Iˇsaˬyaˇ 47:14 - Akha

¹⁴ “Aˬ yawꞈ maꞈ gʼo yoeˬ-ahˇ duˇ-awˇ, miˬ dzaˬ bi puiˆ dzaˬ jiˇ tehꞈ-a. Aˬ yawꞈ maꞈ yawˬ haˇ yawˬ ha maˬ ka kʼoꞈ nya-a. Miˬ dzaˬ miˬ lmˇ kʼoeˇ aˬ yawꞈ maꞈ-ahˇ lahˇ dui dui tehꞈ-a. Yaw gaˆ lmˇ-eu miˬ jiˆ-ahˇ maˬ duˇ-a.

Iˇsaˬyaˇ 47:14 ပူးပေါင်းရင်းမြစ်များ

Doˆ-iˇ 5:12

Kʼoeˇ ngeh, tsawˇ haˬ kʼoeˇ deuˬ, Iˇjiˇtuˆ miˇ kʼahˬ doe ni iˇ-awˇ gʼo yoeˬ poˆ uiˬ laˬ-iˇ-euˬ meh.

Iˇsaˬyaˇ 10:17

Iˇsaˬleˬlaˆ tsawˇ jeuˬ-euˬ yaw shehꞈ pyeuꞈ-eu Miˬyehˇ miˬ dzaˬ pyeuꞈ-iˇ tehꞈ-a. Iˇsaˬleˬlaˆ tsawˇ jeuˬ-euˬ muiˬ-eu shawˇ-eu Miˬyehˇ miˬ dzaˬ miˬ lmˇ pyeuꞈ-iˇ-awˇ, aˬ gah baw duˆ hawˇ-eu baw duˆ dawˬ tawˆ luꞈ-ahˇ, tiˬ nah laꞈ kʼoeˇ puiˆ dzaˬ jiˇ tehꞈ-a.

Iˇsaˬyaˇ 30:14

Mui duiˇ oeˬ lahˬ ga meuˇ jiˇ ngeh, miˬ jiˆ pehˆ ahˇ-eu kuˬ cuˇ luˇ pyehˬ maˬ dzeˇ-ehˇ, iˇ cuꞈ kuˬ-eu ni tseuˆ tseuˆ pyehˬ maˬ oꞈ-eu loꞈ-ehˇ, naw maꞈ guiˬ lahˬ doeˇ tehꞈ-a.”

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Iˇsaˬyaˇ 40:24

Aˬ yawꞈ maꞈ-aˬ ka-euˬ tiˬ dehˬ pyeuꞈ-awˇ, duˬ ciˇ maˬ toeˬ ziꞈ-euˬ sahˬ lahˬ-ahˇ duˇ-eu meh. Sahˬpaˬ Miˬyehˇ jaˬ lehˇ bi baw laꞈ ngeh, aˬ yawꞈ maꞈ koˆ-iˇ-awˇ gʼoˆ yoeˬ loꞈ-ehˇ bi baw byoˆ gʼeh-eu meh.

Iˇsaˬyaˇ 41:2

“Guiˇ deuˆ gʼaˬ nya-eu gʼaˬ-ahˇ nahˇ ma doˆ kʼehˬ paw neh aˬ suˇ gʼaˬ neh sheuˬ ahˇ leꞈ-awˇ, guiˇ kʼaˇ deuˆ gaˇ gʼaˬ leˇ ni, aˬ suˇ gʼaˬ jahˇ nehˬ ta. Sahˬ paˬ hawˇ-eu miˇ kʼahˬ deuˬ-ahˇ aˬ yawꞈ gʼaˬ leˇ ni, aˬ suˇ gʼaˬ caw ba ta. Aˬ yawꞈ-euˬ mi cehˇ neh aˬ yawꞈ maꞈ-ahˇ, kʼaˬ lehˇ loꞈ-ehˇ byehˆ nmˆ nehˬ-awˇ, aˬ yawꞈ-euˬ kaˆ aˬ yawꞈ maꞈ-ahˇ, gʼoˆ yoeˬ jaˬ lehˇ baw byaˆ-eu loꞈ-ehˇ jahˇ nehˬ-euˬ meh.

Iˇsaˬyaˇ 44:16

Aˇ bawˇ kʼoeˇ tiˬ kʼehˆ miˬ dzaˬ kʼehꞈ-awˇ shaˬ jiˇ tehˬ ba dzaˬ-awˇ nui kʼahˇ shiˇ-eu meh. Aˬ yawꞈ yaw gaˆ lmˇ-awˇ, “Yaw gaˆ lmˇ laˇ dui dui nya. Miˬ dzaˬ heu muiˬ dui dui nya” lehˇ ehˇ-eu meh.

Iˇsaˬyaˇ 5:24

Kʼoeˇ miˇ neh, gʼo yoeˬ hawˇ-eu uˬ jiˇ, miˬ dzaˬ miˬ lmˇ laꞈ kʼoeˇ byoˆ-iˇ-eu loꞈ-ehˇ, aˬ yawꞈ maꞈ-euˬ duˬ ciˇ peuˬ-iˇ jiˇ-awˇ, aˬ yawꞈ maꞈ-euˬ aˇ yehˆ kʼaˬ lehˇ loꞈ-ehˇ bi baw byoˆ jiˇ tehꞈ-a. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ, aˬ yawꞈ maꞈ byehˇ dzeh jiˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ dawˬ-ahˇ, aˬ yawꞈ maꞈ naˬ bawˇ maˬ ciˬ kʼmˇ-a.

Yeˬlaˬmiˇ 51:30

Baˬbuˇloˬ yehˇ deuˬ guiˇ maˬ deuˆ ni naˬ leˇ-awˇ, aˬ yawꞈ maꞈ-euˬ taˆ laꞈ kʼoeˇ uˇ luꞈ-eu meh. Aˬ yawꞈ maꞈ nui ma baˬ dui dui-iˇ-awˇ, zaˬ miˬ zaˬ loꞈ-ehˇ pyeuꞈ laˇ taˬ-euˬ meh. Meuˬ lahˇ laˇ gʼoˆ deuˬ pyaˆ-iˇ jiˇ-awˇ, nymˇ deuˬ miˬ dzaˬ puiˆ luꞈ-eu meh.

Yeˬlaˬmiˇ 51:32

Lawˇ baˬ tsehˆ daˬ-ahˇ muiˇ-eu deuˬ neh deuˆ gʼaˬ-awˇ, taˆ taˆ lah-ehˇ miˬ dzaˬ bi dzah puiˆ-awˇ, Baˬbuˇloˬ yehˇ deuˬ laˇ baˇ-iˇ-euˬ meh.

Yeˬlaˬmiˇ 51:58

Baoˬ huiˬ-eu Baˬbuˇloˬ meuˬ lahˇ, miˇ tsa ga byaˆ le tehꞈ-a. Goˇ dui dui-eu meuˬ lahˇ laˇ gʼoˆ deuˬ kʼawꞈ, miˬ dzaˬ puiˆ dzeh tehꞈ-a. Miˇ tsaˬ tsawˇ jeuˬ mˇ-euˬ gaˇ deuˬ, tiˬ jeˬ-iˬ gaˇ dahˇ maˬ tsoeˬ-a. Aˬ yawꞈ maꞈ neh yuˇ doˆ-euˬ gʼaˬ, miˬ lmˇ laꞈ kʼoeˇ byoˆ jiˇ meh lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ ma.”

Yeˬsaˬgeˬlaˇ 15:7

Aˬ yawꞈ maꞈ-ahˇ ngaˇ myaˆ haw maˬ cawˬ nehˬ. Aˬ yawꞈ maꞈ miˬ dzaˬ-ahˇ cehˆ dzeuˇ-euˬ kʼawꞈ, miˬ dzaˬ neh paˇ bi puiˆ dzaˬ tehꞈ-a. Aˬ yawꞈ maꞈ-ahˇ ngaˇ kʼehˬ nehˬ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a.

Yawˇlaˆ 2:5

Gawˬ jawˬ-ahˇ tsawˬ tsawˬ-ehˇ cah ngeh, mahˬ laˆ lawˬ-euˬ teˇ saˇ loꞈ-ehˇ, shoe loe shuiˇ luiˇ-ehˇ mahˇ laˇ-awˇ, jaˆ gaˆ miˬ dzaˬ puiˆ-eu loꞈ-ehˇ, toeˆ toeˆ tawˆ tawˆ-ehˇ mahˇ-eu meh. Guiˇ deuˆ-eu lehˬ hmˬ dah taˬ-euˬ, guiˇ maꞈ maꞈ ma tiˬ maꞈ loꞈ-ehˇ, aˬ yawꞈ maꞈ yawꞈ cehˆ taˬ-euˬ meh.

Aaˇbaˬdiˇ 1:18

Yaˬkoˆ, Yoˇsehˆ-euˬ tsawˇ haˬ deuˬ, miˬ dzaˬ loꞈ-ehˇ duˇ leˇ tehꞈ-a. Jaˆ guˬ jaˆ gaˆ puiˆ-eu loꞈ-ehˇ, Iˇsawˇ-euˬ zaˬ deuˬ uˆ deuˬ-ahˇ, aˬ yawꞈ maꞈ laˆ cawˆ nehˬ tehꞈ-a. Iˇsawˇ-euˬ zaˬ deuˬ uˆ deuˬ-aˬ, tiˬ gʼaˬ-iˬ maˬ dzeuˇ-iˇ nya ni, ya shiˇ jiˇ gaˇ keuˆ tehꞈ-a lehˇ, ngaˇ Sahˬpaˬ Miˬyehˇ ehˇ-eu ma.

Naˬhmˬ 1:10

Aˬ gah gʼoˆ yoeˬ jehˆ bymˇ loꞈ-ehˇ, keuˬ dzeh gaˇ nawˇ ya daˬ tehꞈ-a.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Panmaeq 18:21

Kʼoeˇ naˇ, gʼaˬ kʼaˆ dui dui-eu mˬ taˆ gʼaˬ kʼehˇ tiˬ gʼaˬ lo lehˬ hui ni ahˇ-eu kʼaˬ lo tiˬ siˬ iˬ ma laˆ shaˆ-ahˇ baꞈ puꞈ gʼeh-awˇ, heu loꞈ-ehˇ ehˇ-eu meh. “Huiˬ dui dui-eu Baˬbuˇloˬ meuˬ, heu loꞈ-ehˇ bi baꞈ dzeh gʼeh-awˇ, tiˬ jawˇ-iˬ maˬ paˇ ya mawˇ-aˇ.