Iˇsaˬyaˇ 47:2 - Akha

² Kʼaˬ lo lo lehˬ ngawˬ-awˇ cehˇ meu lehˬ-awˬ. Uˬ boeˬ lehˆ-awˇ, mehˬ tsoeˬ yaw muiˬ lehˆ-awˬ. Laˬ gʼaˬ sheu luiˆ daˆ-awˇ lawˇ baˬ tsehˆ-awˬ.

Iˇsaˬyaˇ 47:2 ပူးပေါင်းရင်းမြစ်များ

Aˇ dahˬ 24:65

“Deh ga paw neh aˬ dui maꞈ jawˇ paw laˇ luꞈ-eu tsawˇ haˬ kʼoeˇ gʼaˬ aˬ suˇ gʼaˬ-a” lehˇ, Aˬbyaˬhaˬ-euˬ zaˬ kʼaˆ-ahˇ aˬ yawꞈ naˇ haˬ ngeh, “Ngaˬ-euˬ baw leˬ meh” lehˇ, zaˬ kʼaˆ kʼoeˇ gʼaˬ ehˇ kʼoꞈ nehˬ-euˬ meh. Kʼoeˇ ngeh, Leˬbehˇkaꞈ paˇ jeh yuˇ doˆ-awˇ, yawˬ ha-euˬ myaˆ pyawˬ-ahˇ dehˬ kaˬ-euˬ meh.

1 Laˬsaˬbaˬ 19:4

Daˬbiˇ neh pyehˬ gʼeh-euˬ tsawˇ haˬ kʼoeˇ deuˬ-ahˇ Haˬnuˬ nyehꞈ-awˇ, mehˬ mahˬ jehˆ dzeh nehˬ-euˬ uˬ taꞈ, aˬ yawꞈ maꞈ-euˬ pehˇ kʼahˬ daˇ tsuiꞈ-ahˇ keuˆ ni pyehˆ tsehˆ nehˬ-awˇ, pyehˬ kʼoꞈ gʼeh-euˬ meh.

Yawˇbaˆ 31:10

ngaˬ-euˬ miˬ zaˬ aˬ cawˬ aˬ da-ahˇ dzaˇ bi jahˇ nehˬ-awˇ, aˬ cawˬ aˬ da nehˬ-ehˇ bi joe luꞈ-uˇ.

Doˆ-iˇ 11:5

Kʼoeˇ ngeh, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu dehꞈ beh beh le-euˬ aˬ li aˬ yuiꞈ deuˬ shiˇ jiˇ tehꞈ-a. Sahˬ paˬ geuꞈ-eu gʼaˇ duˬ, sahˬ paˬ-euˬ jeˬ biˇ ya gʼaˬ-euˬ sahˬ paˬ-euˬ aˬ li-ahˇ neh, cehˇ tahˬ tahˬ-eu zaˬ miˬ zaˬ zaˬ kʼaˆ-euˬ aˬ li-ahˇ keuˆ ni, ya shiˇ tehꞈ-a. Jeˬ zaˬ deuˬ laꞈ kʼoeˇ kʼawꞈ, dehꞈ beh beh le-euˬ deuˬ ya shiˇ tehꞈ-a.

Dawˬ tsoˆ 12:4

Pu gʼahˇ ceh dawˬ ja ja-eu teˇ saˇ nawˇ maˬ paˇ gaˬ nya-ehˇ, cehˇ lehˬ lehˬ-eu teˇ saˇ hawˇ-eu caˇ dawˬ caˇ-eu teˇ saˇ maˬ tseˇ paˆ nya-ehˇ pyeuꞈ-iˇ tehꞈ-a. Ehˇ kʼawꞈ, aˇ jiˇ mahˇ-eu teˇ saˇ baˬ da neh nawˇ maˬ yuꞈ kʼaˆ leˇ-ehˇ ya shaˬ tehꞈ-a.

Iˇsaˬyaˇ 20:4

Miˇ kʼahˬ kʼoeˇ nyiˬ kʼahˬ laꞈ kʼoeˇ Aˬshuˇliˆ sahˬ paˬ neh kʼaˇ bi nyehꞈ-euˬ tsawˇ haˬ deuˬ, neˇ myawˆ ni bi sheuˬ byoˆ gʼeh tehꞈ-a. Zaˬ guˬ tsawˇ kʼaˆ maˬ ehˇ, mehˬ tsoeˬ maˬ dm sehˬ nawˆ maˬ nawˬ ni, dawˬ kʼmˬ mawˇ laˇ mawˇ laˇ-ehˇ ya cah-eu miˇ neh, Iˇjiˇtuˆ miˇ kʼahˬ kʼoeˇ taˆ shaꞈ dawˇ dui dui-eu jeˬ keuˆ le tehꞈ-a.

Iˇsaˬyaˇ 3:17

Aˬ yawꞈ maꞈ-euˬ uˬ duˬ-ahˇ maˇ naˇ bi naˇ-awˇ, aˬ yawꞈ maꞈ-ahˇ uˬ jehˆ jehˆ nehˬ ma.”

Iˇsaˬyaˇ 3:23

shaˬ jiˇ mawˇ laˇ-eu pehˇ kʼahˬ maˬ ehˇ, paˇ jeh maˬ ehˇ, uˬ boeˬ maˬ ehˇ, myaˆ pyawˬ-ahˇ tsahˇ kaˬ-eu paˇ dzeh dzeh mahˇ maˬ ehˇ, bi yuˇ dzeh jiˇ tehꞈ-a.

Iˇsaˬyaˇ 32:11

Saˇ lehˆ ni dehꞈ-eu zaˬ miˬ zaˬ deuˬ-oˇ, yaw dzuˬ dzuˬ dui dui-awˬ. Kʼahˬ lahˇ kʼaˇ maˬ za-eu aˬ buˇ deuˬ-oˇ, yaw dzuˬ dzuˬ gah gah-awˬ. Naw maꞈ mehˬ tsoeˬ lehˆ dzeh jiˇ-awˇ, guˬ daˇ pehˇ zeuˇ joꞈ-ahˇ lahˇ-awˇ jawˇ-awˬ.

Yeˬlaˬmiˇ 13:22

Nawˬ-euˬ pi di bi gʼeu paˆ-awˇ, maˬ gʼeh kʼmˬ-eu jeˬ bi gʼeh gaˇ keuˆ ni, aˬ jeˬ miˇ neh nawˇ shaˬ zahˬ naꞈ-eu siˬ mawꞈ miˇ-a loˇ. Guˆ dui dui laˇ paˬ-ehˇ gʼeh-eu nawˬ-euˬ iˬ baˇ baˬ da, nawˇ kʼoeˇ loꞈ-ehˇ ya daˬ-eu meh lehˇ siˬ nya-awˬ.

Yeˬlaˬmiˇ 13:26

Naw maꞈ neˇ myawˆ ni bi shaꞈ dawˇ-eu lehˇ, pi di baˬ ba-ahˇ gʼeu luiˆ daˆ nehˬ laꞈ tehꞈ-a.

Yeˬlaˬmiˇ 25:10

Aˬ yawꞈ maꞈ laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ deuˬ-ahˇ ciˬ cuˇ ni bi pyeuꞈ-iˇ ma. Tsiˇ kʼmˬ doꞈ-eu tsiˇ maˬ jaˆ-ehˇ pyeuꞈ-iˇ-awˇ, hawˬ dzaˬ-eu cehˇ maˬ ahˇ-ehˇ bi shaˬ ma.

Yeˬlaˬmiˇ 27:7

Tsawˇ jeuˬ dawˬ tawˆ luꞈ aˬ yawꞈ-euˬ zaˬ kʼaˆ ya geuꞈ tehꞈ-a. Aˬ yawꞈ-euˬ miˇ kʼahˬ maˬ cawˆ-iˇ kʼoeˇ keuˆ ni , aˬ yawꞈ-euˬ zaˬ ziˇ hawˇ-eu oeˬ paˬ oeˬ ma ziˇ-ahˇ keuˆ ni, aˬ yawꞈ maꞈ zaˬ kʼaˆ ya geuꞈ tehꞈ-a. Kʼoeˇ naˇ, aˬ yawꞈ-euˬ miˇ kʼahˬ-aˬ, baoˬ huiˬ-eu tsawˇ jeuˬ deuˬ hawˇ-eu, huiˬ-eu sahˬ paˬ deuˬ-euˬ zaˬ kʼaˆ paˇ ya geuꞈ poˆ tehꞈ-a.

Ngoeˇ dawˬ 5:13

Zaˬ guˬ deuˬ lo lehˬ bi ngawˬ-awˇ, aˬ li deuˬ miˬ dzaˬ bi kʼehꞈ-euˬ, maˬ behˇ coeˇ-ehˇ coˬ dzeh luꞈ meh.

Hawˇseˬ 2:3

Dawˬ tsoˆ gʼoˆ-awˇ maˬ dehꞈ paˇ naˇ, aˬ yawꞈ dehꞈ doˆ le ngeh loꞈ-ehˇ, mehˬ tsoeˬ lehˆ neˇ-awˇ bi shaˬ ma. Koˆ dui dui-awˇ gui dui dui-eu, bawˇ tsahˬ bawˇ dahˇ tiˬ tsahˇ loꞈ-ehˇ, iˇ cuꞈ mehꞈ-awˇ bi shiˇ leˇ ma.

Miˇkaˬ 1:11

Shaˬpiˇ meuˬ-ahˇ jawˇ-eu tsawˇ haˬ deuˬ-oˇ, shaꞈ dawˇ dui dui paˬ-ehˇ neˇ myawˆ ni aˬ cawˬ-euˬ miˇ kʼahˬ-ahˇ bi nyehꞈ byoˆ gʼeh-awˬ. Zaˬnaˬ meuˬ-ahˇ jawˇ-eu tsawˇ haˬ deuˬ meuˬ laꞈ nyiˇ maˬ doˆ le peuˬ-a. Beˬdeˬzeˬlaˇ meuˬ-ahˇ jawˇ-eu tsawˇ haˬ deuˬ ngoeˇ-eu teˇ saˇ naw maꞈ ya gaˬ ngeh, kʼoeˇ gaˇ cehˆ zaꞈ duˬ maˬ paˇ jaˆ meh lehˇ naw maꞈ siˬ nya-awˬ.

Maꞈtehˬ 24:41

Zaˬ miˬ zaˬ nyiˬ gʼaˬ cehˇ tahˬ tahˬ luꞈ gaˇ, tiˬ gʼaˬ-ahˇ sheuˬ gʼeh-awˇ, tiˬ gʼaˬ-ahˇ byehˇ yaꞈ tehꞈ-a.

Luˇkaꞈ 17:35

Zaˬ miˬ zaˬ nyiˬ gʼaˬ tiˬ kawˆ loꞈ-ehˇ cehˇ tahˬ tahˬ luꞈ gaˇ, tiˬ gʼaˬ-ahˇ sheuˬ gʼeh-awˇ, tiˬ gʼaˬ-ahˇ bi jawˇ yaꞈ tehꞈ-a.”

1 Gawˇliˬtu 11:5

Ehˇ kʼawꞈ, zaˬ miˬ zaˬ tiˬ gʼaˬ tsawˇ haˬ gʼawˬ mya ni uiˬ leˇ-awˇ uˬ duˬ tahˬ gaˇ guiˬ lahˬ shaˇ-awˇ sheuˬ gʼeh-eu maˬ kaˬ, dawˬ mehˬ mehˬ-eu maˬ kaˬ, uˬ boeˬ maˬ boeˬ taˬ naˇ, yawˬ ha-euˬ uˬ duˬ pyeuꞈ-eu yawˬ ha-euˬ kʼaˬ dzeˇ zaˬ-ahˇ yaw zeu maˬ baw gaˇ duˇ-eu meh. Aˬ yawꞈ-aˬ, uˬ jehˆ jehˆ dzeh-euˬ zaˬ miˬ zaˬ tiˬ gʼaˬ-ahˇ duˇ tsehˆ tsehˆ-euˬ meh.

Yaˇ kʼaˬ daˇ 16:21

Piˇliˇtiˆ tsawˇ haˬ deuˬ aˬ yawꞈ-ahˇ paꞈ-awˇ, aˬ yawꞈ-euˬ myaˆ nuiˆ kʼeuꞈ doˆ nehˬ-euˬ meh. Aˬ yawꞈ maꞈ aˬ yawꞈ-ahˇ Gaˬzaˬ meuˬ-ahˇ sheuˬ gʼeh-awˇ, guiˬ shuiˇ aˇ caˆ bi daˬ-awˇ, paꞈ kuˆ laꞈ kʼoeˇ lo lehˬ bi lehˬ-euˬ meh.