Iˇsaˬyaˇ 5:24 - Akha

²⁴ Kʼoeˇ miˇ neh, gʼo yoeˬ hawˇ-eu uˬ jiˇ, miˬ dzaˬ miˬ lmˇ laꞈ kʼoeˇ byoˆ-iˇ-eu loꞈ-ehˇ, aˬ yawꞈ maꞈ-euˬ duˬ ciˇ peuˬ-iˇ jiˇ-awˇ, aˬ yawꞈ maꞈ-euˬ aˇ yehˆ kʼaˬ lehˇ loꞈ-ehˇ bi baw byoˆ jiˇ tehꞈ-a. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ, aˬ yawꞈ maꞈ byehˇ dzeh jiˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ dawˬ-ahˇ, aˬ yawꞈ maꞈ naˬ bawˇ maˬ ciˬ kʼmˇ-a.

Iˇsaˬyaˇ 5:24 ပူးပေါင်းရင်းမြစ်များ

2 Sahˬpaˬ 19:22

Nawˇ yehˬ bawˬ sehˇ lu-ehˇ ehˇ niˇ gʼa-awˇ naˬ gʼa-eu teu, aˬ suˇ gʼaˬ-ahˇ naˬ gʼa-eu nga lehˇ nawˇ noeˬ-eu nya. Nawˇ-aˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ yaw zeu maˬ baw-eu jeˬ mˇ luꞈ-eu meh.

Neˬhaˬmiˇ 9:26

Ehˇ kʼawꞈ, nawˬ-euˬ tsawˇ jeuˬ nawˬ-ahˇ puiˬ-awˇ, nawˬ-euˬ ehˇ dawˬ maˬ naˇ haˬ-ehˇ, nawˬ-euˬ zahˇ dawˬ kʼoꞈ dawˬ-ahˇ byehˇ dzeh-awˇ, naˇ kʼah ciˬ pyawˇ-awˇ cah-euˬ meh. Nawˇ jawˇ paw gʼoꞈ leˇ-eu gaˇ kawˆ mehˬ-eu, nawˬ-euˬ gʼaˇ duˬ ngehˬ dah nehˬ-eu deuˬ-ahˇ, aˬ yawꞈ maꞈ sehꞈ dzeh-awˇ, nawˬ-ahˇ gʼawˬ mya poˆ ngehˬ bahˬ tmˇ bahˬ-euˬ meh.

Yawˇbaˆ 18:16

Aˬ yawꞈ-euˬ duˬ ciˇ hawˇ-eu uˬ laꞈ deuˬ nyoeˬ-iˇ koˆ-iˇ jiˇ-euˬ meh.

Yawˇbaˆ 8:17

Aˬ yawꞈ maꞈ-euˬ duˬ ciˇ kʼaˬ lo-ahˇ cah jawˬ-awˇ, kʼaˬ lo aˬ yawꞈ siˬ yawꞈ-ahˇ tsuˆ tehˬ ziꞈ taˬ-euˬ meh.

Jaceuq 50:17

Ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ naˇ haˬ geuꞈ-ehˇ, ngaˬ-euˬ zahˇ sahˇ kʼoꞈ-ahˇ naw maꞈ bye-eu meh.

Doˆ-iˇ 15:7

Baoˬ huiˬ-eu laꞈ kʼoeˇ, nawˬ-ahˇ muiˇ-eu deuˬ-ahˇ nawˇ laˆ luˬ laˆ seˇ nehˬ-euˬ meh. Nawˇ nui ma pehˇ-eu jeˬ miˬ dzaˬ loꞈ-ehˇ doˆ-iˇ-awˇ, gʼo yoeˬ-ahˇ miˬ dzaˬ puiˆ-eu loꞈ-ehˇ, aˬ yawꞈ maꞈ-ahˇ puiˆ dzeh-euˬ meh.

Doˆ-iˇ 5:12

Kʼoeˇ ngeh, tsawˇ haˬ kʼoeˇ deuˬ, Iˇjiˇtuˆ miˇ kʼahˬ doe ni iˇ-awˇ gʼo yoeˬ poˆ uiˬ laˬ-iˇ-euˬ meh.

Iˇsaˬyaˇ 1:31

Miˬ dzaˬ miˬ dzuiꞈ baˬ da neh gʼoˆ yoeˬ puiˆ dzaˬ-eu loꞈ-ehˇ, baoˬ ahˇ-eu tsawˇ haˬ neh mˇ-euˬ yaw haiˬ jeˬ yaw sahˇ deuˬ-ahˇ paˇ puiˆ dzaˬ-awˇ, deh miˆ nehˬ-eu gʼaˬ maˬ jawˇ-a.

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

Iˇsaˬyaˇ 24:6

Miˇ tsaˬ tahˬ kʼawˇ-ahˇ Miˬyehˇ yaˬ kehˇ yaˬ-eu miˇ neh, iˬ baˇ naꞈ-eu miˇ tsaˬ zaˬ teˬ le byoˆ le-awˇ, ui cuiˆ tehꞈ-ehˇ dzeuˇ-iˇ-eu meh.

Iˇsaˬyaˇ 26:11

Nawˇ kʼehˬ-eu kʼaˆ-eu lehˇ gʼeh-eu gaˇ kawˆ-ahˇ, nawˬ-ahˇ muiˇ-eu kʼoeˇ deuˬ maˬ siˬ nya-a. Sahˬpaˬ Miˬyehˇ-oˇ, aˬ yawꞈ maꞈ-ahˇ bi shaꞈ dawˇ-awˇ, shaˬ zahˬ bi mˇ-awˬ. Nawˬ neh lehˬ hmˬ taˬ-euˬ kʼehˬ-eu kʼaˆ-eu jeˬ, aˬ yawꞈ maꞈ kʼoeˇ taˆ bi keuˆ le-awˇ, nawˬ-euˬ tsawˇ jeuˬ-ahˇ nawˇ aˇ naˆ ni gaˬ-eu gaˇ kawˆ, aˬ yawꞈ maꞈ bi siˬ bi mawˇ-awˬ.

Iˇsaˬyaˇ 30:12

Ehˇ kʼawꞈ, Iˇsaˬleˬlaˆ-euˬ muiˬ-eu shawˇ-eu Miˬyehˇ, heu loꞈ-ehˇ ehˇ-eu meh. “Ngaˬ neh ehˇ-euˬ dawˬ-ahˇ naw maꞈ maˬ naˇ haˬ-ehˇ, nawˬ dzaˬ shuiˇ dzaˬ-eu meh.

Iˇsaˬyaˇ 30:9

Aˬ yawꞈ maꞈ Miˬyehˇ-ahˇ maˬ tsehˆ leˇ ni puiˬ-awˇ, jaˬ myawꞈ mehˇ shuiˇ myaˬ-eu laꞈ kʼoeˇ, Sahˬpaˬ Miˬyehˇ mehˬ gaˇ maˬ naˇ haˬ-a.

Iˇsaˬyaˇ 47:14

“Aˬ yawꞈ maꞈ gʼo yoeˬ-ahˇ duˇ-awˇ, miˬ dzaˬ bi puiˆ dzaˬ jiˇ tehꞈ-a. Aˬ yawꞈ maꞈ yawˬ haˇ yawˬ ha maˬ ka kʼoꞈ nya-a. Miˬ dzaˬ miˬ lmˇ kʼoeˇ aˬ yawꞈ maꞈ-ahˇ lahˇ dui dui tehꞈ-a. Yaw gaˆ lmˇ-eu miˬ jiˆ-ahˇ maˬ duˇ-a.

Iˇsaˬyaˇ 7:9

Iˇsaˬleˬlaˆ miˇ kʼahˬ kʼawꞈ, aˬ yawꞈ maꞈ-euˬ meuˬ meuˬ ma pyeuꞈ-eu Saˬmaˬliˆ meuˬ taꞈ-ehˇ maˬ paˇ kʼaˆ dzehˬ-ehˇ, Saˬmaˬliˆ meuˬ kʼawꞈ sahˬ paˬ Peˬkah aˬ yawꞈ-euˬ mawˇ do taꞈ-ehˇ maˬ paˇ kʼaˆ dzehˬ nya-aˇ. “Nawˇ jah-eu nui ma maˬ ziꞈ naˇ, aˇ yamˬ gʼawˬ myahˇ ni maˬ gmˬ-aˇ”

Iˇsaˬyaˇ 8:6

“Tsawˇ haˬ heu deuˬ coꞈ ngehˇ ni yoeˇ luꞈ-eu Shiˇloˆ lawˇ gawˆ-ahˇ byehˇ dzeh-awˇ, sahˬ paˬ Leˬzeˬ hawˇ-eu sahˬ paˬ Peˬkah aˬ nyaꞈ-ahˇ guˆ-awˇ yaw dzuˬ dzuˬ luꞈ-eu meh.

Iˇsaˬyaˇ 9:18

Yaw haiˬ jeˬ miˬ dzaˬ doꞈ doˆ laˇ-awˇ, aˬ gah baw duˆ hawˇ-eu yaˇ saˬ-ahˇ puiˆ tehꞈ-a. Sahˬ kʼaˆ ma-ahˇ doꞈ nyawˬ leˇ-awˇ, uˬ kʼoeˬ mˬ-ahˇ lehˬ yoˆ daˆ leꞈ tehꞈ-a.

Iˇsaˬyaˇ 9:19

Baoˬ huiˬ-eu Sahˬpaˬ Miˬyehˇ-euˬ nui pehˇ baˬ da neh, miˇ kʼahˬ kʼahˬ lah-ehˇ miˬ dzaˬ doꞈ laˇ tehꞈ-a. tsawˇ haˬ zaˬ miˬ dzaˬ miˬ doꞈ loꞈ-ehˇ bi puiˆ dzaˬ-awˇ, mehˇ nmˇ yaw kaˬ gʼawˬ shaˬ maˬ gaˬ nya-aˇ.

Yeˬlaˬmiˇ 6:19

Miˇ tsaˬ tahˬ kʼawˇ-oˇ naˬ bawˇ ciˬ kʼmˇ-awˬ. Tsawˇ haˬ heu deuˬ ngaˬ-euˬ dawˬ-ahˇ maˬ naˇ haˬ-ehˇ, ngaˬ-euˬ zahˇ dawˬ kʼoꞈ dawˬ-ahˇ byehˇ dzeh-euˬ miˇ neh, oꞈ-eu geuˇ-eu loꞈ-ehˇ aˬ yawꞈ maꞈ-ahˇ kʼehˬ-awˇ, luˬ-iˇ seˇ-iˇ-eu jeˬ bi keuˆ le ma.

Yeˬlaˬmiˇ 8:9

Zaˬ siˬ tsawˇ gahˇ ahˇ-eu deuˬ ya shaꞈ dawˇ tehꞈ-a. Baw gʼaꞈ-ahˇ teuˆ lahˇ-euˬ loꞈ-ehˇ ya shaˬ tehꞈ-a. Ngaˬ-euˬ zahˇ dawˬ kʼoꞈ dawˬ-ahˇ byehˇ dzeh gʼaˬ-euˬ-aˬ, zaˬ siˬ tsawˇ gahˇ aˬ geu jeˬ paˇ ahˇ nmˇ.

Yeˬsaˬgeˬlaˇ 15:6

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Bawˇ tsahˬ-ahˇ dehꞈ-eu aˬ gaꞈ ciˇ ni yuˇ-awˇ miˬ dzaˬ-ahˇ dzeh puiˆ-eu loꞈ-ehˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ngaˇ jahˇ nehˬ ma.

Hawˇseˬ 11:9

Ngaˬ-euˬ nui pehˇ huiˬ-eu baˬ da, nawˬ-ahˇ ngaˇ maˬ paˇ kʼehˬ nehˬ ma. Iˇsaˬleˬlaˆ-oˇ, nawˬ-ahˇ ngaˇ, tiˬ jawˇ-iˬ maˬ paˇ laˆ cawˆ ma. Aˬ jeˬ miˇ neh ehˇ naˇ, ngaˇ Miˬyehˇ ma. Tsawˇ haˬ maˬ ngeuˇ. Muiˬ-eu shawˇ-eu gʼaˬ pyeuꞈ-eu ngaˇ, naw maꞈ nehˬ-ehˇ jawˇ-eu gʼaˬ ma. Nui naꞈ nui pehˇ ahˇ-eu laꞈ kʼoeˇ, naw maꞈ jawˇ gaˇ maˬ paˇ oe ma.

Hawˇseˬ 5:12

Kʼoeˇ miˇ neh Iˇsaˬleˬlaˆ-ahˇ, luˬ-iˇ seˇ-iˇ ni ngaˇ jahˇ-awˇ, Yuˇdaˆ tsawˇ haˬ deuˬ-euˬ kʼoeˇ taˆ, yaw cawˆ jeˬ ngaˇ bi keuˆ le ma.

Hawˇseˬ 9:16

Iˇsaˬleˬlaˆ tsawˇ haˬ deuˬ-aˬ, aˇ bawˇ duˬ ciˇ gui-iˇ jiˇ-awˇ, aˇ siˬ maˬ siˬ le-eu loꞈ-ehˇ, zaˬ maˬ jawˇ ni pyeuꞈ-iˇ tehꞈ-a. Tiˬ gʼaˬ na paˇ jawˇ le-euˬ kʼawꞈ, aˬ yawꞈ maꞈ gaˬ-eu zaˬ kʼoeˇ-ahˇ, maˬ bi dzeuˇ-iˇ ni ngaˇ sehꞈ ma.”

Yawˇlaˆ 2:5

Gawˬ jawˬ-ahˇ tsawˬ tsawˬ-ehˇ cah ngeh, mahˬ laˆ lawˬ-euˬ teˇ saˇ loꞈ-ehˇ, shoe loe shuiˇ luiˇ-ehˇ mahˇ laˇ-awˇ, jaˆ gaˆ miˬ dzaˬ puiˆ-eu loꞈ-ehˇ, toeˆ toeˆ tawˆ tawˆ-ehˇ mahˇ-eu meh. Guiˇ deuˆ-eu lehˬ hmˬ dah taˬ-euˬ, guiˇ maꞈ maꞈ ma tiˬ maꞈ loꞈ-ehˇ, aˬ yawꞈ maꞈ yawꞈ cehˆ taˬ-euˬ meh.

Aˬmoˆ 2:4

Sahˬpaˬ Miˬyehˇ ehˇ-eu, “Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Ngaˬ neh mehˬ nehˬ tsoˆ nehˬ-euˬ jeˬ-ahˇ aˬ yawꞈ maꞈ yaw zeu maˬ baw-ehˇ, ngaˬ neh dawˬ biꞈ taˬ-euˬ gaˇ aˬ yawꞈ maꞈ maˬ caw teh geuꞈ-a. Aˬ yawꞈ maꞈ-euˬ aˬ poeˬ aˬ bawˇ deuˬ caw teh-euˬ miˬ yehˇ deuˬ pyeuꞈ-eu, maˬ ngeuˇ-eu miˬ yehˇ kʼoeˇ deuˬ neh aˬ yawꞈ maꞈ-ahˇ gaˇ ma bi sheuˬ bahˬ-euˬ meh.

Aˬmoˆ 2:9

“Ehˇ kʼawꞈ, ngaˬ-euˬ tsawˇ haˬ deuˬ-oˇ, shuˬ liˇ aˇ bawˇ loꞈ-ehˇ goˇ-awˇ tsuiꞈ kaˆ aˇ bawˇ loꞈ-ehˇ deuˇ-eu Aˬmawˇliˆ tsawˇ haˬ deuˬ-ahˇ, naw maꞈ gʼaˇ duˬ ngaˇ laˆ luˬ laˆ seˇ nehˬ jiˇ-euˬ ma.

Naˬhmˬ 1:10

Aˬ gah gʼoˆ yoeˬ jehˆ bymˇ loꞈ-ehˇ, keuˬ dzeh gaˇ nawˇ ya daˬ tehꞈ-a.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Maꞈtehˬ 3:12

Aˬ yawꞈ-euˬ aˬ laꞈ-ahˇ, cehˇ baw shawˇ-eu baw seu tuˆ tehˬ taˬ-euˬ meh. Cehˇ maˇ deuˬ-ahˇ cehˇ jiˇ laꞈ kʼoeˇ pi ahˇ-awˇ, cehˇ kʼawꞈ deuˬ-ahˇ-aˬ, tiˬ jawˇ-iˬ maˬ miˆ-iˇ-eu miˬ dzaˬ tsawˬ bu laꞈ kʼoeˇ baꞈ puiˆ tehꞈ-a.”

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Luˇkaꞈ 3:17

Cehˇ baw shawˇ-awˇ, aˬ yawꞈ-euˬ cehˇ jiˇ laꞈ kʼoeˇ pi ahˇ taˬ-eu gʼaˇ duˬ, aˬ yawꞈ-euˬ aˬ laꞈ-ahˇ baw seu tuˆ tehˬ taˬ-euˬ meh. Ehˇ kʼawꞈ, cehˇ kʼawꞈ hawˇ-eu myaˆ pawꞈ deuˬ-ahˇ-aˬ,tiˬ jawˇ-iˬ maˬ miˆ-iˇ nya-eu miˬ dzaˬ laꞈ kʼoeˇ jehˆ puiˆ tehꞈ-a.”

Luˇkaꞈ 7:30

Ehˇ kʼawꞈ, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Miˬyehˇ neh aˬ yawꞈ maꞈ gʼaˇ duˬ lehˬ hmˬ taˬ-euˬ jeˬ-ahˇ maˬ ha geuꞈ-ehˇ, Yoˇhaˬ neh iˇ cuꞈ maˬ bi shawˇ ni jawˇ-euˬ meh.

Yoˇhaˬ 12:48

Ngaˬ-ahˇ maˬ ha geuꞈ-ehˇ ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-ahˇ yaˇ kʼaˬ daˇ-eu gʼaˬ jawˇ meh. Miˇ tsaˬ heu aˇ saˬ saˬ ngeh nah, ngaˬ neh ngehˬ dzeuˇ-euˬ dawˬ heu deuˬ aˬ yawꞈ-ahˇ yaˇ kʼaˬ daˇ tehꞈ-a.

Gʼaˬkʼehˇ 13:41

‘Dawˬ doeˇ ngehˬ-eu deuˬ haw taˬ-awˬ. Zahˬ dui dui leˇ-awˇ shiˇ tsehˆ-awˬ. Aˬ jeˬ miˇ neh ehˇ naˇ, iˬ nah ngaˇ mˇ-eu gʼeh-eu heu, aˬ cawˬ naw maꞈ-ahˇ ehˇ-euˬ kʼawꞈ, naw maꞈ ngeuˇ meh lehˇ maˬ duˇ-a’ lehˇ ehˇ taˬ-euˬ meh.”

Dawˬmehˬ 28:24

Uˬ yehˇ bi yehˇ le-eu dah zaˇ, nawˇ ya luˬ ya seˇ-iˇ ngeh keuˆ ni, jaˬ lehˇ lehˇ ma bi baw laˇ-awˇ, kʼaˬ lehˇ hawˇ-eu kʼaˇ shuiꞈ bi hehˇ ahˇ laꞈ tehꞈ-a.

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

1 Saˬmeuˬlaˆ 15:23

Aˬ yawꞈ-ahˇ puiˬ-eu jeˬ-aˬ, jaˬ nehꞈ pyehˬ-eu naˆ ni doeˇ-awˇ, nui ma gʼahˇ-eu jeˬ-aˬ, miˬ yehˇ nui gʼaˬ-ahˇ uˬ duˬ tahˬ-eu naˆ ni iˬ baˇ huiˬ-eu meh. Sahˬpaˬ Miˬyehˇ-euˬ dawˬ-ahˇ nawˇ byehˇ dzeh-euˬ miˇ neh, nawˬ-ahˇ sahˬ paˬ lehˇ maˬ paˇ sawˇ nehˬ ni, aˬ yawꞈ gʼeh nawˬ-ahˇ byehˇ dzeh-euˬ meh.”

1 Saˬmeuˬlaˆ 15:26

Saˬmeuˬlaˆ ehˇ-eu, “Nawˬ nehˬ-ehˇ ngaˇ maˬ gʼoꞈ leˇ. Sahˬpaˬ Miˬyehˇ-euˬ dawˬ-ahˇ nawˇ byehˇ dzeh-euˬ miˇ neh, nawˬ-ahˇ Iˇsaˬleˬlaˆ tsawˇ jeuˬ-euˬ sahˬ paˬ lehˇ aˬ yawꞈ maˬ paˇ sawˇ-ehˇ, aˬ yawꞈ nawˬ-ahˇ byehˇ dzeh gʼaˬ-euˬ meh.”