Iˇsaˬyaˇ 47:13 - Akha

¹³ Nawˬ-ahˇ nui noeˬ nui duˇ biꞈ-eu jawˇ kʼawꞈ, nawˇ gʼaˬ tiˬ pawꞈ-iˬ maˬ ahˇ-a. Ja maw nya-eu deuˬ mehˬ shi kuˇ doˆ-awˇ, nawˬ-ahˇ bi ka kʼoꞈ-awˬ. Aˬ guiˇ gaˇ kawˆ dzaw nya taˬ-awˇ, mˬ-ahˇ daˇ dza dehˬ jiˇ nya-eu, ba la aˬ yawꞈ siˬ yawꞈ kʼaˇ pyeuꞈ laˇ-eu gaˇ kawˆ, nawˬ-ahˇ ehˇ mehˬ nya-eu tsawˇ haˬ kʼoeˇ deuˬ, nawˬ-ahˇ bi ka kʼoꞈ-awˬ.

Iˇsaˬyaˇ 47:13 ပူးပေါင်းရင်းမြစ်များ

Iˇsaˬyaˇ 44:25

Nyiˇ paˬ shaˆ ma deuˬ-ahˇ ngaˇ tsawˇ uˬ laˆ uˬ-awˇ, mah loˬ ja maw nya-eu deuˬ-ahˇ daˬ laˆ ga nehˬ-euˬ ma. Zaˬ siˬ tsawˇ gahˇ byah-eu deuˬ-euˬ dawˬ-ahˇ ngaˇ laˆ cawˆ-awˇ, aˬ yawꞈ maꞈ-euˬ zaˬ siˬ tsawˇ gahˇ yawꞈ ngehꞈ meh lehˇ bi siˬ-euˬ ma.

Iˇsaˬyaˇ 47:15

Nawˬ-euˬ tiˬ ziˇ gʼoe daˆ laꞈ-euˬ ja maw kʼoeˇ deuˬ, nawˬ-euˬ gʼaˇ duˬ heu loꞈ-ehˇ jahˇ tehꞈ-a. Dawˬ tawˆ luꞈ nawˬ-ahˇ byehˇ dzeh-awˇ, yawˬ ha gaˇ ma yawˬ ha iˇ-eu miˇ neh, nawˬ-ahˇ ka kʼoꞈ-eu maˬ jawˇ-a.”

Iˇsaˬyaˇ 47:9

Ehˇ kʼawꞈ, tiˬ kʼehˇ laˇ kʼehˬ tiˬ nah laꞈ kʼoeˇ, kʼoeˇ nyiˬ jeˬ luꞈ keuˆ le tehꞈ-a. Nyiˇ paˬ shaˆ ma-ahˇ nawˇ gʼoe kʼawꞈ, nawˬ-euˬ kʼaˬ dzeˇ zaˬ hawˇ-eu zaˬ deuˬ shiˇ tehꞈ-a.

Iˇsaˬyaˇ 57:10

Miˬ yehˇ nui deuˬ-ahˇ poˆ poˆ-ehˇ shaˬ sehꞈ leꞈ kʼawꞈ, maˬ paˇ poˆ ma lehˇ naw maꞈ maˬ noeˬ-a. Lawˇ ciꞈ zaˬ-euˬ tahˬ pahˬ aˬ ma mawˇ kawˇ gʼaˬ lahˬ lahˬ-eu miˇ neh, gʼaˬ maˬ ya baˬ-iˇ-aˇ lehˇ naw maꞈ noeˬ-eu meh.

Iˇsaˬyaˇ 8:19

Ehˇ kʼawꞈ, ja maw nya-eu deuˬ hawˇ-eu, teˇ saˇ yaw nahˬ yaw gʼahˇ baw baw-ehˇ nyiˇ paˬ shiˇ nya-eu nyiˇ paˬ shaˆ ma deuˬ-ahˇ gʼoe-eu gʼaˇ duˬ, aˬ cawˬ naw maꞈ-ahˇ gʼaˬ biꞈ tehꞈ-a. “Dehꞈ luꞈ-eu deuˬ-euˬ dah zaˇ shiˇ dzeuˇ-euˬ deuˬ nehˬ-ehˇ ngehˬ cawˬ taꞈ-awˇ, nehꞈ-euˬ dawˬ-ahˇ naˇ haˬ geuꞈ-eu tsaˬ tehꞈ-a” lehˇ, nyiˇ paˬ shaˆ ma kʼoeˇ deuˬ ehˇ tehꞈ-a.

Yeˬlaˬmiˇ 51:58

Baoˬ huiˬ-eu Baˬbuˇloˬ meuˬ lahˇ, miˇ tsa ga byaˆ le tehꞈ-a. Goˇ dui dui-eu meuˬ lahˇ laˇ gʼoˆ deuˬ kʼawꞈ, miˬ dzaˬ puiˆ dzeh tehꞈ-a. Miˇ tsaˬ tsawˇ jeuˬ mˇ-euˬ gaˇ deuˬ, tiˬ jeˬ-iˬ gaˇ dahˇ maˬ tsoeˬ-a. Aˬ yawꞈ maꞈ neh yuˇ doˆ-euˬ gʼaˬ, miˬ lmˇ laꞈ kʼoeˇ byoˆ jiˇ meh lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ ma.”

Yeˬlaˬmiˇ 51:64

Kʼoeˇ naˇ, heu loꞈ-ehˇ ehˇ-awˬ. ‘Baˬbuˇloˬ miˇ kʼahˬ-ahˇ heu loꞈ-ehˇ gʼeh-eu jeˬ keuˆ le tehꞈ-a. Baˬbuˇloˬ miˇ kʼahˬ ga nuiꞈ-awˇ maˬ paˇ doˆ laˇ nya-aˇ. Aˬ jeˬ miˇ neh ehˇ naˇ, Sahˬpaˬ Miˬyehˇ luˬ-iˇ seˇ-iˇ-eu jeˬ bi keuˆ le-eu’ lehˇ lehˬ hmˬ luꞈ meh lehˇ ehˇ-awˬ.” Yeˬlaˬmiˇ-euˬ dawˬ heu gaˇ jiˇ-euˬ meh.

Yeˬsaˬgeˬlaˇ 24:12

Kʼoeˇ naˆ ni jahˇ-euˬ kʼawꞈ yawꞈ ngehꞈ meh. Dzaˬ naꞈ taˬ-eu shmˇ kawˬ maˬ puiˆ shawˇ jiˇ nya-a.

Daˬyeˬlaˇ 5:30

Kʼoeˇ ngeh miˇ, Baˬbuˇloˬ sahˬ paˬ Beˬlaˇshaˬzaˬ-ahˇ aˬ cawˬ sehꞈ-euˬ meh.

Haˬbaˬkuˆ 2:13

miˇkʼahˬ tsawˇjeuˬ shaˬdoeˇ-euˬ kʼoeˇ, gaˇ dahˇ tsoeˬ leˇ duˬ maˬ jaˆ ni, Baoˬ huiˬ-eu Sahˬpaˬ Miˬyehˇ neh, noeˬ tsehˆ daˇ tsehˆ jiˇ taˬ-euˬ meh.