Iˇsaˬyaˇ 5:21 - Akha

²¹ Yawˬ haˇ yawˬ ha tsawˇ gahˇ ahˇ ma lehˇ noeˬ-awˇ, yawˬ haˇ yawˬ ha bym ma lehˇ noeˬ-eu deuˬ, ya noeˬ shaˬ dui dui tehꞈ-a.

Iˇsaˬyaˇ 5:21 ပူးပေါင်းရင်းမြစ်များ

Yawˇbaˆ 11:12

Bawˇ tsahˬ mahˬ tahˬ laˆ yah dehˬ ni baw doˆ leꞈ ngeh nah, aˬ dzawˬ aˇ gah deuˬ zaˬ siˬ nui gahˇ ahˇ laˇ tehꞈ-a.

Dawqdaq 26:12

Yawˬ ha maˬ bym gaˇ bym ma lehˇ noeˬ-eu tsawˇ haˬ-aˬ, aˬ dzawˬ aˇ gah naˆ maˬ tseˇ doeˇ-eu meh.

Dawqdaq 26:16

Nymˇ gawˬ aˬ da-aˬ, nui noeˬ kuꞈ-eu tsawˇ haˬ shiꞈ gʼaˬ naˆ maˬ tseˇ maˬ gaˇ dzehˬ ma lehˇ noeˬ-eu meh.

Dawqdaq 3:7

Yawˬ haˇ yawˬ ha yaw gahˇ ma lehˇ taˬ noeˬ. Sahˬpaˬ Miˬyehˇ-ahˇ guˆ-awˇ, yaw haiˬ jeˬ-ahˇ gaˇ jaw jaw-awˬ.

Iˇsaˬyaˇ 10:13

Aˬshuˇliˆ sahˬ paˬ kʼahˬ sehˇ jehˆ-awˇ ehˇ-eu, “Ngaˬ-euˬ gʼaˬ-ahˇ gʼoe-eu laꞈ kʼoeˇ, ngaˇ kʼoeˇ loꞈ-ehˇ mˇ doˆ-euˬ ma. Ngaˇ zaˬ siˬ tsawˇ gahˇ byah-eu miˇ neh, kʼoeˇ loꞈ-ehˇ mˇ pyeuꞈ-euˬ ma. Aˬ cawˬ-euˬ miˇ kaˬ-ahˇ ngaˇ tahˬ paˆ-awˇ, pyuˇ shuiˇ myawˬ gahˬ yuˇ geuꞈ-euˬ ma. Gʼaˬ kʼaˆ-eu mawˇ neˇ mawˇ gaw loꞈ-ehˇ, dzoeˬ dzaˬ-eu sahˬ paˬ deuˬ-ahˇ ngaˇ tahˬ coˬ-euˬ ma.

Iˇsaˬyaˇ 37:23

Aˬ suˇ gʼaˬ-ahˇ nawˇ yehˬ bawˬ sehˇ lu-ehˇ ehˇ-awˇ yaˬ kʼehˇ yaˬ luꞈ te lehˇ noeˬ-eu nya. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, nawˇ yaw zeu maˬ baw te loˇ.

Iˇsaˬyaˇ 40:23

Dzoeˬ dzaˬ sahˬ paˬ-ahˇ aˬ yawꞈ gʼeu ka-awˇ, zaˬ coeˬ zaˬ bi pyeuꞈ-iˇ-euˬ meh.

Iˇsaˬyaˇ 47:10

“Yaw haiˬ jeˬ-ahˇ nawˇ kʼaˬ duˬ ni mˇ-awˇ, nawˬ neh mˇ-euˬ aˬ cawˬ maˬ mawˇ nya-a lehˇ nawˇ noeˬ meh. Nawˬ-euˬ zaˬ siˬ tsawˇ gahˇ nawˬ-ahˇ gaˇ ma sheuˬ bahˬ nehˬ-awˇ, Ngaˇ miˬ yehˇ ma. Ngaˬ-ahˇ duˇ-eu tsawˇ haˬ maˬ jawˇ, lehˇ nawˇ ehˇ meh.

Yoˇhaˬ 9:41

Yeˬsuˇ ehˇ-eu, “Naw maꞈ myaˆ behꞈ law nmˇ-aˬ, iˬ baˇ maˬ ahˇ-aˇ. Ehˇ kʼawꞈ, naw maꞈ myaˆ nuiˇ mawˇ nya ma lehˇ yawˬ haˇ yawˬ ha ehˇ-eu miˇ neh, iˬ baˇ ahˇ-eu meh.”

Lormav 1:22

Yaw gahˇ ma lehˇ yawˬ haˇ yawˬ ha ehˇ kʼawꞈ, aˬ dzawˬ aˇ gah-ahˇ duˇ-eu meh.

Lormav 11:25

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yawˬ haˇ yawˬ ha zaˬ siˬ tsawˇ gahˇ ahˇ ma lehˇ maˬ ya noeˬ ni, zaꞈ taˬ-euˬ yaw tsaˬ yaw dawˇ tiˬ jeˬ naw maꞈ-ahˇ ngaˇ ehˇ nehˬ mawꞈ miˇ-a. Iˇsaˬleˬlaˇ tsawˇ haˬ deuˬ nui ma gʼahˇ-eu kʼoeˇ-aˬ, gʼawˬ myahˇ ni maˬ gmˬ-aˇ. Aˬ cawˬ tsawˇ jeuˬ aˇ myaˆ gʼaˬ bi laˇ byah-eu lehˇ Miˬyehˇ neh noeˬ taˬ-euˬ loꞈ-ehˇ laˇ byah ngeh keuˆ ni gmˬ-eu tehꞈ meh.

Lormav 12:16

Tsawˇ haˬ yawˬ gʼaˬ na luꞈ kʼoeˇ taˆ nui ma tiˬ kawˆ loꞈ-ehˇ taˬ-awˬ. Huiˬ mawꞈ mahˇ mawꞈ-eu nui ma taˬ bi ahˇ. Tsawˇ teˬ zaˬ deuˬ-ahˇ kʼawꞈ cawˬ cawˬ-awˬ. Yawˬ haˇ yawˬ ha zaˬ siˬ tsawˇ gahˇ ahˇ ma lehˇ taˬ noeˬ.