Iˇsaˬyaˇ 47:8 - Akha

⁸ “Byawˬ-eu mo-eu jeˬ-ahˇ gaˬ-eu gʼaˬ-oˇ, ngaˇ ehˇ gaˇ naˇ haˬ sheˇ. Guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za lehˇ nawˇ noeˬ luꞈ meh. Miˬyehˇ naˆ ni huiˬ ma lehˇ nawˇ ehˇ-awˇ, nawˬ-ahˇ duˇ-eu gʼaˬ maˬ jawˇ-a lehˇ ehˇ luꞈ meh. Tiˬ jawˇ-iˬ miˬ coeˬ maˬ ya coeˬ-iˇ-ehˇ, zaˬ bi shiˇ-eu maˬ baw lehˇ nawˇ noeˬ meh.

Iˇsaˬyaˇ 47:8 ပူးပေါင်းရင်းမြစ်များ

Iˇsaˬyaˇ 14:14

Mˬ dmˇ uˬ du ngaˇ daˆ keuˆ leˇ-awˇ, Huiˬ dui mahˇ dui dui-eu gʼaˬ-ahˇ dehꞈ duˇ ma.”

Iˇsaˬyaˇ 32:11

Saˇ lehˆ ni dehꞈ-eu zaˬ miˬ zaˬ deuˬ-oˇ, yaw dzuˬ dzuˬ dui dui-awˬ. Kʼahˬ lahˇ kʼaˇ maˬ za-eu aˬ buˇ deuˬ-oˇ, yaw dzuˬ dzuˬ gah gah-awˬ. Naw maꞈ mehˬ tsoeˬ lehˆ dzeh jiˇ-awˇ, guˬ daˇ pehˇ zeuˇ joꞈ-ahˇ lahˇ-awˇ jawˇ-awˬ.

Iˇsaˬyaˇ 32:9

Saˇ lehˆ ni dehꞈ-eu zaˬ miˬ zaˬ deuˬ-oˇ, ngaˇ ehˇ gaˇ tuˇ-awˇ naˇ haˬ sheˇ. Kʼahˬ lahˇ kʼaˇ maˬ za-eu aˬ buˇ deuˬ-oˇ, ngaˇ ngehˬ gaˇ naˬ bawˇ ciˬ kʼmˇ sheˇ.

Iˇsaˬyaˇ 45:18

Sahˬpaˬ Miˬyehˇ mˬ-ahˇ beh-euˬ meh. Aˬ yawꞈ-aˬ, Miˬyehˇ meh. Miˇ tsaˬ tahˬ kʼawˇ aˬ yawꞈ tehˆ-awˇ, ziꞈ dah ni laˆ ziꞈ taˬ-euˬ meh. Miˇ tsaˬ-ahˇ yawꞈ ngehꞈ-ehˇ beh taˬ-euˬ maˬ ngeuˇ-ehˇ, tsawˇ haˬ bi jawˇ-eu gʼaˇ duˬ beh-euˬ meh. Aˬ yawꞈ heu loꞈ-ehˇ ehˇ nehˬ-eu meh. “Ngaˇ Sahˬpaˬ Miˬyehˇ ma. Miˬ yehˇ nui gʼaˬ maˬ jawˇ.”

Iˇsaˬyaˇ 45:5

“Ngaˇ Sahˬpaˬ Miˬyehˇ pyeuꞈ-eu ma. Miˬyehˇ nui taw nui gʼaˬ maˬ jawˇ. Nawˇ ngaˬ-ahˇ maˬ siˬ nya-euˬ kʼawꞈ, nawˇ loˬ-eu gʼaˬ deuˬ ngaˇ biꞈ ma.

Iˇsaˬyaˇ 45:6

Ngaˇ Sahˬpaˬ Miˬyehˇ pyeuꞈ-eu gaˇ kawˆ heu hawˇ-eu, miˬ yehˇ nui gʼaˬ maˬ jawˇ-eu gaˇ kawˆ-ahˇ, mˬ dzeˇ miˇ dzeˇ keuˆ ni bi siˬ doe ni, ngaˇ heu loꞈ-ehˇ jahˇ-eu ma.

Iˇsaˬyaˇ 47:10

“Yaw haiˬ jeˬ-ahˇ nawˇ kʼaˬ duˬ ni mˇ-awˇ, nawˬ neh mˇ-euˬ aˬ cawˬ maˬ mawˇ nya-a lehˇ nawˇ noeˬ meh. Nawˬ-euˬ zaˬ siˬ tsawˇ gahˇ nawˬ-ahˇ gaˇ ma sheuˬ bahˬ nehˬ-awˇ, Ngaˇ miˬ yehˇ ma. Ngaˬ-ahˇ duˇ-eu tsawˇ haˬ maˬ jawˇ, lehˇ nawˇ ehˇ meh.

Yeˬlaˬmiˇ 49:31

‘Oe-awˬ. Guˆ kʼaˇ maˬ za ni saˇ lehˆ ni miˇ-a lehˇ noeˬ luꞈ-eu tsawˇ haˬ kʼoeˇ deuˬ-ahˇ guiˇ deuˆ-iˇ kaˇ-euˇ. Aˬ yawꞈ maꞈ-euˬ meuˬ lahˇ kʼehˬ maˬ baw-ehˇ, mawˬ tawꞈ maˬ tawꞈ tehˬ taˬ-euˬ uˬ taꞈ, caw ba nehˬ-eu gʼaˬ maˬ jawˇ ni yaw awˇ laꞈ-ehˇ jaˆ-eu meh’ lehˇ ehˇ luꞈ meh.

Yeˬlaˬmiˇ 50:11

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ tsawˇ haˬ deuˬ-oˇ, ngaˬ-euˬ tsawˇ jeuˬ-euˬ myawˬ gahˬ naw maꞈ ceh geuꞈ-euˬ meh. Cehˇ nawˬ-eu mawˇ neˇ mawˇ ma hawˇ-eu, hiˇ hiˇ-ehˇ cah-eu mahˬ mahˬ paˬ-ahˇ nawˇ duˇ-eu meh.

Yeˬlaˬmiˇ 51:53

Baˬbuˇloˬ meuˬ mˬ-ahˇ keuˆ ni daˆ keuˆ leˇ nya-awˇ, ziꞈ dui dui-eu taˆ tsoˆ leˇ nya kʼawꞈ, tsawˇ haˬ pyehˬ gʼeh-awˇ bi laˆ cawˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 16:49

Aˬ yawꞈ hawˇ-eu aˬ yawꞈ-euˬ aˬ buˇ deuˬ-aˬ, nui ma huiˬ kʼaˇ za-eu meh. Aˬ jeˬ miˇ neh ehˇ naˇ, aˬ yawꞈ maꞈ dzaˬ dzaˬ dawˇ dawˇ jaˆ loꞈ-awˇ, nui saˇ oꞈ-eu laꞈ kʼoeˇ ya dehꞈ luꞈ meh. Ehˇ kʼawꞈ, shaˬ zaˬ zahˬ zaˬ deuˬ-ahˇ aˬ yawꞈ maꞈ maˬ caw ba nehˬ-a.

Yeˬsaˬgeˬlaˇ 28:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.

Yeˬsaˬgeˬlaˇ 30:9

“Aˇ nah kʼoeˇ nah keuˆ le-awˇ, Iˇjiˇtuˆ miˇ kʼahˬ cawˆ-iˇ ngeh, saˇ baoˬ laꞈ kʼoeˇ ngaˇ tsawˇ haˬ pyehˬ gʼeh-awˇ, saˇ lehˆ ni jawˇ luꞈ-eu Suˬdaˬ miˇ kʼahˬ-ahˇ gaˇ kawˆ bi dzawˇ gaˬ-iˇ-awˇ, guˆ-eu laꞈ kʼoeˇ bi luiˬ gʼa laˇ ma. Ngaˇ kʼoeˇ loꞈ-ehˇ jahˇ-eu aˇ nah keuˆ le luꞈ meh.”

Daˬyeˬlaˇ 11:36

“Suˇliˆ sahˬ paˬ-aˬ, yawˬ ha-ahˇ kʼaˇ loˆ laˇ-euˬ jeˬ mˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ-awˇ, Dawˬ tawˆ kʼoeˇ taˆ huiˬ-eu Miˬyehˇ naˆ maˬ tseˇ aˬ yawꞈ huiˬ dzehˬ ma lehˇ, yawˬ haˇ yawˬ ha kʼahˬ sehˇ jehˆ tehꞈ-a. Miˬyehˇ aˬ yawꞈ-ahˇ kʼehˬ nehˬ-eu aˇ yamˬ maˬ keuˆ laˇ kʼoeˇ keuˆ ni, aˬ yawꞈ kʼoeˇ loꞈ-ehˇ jahˇ nya tehꞈ-a. Miˬyehˇ-aˬ, aˬ yawꞈ neh kʼaˇ noeˬ taˬ-euˬ loꞈ-ehˇ maˇ maˇ ni mˇ tehꞈ-a.

Daˬyeˬlaˇ 4:22

“Sahˬ paˬ-oˇ, nawˇ-aˬ, huiˬ dui goˇ dui dui-eu aˇ bawˇ kʼoeˇ bawˇ meh. Nawˇ huiˬ dui mahˇ dui dui laˇ-euˬ miˇ neh, mˬ-ahˇ tuˆ leˇ-awˇ, nawˬ-euˬ baoˬ miˇ tsaˬ dawˬ tawˆ luꞈ kʼoeˇ taˆ uˆ tehˬ taˬ-euˬ meh.

Daˬyeˬlaˇ 4:27

Kʼoeˇ miˇ neh sahˬ paˬ-oˇ, ngaˬ-euˬ ehˇ dawˬ geuꞈ nehˬ laꞈ. Iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ-eu laꞈ kʼoeˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-awˬ. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ nui saˇ oꞈ-eu jeˬ maˬ byoˆ-iˇ-aˇ.”

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Daˬyeˬlaˇ 4:4

“Ngaˇ-aˬ, ngaˬ-euˬ nymˇ pyeuꞈ-eu sahˬ paˬ-euˬ hawˇ nymˇ-ahˇ saˇ lehˆ ni jawˇ-awˇ, pyuˇ shuiˇ myawˬ gahˬ maˬ ehˇ jiˇ coeˇ ni jaˆ-eu ma.

Daˬyeˬlaˇ 5:23

Mˬ taˆ Sahˬpaˬ Miˬyehˇ-ahˇ nawˇ jahˇ gʼeh haw-eu laꞈ kʼoeˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ jaˆ-eu kʼmˬ maˬ deuˬ nawˇ yuˇ ahˇ laꞈ-awˇ, nawˇ hawˇ-eu nawˬ-euˬ gaˇ mˇ-eu sahˬ paˬ sahˬ ma deuˬ, nawˬ-euˬ miˬ zaˬ deuˬ hawˇ-eu ma nyiˇ deuˬ, aˬ gaꞈ dzaˇ uiˇ kʼaˇ ahˇ-awˇ dawˇ dawˇ-ehˇ, naˬ bawˇ maˬ gaˬ nya, myaˆ nuiˆ maˬ mawˇ nya-eu tiˬ jeˬ-iˬ maˬ siˬ nya-eu miˬ yehˇ deuˬ pyeuꞈ-eu, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo, heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh. Ehˇ kʼawꞈ, nawˬ-ahˇ toeˬ dehꞈ toeˬ shiˇ nya-awˇ, nawˇ kʼaˇ mˇ kʼaˇ shaˇ-eu yawˬ jeˬ na luꞈ-ahˇ tuˆ tehˬ luꞈ-eu Miˬyehˇ-ahˇ nawˇ maˬ taˬ huiˬ-a.

Daˬyeˬlaˇ 5:30

Kʼoeˇ ngeh miˇ, Baˬbuˇloˬ sahˬ paˬ Beˬlaˇshaˬzaˬ-ahˇ aˬ cawˬ sehꞈ-euˬ meh.

Naˬhmˬ 1:10

Aˬ gah gʼoˆ yoeˬ jehˆ bymˇ loꞈ-ehˇ, keuˬ dzeh gaˇ nawˇ ya daˬ tehꞈ-a.

Naˬhmˬ 3:4

Aˇ gʼehˇ muiˬ-awˇ aˬ cawˬ mawꞈ-eu, miˇ tsaˬ zaˬ baˬ ya baw uiˬ-awˇ, aˬ yawꞈ zaˬ kʼaˆ bi geuꞈ jiˇ-euˬ, Niˇnaˬbeˬ meh maˬ laˇ meuˬ-aˬ, kʼehˬ-eu kʼaˆ-eu jeˬ daˬ luꞈ meh.

Haˬbaˬkuˆ 1:7

Dzawˬ dui dui-eu tsawˇ jeuˬ kʼoeˇ jeuˬ, miˇ kʼahˬ dawˬ tawˆ laˆ guˆ jiˇ-awˇ, nui ma huiˬ-eu mahˇ-eu mehˬ shi, maˬ mˇ kʼmˬ-eu jeˬ maˬ baw-a.

Zeˬpaˬniˇ 2:15

Baoˬ huiˬ gʼaˬ kʼaˆ kʼahˬ sehˇ jehˆ-awˇ, Meuˬ ziꞈ ngaˇ taꞈ maˬ jaˆ ma lehˇ, guˆ kʼaˇ maˬ za lehˇ duˇ-euˬ meuˬ, kʼoeˇ naˆ ni ga byoˆ leꞈ tehꞈ-a. Tsawˇ teˇ maˬ ya gaˬ-eu meuˬ tsoeˬ, bawˇ tsahˬ jeˬ zaˬ yuꞈ duˬ pyeuꞈ-awˇ, kʼaˇ iˇ kʼaˇ laˇ tsehˆ-eu tsawˇ haˬ, laꞈ du cawˬ doˆ-awˇ lmˬ tehꞈ-a.

2 Teˇsaˬloˇni 2:4

Tsawˇ haˬ zaˬ uˬ duˬ kʼaˇ tahˬ-eu yaw sahˇ hawˇ-eu miˬ yehˇ deuˬ-ahˇ aˬ yawꞈ muiˇ-awˇ, kʼoeˇ deuˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ-eu geuꞈ tehꞈ-a. Miˬyehˇ-euˬ Uˬ duˬ tahˬ nymˇ nymˇ ma-ahˇ keuˆ ni aˬ yawꞈ uˇ leˇ-awˇ nuiˇ-eu laꞈ kʼoeˇ, yawˬ haˇ yawˬ ha Miˬyehˇ tsaˬ geuꞈ tehꞈ-a.

Yaˇ kʼaˬ daˇ 18:27

Kʼoeˇ naˇ, Miˇkaˬ-euˬ piˇ ma hawˇ-eu aˬ yawꞈ neh jahˇ taˬ-euˬ myawˬ deuˬ yuˇ-awˇ, tiˬ jeˬ-iˬ kʼahˬ maˬ lahˇ ni nui saˇ oꞈ-eu laꞈ kʼoeˇ jawˇ luꞈ-eu Laˬiˇshaˆ meuˬ-ahˇ aˬ yawꞈ maꞈ iˇ-euˬ meh. Meuˬ kʼoeˇ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ maꞈ sehꞈ-awˇ, meuˬ kʼoeˇ meuˬ-ahˇ kʼawꞈ miˬ dzaˬ keuˬ dzeh-euˬ meh.

Yaˇ kʼaˬ daˇ 18:7

Kʼoeˇ ngeh, tsawˇ haˬ kʼoeˇ ngaˬ gʼaˬ doˆ-iˇ-awˇ, Laˬiˇshaˆ meuˬ paw iˇ gʼeh-euˬ meh. Kʼoeˇ gaˇ jawˇ-eu tsawˇ haˬ deuˬ-aˬ, Siˇdoˬ tsawˇ haˬ deuˬ loꞈ-ehˇ, guˆ kʼaˇ maˬ za ni saˇ lehˆ ni dehꞈ dzaˬ luꞈ gaˇ aˬ yawꞈ maꞈ ya mawˇ-euˬ meh. Aˬ yawꞈ maꞈ-aˬ, nui saˇ oꞈ-awˇ, ciˬ cuˇ ni jawˇ-eu laꞈ kʼoeˇ, tiˬ gʼaˬ tiˇ gʼaˬ dawˬ ja maˬ doˆ-ehˇ, aˬ yawꞈ maꞈ kʼaˇ loˬ-eu yawˬ jeˬ na luꞈ jaˆ kuꞈ gaˇ ya mawˇ-euˬ meh.