Iˇsaˬyaˇ 47:6 - Akha

⁶ Ngaˬ-euˬ tsawˇ jeuˬ-ahˇ ngaˇ nui ma pehˇ-awˇ, ngaˬ-euˬ tsawˇ haˬ maˬ paˇ sawˇ ni byehˇ dzeh nehˬ ngeh, nawˬ-euˬ baoˬ uˬ moˆ aˬ yawꞈ maꞈ-ahˇ ngaˇ bi jawˇ-euˬ ma. Kʼoeˇ ngeh aˬ yawꞈ maꞈ-ahˇ nawˇ gʼawˬ shaˬ maˬ gaˬ-ehˇ, tsawˇ mawˬ deuˬ-ahˇ kʼawꞈ yehˬ bawˬ-ehˇ jahˇ nehˬ-euˬ meh.

Iˇsaˬyaˇ 47:6 ပူးပေါင်းရင်းမြစ်များ

2 Saˬmeuˬlaˆ 24:14

Daˬbiˇ ehˇ-eu, “Ngaˬ-ahˇ zahˬ dui dui miˇ-a. Ehˇ kʼawꞈ, tsawˇ haˬ neh bi kʼehˬ-eu jeˬ-ahˇ ngaˇ maˬ daˬ mawꞈ nya. Kʼehˬ-eu lehˇ ya bi kʼehˬ naˇ, Sahˬpaˬ Miˬyehˇ-aˬ, gʼawˬ shaˬ gaˬ nya-eu miˇ neh, aˬ yawꞈ neh bi kʼehˬ ma.”

2 Laˬsaˬbaˬ 10:11

‘Ngaˬ da-aˬ, kah dui dui-eu kʼaˆ behˆ naw maꞈ-ahˇ ciˬ pi-euˬ meh. Ngaˇ-aˬ, kʼoeˇ naˆ maˬ tseˇ kah-eu kʼaˆ behˆ naw maꞈ-ahˇ paˇ ciˬ pi nehˬ ma. Ngaˬ da naw maꞈ-ahˇ aˇ caˆ neh juiꞈ-euˬ meh. Ehˇ kʼawꞈ, ngaˇ naw maꞈ-ahˇ boeˬ kaˬ laˬ ma nyehꞈ kawꞈ ma’ lehˇ ehˇ nehˬ-awˬ.”

2 Laˬsaˬbaˬ 28:9

Sahˬpaˬ Miˬyehˇ gʼaˇ duˬ ngehˬ dah-eu Awˇdehˇ lehˇ myahˇ-euˬ tiˬ gʼaˬ Saˬmaˬliˆ meuˬ-ahˇ jawˇ-eu meh. Yuˇdaˆ tsawˇ haˬ deuˬ nyehꞈ-awˇ Saˬmaˬliˆ meuˬ-ahˇ gʼoꞈ uˇ laˇ luꞈ-eu Iˇsaˬleˬlaˆ guiˇ maꞈ-ahˇ aˬ yawꞈ tahˬ puˬ-iˇ-awˇ, heu loꞈ-ehˇ ehˇ nehˬ-euˬ meh. “Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Yuˇdaˆ miˇ kʼahˬ-ahˇ nui ma pehˇ-eu miˇ neh, naw maꞈ-ahˇ aˬ yawꞈ maꞈ kʼoeˇ taˆ bi gʼaˬ leˇ nehˬ laꞈ-euˬ meh. Ehˇ kʼawꞈ, naw maꞈ neh aˬ yawꞈ maꞈ-ahˇ kʼaˇ sehꞈ mawꞈ-eu sehꞈ-euˬ gaˇ kawˆ, mˬ kʼoeˇ taˆ keuˆ ni aˬ yawꞈ-ahˇ gaˬ keuˆ leˇ taˬ-euˬ meh.

2 Laˬsaˬbaˬ 36:17

Kʼoeˇ miˇ neh, Sahˬpaˬ Miˬyehˇ neh Baˬbuˇloˬ sahˬ paˬ-ahˇ pyehˬ gʼeh leꞈ-awˇ, aˬ yawꞈ maꞈ-ahˇ guiˇ bi deuˆ le-euˬ meh. Sahˬpaˬ kʼoeˇ gʼaˬ Yuˇdaˆ tsawˇ haˬ zaˬ guˬ deuˬ-ahˇ Uˬ duˬ tahˬ nymˇ nymˇ ma laꞈ kʼoeˇ sehꞈ-euˬ meh. Tsawˇ mawˬ zaˬ guˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, naˇ-eu deuˬ hawˇ-eu jawˇ saˇ doˆ-eu deuˬ maˬ ehˇ, maˬ tseˇ paˆ ni, tiˬ gʼaˬ-ahˇ-iˬ gʼawˬ shaˬ maˬ gaˬ nehˬ ni sehꞈ-euˬ meh. Aˬ yawꞈ maꞈ dawˬ tawˆ luꞈ-ahˇ Neˬbuˬkaˬneˬzaˬ-euˬ aˬ laꞈ laꞈ kʼoeˇ Miˬyehˇ neh a nehˬ-euˬ meh.

2 Laˬsaˬbaˬ 36:20

Maˬ shiˇ-ehˇ kʼaˇ dzeˇ-eu deuˬ-ahˇ Baˬbuˇloˬ miˇ kʼahˬ-ahˇ aˬ yawꞈ nyehꞈ kʼoꞈ gʼeh-awˇ, Paˇshaˇ miˇ kʼahˬ dzoeˬ dzaˬ-eu yamˬ maˬ keuˆ laˇ kʼoeˇ keuˆ ni, aˬ yawꞈ hawˇ-eu aˬ yawꞈ-euˬ zaˬ deuˬ uˆ deuˬ-euˬ zaˬ kʼaˆ bi geuꞈ-euˬ meh.

Eˇzaˬlaˬ 5:12

Ehˇ kʼawꞈ, nga maꞈ-euˬ aˬ poeˬ aˬ bawˇ deuˬ mˬ kʼoeˇ taˆ jawˇ-eu Miˬyehˇ nui ma pehˇ ni mˇ-euˬ miˇ neh, Kaˬlaˬdehˇ tsawˇ jeuˬ pyeuꞈ-eu Baˬbuˇloˬ sahˬ paˬ Neˬbuˬkaˬneˬzaˬ-ahˇ aˬ yawꞈ pyehˬ gʼeh leꞈ-awˇ, aˬ yawꞈ maꞈ-ahˇ bi deuˆ gʼaˬ-euˬ meh. Kʼoeˇ ngeh, Uˬ duˬ tahˬ nymˇ nymˇ ma-ahˇ laˆ luˬ laˆ seˇ yaꞈ-awˇ, miˇ kʼahˬ zaˬ deuˬ-ahˇ Baˬbuˇloˬ miˇ kʼahˬ-ahˇ nyehꞈ ka gʼeh-euˬ meh.

Jaceuq 69:26

Nawˬ neh kʼehˬ nehˬ-euˬ tsawˇ haˬ-ahˇ aˬ yawꞈ maꞈ paˇ kʼehˬ poˆ-awˇ, nawˬ neh laˆ tahˬ laˆ naˇ nehˬ-euˬ tsawˇ haˬ deuˬ-ahˇ aˬ yawꞈ maꞈ dawˬ doeˇ paˇ ciˬ pi nehˬ-eu meh.

Iˇsaˬyaˇ 10:6

Miˬyehˇ maˬ baw-eu tsawˇ jeuˬ hawˇ-eu, ngaˇ nui ma pehˇ-eu tsawˇ haˬ deuˬ jawˇ gaˇ, aˬ yawꞈ-ahˇ ngaˇ pyehˬ gʼeh-awˇ, aˬ yawꞈ maꞈ-euˬ pyuˇ shuiˇ myawˬ gahˬ bi ceh geuꞈ-awˇ, gaˇ ma-ahˇ jaˆ-eu shaˬ jehˆ nawˬ pahˬ-eu loꞈ-ehˇ, aˬ yawꞈ maꞈ-ahˇ bi nawˬ pahˬ ma.

Iˇsaˬyaˇ 13:16

Aˬ yawꞈ maꞈ myaˆ mawˇ gaˇ, aˬ yawꞈ maꞈ-euˬ zaˬ bi biˬ pyehˆ jiˇ-awˇ, aˬ yawꞈ maꞈ-euˬ myawˬ gahˬ bi yuˇ geuꞈ-eu uˬ taꞈ, aˬ yawꞈ maꞈ-euˬ miˬ zaˬ deuˬ-ahˇ yehˬ bawˬ-ehˇ, jahˇ nehˬ tehꞈ-a.”

Iˇsaˬyaˇ 14:17

Miˇ tsaˬ tahˬ kʼawˇ-ahˇ kʼaˇ shuiꞈ shuiꞈ yaˇ laˆ pyeuꞈ-awˇ, meuˬ deuˬ deh byaˆ jiˇ-awˇ, kʼaˇ nyehꞈ mi-euˬ tsawˇ haˬ-ahˇ maˬ pyehˬ nehˬ-eu kʼoeˇ gʼaˬ, aˬ yawꞈ maˬ ngeuˇ-a loˇ.

Iˇsaˬyaˇ 14:6

Miˇ kʼahˬ zaˬ-ahˇ maˬ naˬ leˇ ni diˬ-awˇ, miˇ kʼahˬ tsawˇ jeuˬ-ahˇ maˬ tsehˆ leˇ ni zuiˆ-euˬ, gʼawˬ shaˬ gaˬ-eu maˬ siˬ nya-eu dzoeˬ dzaˬ gawˬ yoeˬ kʼoeˇ meh.

Iˇsaˬyaˇ 43:28

Ngaˬ-euˬ muiˬ-eu shawˇ-eu jawˇ duˬ kʼoeˇ tsahˇ, naw maꞈ-euˬ sahˬ paˬ sahˬ ma neh laˆ jawꞈ-euˬ meh. Kʼoeˇ baˬ da neh Iˇsaˬleˬlaˆ-ahˇ ngaˇ, luˬ-iˇ seˇ-iˇ-eu jeˬ bi keuˆ le-awˇ, aˬ cawˬ yehˬ bawˬ sehˇ lu-ehˇ gʼeh-eu jeˬ, ngaˬ-euˬ tsawˇ jeuˬ kʼoeˇ taˆ ngaˇ bi keuˆ le-euˬ ma.”

Yeˬlaˬmiˇ 50:42

Kaˆ hawˇ-eu mi cehˇ-ahˇ tuˆ tehˬ taˬ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ dziˬ-awˇ oe ngeh, laˆ shaˆ iˇ kʼawˇ mahˇ laˇ gaˇ duˇ-eu meh. Baˬbuˇloˬ miˇ kʼahˬ-ahˇ deuˆ-eu gʼaˇ duˬ, aˬ yawꞈ maꞈ lehˬ hmˬ dah-euˬ meh.

Ngoeˇ dawˬ 1:14

“Ngaˬ neh mˇ-euˬ iˬ baˇ dawˬ tawˆ, aˬ yawꞈ ngaˬ-ahˇ ciˬ pi leꞈ-awˇ, kawˬ lahˇ-ahˇ paꞈ gʼeu nehˬ laꞈ-euˬ, maˬ daˬ coeˇ ni shiˇ leˇ miˇ-a. Sahˬpaˬ Miˬyehˇ ngaˬ-ahˇ kʼehˬ-awˇ, ngaˇ maˬ ciˬ daˬ coeˇ ni kʼaˆ-eu, muiˇ-eu deuˬ-euˬ aˬ laꞈ laꞈ kʼoeˇ, ngaˬ-ahˇ ciˬ ahˇ nehˬ laꞈ-euˬ meh.

Ngoeˇ dawˬ 1:21

“Ngaˇ mahˇ luꞈ gaˇ naˇ haˬ le sheˇ. Haw cawˬ nehˬ le-eu maˬ jawˇ-a. Nawˬ neh ngaˬ-ahˇ bi shaˬ-euˬ gaˇ, muiˇ-eu deuˬ laˬ kʼaˬ cehˇ luꞈ meh. Nawˬ neh saˇ jaˇ dzaˬ-euˬ aˇ nah, yaw kawˇ ma-ehˇ bi keuˆ le-awˇ, Nymˬ-mˇ ngaˇ ya daˬ-eu loꞈ-ehˇ, muiˇ-eu deuˬ-ahˇ paˇ bi daˬ-awˬ.

Ngoeˇ dawˬ 2:2

Yuˇdaˆ miˇ kʼahˬ pu dawˬ tawˆ luꞈ, gʼawˬ shaˬ tiˬ pawꞈ-iˬ maˬ gaˬ ni, Sahˬpaˬ Miˬyehˇ laˆ cawˆ-euˬ meh. Miˇ kʼahˬ kʼoeˇ-ahˇ loꞈ piˇ luꞈ-eu, ziꞈ dah ni gʼeh-eu taˆ deuˬ-ahˇ, aˬ yawꞈ laˆ byaˆ nehˬ jiˇ-euˬ meh. Miˇ kʼahˬ hawˇ-eu sahˬ paˬ deuˬ-ahˇ, miˇ tsa tuˆ ni gʼeu ka nehˬ-awˇ, daˬ ga-awˇ bi shaꞈ dawˇ-euˬ meh.

Ngoeˇ dawˬ 4:16

Sahˬpaˬ Miˬyehˇ aˬ yawꞈ maꞈ-ahˇ, myaˆ haw maˬ cawˬ nahˇ-eu miˇ neh, miˇ kʼahˬ-ahˇ teh byaˆ nehˬ-euˬ meh. Piˇ ma deuˬ-ahˇ maˬ taˬ huiˬ-a. Aˬ yuiꞈ deuˬ-ahˇ maˬ taˬ mahˇ-a.

Ngoeˇ dawˬ 5:12

Sahˬ paˬ sahˬ ma-ahˇ paꞈ gʼeu-awˇ, tsawˇ mawˬ tsawˇ kʼaˆ-ahˇ maˬ zeu-a.

Yeˬsaˬgeˬlaˇ 24:21

Naw maꞈ Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ lehˇ, aˬ yawꞈ ngaˬ-ahˇ ehˇ-eu meh. Naw maꞈ Uˬ duˬ tahˬ nymˇ nymˇ ma-ahˇ nui ma huiˬ-eu meh. Naw maꞈ kʼoeˇ gaˇ haw-awˇ nui kʼahˇ shiˇ-eu laꞈ kʼoeˇ kʼoeˇ gaˇ le le-ehˇ jawˇ-eu meh. Ehˇ kʼawꞈ, Uˬ duˬ tahˬ nymˇ nymˇ ma kʼoeˇ-ahˇ ngaˇ laˆ jawꞈ nehˬ-eu lehˇ gʼeh-eu ma. Yeˬluˇsaˬlehˬ meuˬ-ahˇ jawˇ yaꞈ-euˬ naw maꞈ-euˬ aˬ buˇ aˬ li deuˬ, mi cehˇ kʼehˬ-ahˇ ya shiˇ tehꞈ-a.

Yeˬsaˬgeˬlaˇ 28:16

Jeˬ gaꞈ jeˬ ka gʼeh nya laˇ ngeh, yaw haiˬ hawˇ-eu iˬ baˇ mˇ-awˇ, Miˬyehˇ gawˬ jawˬ yaw shawˇ kʼoeˇ taˆ, nawˬ-ahˇ ngaˬ neh teh dzeh-euˬ ma. Yaw shehꞈ bya-eu sehˇ deuˬ gʼahˇ ceh, Jeˬluˇbeˬ nawˬ-ahˇ teh-euˬ meh.

Aaˇbaˬdiˇ 1:10

Nawˬ-euˬ mehˇ nmˇ deuˬ pyeuꞈ luꞈ-eu, Yaˬkoˆ-euˬ zaˬ kʼoeˇ deuˬ-ahˇ nawˇ, tahˇ joe joe-awˇ sehꞈ-euˬ miˇ neh, luˬ-eu seˇ-eu nawˇ ya daˬ-awˇ, mˬ maˬ maˬ byaˆ daˬ ga tehꞈ-a.

Aaˇbaˬdiˇ 1:16

Ngaˬ-euˬ shawˇ-eu gawˬ duˇ kʼoeˇ taˆ, kʼehˬ-eu kʼaˆ-eu kʼmˬ maˬ yaw kʼaˬ, ngaˬ-euˬ tsawˇ haˬ deuˬ dawˇ-euˬ meh. Ehˇ kʼawꞈ, jawˬ jawˬ-ehˇ kʼaˇ jawˇ-eu, tsawˇ jeuˬ kʼoeˇ deuˬ dawˬ tawˆ luꞈ kʼawꞈ, kʼoeˇ naˆ maˬ tseˇ kʼaˬ dui dui-eu, kʼehˬ-eu kʼaˆ-eu kʼmˬ maˬ dawˇ-awˇ, dawˬ tawˆ luꞈ ya myoꞈ ahˇ jiˇ-awˇ, ya shiˇ byoˆ jiˇ gaˇ keuˆ tehꞈ-a.

Zaˬkaˬliˇ 1:12

Kʼoeˇ ngeh, mahˬ yaw neˇ dziꞈ luꞈ-eu mˬ taˆ gʼaˬ kʼehˇ kʼoeˇ gʼaˬ ehˇ-eu, “Baoˬ huiˬ-eu Sahˬpaˬ Miˬyehˇ-oˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ nawˇ nui ma pehˇ luꞈ-eu shiꞈ tseˇ kʼoꞈ byah laˇ-euˬ meh. Aˬ yawꞈ maꞈ-ahˇ nawˇ gʼawˬ shaˬ maˬ gaˬ nehˬ ni aˇ myah keuˆ ni paˇ byehˇ taˬ-eu gʼeh te.”

Zaˬkaˬliˇ 1:15

Nui saˇ oꞈ-awˇ ciˬ cuˇ ni jawˇ luꞈ-eu miˇ kʼahˬ deuˬ-ahˇ ngaˇ nui ma pehˇ dui dui nya. Ngaˬ-euˬ tsawˇ haˬ deuˬ-ahˇ ngaˇ nui ma pehˇ-eu jeˬ ui cuiˆ tehꞈ kʼawꞈ, aˬ yawꞈ maꞈ ngaˬ-euˬ tsawˇ haˬ deuˬ-ahˇ aˇ dzehˬ dzeuˇ ni kʼehˬ-euˬ kʼaˆ-euˬ meh.

Maꞈtehˬ 7:2

Aˬ jeˬ miˇ neh ehˇ naˇ, aˬ cawˬ-ahˇ naw maꞈ yaw lehˬ poˆ-eu loꞈ-ehˇ, naw maꞈ-ahˇ kʼawꞈ Miˬyehˇ yaw lehˬ poˆ tehꞈ-a. Naw maꞈ aˬ cawˬ-ahˇ kʼaˇ haw doeˇ-euˬ naˆ ni, naw maꞈ-ahˇ Miˬyehˇ haw doeˇ tehꞈ-a.

Dawˬmehˬ 28:50

Aˬ yawꞈ maꞈ-aˬ, haiˬ dui dui-awˇ, tsawˇ mawˬ-ahˇ maˬ ehˇ, zaˬ guˬ-ahˇ maˬ ehˇ, gʼawˬ shaˬ gaˬ-eu maˬ siˬ nya-a.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.