Iˇsaˬyaˇ 48:18 - Akha

¹⁸ “Ngaˬ-euˬ dawˬ-ahˇ naw maꞈ naˇ haˬ law nmˇ, maˬ gui-iˇ ni yoeˇ-eu lawˇ baˬ tiˬ gawˆ loꞈ-ehˇ, naw maꞈ gʼaˇ duˬ guiˬ lahˬ yoeˇ-awˇ, lawˇ deh-ahˇ tahˬ pymˬ-eu iˇ kʼawˇ loꞈ-ehˇ, gʼaˬ leˇ-eu jeˬ naw maꞈ za-euˬ tehꞈ-a.

Iˇsaˬyaˇ 48:18 ပူးပေါင်းရင်းမြစ်များ

Jaceuq 119:165

Nawˬ-euˬ zahˇ dawˬ kʼoꞈ dawˬ-ahˇ gaˬ-eu deuˬ guˆ kʼaˇ maˬ za-ehˇ, aˬ yawꞈ maꞈ coˬ-iˇ ni maˬ jahˇ nya-a.

Jaceuq 36:8

Baw-eu za-eu nawˬ-euˬnymˇ-ahˇ, aˬyawꞈmaꞈdzaˬdehˆdawˇdehˆ-awˇ, nawˬ-euˬ guiˬlahˬlawˇbaˬyoeˇgaˇ, aˬyawꞈmaꞈya kʼawꞈdawˇ-eu meh.

Iˇsaˬyaˇ 33:21

Sahˬpaˬ Miˬyehˇ-euˬ yaw shehꞈ kʼahˬ sehˇ, aˬ dui-ahˇ bi mawˇ nehˬ laꞈ tehꞈ-a. Muiˇ-eu deuˬ-euˬ saˇ baoˬ maˬ laˇ nya-eu, jeˇ lo ni gʼeh-eu lawˇ baˬ deuˬ dawˬ peh, aˬ dui jawˇ duˬ ya dah tehꞈ-a.

Iˇsaˬyaˇ 42:24

Iˇsaˬleˬlaˆ-ahˇ tahˇ joe bi joe byoˆ leꞈ ni, tahˇ joe laꞈ-ahˇ dehˬ ahˇ nehˬ-euˬ aˬ suˇ gʼaˬ-a. Aˬ dui mˇ bahˬ-euˬ Sahˬpaˬ Miˬyehˇ neh, tahˇ joe laꞈ-ahˇ dehˬ ahˇ nehˬ laꞈ-euˬ meh. Aˬ yawꞈ nui kʼahˇ aˬ dui maˬ dehꞈ byah-ehˇ, aˬ yawꞈ mehˬ gaˇ aˬ dui maˬ naˇ haˬ geuꞈ nehˬ-aˬ.

Iˇsaˬyaˇ 45:8

Gʼaˬ leˇ-eu jeˬ mˬ kʼoeˇ taˆ neh, uˬ yehˇ yehˇ-eu loꞈ-ehˇ ngaˇ pyehˬ ka gaˇ, miˇ tsaˬ kʼawˬ pymˬ pah-awˇ ciˬ kʼmˇ geuꞈ ngeh, buˬ-iˇ law-iˇ-eu jeˬ hawˇ-eu yaw tsaˬ yaw dawˇ, aˇ yehˆ loꞈ-ehˇ poˬ laˇ tehꞈ-a. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loꞈ-ehˇ pyeuꞈ laˇ ni mˇ ma.”

Iˇsaˬyaˇ 54:13

“Nawˬ-euˬ tsawˇ haˬ deuˬ-ahˇ ngaˇ mehˬ nehˬ tsoˆ nehˬ-awˇ, nui saˇ oꞈ-awˇ bi baw bi za le ma.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 61:11

Aˇ yoeˬ-ahˇ aˇ bawˇ dehꞈ laˇ-eu yaw duˬ baw-eu loꞈ-ehˇ, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, aˬ yawꞈ-euˬ tsawˇ jeuˬ-ahˇ ka kʼoꞈ nehˬ-eu yaw duˬ baw-awˇ, tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ tehꞈ-a.

Iˇsaˬyaˇ 62:1

Yeˬluˇsaˬlehˬ meuˬ-ahˇ gʼaˬ biꞈ nehˬ-eu dawˬ ngaˇ ngehˬ ma. Meuˬ kʼoeˇ meuˬ ka kʼoꞈ-eu jeˬ za gʼaˬ-awˇ, aˬ yawꞈ gʼaˬ leˇ-eu jeˬ uˬ ciꞈ bya-eu nahˇ ma nahˇ doꞈ loꞈ-ehˇ maˬ bya laˇ kʼoeˇ keuˆ ni, ngaˇ ciˬ cuˇ ni maˬ jawˇ.

Iˇsaˬyaˇ 66:12

Sahˬpaˬ Miˬyehˇ heu loꞈ-ehˇ ehˇ-eu meh. “Maˬ cawˆ-iˇ nya-eu baw le za le-eu guiˬ lahˬ, naw maꞈ-ahˇ ngaˇ biꞈ ma. Maˬ gui iˇ-eu iˇ cuꞈ lawˇ baˬ loꞈ-ehˇ, miˇ kʼahˬ tsawˇ jeuˬ-euˬ pyuˇ shuiˇ myawˬ gahˬ deuˬ, naw maꞈ jawˇ gaˇ yoeˇ le tehꞈ-a. Aˬ ma-euˬ bawˇ kʼahˇ laꞈ kʼoeˇ ciˬ ahˇ-awˇ, gaˬ huiˬ haw huiˬ-euˬ zaˬ-ahˇ naw maꞈ duˇ tehꞈ-a.

Hawˇseˬ 10:12

Aˬ yawꞈ maꞈ-ahˇ ngaˇ ehˇ nehˬ-euˬ, ‘Deh yaˇ yaw shuiꞈ tsehˬ paˇ geuꞈ-awˇ, yaw tsaˬ yaw dawˇ jeˬ ka paˇ-awˇ, ngaˬ-ahˇ gʼoe-eu laꞈ kʼoeˇ za-eu, guiˬ lahˬ yaw dzahˇ deuˬ yehˬ dzaˬ-awˬ. Sahˬpaˬ Miˬyehˇ jawˇ paw pyawˇ-eu aˇ yamˬ keuˆ laˇ-euˬ siˬ nya-awˬ. Naw maꞈ jawˇ gaˇ ngaˇ oe keuˆ-awˇ, guiˬ lahˬ yaw dzahˇ shehˆ daˆ nehˬ ma.’

Aˬmoˆ 5:24

Ehˇ kʼawꞈ, dawˇ coe ni yaˇ kʼaˬ daˇ-eu jeˬ lawˇ gawˆ loꞈ-ehˇ bi yoeˇ le-awˇ, yaw tsaˬ yaw dawˇ jeˬ tiˬ jawˇ-iˬ maˬ tsiˇ leˇ-eu lawˇ baˬ loꞈ-ehˇ bi yoeˇ le-awˬ.

Maꞈtehˬ 23:37

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ nawˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ uˬ moˆ ya ciˆ ya zaˬ deuˬ-ahˇ uˆ kaˬ nehˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-eu nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-a.

Lormav 14:17

Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, dzaˬ-eu dawˇ-eu jeˬ maˬ ngeuˇ-a. Kʼoeˇ-aˬ, yaw tsaˬ yaw dawˇ jeˬ, Miˬyehˇ laꞈ kʼoeˇ nui saˇ oꞈ-eu jeˬ hawˇ-eu, Muiˬ-eu Shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬ pyeuꞈ-eu meh.

Dawˬmehˬ 32:29

Aˬ cawˬ neh bi deuˆ gʼaˬ-euˬ kʼoeˇ, gaˇ kawˆ maˬ tseˇ paˆ geuꞈ nya-a.

Dawˬmehˬ 5:29

Aˬ yawꞈ maꞈ aˬ myah luꞈ kʼoeˇ loꞈ-ehˇ tehꞈ-ehˇ nui ma taˬ-awˇ, aˬ myah luꞈ ngaˬ-ahˇ taˬ huiˬ taˬ mahˇ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ naˇ, aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ mˬ maˬ maˬ byaˆ zaˇ ziˇ yaw muiˬ paˬ-ehˇ ya dehꞈ dzaˬ tehꞈ-a.