Iˇsaˬyaˇ 48:7 - Akha

⁷ Nymˬ-mˇ hawˇ-eu gaˇ kawˆ kʼoeˇ deuˬ bi pyeuꞈ doˆ laˇ-euˬ ma. Dzeuˇ laˇ ngeh kʼoeˇ loꞈ-ehˇ gʼeh-eu jeˬ maˬ pyeuꞈ laˇ haw-aˬ. Dzeuˇ laˇ ngeh pyeuꞈ yaꞈ-euˬ gaˇ kawˆ pyeuꞈ law nmˇ-aˬ, gaˇ kawˆ heu nawˇ siˬ jiˇ ma lehˇ ehˇ tehꞈ-a.

Iˇsaˬyaˇ 48:7 ပူးပေါင်းရင်းမြစ်များ

Yawˇbaˆ 32:13

Naw maꞈ tsawˇ gahˇ poˆ mawˇ taˬ-euˬ ma lehˇ, aˬ joˆ-ehˇ ehˇ nya te. Yawˇbaˆ-ahˇ naw maꞈ maˬ ja gʼaˬ nya-eu miˇ neh, Miˬyehˇ ya ja gaˇ keuˆ tehꞈ-a.

Iˇsaˬyaˇ 48:6

“Ngaˬ neh kʼaˇ ehˇ taˬ-euˬ pyeuꞈ laˇ jiˇ-euˬ miˇ neh, ngaˬ neh ngehˬ dzeuˇ-euˬ dawˬ tsaˬ-eu gaˇ kawˆ, nawˇ aˬ jeˬ ehˇ kʼaˇ paˇ za te. Nymˬ-mˇ poˆ jawˇ, aˬ kaˇ pyeuꞈ laˇ-eu gaˇ kawˆ deuˬ, dzeuˇ laˇ ngeh ngaˇ maˬ pah mehˬ-euˬ gaˇ kawˆ kʼoeˇ deuˬ, nawˬ-ahˇ ngaˇ paˇ ehˇ nehˬ-eu ma.

Iˇsaˬyaˇ 48:8

Nawˬ-ahˇ maˬ jah coeˇ-eu ngaˇ siˬ nya ma. Dehꞈ le ngeh neh ngaˬ-ahˇ puiˬ-eu tsawˇ haˬ lehˇ bi kuˇ-euˬ meh. Kʼoeˇ miˇ neh gaˇ kawˆ heu nawˇ tiˬ jawˇ-iˬ maˬ ya gaˬ haw-ehˇ, nawˬ-euˬ naˬ bawˇ-ahˇ dawˬ tiˬ dawˬ-iˬ maˬ ahˇ leˇ haw-aˬ.

Iˇsaˬyaˇ 49:7

Aˬ cawˬ noeˬ teˬ gaˇ ya daˬ-awˇ, miˇ kʼahˬ tsawˇ jeuˬ deuˬ bye dui dui-eu gʼaˬ pyeuꞈ-eu, sahˬ paˬ sahˬ ma deuˬ-euˬ zaˬ kʼaˆ pyeuꞈ-eu gʼaˬ-ahˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu ka kʼoꞈ-eu gʼaˬ heu loꞈ-ehˇ ehˇ nehˬ-euˬ meh. “Nawˇ buˬ-iˇ gaˇ sahˬ paˬ deuˬ ya mawˇ-awˇ, tuˇ-awˇ nawˬ-ahˇ yaw zeu ya baw tehꞈ-a. Sahˬ paˬ zaˬ yo deuˬ kʼawꞈ nawˬ-ahˇ mawˇ ngeh, awˆ byaˆ-awˇ taˬ huiˬ tehꞈ-a.” Sahˬpaˬ Miˬyehˇ aˬ yawꞈ-euˬ zaˬ kʼaˆ-ahˇ tseˇ doˆ nehˬ-euˬ miˇ neh, kʼoeˇ loꞈ-ehˇ ya pyeuꞈ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ-aˬ, aˬ yawꞈ-euˬ saˇ jaˇ dawˬ-ahˇ ziꞈ-eu meh.