Iˇsaˬyaˇ 48:19 - Akha

¹⁹ Naw maꞈ-euˬ o neh jeuˬ le o le-euˬ zaˬ deuˬ uˆ deuˬ, kʼaˇ shuiꞈ loꞈ-ehˇ maˬ gui jiˇ coeˇ gaˇ keuˆ ni myaˬ-awˇ, aˬ yawꞈ maꞈ maˬ ya cawˆ-iˇ ni, ngaˇ kamˬ tsehˆ nehˬ-euˬ baw tehꞈ-a.”

Iˇsaˬyaˇ 48:19 ပူးပေါင်းရင်းမြစ်များ

Aˇ dahˬ 13:16

Nawˬ-euˬ zaˬ nawˬ-euˬ uˆ deuˬ-ahˇ, tsawˇ haˬ tiˬ gʼaˬ-iˬ maˬ gui jiˇ coeˇ gaˇ keuˆ ni ngaˇ bi jeuˬ bi o le ma. Miˇ tsaˬ kʼaˇ shuiꞈ-ahˇ maˬ gui jiˇ nya-eu loꞈ-ehˇ, nawˬ-euˬ zaˬ nawˬ-euˬ uˆ deuˬ-ahˇ maˬ gui jiˇ nya-aˇ.

Aˇ dahˬ 22:17

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.

1 Sahˬpaˬ 9:7

ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ, ngaˬ neh biꞈ taˬ-euˬ miˇ kʼahˬ laꞈ kʼoeˇ maˬ paˇ bi jawˇ ma. Ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ, ngaˬ neh bi muiˬ bi shawˇ laˇ-euˬ Uˬ duˬ tahˬ nymˇ nymˇ ma heu nymˇ-ahˇ kʼawꞈ, ngaˇ byehˇ dzeh yaꞈ ma. Yawˬ gaˇ na luꞈ jawˇ-eu tsawˇ haˬ deuˬ Iˇsaˬleˬlaˆ tsawˇ haˬ-ahˇ yehˬ bawˬ-ehˇ ehˇ niˇ gʼa-awˇ, yaw zeu maˬ baw ni ja bu ja doeˇ tehꞈ-a.

Yawˇbaˆ 5:25

Nawˬ-euˬ zaˬ nawˬ-euˬ uˆ deuˬ deh ga-ahˇ dehꞈ-eu yaˇ moꞈ loꞈ-ehˇ myaˬ laˇ behˇ laˇ tehꞈ-a.

Jaceuq 109:13

Aˬ yawꞈ-euˬ zaˬ deuˬ uˆ deuˬ shiˇ jiˇ-awˇ, zaˬ ziˇ-ahˇ aˬ yawꞈ-euˬ tsawˇ myahˇ byoˆ-iˇ luꞈ-uˇ.

Jaceuq 9:5

Miˇkʼahˬtsawˇjeuˬ-ahˇnawˇmuiˇ-awˇ, yaw haiˬdeuˬ-ahˇ laˆcawˆ-euˬ meh. Yawꞈmaꞈtsawˇmyahˇmiˇtsaˬ kʼoeˇtaˆ, byoˆtsehˆ-iˇni jahˇ nehˬ-euˬ meh.

Iˇsaˬyaˇ 10:22

Nymˬ-mˇ Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ dui dui kʼawꞈ, ui cuiˆ tehꞈ-ehˇ gʼoꞈ doˆ laˇ tehꞈ-a. Luˬ-iˇ seˇ-iˇ-eu jeˬ kʼaˬ dahˇ tiˬ byah ni lehˬ hmˬ taˬ-euˬ loꞈ-ehˇ, nui kʼahˇ tiˬ shiˇ bi keuˆ le-euˬ meh.

Iˇsaˬyaˇ 14:22

Baoˬ huiˬ-eu Sahˬpaˬ Miˬyehˇ ehˇ-eu, “Baˬbuˇloˬ meuˬ-ahˇ ngaˇ guiˇ deuˆ-awˇ, laˆ luˬ laˆ seˇ nehˬ ma. Zaˬ yaw nyiˇ tiˬ gʼaˬ-ahˇ keuˆ ni maˬ taˬ nehˬ-ehˇ, tiˬ gʼaˬ-iˬ maˬ bi dzeuˇ-iˇ-eu uˬ taꞈ, mˇ myawˬ tiˬ hmˬ-iˬ maˬ bi dzeˇ yaꞈ ni laˆ cawˆ nehˬ-awˇ, tsawˇ myahˇ bi byoˆ-iˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Iˇsaˬyaˇ 44:3

“Iˇ cuꞈ mehꞈ-eu miˇ kʼahˬ-ahˇ ngaˇ iˇ cuꞈ biꞈ-awˇ, miˇ tsaˬ gui gaˇ lawˇ gawˆ bi yoeˇ le ma. Nawˬ-euˬ zaˬ deuˬ uˆ deuˬ kʼoeˇ taˆ ngaˇ baoˬ shehˆ daˆ nehˬ-awˇ, nawˬ-eu zaˬ deuˬ uˆ deuˬ-ahˇ ngaˇ guiˬ lahˬ biꞈ ma.

Iˇsaˬyaˇ 44:4

Iˇ cuꞈ jaˆ gaˇ dehꞈ-eu yaˇ moꞈ loꞈ-ehˇ aˬ yawꞈ maꞈ mehˇ laˇ-awˇ, lawˇ gawˆ dawˬ peh dehꞈ-eu iˇ nmˬ aˇ bawˇ-ahˇ duˇ tehꞈ-a.

Iˇsaˬyaˇ 48:9

“Ngaˬ-euˬ tsawˇ myahˇ baˬ da neh nui pehˇ ngaˇ dzahˬ tehˬ-awˇ, ngaˬ-ahˇ ja ceuˬ-eu jeˬ baˬ da neh ngaˇ oˇ oꞈ-awˇ, nawˬ-ahˇ maˬ laˆ cawˆ ni taˬ nehˬ-euˬ ma.

Iˇsaˬyaˇ 54:3

Nawˬ-euˬ miˇ kaˬ yawˬ pyawˬ na luꞈ teh jiˆ taˬ-awˬ. Aˬ cawˬ tsawˇ jeuˬ neh ceh geuꞈ taˬ-euˬ miˇ tsaˬ deuˬ, nawˬ-euˬ tsawˇ haˬ deuˬ paˇ za kʼoꞈ tehꞈ-a. Meuˬ tsoeˬ tsoeˬ-iˇ-euˬ meuˬ kʼoeˇ deuˬ, tsawˇ haˬ paˇ jawˇ byah jiˇ tehꞈ-a.

Iˇsaˬyaˇ 56:5

Zaˬ jawˇ-eu naˆ maˬ tseˇ muiˬ-eu tsawˇ myahˇ biꞈ-awˇ, ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ, mˬ maˬ maˬ byaˆ zaˇ ziˇ maˬ ngehˇ ni bi jaˆ ma.

Iˇsaˬyaˇ 66:22

“Ngaˬ-euˬ baoˬ baˬ da neh, mˬ yaw shuiꞈ hawˇ-eu miˇ kʼahˬ yaw shuiꞈ maˬ cawˆ-iˇ ni ziꞈ-eu loꞈ-ehˇ, naw maꞈ-euˬ zaˬ deuˬ uˆ deuˬ hawˇ-eu naw maꞈ-eu tsawˇ myahˇ, maˬ cawˆ-iˇ ni ziꞈ tehꞈ-a.

Iˇsaˬyaˇ 9:14

Iˇsaˬleˬlaˆ tsawˇ haˬ hawˇ-eu aˬ yawꞈ maꞈ-euˬ aˬ yuiꞈ aˬ tsu deuˬ-ahˇ, uˬ duˬ hawˇ-eu dawˬ miˬ toˆ tsehˆ dzeh-awˇ, tiˬ nah laꞈ kʼoeˇ Sahˬpaˬ Miˬyehˇ laˆ cawˆ nehˬ jiˇ tehꞈ-a.

Yeˬlaˬmiˇ 33:22

Mˬ taˆ tsehˬ-eu aˬ guiˇ hawˇ-eu laˆ shaˆ lawˇ deh kʼaˇ shuiꞈ maˬ gui jiˇ coeˇ-eu loꞈ-ehˇ, ngaˬ-euˬ zaˬ kʼaˆ Daˬbiˇ-euˬ zaˬ deuˬ uˆ deuˬ hawˇ-eu, Leˬbiˇ tsawˇ jeuˬ laꞈ kʼoeˇ piˇ ma geuꞈ-eu tsawˇ haˬ deuˬ, maˬ gui jiˇ coeˇ gaˇ keuˆ ni bi jeuˬ bi o le ma.”

Hawˇseˬ 1:10

Iˇsaˬleˬlaˆ tsawˇ haˬ deuˬ-aˬ, iˬ ma laˆ shaˆ kʼaˇ shuiꞈ loꞈ-ehˇ maˬ gui jiˇ coeˇ ni myaˬ laˇ tehꞈ-a. “Naw maꞈ ngaˬ-euˬ tsawˇ haˬ maˬ ngeuˇ” lehˇ, iˬ nah aˬ yawꞈ maꞈ-ahˇ Miˬyehˇ ehˇ kʼawꞈ, “Naw maꞈ-aˬ, dehꞈ luꞈ-eu Miˬyehˇ-euˬ zaˬ deuˬ meh” lehˇ, aˬ yawꞈ maꞈ-ahˇ aˬ yawꞈ paˇ ehˇ-eu aˇ nah keuˆ le tehꞈ-a.

Zeˬpaˬniˇ 1:4

Yuˇdaˆ miˇ kʼahˬ-ahˇ laˆ cawˆ-awˇ, Yeˬluˇsaˬlehˬ-ahˇ kʼaˇ jawˇ-eu, tsawˇ haˬ deuˬ-ahˇ kʼehˬ-eu gʼaˇ duˬ, ngaˬ-euˬ aˬ laꞈ ngaˇ cawˬ doˆ ma. Maˬ byoˆ maˬ laˆ ni dzeˇ luꞈ-eu, Baˬlaˇ-ahˇ uˬ duˬ tahˬ-eu jeˬ, ngaˇ laˆ luˬ laˆ seˇ byoˆ jiˇ-awˇ, aˬ yawꞈ-euˬ piˇ ma kʼoeˇ deuˬ-euˬ, tsawˇ myahˇ maˬ paˇ ya gaˬ haw-aˇ.

Lormav 9:27

Iˇsaˬ leˬ laˇ tsawˇ jeuˬ gaˇ kawˆ Iˇsaˬyaˇ neh heu loꞈ-ehˇ ehˇ taˬ-euˬ meh. “Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaꞈ kʼawꞈ, ka kʼoꞈ-eu jeˬ za-eu tsawˇ haˬ cuiˆ dui dui tehꞈ-a.

Dawˬmehˬ 9:14

“Sahˬpaˬ Miˬyehˇ ngaˬ-ahˇ paˇ ehˇ-eu, ‘Tsawˇ haˬ heu deuˬ nui ma aˇ naˆ ni gʼahˇ-eu ngaˇ siˬ duˬ-euˬ ma. Aˬ yawꞈ maꞈ-ahˇ laˆ tsoeˬ-eu lehˇ taˬ leh jeh. Tsawˇ haˬ tiˬ gʼaˬ-iˬ aˬ yawꞈ maꞈ-ahˇ maˬ paˇ noeˬ mawˇ coeˇ-ehˇ ngehˇ byoˆ jiˇ gaˇ keuˆ ni, aˬ yawꞈ maꞈ-ahˇ ngaˇ laˆ luˬ laˆ seˇ nehˬ-eu lehˇ gʼeh-eu ma. Kʼoeˇ naˇ, aˬ yawꞈ maꞈ myaˆ maˬ tseˇ myaˬ dzehˬ-awˇ, baoˬ huiˬ dzehˬ-eu tsawˇ jeuˬ tiˬ jeuˬ-euˬ aˬ da, nawˬ-ahˇ ngaˇ paˇ bi pyeuꞈ laˇ ma’ lehˇ ehˇ-eu meh.

Yawˇshuˆ 7:9

Kaˬnaˬ tsawˇ jeuˬ hawˇ-eu miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ jeuˬ yawˬ jeuˬ na luꞈ gaˇ kawˆ heu ya gaˬ tehꞈ-a. Aˬ yawꞈ maꞈ nga maꞈ-ahˇ jawˬ lahˇ-awˇ, nga maꞈ yawˬ gʼaˬ na luꞈ-ahˇ sehꞈ tehꞈ-a. Kʼoeˇ ngeh, nawˬ-euˬ tsawˇ myahˇ maˬ ya cawˆ-iˇ ni nawˇ aˬ joˆ-ehˇ jahˇ nmˇ.”

Luˇta 4:10

Kʼoeˇ uˬ taꞈ, Maˬhaˬloˬ-euˬ nymˇ dahˬ pyeuꞈ-eu Mawˇbaˆ tsawˇ jeuˬ Luˇta kʼawꞈ, ngaˬ-euˬ miˬ zaˬ pyeuꞈ laˇ gʼaˬ-euˬ meh. Kʼoeˇ miˇ neh, myawˬ heu deuˬ dawˬ tawˆ luꞈ, shiˇ dzeuˇ-euˬ gʼaˬ-euˬ nymˇ jiˇ laꞈ kʼoeˇ jaˆ-awˇ, aˬ yawꞈ-euˬ zaˬ deuˬ uˆ deuˬ kʼawꞈ, aˬ yawꞈ-eu tsawˇ haˬ laꞈ kʼoeˇ hawˇ-eu aˬ yawꞈ-euˬ meuˬ laꞈ kʼoeˇ, tsuiꞈ dahˬ maˬ dahˬ-iˇ ni, paˇ jawˇ laˇ tehꞈ-a. Iˬ nah, naw maꞈ-aˬ, gaˇ kawˆ heu hmˬ-euˬ saˇ kiˇ pyeuꞈ-eu meh.”