬ maˬ keuˆ miˇ-ahˇ yoeˇ dzeh-euˬ zaˬ loꞈ-ehˇ, baꞈ dzeh-awˇ bi buꞈ-iˇ-euˬ meh. Nawˬ-euˬ kʼoeˇ taˆ shiˇ daˆ taˬ-euˬ, mi cehˇ kʼehˬ-ahˇ shiˇ-euˬ yehˇ deuˬ nehˬ-ehˇ, lo gahˬ lo guˇ duˬ kʼahˬ laꞈ kʼoeˇ bi baꞈ ahˇ-awˇ, aˬ cawˬ neh bi nawˬ pahˬ-euˬ meh.

Iˇsaˬyaˇ 23:11

Sahˬpaˬ Miˬyehˇ aˬ laꞈ iˬ ma laˆ shaˆ cawˬ tsehˆ taˬ-awˇ, miˇ kʼahˬ deuˬ-ahˇ laˆ byaˆ-euˬ meh. Piˇniˇshaˆ tsawˇ jeuˬ jeˬ gaꞈ jeˬ ka mˇ taꞈ-eu yaw tsuiꞈ-ahˇ, laˆ pyaˆ-awˬ lehˇ aˬ yawꞈ dawˬ biꞈ-euˬ meh.

Iˇsaˬyaˇ 25:11

Aˬ yawꞈ maꞈ iˇ cuꞈ iˇ diˬ diˬ doˆ laꞈ-eu lehˇ, aˬ laꞈ cawˬ doˆ tehꞈ-a. Ehˇ kʼawꞈ, Miˬyehˇ aˬ yawꞈ maꞈ kʼoeˇ taˆ shaꞈ dawˇ-eu jeˬ bi keuˆ le-awˇ, aˬ yawꞈ maꞈ-euˬ aˬ laꞈ ga byoˆ-iˇ tehꞈ-a.

Iˇsaˬyaˇ 29:2

Kʼoeˇ naˇ, Miˬyehˇ-euˬ lawˇ duˬ lehˇ kuˇ-euˬ meuˬ kʼoeˇ-ahˇ, Miˬyehˇ guˆ-eu gaˆ-eu jeˬ bi keuˆ le tehꞈ-a. Guˇ guˇ-ehˇ ngoeˇ-eu teˇ saˇ byah jiˇ-awˇ, meuˬ meuˬ lah-ehˇ shiˬ yoeˇ kʼaˇ-eu lawˇ duˬ-ahˇ duˇ tehꞈ-a.

Iˇsaˬyaˇ 42:25

Kʼoeˇ miˇ neh aˬ dui-ahˇ aˬ yawꞈ-euˬ nui ma bi mawˇ-awˇ, guiˇ deuˆ-eu jeˬ bi keuˆ le laꞈ-euˬ meh. Aˬ yawꞈ nui pehˇ miˬ dzaˬ doꞈ-eu loꞈ-ehˇ, Iˇsaˬleˬlaˆ miˇ kʼahˬ doꞈ doe-euˬ meh. Kʼoeˇ naˆ ni keuˆ le taˬ-euˬ kʼawꞈ, aˬ dui noeˬ paˇ-eu maˬ baw-a.

Iˇsaˬyaˇ 51:20

Nawˬ-euˬ tsawˇ haˬ deuˬ gʼaˬ jiˇ-awˇ, baw gʼaꞈ-ahˇ coeˬ paꞈ-euˬ kʼaˬ tsehˆ loꞈ-ehˇ, gaˇ ma gaˇ tsmˇ kʼaˇ jaˆ gaˇ coˬ lah-awˇ, Sahˬpaˬ Miˬyehˇ-euˬ nui pehˇ-ahˇ aˬ yawꞈ maꞈ ya siˬ duˬ-euˬ meh.

Iˇsaˬyaˇ 64:3

Aˇ hu nga maꞈ maˬ noeˬ maˬ duˇ-euˬ gaˇ, guˆ-eu gaˆ-eu jeˬ nawˇ mˇ ngeh, gawˬ jawˬ deuˬ guˆ-awˇ yaw dzuˬ dzuˬ-euˬ meh.

Iˇsaˬyaˇ 66:15

Sahˬpaˬ Miˬyehˇ miˬ dzaˬ nehˬ-ehˇ zaꞈ ka le-awˇ, aˬ yawꞈ nui ma pehˇ-eu deuˬ-ahˇ kʼehˬ-eu gʼaˇ duˬ, jaˬ lehˇ lehˇ ma-euˬ aˬ dahˇ kʼoeˇ taˆ dziˬ-awˇ oe tehꞈ-a.

Iˇsaˬyaˇ 66:24

“Aˬ yawꞈ maꞈ gʼoꞈ doˆ-iˇ ngeh, ngaˬ-ahˇ puiˬ-eu tsawˇ haˬ deuˬ shiˇ taˬ-awˇ ga gaˇ ya mawˇ tehꞈ-a. Aˬ yawꞈ maꞈ-ahˇ dzaˬ-eu buˬ joe deuˬ shiˇ-eu maˬ baw-ehˇ, aˬ yawꞈ maꞈ-ahˇ puiˆ-eu miˬ dzaˬ miˆ-iˇ-eu maˬ baw-a. Aˬ yawꞈ maꞈ-aˬ, miˇ tsaˬ zaˬ dawˬ tawˆ luꞈ gʼaˇ duˬ jawꞈ dui dui-eu jeˬ pyeuꞈ tehꞈ-a.”

Iˇsaˬyaˇ 9:11

Kʼoeˇ miˇ neh aˬ yawꞈ maꞈ-ahˇ guiˇ bi deuˆ-eu gʼaˇ duˬ, muiˇ-eu deuˬ-ahˇ Sahˬpaˬ Miˬyehˇ laˆ noeˬ tehꞈ-a.

Iˇsaˬyaˇ 9:16

Tsawˇ haˬ heu deuˬ-ahˇ sheuˬ gʼeh-eu deuˬ gaˇ ma sheuˬ bahˬ-awˇ, aˬ yawꞈ maꞈ miˇ bahˬ bahˬ jiˇ taˬ-euˬ meh.

Iˇsaˬyaˇ 9:17

Kʼoeˇ miˇ neh zaˬ guˬ deuˬ-ahˇ Sahˬpaˬ Miˬyehˇ maˬ taˬ nehˬ-ehˇ, muˇ coeˬ aˬ nmˇ hawˇ-eu miˬ coeˬ miˬ ma-ahˇ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ-a. Aˬ yawꞈ maꞈ Miˬyehˇ maˬ baw-ehˇ, yaw haiˬ tehꞈ-ehˇ mˇ-eu uˬ taꞈ, dawˬ ngehˬ-eu yaw muiˬ maˬ ahˇ-eu miˇ neh meh. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ shuꞈ-iˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.

Iˇsaˬyaˇ 9:20

Dzaˇ kʼaˇ jaˆ-eu ceh dzaˬ jiˇ-awˇ, kʼaˇ dzaˬ nya-eu jeˬ poˆ dzaˬ jiˇ kʼawꞈ, uˬ maˆ maˬ dehˆ laˇ-eu miˇ neh, yawˬ ha baw-euˬ zaˬ-ahˇ sehꞈ-awˇ, shaˬ jiˇ ya dzaˬ gaˇ keuˆ tehꞈ-a.

Iˇsaˬyaˇ 9:21

Maˬnaˇseˬ tsawˇ jeuˬ hawˇ-eu Eˇpaˬleˬ tsawˇ jeuˬ, tiˬ jeuˬ tiˇ jeuˬ kawꞈ sehꞈ dzaˬ tehꞈ-a. Aˬ yawꞈ maꞈ tiˬ gaˇ paˇ gm leˇ-awˇ, Yuˇdaˆ miˇ kʼahˬ-ahˇ paˇ ceh le tehꞈ-a. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ taˬ leˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ maˬ baꞈ ka ni bi jaˆ tehꞈ-a.

Yeˬlaˬmiˇ 15:3

Guˆ dui dui laˇ paˬ-ehˇ gʼeh-eu oeˬ jeˬ, aˬ yawꞈ maꞈ-euˬ kʼoeˇ taˆ bi keuˆ le-eu gʼaˇ duˬ, Sahˬpaˬ Miˬyehˇ pyeuꞈ-eu ngaˇ noeˬ tsehˆ taˬ-euˬ ma. Aˬ yawꞈ maꞈ guiˇ deuˆ gaˇ bi sehꞈ tehꞈ-a. Aˬ yawꞈ-euˬ gʼawˇ mawˇ-ahˇ aˬ kuiˬ baꞈ tehꞈ-a. Aˇ jiˇ deuˬ aˬ yawꞈ maꞈ-ahˇ toˆ dzaˬ-awˇ, dzeˇ-eu deuˬ-ahˇ bawˇ tsahˬ jeˬ zaˬ deuˬ dzaˬ tehꞈ-a.

Yeˬlaˬmiˇ 16:4

Guˆ dui dui laˇ paˬ-ehˇ gʼeh-eu naˇ gawˇ baˬ da neh aˬ yawꞈ maꞈ ya shiˇ-awˇ, aˬ yawꞈ maꞈ gʼaˇ duˬ tsawˇ ngoeˇ ngoeˇ nehˬ-awˇ, baꞈ pahˬ nehˬ-eu tsawˇ haˬ maˬ jawˇ ni pyeuꞈ laˇ tehꞈ-a. Aˬ nyoˬ mawˇ neˇ-euˬ keˬ tawˆ bymˇ taˬ-euˬ loꞈ-ehˇ, aˬ yawꞈ maꞈ miˇ tsa shiˇ uiˬ taˬ-awˇ ga tehꞈ-a. Guiˇ deuˆ-eu laꞈ kʼoeˇ maˬ ehˇ, mehꞈ-eu shuꞈ-eu baˬ da neh maˬ ehˇ, aˬ yawꞈ maꞈ ya shiˇ-awˇ, aˇ jiˇ hawˇ-eu bawˇ tsahˬ jeˬ zaˬ deuˬ aˬ yawꞈ maꞈ-ahˇ dzaˬ tehꞈ-a.

Yeˬlaˬmiˇ 17:4

Ngaˬ neh naw maꞈ-ahˇ biꞈ taˬ-euˬ miˇ kʼahˬ naw maꞈ ya byehˇ dzeh-awˇ, maˬ siˬ maˬ suˇ-eu miˇ kʼahˬ laꞈ kʼoeˇ, naw maꞈ-ahˇ muiˇ-eu tsawˇ haˬ deuˬ neh kʼehˇ-euˬ gaˇ-ahˇ naw maꞈ ya mˇ tehꞈ-a. Aˬ jeˬ miˇ neh ehˇ naˇ, ngaˬ-euˬ nui pehˇ miˬ dzaˬ doꞈ gaˇ duˇ-awˇ, tiˬ jawˇ-iˬ maˬ miˆ-iˇ-a.”

Yeˬlaˬmiˇ 4:24

Gawˬ jawˬ deuˬ-ahˇ ngaˇ haw gʼeh ngeh, miˇ luˆ luˆ luꞈ gaˇ ya mawˇ-awˇ, gawˬ duˇ kʼaˇ ngeuˇ-eu nyeh laˇ taˬ-euˬ meh.

Yeˬlaˬmiˇ 4:8

Guˆ laˇ paˬ-ehˇ gʼeh-eu Sahˬpaˬ Miˬyehˇ-euˬ nui ma pehˇ-eu jeˬ, Yuˇdaˆ miˇ kʼahˬ-ahˇ maˬ byehˇ-eu miˇ neh, guˬ daˇ pehˇ zeuˇ mehˬ tsoeˬ dm-awˇ ngoeˇ dui dui-awˬ.

Yeˬlaˬmiˇ 6:12

Aˬ yawꞈ maꞈ-euˬ nymˇ deuˬ aˬ cawˬ-ahˇ ya biꞈ-awˇ, deh yaˇ hawˇ-eu miˬ zaˬ ya a nehˬ gaˇ keuˆ ni, miˇ kʼahˬ heu kʼahˬ-ahˇ ngaˇ kʼehˬ ma.

Yeˬlaˬmiˇ 8:2

Shaˬ yoeˬ kʼoeˇ deuˬ-ahˇ gʼoˆ uiˬ-awˇ maˬ duˬ pahˬ nehˬ ni, aˬ nyoˬ mawˇ neˇ keˬ ga-eu loꞈ-ehˇ miˇ tsa ga tehꞈ-a. Tsawˇ haˬ kʼoeˇ deuˬ yaw dehꞈ dehꞈ ngeh uˬ duˬ tahˬ-awˇ caw teh-euˬ nahˇ ma, ba la, aˬ guiˇ, kʼoeˇ deuˬ-euˬ mehˬ shi, shaˬ yoeˬ kʼoeˇ deuˬ bya cehˆ ni ga tehꞈ-a.

Yeˬlaˬmiˇ 9:22

Deh ga-ahˇ mawˇ neˇ ceˬ ga-eu loꞈ-ehˇ, cehˇ yehˬ dzeh-awˇ cehˇ diꞈ maˬ ya uiˬ-euˬ loꞈ-ehˇ, yawˬ gaˇ na luꞈ tsawˇ haˬ yaw shiˇ ga tehꞈ-a lehˇ, Sahˬpaˬ Miˬyehˇ ngaˬ-ahˇ bi ngehˬ laꞈ-euˬ meh.”

Ngoeˇ dawˬ 5:22

Nga maꞈ-ahˇ byehˇ tsehˆ tsehˆ teˬ loˇ. Nui ma pehˇ taˬ-euˬ maˬ baw loˇ.

Yeˬsaˬgeˬlaˇ 15:6

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Bawˇ tsahˬ-ahˇ dehꞈ-eu aˬ gaꞈ ciˇ ni yuˇ-awˇ miˬ dzaˬ-ahˇ dzeh puiˆ-eu loꞈ-ehˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ngaˇ jahˇ nehˬ ma.

Yeˬsaˬgeˬlaˇ 30:25

Aˬ yawꞈ-ahˇ ngaˇ gʼaˬ bi baˬ-iˇ-awˇ, Baˬbuˇloˬ sahˬ paˬ-ahˇ gʼaˬ bi kʼaˆ dzehˬ laˇ ma. Baˬbuˇloˬ sahˬ paˬ-ahˇ ngaˬ-euˬ mi cehˇ biꞈ nehˬ-awˇ, Iˇjiˇtuˆ miˇ kʼahˬ paw bi baꞈ pyawˇ ngeh, ngaˇ Sahˬpaˬ Miˬyehˇ pyeuꞈ-eu yawˬ gʼaˬ na luꞈ siˬ nya tehꞈ-a.

Yeˬsaˬgeˬlaˇ 6:14

Ngaˬ-euˬ aˬ laꞈ cawˬ ja-awˇ, aˬ yawꞈ maꞈ-euˬ miˇ kʼahˬ-ahˇ laˆ cawˆ nehˬ ma. Laꞈ oˆ paw pyawˬ-ahˇ jaˆ-eu kʼaˇ shuiꞈ deh-ahˇ neh, laꞈ taˆ paw Yiˇbaˬlahˬ meuˬ-ahˇ keuˆ ni, Iˇsaˬleˬlaˆ tsawˇ haˬ deuˬ kʼaˇ jawˇ-euˬ jawˇ duˬ tiˬ tsahˇ-iˬ maˬ bi dzeuˇ-iˇ ni bi cawˆ-iˇ jiˇ-awˇ ciˬ cuˇ ni bi pyeuꞈ-iˇ ma. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ, yawˬ gʼaˬ na luꞈ ya siˬ duˬ tehꞈ-a.”

Daˬyeˬlaˇ 9:16

Nga maꞈ lehˬ-iˇ-euˬ miˇ-a. Dzeuˇ laˇ ngeh, nga maꞈ-ahˇ nawˇ haw piˇ nehˬ laꞈ-euˬ meh. Kʼoeˇ miˇ neh, Yeˬluˇsaˬlehˬ meuˬ-ahˇ nui ma taˬ pehˇ nehˬ laꞈ. Kʼoeˇ-aˬ, nawˬ-euˬ meuˬ meh. Nawˬ-euˬ muiˬ-eu shawˇ-eu gawˬ jawˬ meh. Nga maꞈ-euˬ iˬ baˇ hawˇ-eu nga maꞈ-euˬ aˬ poeˬ aˬ bawˇ deuˬ neh mˇ-euˬ yaw lehˬ jeˬ baˬ da neh, dawˬ peh jaˆ-eu miˇ kʼahˬ deuˬ-ahˇ jawˇ-eu tsawˇ haˬ deuˬ, Yeˬluˇsaˬlehˬ meuˬ hawˇ-eu nawˬ-euˬ tsawˇ haˬ deuˬ-ahˇ ja bu luꞈ meh.

Hawˇseˬ 14:4

Sahˬpaˬ Miˬyehˇ ehˇ-eu dawˬ-aˬ, “Ngaˬ-euˬ tsawˇ haˬ paˇ sheuˬ kʼoꞈ-awˇ, nui ma laꞈ kʼoeˇ keuˆ ni gaˬ-awˇ, nui ma pehˇ-eu jeˬ byehˇ dzeh ma.

Aˬmoˆ 8:8

Naw maꞈ kʼoeˇ loꞈ-ehˇ yaw haiˬ jeˬ mˇ-euˬ baˬ da neh miˇ luˆ luˆ laˇ-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ guˆ dui dui tehꞈ-a. Miˇ kʼahˬ heu kʼahˬ kʼahˬ lah ni bi sheu nyeh-awˇ, Niˬlaˇ lawˇ baˬ -ahˇ iˇ cuꞈ dahˬ daˆ laˇ-awˇ paˇ dahˬ ka-iˇ-eu loꞈ-ehˇ jaˆ tehꞈ-a.

Miˇkaˬ 1:4

Byaˬ shahˬ miˬ dzaˬ puiˆ-eu loꞈ-ehˇ, gawˬ jawˬ kʼoeˇ deuˬ aˬ yawꞈ uˬ moˆ, ya guiˇ byoˆ-iˇ jiˇ gaˇ keuˆ-awˇ, baˬ gʼa yoeˇ-eu iˇ cuꞈ loꞈ-ehˇ, lawˇ kʼmˬ-ahˇ yoeˇ ka le tehꞈ-a.

Naˬhmˬ 1:5

Sahˬpaˬ Miˬyehˇ jawˇ-eu mehˬ shi, gawˬ jawˬ luˆ laˇ nyeh laˇ jiˇ-awˇ, gawˬ duˇ guiˇ ka byoˆ jiˇ-eu meh. Sahˬpaˬ Miˬyehˇ oe-eu mehˬ shi, miˇ tsaˬ tahˬ kʼawˇ miˇ luˆ luˆ-awˇ, miˇ tsaˬ zaˬ yaw juˬ juˬ-eu meh.

Haˬbaˬkuˆ 3:10

Gawˬ jawˬ deuˬ nawˬ-ahˇ ya mawˇ ngeh, guˆ dui dui-awˇ yaw dzuˬ dzuˬ meh. Mˬ-ahˇ iˇ cuꞈ shehˆ dzeh leꞈ-awˇ, miˇ oˆ iˇ cuꞈ teˇ saˇ mahˇ-awˇ, iˇ luˆ dzeh goˇ daˆ leꞈ-eu meh.

Zeˬpaˬniˇ 1:17

Sahˬpaˬ Miˬyehˇ ehˇ-eu, “Ngaˬ-ahˇ mˇ bahˬ taˬ-euˬ miˇ neh, aˬ yawꞈ maꞈ-ahˇ bi noeˬ shaˬ-awˇ, myaˆ behꞈ maˬ cah nya-eu loꞈ-ehˇ, kuiˇ toꞈ ciˬ zaˇ bi saˇ sawˇ ma. Iˇ cuꞈ loꞈ-ehˇ shiˬ bi yoeˇ-awˇ, miˇ tsa shiˇ buꞈ-awˇ bi ga ma.”

Dawˬmehˬ 31:17

Kʼoeˇ loꞈ-ehˇ pyeuꞈ laˇ ngeh, aˬ yawꞈ maꞈ-ahˇ ngaˇ nui ma pehˇ ma. A yawꞈ maꞈ-ahˇ ngaˇ byehˇ dzeh nehˬ-awˇ, aˬ yawꞈ maꞈ ya luˬ ya seˇ-iˇ tehꞈ-a. Guˆ laˇ paˬ-ehˇ gʼeh-eu luˬ-iˇ seˇ-iˇ-eu gʼawˬ mya jeˬ aˬ yawꞈ maꞈ kʼoeˇ taˆ keuˆ le tehꞈ-a. Kʼoeˇ ngeh, aˬ yawꞈ maꞈ-euˬ Miˬyehˇ pyeuꞈ-eu ngaˇ, aˬ yawꞈ maꞈ nehˬ-ehˇ maˬ paˇ jawˇ-eu miˇ neh kʼoeˇ loꞈ-ehˇ gʼeh-eu jeˬ keuˆ le-eu nga lehˇ, aˬ yawꞈ maꞈ ya siˬ duˬ tehꞈ-a.

Dawˬmehˬ 31:18

Aˬ yawꞈ maꞈ-ahˇ ngaˇ maˬ caw ba nehˬ ni jawˇ ma. Aˬ jeˬ miˇ neh ehˇ naˇ, aˬ yawꞈ maꞈ maˬ muiˬ maˬ jaˬ-eu jeˬ mˇ-awˇ, miˬ yehˇ nui deuˬ-ahˇ uˬ duˬ tahˬ-euˬ meh.

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.