Iˇsaˬyaˇ 5:22 - Akha

²² Jiˇ baˬ dawˇ-eu aˬ cawˬ taꞈ-ehˇ dzehˬ-awˇ, jiˇ baˬ jiˇ keuˬ maˬ guˆ ni dawˇ peuˬ-eu tsawˇ haˬ deuˬ, ya noeˬ shaˬ dui dui tehꞈ-a.

Iˇsaˬyaˇ 5:22 ပူးပေါင်းရင်းမြစ်များ

1 Sahˬpaˬ 20:16

Nah loˆ ceh laˇ-awˇ, Beˬhaˬdaˇ hawˇ-eu aˬ yawꞈ-ahˇ nui ma taꞈ-eu sahˬ paˬ kʼoeˇ smˬ tseˇ nyiꞈ gʼaˬ aˬ yawꞈ maꞈ-euˬ sehˬ gʼawˆ laꞈ kʼoeˇ dzaˬ yehꞈ dawˇ yehꞈ luꞈ ngeh, guiˇ deuˆ dahˬ beh-euˬ meh.

Doˆ-iˇ 23:8

Aˬ cawˬ nawˬ-ahˇ laꞈ nmꞈ nmꞈ-eu pyuˇ nawˇ maˬ ya ha geuꞈ-a. Aˬ jeˬ miˇ neh ehˇ naˇ, laꞈ nmꞈ nmˬ nehˬ-eu jeˬ-aˬ, yaw tsaˬ yaw dawˇ jeˬ-ahˇ maˬ mawˇ nya ni, tsawˇ haˬ zaˬ-ahˇ myaˆ behꞈ bi behꞈ-iˇ-awˇ, iˬ baˇ maˬ ahˇ-eu tsawˇ haˬ deuˬ-ahˇ iˬ baˇ ahˇ-eu tsawˇ haˬ loꞈ-ehˇ bi pyeuꞈ-iˇ nya-eu meh.

Dawqdaq 20:1

Jiˇ baˬ dawˬ oeˬ lahˬ. Dzaˬ yehꞈ dawˇ yehꞈ dawˬ ja dmˬ gahˬ. Jiˇ baˬ gʼaˬ zaˬ tsawˇ haˬ dawˇ ga.

Dawqdaq 23:29

Yawˬ haˇ yawˬ ha nui ma cawˆ-eu tsawˇ haˬ, nui saˇ maˬ oꞈ-eu tsawˇ haˬ, aˬ cawˬ-ahˇ ceh cawˬ cawˬ-eu tsawˇ haˬ, aˬ cawˬ-ahˇ nui kʼahˇ maˬ shiˇ-eu dawˬ ngehˬ-eu tsawˇ haˬ, myaˆ nuiˆ neˇ kah ni gʼeh-eu tsawˇ haˬ, gaˇ dahˇ maˬ tsoeˬ gaˇ laˆ tahˬ laˆ naˇ-eu tsawˇ haˬ aˬ suˇ gʼaˬ-a.

Dawqdaq 31:4

Leˬmoeˬlaˇ-oˇ, naˇ haˬ-awˬ. Sahˬ paˬ geuꞈ-eu tsawˇ haˬ jiˇ baˬ hawˇ-eu aˬ gaꞈ dzaˇ uiˇ-ahˇ gaˬ-eu nui ma maˬ ya bi ahˇ-a.

Dawqdaq 31:5

Aˬ yawꞈ maꞈ jiˇ baˬ dawˇ ngeh, zahˇ sahˇ kʼoꞈ-ahˇ ngehˇ jiˇ-awˇ, shaˬ-eu zahˬ-eu tsawˇ haˬ deuˬ gʼaˇ duˬ yaw tsaˬ yaw dawˇ dawˇ-ehˇ maˬ shaˇ noeˬ nehˬ nya-a.

Iˇsaˬyaˇ 22:13

Ehˇ kʼawꞈ, nawˇ uiˇ-awˇ bawˬ-iˬ gʼeh-eu laꞈ kʼoeˇ, yawˇ hawˇ-eu mawˇ neˇ sehꞈ-awˇ, aˬ gaꞈ dzaˇ uiˇ lehˬ hmˬ taˬ-awˇ, dzaˬ byawˬ dawˇ byawˬ byawˬ gʼa tehꞈ-a. “Ni shawˬ shiˇ-eu keuˆ le-euˬ-aˬ, iˬ nah dzaˬ byawˬ dawˇ byawˬ byawˬ ma” lehˇ nawˇ ehˇ tehꞈ-a.

Iˇsaˬyaˇ 24:9

Aˬ gaꞈ dzaˇ uiˇ dawˇ-awˇ caˇ dawˬ caˇ-eu maˬ paˇ baw-ehˇ, aˬ gaꞈ dzaˇ uiˇ maˬ paˇ dawˇ kuiˇ nya meh.

Iˇsaˬyaˇ 28:7

Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ, jiˇ baˬ yehꞈ-awˇ yawꞈ lawꞈ gʼaˇ laˇ-ehˇ cah-eu meh. Aˬ yawꞈ maꞈ jiˇ baˬ yehꞈ dui dui-eu miˇ neh, tiˬ jeˬ-iˬ maˬ duˬ maˬ ciˇ-a. Miˬyehˇ gʼaˇ duˬ ngehˬ dah-eu deuˬ jiˇ baˬ yehꞈ-eu miˇ neh, Miˬyehˇ pah mehˬ-eu jeˬ-ahˇ maˬ mawˇ duˬ nya-a. Piˇ ma deuˬ jiˇ baˬ yehꞈ-eu baˬ da neh, yaw tsaˬ yaw dawˇ dawˇ-ehˇ yaˇ kʼaˬ maˬ daˇ nya-a.

Iˇsaˬyaˇ 5:11

Uˬ shawˬ yaw naꞈ-ehˇ tuˇ-awˇ jiˇ baˬ dawˇ-awˇ, uˬ ciꞈ mya-iˇ ngeh keuˆ ni dawˇ yehꞈ-eu tsawˇ haˬ deuˬ, ya noeˬ shaˬ dui dui tehꞈ-a.

Iˇsaˬyaˇ 56:12

Aˬ yawꞈ maꞈ heu loꞈ-ehˇ ehˇ-eu meh. ‘Aˬ dui jiˇ baˬ kʼaˇ uiˬ taˬ-awˇ, kʼaˇ dawˇ coeˇ-eu dawˇ haw kaˇ-euˇ. Iˬ nah maˬ tseˇ ni shawˬ dehꞈ byawˬ dzehˬ ma’ ”

Haˬbaˬkuˆ 2:15

Aˬ cawˬ-ahˇ jiˇ baˬ laˆ yehꞈ-awˇ, neˇ myawˆ ni teuˆ gaˇ haw-eu lehˇ, nawˇ jiˇ baˬ kʼaˇ-euˬ baˬ da neh, yaw kʼaˆ-ehˇ ya noeˬ shaˬ tehꞈ-a.