Iˇsaˬyaˇ 5:11 - Akha

¹¹ Uˬ shawˬ yaw naꞈ-ehˇ tuˇ-awˇ jiˇ baˬ dawˇ-awˇ, uˬ ciꞈ mya-iˇ ngeh keuˆ ni dawˇ yehꞈ-eu tsawˇ haˬ deuˬ, ya noeˬ shaˬ dui dui tehꞈ-a.

Iˇsaˬyaˇ 5:11 ပူးပေါင်းရင်းမြစ်များ

2 Saˬmeuˬlaˆ 19:35

Ngaˬ-euˬ aˇ kʼoꞈ yehꞈ tseˇ byah laˇ gʼaˬ-awˇ, tiˬ jeˬ-ahˇ-iˬ byawˬ gʼa mawꞈ-eu nui ma maˬ paˇ ahˇ miˇ-a. Dzaˬ-eu dawˇ-eu jeˬ kʼawꞈ, dzaˇ kuiˇ dzaˇ myehˇ maˬ paˇ siˬ laˇ miˇ-a. Aˬ cawˬ caˇ dawˬ caˇ-eu teˇ saˇ kʼawꞈ, maˬ paˇ gaˬ duˬ laˇ miˇ-a. Kʼoeˇ miˇ neh, nawˬ nehˬ-ehˇ le-eu ehˇ-eu-aˬ, maˇ maˇ ni nawˬ-ahˇ laˆ bahˬ leˇ gaˇ duˇ-eu tehꞈ miˇ-a.

Dawqdaq 20:1

Jiˇ baˬ dawˬ oeˬ lahˬ. Dzaˬ yehꞈ dawˇ yehꞈ dawˬ ja dmˬ gahˬ. Jiˇ baˬ gʼaˬ zaˬ tsawˇ haˬ dawˇ ga.

Dawqdaq 23:32

Yawˬ shawˬ yawˬ noeˬ laˇ ngeh, doꞈ kʼaˆ-eu aˇ lawˇ neh toˆ-euˬ loꞈ-ehˇ jiˇ baˬ kʼoeˇ nawˬ-ahˇ kʼehˬ tehꞈ-a.

Iˇsaˬyaˇ 22:13

Ehˇ kʼawꞈ, nawˇ uiˇ-awˇ bawˬ-iˬ gʼeh-eu laꞈ kʼoeˇ, yawˇ hawˇ-eu mawˇ neˇ sehꞈ-awˇ, aˬ gaꞈ dzaˇ uiˇ lehˬ hmˬ taˬ-awˇ, dzaˬ byawˬ dawˇ byawˬ byawˬ gʼa tehꞈ-a. “Ni shawˬ shiˇ-eu keuˆ le-euˬ-aˬ, iˬ nah dzaˬ byawˬ dawˇ byawˬ byawˬ ma” lehˇ nawˇ ehˇ tehꞈ-a.

Iˇsaˬyaˇ 24:9

Aˬ gaꞈ dzaˇ uiˇ dawˇ-awˇ caˇ dawˬ caˇ-eu maˬ paˇ baw-ehˇ, aˬ gaꞈ dzaˇ uiˇ maˬ paˇ dawˇ kuiˇ nya meh.

Iˇsaˬyaˇ 28:1

Iˇsaˬleˬlaˆ miˇ kʼahˬ kʼoeˇ taˆ, shaˬ zahˬ keuˆ le tehꞈ-a. Jiˇ baˬ yehꞈ-eu aˬ yuiꞈ deuˬ-euˬ uˬ duˬ-ahˇ kʼoˆ luꞈ-eu aˇ yehˆ uˬ kʼoˆ nyoeˬ-iˇ-eu loꞈ-ehˇ, miˇ kʼahˬ-euˬ yaw shehꞈ kʼahˬ sehˇ byoˆ le tehꞈ-a. Kʼahˬ sehˇ huiˬ-eu aˬ yawꞈ maꞈ uˬ duˬ-ahˇ, tsiˇ yaw saw jeˬ lehꞈ taˬ-euˬ kʼawꞈ, jiˇ baˬ yehꞈ-awˇ maˬ noeˬ ni ga-eu meh.

Iˇsaˬyaˇ 28:3

Jiˇ baˬ yehꞈ-eu aˬ yuiꞈ aˬ tsu deuˬ-euˬ yaw shehꞈ kʼahˬ sehˇ, aˬ kuiˇ pehˬ zaˬ neh bi nawˬ tehˬ tehꞈ-a.

Iˇsaˬyaˇ 5:22

Jiˇ baˬ dawˇ-eu aˬ cawˬ taꞈ-ehˇ dzehˬ-awˇ, jiˇ baˬ jiˇ keuˬ maˬ guˆ ni dawˇ peuˬ-eu tsawˇ haˬ deuˬ, ya noeˬ shaˬ dui dui tehꞈ-a.

Iˇsaˬyaˇ 56:12

Aˬ yawꞈ maꞈ heu loꞈ-ehˇ ehˇ-eu meh. ‘Aˬ dui jiˇ baˬ kʼaˇ uiˬ taˬ-awˇ, kʼaˇ dawˇ coeˇ-eu dawˇ haw kaˇ-euˇ. Iˬ nah maˬ tseˇ ni shawˬ dehꞈ byawˬ dzehˬ ma’ ”

Haˬbaˬkuˆ 2:15

Aˬ cawˬ-ahˇ jiˇ baˬ laˆ yehꞈ-awˇ, neˇ myawˆ ni teuˆ gaˇ haw-eu lehˇ, nawˇ jiˇ baˬ kʼaˇ-euˬ baˬ da neh, yaw kʼaˆ-ehˇ ya noeˬ shaˬ tehꞈ-a.

Haˬbaˬkuˆ 2:5

Jiˇ baˬ maˇ tsaꞈ saˇ jaˇ maˬ jawˇ. Aˇ gah kʼoeˇ gah jawˇ naˬ maˬ mˇ. Pyuˇ shuiˇ nui kʼahˇ ciˇ tahˬ miˇ oˆ, aˬ yawꞈ shiˇ ngeh nui kʼahˇ maˬ jiˇ. Tsawˇ jeuˬ dawˬ tawˆ deuˆ gʼaˬ jiˇ-awˇ, miˇ tsaˬ zaˬ paꞈ uiˬ jiˇ-euˬ meh.

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

Lormav 13:13

Nah gʼahˇ yaw bya-ahˇ dehꞈ-eu tsawˇ haˬ deuˬ loꞈ-ehˇ, yaw muiˬ muiˬ-ehˇ dehꞈ gʼeh kaˇ-euˇ. Dzaˬ yehꞈ dawˇ yehꞈ dzaˬ boˆ dawˇ boˆ-eu jeˬ, aˬ cawˬ-euˬ miˬ zaˬ yo zaˬ-ahˇ bahˬ-eu jeˬ, kʼaˬ miˬ sheu-eu jeˬ, iˬ dehˬ iˬ ceh hawˇ-eu myaˆ naˆ-eu jeˬ, heu deuˬ-ahˇ byehˇ dzeh yaꞈ-awˇ dehꞈ daˆ jawˇ daˆ gʼeh kaˇ-euˇ.

1 Gawˇliˬtu 6:10

smˇ kʼoeˬ kʼoeˬ-eu tsawˇ haˬ, nui kʼahˇ huiˬ-eu tsawˇ haˬ, jiˇ baˬ dawˇ yehꞈ-eu tsawˇ haˬ, aˬ cawˬ-ahˇ yehˬ bawˬ sehˇ lu-ehˇ ehˇ-eu tsawˇ haˬ, tahˇ joe joe-eu tsawˇ haˬ, heu deuˬ-aˬ, Miˬyehˇ Miˇkʼahˬ laꞈ kʼoeˇ tiˬ gʼaˬ-iˬ maˬ ya uˇ leˇ-a.

Gaˬlaˬtiˆ 5:21

myaˆ naˆ-eu, dzaˬ yehꞈ dawˇ yehꞈ-eu, maˬ tsaˬ maˬ dawˇ-eu bawˬ-iˬ gʼeh-eu, heu loꞈ-ehˇ gʼeh-eu deuˬ mˇ doˆ laꞈ-eu meh. Kʼoeˇ loꞈ-ehˇ dehꞈ-eu tsawˇ haˬ deuˬ-aˬ, Miˬyehˇ Miˇ kʼahˬ-ahˇ maˬ ya uˇ lehˇ-a lehˇ dzeuˇ laˇ ngeh ngaˬ neh naw maꞈ-ahˇ ehˇ-euˬ loꞈ-ehˇ, nymˬ-mˇ kʼawꞈ tiˬ poˆ paˇ ehˇ-eu ma.

1 Saˬmeuˬlaˆ 25:36

Naˬbaˬlaˇ jawˇ gaˇ Aˬbiˇgeˬlaˆ gʼoꞈ-iˇ ngeh, sahˬ paˬ dzaˬ-eu dzaˬ byawˇ dawˇ gʼawˆ loꞈ-ehˇ saˇ dahˇ taˬ-awˇ, Naˬbaˬlaˇ dzaˬ luꞈ dawˇ luꞈ gaˇ ya mawˇ-euˬ meh. Aˬ yawꞈ dzaˬ yehꞈ dawˇ yehꞈ taˬ-euˬ miˇ neh, yawˬ nah yawˬ uˬ shawˬ paw keuˆ ni tiˬ jeˬ-iˬ maˬ ehˇ nehˬ ni jawˇ-euˬ meh.