Iˇsaˬyaˇ 49:21 - Akha

²¹ Kʼoeˇ ngeh nawˇ yawˬ haˇ yawˬ ha heu loꞈ-ehˇ ehˇ tehꞈ-a. ‘Ngaˬ-euˬ gʼaˇ duˬ zaˬ heu deuˬ-ahˇ aˬ suˇ gʼaˬ neh puˬ byah taˬ ta. Ngaˬ-euˬ zaˬ deuˬ byoˆ-iˇ jiˇ-awˇ aˇ dzehˬ maˬ paˇ jawˇ ma. Ngaˬ-ahˇ aˬ cawˬ paꞈ-awˇ bi tsahˇ byoˆ gʼeh-euˬ ma. Zaˬ heu deuˬ-ahˇ aˬ suˇ gʼaˬ paˇ sheuˬ uiˬ laꞈ taˬ. Ngaˇ tiˬ gʼaˬ tehꞈ-ehˇ dzeˇ yaꞈ-euˬ maˬ ngeuˇ-a loˇ. Zaˬ heu deuˬ aˬ geu gaˇ paˇ doˆ le taˬ.’ ”

Iˇsaˬyaˇ 49:21 ပူးပေါင်းရင်းမြစ်များ

Iˇsaˬyaˇ 1:8

Yeˬluˇsaˬlehˬ meuˬ tiˬ meuˬ dzeˇ-eu kʼawꞈ, aˬ cawˬ neh bi jawˬ lahˇ taˬ-awˇ, aˬ gaꞈ yaˇ kmˇ-ahˇ gʼawˆ taˬ-euˬ sehˬ gʼawˆ hawˇ-eu siˬ kʼoˬ kʼoˬ yaˇ-ahˇ jaˆ-eu yaˇ cmˇ loꞈ-ehˇ tiˬ jeˬ-iˬ maˬ mˇ doˆ luꞈ-a.

Iˇsaˬyaˇ 27:10

Ziꞈ dah ni gʼeh-eu meuˬ deuˬ byaˆ-iˇ-awˇ, bawˇ tsahˬ bawˇ dahˇ pyeuꞈ-iˇ tehꞈ-a. Meuˬ kʼoeˇ deuˬ jeˬ zaˬ gaˆ kʼahˬ pyeuꞈ-iˇ jiˇ-awˇ, jeˬ zaˬ deuˬ kʼoeˇ gaˇ yuꞈ tehꞈ-a.

Iˇsaˬyaˇ 29:23

Naw maꞈ zaˬ oeˬ sahˇ le ngeh jawˇ, ngaˬ-euˬ guiˬ lahˬ-ahˇ noeˬ mawˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ meh lehˇ, ngaˬ-ahˇ naw maꞈ siˬ duˬ-eu baˬ da neh, ngaˬ-euˬ mehˬ shi zahˬ leˇ-awˇ yawꞈ-eu laꞈ kʼoeˇ, ngaˬ-ahˇ taˬ huiˬ taˬ mahˇ tehꞈ-a.

Iˇsaˬyaˇ 3:26

Meuˬ meuˬ lahˇ tsawˇ ngoeˇ ngoeˇ-awˇ, meuˬ-euˬ jawˬ gʼehˇ dzawˇ ngeh, neˇ myawˆ ni miˇ tsa nuiˇ-eu zaˬ miˬ zaˬ-ahˇ duˇ tehꞈ-a.

Iˇsaˬyaˇ 5:13

Ngaˬ-euˬ tsawˇ haˬ deuˬ maˬ noeˬ siˬ maˬ noeˬ mawˇ nya-eu miˇ neh, aˬ cawˬ tsawˇ jeuˬ neh bi nyehꞈ gʼeh tehꞈ-a. Aˬ yawꞈ maꞈ-euˬ aˬ yuiꞈ aˬ tsu deuˬ hawˬ dzahˬ sehꞈ-awˇ, zaˬ lahˇ deuˬ iˇ cuꞈ mehꞈ sehꞈ tehꞈ-a.

Iˇsaˬyaˇ 52:2

Yeˬluˇsaˬlehˬ meuˬ-oˇ, kʼaˬ lehˇ byuˬ kʼaˇ dzeh-awˬ. Kʼaˬ lehˇ tsahˬ-ahˇ neh tuˇ laˇ-awˇ, dzoeˬ dzaˬ nuiˇ mahˬ kʼoeˇ taˆ nuiˇ-awˬ. Paꞈ tawꞈ taˬ-euˬ Ziˇoˬ meuˬ zaˬ deuˬ-oˇ, shmˇ caˆ tseuˆ puiˇ dzeh-awˬ.

Iˇsaˬyaˇ 60:15

“Nawˬ-ahˇ bye-awˇ byehˇ dzeh-euˬ kʼawꞈ, meuˬ tsoeˬ bi tsoeˬ-iˇ-awˇ ciˬ cuˇ ni jaˆ-euˬ kʼawꞈ, tsawˇ myahˇ huiˬ-awˇ muiˬ dui dui-eu meuˬ paˇ bi pyeuꞈ laˇ-awˇ, tseˇ ziˇ zaˇ ziˇ laˬ kʼaˬ cehˇ-eu jawˇ duˬ bi pyeuꞈ laˇ ma.

Iˇsaˬyaˇ 60:8

Mˬ dmˇ loꞈ-ehˇ zaw gaˇ duˇ-awˇ, yaˇ miˇ kʼaˬ kʼoeˬ nymˇ-ahˇ gʼoꞈ uˇ leˇ gaˇ duˇ-eu, saˇ baoˬ kʼoeˇ deuˬ aˬ gaˇ-euˬ saˇ baoˬ-a.

Iˇsaˬyaˇ 62:4

Paˬ tseuˆ bi tseuˆ dzeh-euˬ zaˬ lehˇ nawˬ-ahˇ maˬ paˇ kuˇ meh. Nawˬ-euˬ miˇ kʼahˬ-ahˇ kʼawꞈ, “meuˬ meuˬ tsoeˬ” lehˇ maˬ paˇ kuˇ meh. “Miˬyehˇ nui kʼahˇ shiˇ-eu gʼaˬ” lehˇ nawˬ-ahˇ ya kuˇ paˇ-awˇ, nawˬ-euˬ miˇ kʼahˬ-euˬ tsawˇ myahˇ yaw shuiꞈ-aˬ, “Laˬ kʼaˬ tiˬ cehˇ sheuˬ dahˬ dzaˬ-euˬ” lehˇ meh. Aˬ jeˬ miˇ neh ehˇ naˇ, Sahˬpaˬ Miˬyehˇ nawˬ-ahˇ nui kʼahˇ shiˇ-awˇ, nawˬ-euˬ miˇ kʼahˬ hawˇ-eu aˬ yawꞈ, miˬ zaˬ yo zaˬ-ahˇ duˇ-eu meh.

Iˇsaˬyaˇ 64:10

Nawˬ-euˬ muiˬ-eu shawˇ-eu meuˬ deuˬ, bawˇ tsahˬ bawˇ dahˇ pyeuꞈ jiˇ-euˬ meh. Yeˬluˇsaˬlehˬ hawˇ-eu Ziˇoˬ meuˬ tsoeˬ tsoeˬ-iˇ-euˬ meh.

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

Lormav 11:24

Bawˇ tsahˬ-ahˇ dehꞈ-eu saˬ loˬ aˇ bawˇ-euˬ uˬ laꞈ pyeuꞈ-eu Yuˇdaˆ tsawˇ haˬ maˬ ngeuˇ-eu naw maꞈ-ahˇ deuˆ tsehˆ laꞈ-awˇ, tsawˇ haˬ neh ka taˬ-euˬ saˬ loˬ aˇ bawˇ-ahˇ tsaꞈ nehˬ-eu jeˬ pyeuꞈ-eu, tiˬ jawˇ-iˬ maˬ gaˬ haw-euˬ jeˬ-ahˇ Miˬyehˇ mˇ nya-eu-aˬ, ka taˬ-euˬ saˬ loˬ aˇ bawˇ-euˬ uˬ laꞈ pyeuꞈ-eu Yuˇdaˆ tsawˇ haˬ deuˬ-ahˇ aˬ yawꞈ yaw oeˇ kʼoeˇ bawˇ-ahˇ paˇ tsaꞈ kʼoꞈ nehˬ-eu kʼoeˇ-aˬ, Miˬyehˇ gʼaˇ duˬ awˬ dui dui tehꞈ-a.

Gaˬlaˬtiˆ 3:29

Naw maꞈ Ka li-euˬ tsawˇ haˬ ngeuˇ naˇ, Aˬbyaˬhaˬ-euˬ zaˬ deuˬ uˆ deuˬ lehˇ sawˇ nya-eu miˇ neh, Miˬyehˇ neh saˇ jaˇ dzaˬ taˬ-euˬ jeˬ biˇ za tehꞈ-a.