Iˇsaˬyaˇ 47:1 - Akha

¹ Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ-oˇ, dzoeˬ dzaˬ nuiˇ mahˬ kʼoeˇ taˆ zaꞈ ka le-awˇ, miˇ tsa kʼaˬ lehˇ tsahˬ-ahˇ nuiˇ-awˬ. Yaw beh nawˇ guiˇ maˬ bi deuˆ gʼaˬ haw-ehˇ, miˬ daꞈ daꞈ shuiꞈ-ahˇ duˇ-euˬ meh. Ehˇ kʼawꞈ, nawˇ nahˬ jawˆ ni maˬ paˇ gʼeh-ehˇ, nymˬ-mˇ aˬ cawˬ zaˬ kʼaˆ pyeuꞈ shaw-euˬ meh.

Iˇsaˬyaˇ 47:1 ပူးပေါင်းရင်းမြစ်များ

Yawˇbaˆ 2:13

Kʼoeˇ naˇ, aˬ yawꞈ maꞈ aˬ yawꞈ nehˬ-ehˇ tiˬ kawˆ loꞈ-ehˇ miˇ tsaˬ-ahˇ shiꞈ nah keuˆ ni nuiˇ-awˇ, dawˬ maˬ tmˇ ni jawˇ-euˬ meh. Aˬ jeˬ miˇ neh ehˇ naˇ, aˬ yawꞈ shaˬ zahˬ naꞈ dui dui gaˇ aˬ yawꞈ maꞈ ya mawˇ duˬ-euˬ meh.

Yawˇbaˆ 2:8

Kʼoeˇ ngeh, Yawˇbaˆ kʼaˬ lehˇ lehˇ deh-ahˇ nuiˇ-awˇ, ciˬ cuˇ cuˇ pyehˬ tiˬ hmˬ neh maˇ naˇ kʼoeˇ deuˬ-ahˇ yaw dzuiˆ pyaˆ luꞈ-eu meh.

Jaceuq 137:8

Baˬbuˇloˬ meuˬ-oˇ, nawˇ ya luˬ ya seˇ-iˇ tehꞈ-a. Nawˬ neh nga maꞈ-ahˇ jahˇ nehˬ laꞈ-euˬ loꞈ-ehˇ, nawˬ-ahˇ paˇ jahˇ kʼoꞈ nehˬ-eu tsawˇ haˬ guiˬ lahˬ huiˬ tehꞈ-a.

Jaceuq 18:27

Nui nahˬnui yu ahˇ-eu deuˬ-ahˇ, nawˇmaˬbyehˇni ka kʼoꞈnehˬ-awˇ, nui ma huiˬ-eu mahˇ-eu deuˬ-ahˇ, nawˇgʼeu ka-awˇdehˬawˆ-euˬmeh.

Jaceuq 89:44

Aˬ yawꞈ tuˆ tehˬ luꞈ-eu dzoeˬ dzaˬ gawˬ yoeˬ nawˇ yuˇ kʼoꞈ-awˇ, aˬ yawꞈ-euˬ nuiˇ mahˬ-ahˇ miˇ tsa ngawˬ coˬ nehˬ-euˬ meh.

Iˇsaˬyaˇ 13:1

Heu-aˬ, Miˬyehˇ neh Aˬmoˆ-euˬ aˬ li Iˇsaˬyaˇ-ahˇ pah mehˬ nehˬ-euˬ, Baˬbuˇloˬ meuˬ-ahˇ taꞈ leˇ-eu gaˇ kawˆ deuˬ meh.

Iˇsaˬyaˇ 13:13

Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, ngaˬ-euˬ nui ma bi mawˇ ngeh nah, mˬ-ahˇ sheu nyeh nehˬ-awˇ, miˇ tsaˬ tahˬ kʼawˇ jawˇ duˬ bi cehˆ paˇ ma.

Iˇsaˬyaˇ 14:1

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ paˇ gaˬ nehˬ-awˇ, aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tiˬ poˆ paˇ tseˇ doˆ nehˬ tehꞈ-a. Aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ paˇ bi jawˇ gʼoꞈ leˇ-awˇ, aˬ cawˬ tsawˇ jeuˬ deuˬ kʼawꞈ aˬ yawꞈ maꞈ nehˬ-ehˇ jawˇ leˇ tehꞈ-a.

Iˇsaˬyaˇ 21:1

Heu-aˬ, Baˬbuˇloˬ meuˬ-ahˇ taꞈ-eu Miˬyehˇ-euˬ dawˬ meh. Kʼaˇ shuiꞈ deh ga nyiˬ tsehˆ-ehˇ baw gʼeh leꞈ-eu, guˆ laˇ paˬ-ehˇ gʼeh-eu jaˬ lehˇ lehˇ zeuˆ loꞈ-ehˇ, guˆ laˇ paˬ-ehˇ gʼeh-eu miˇ kʼahˬ paw neh, guˆ-eu gaˆ-eu jeˬ keuˆ le tehꞈ-a.

Iˇsaˬyaˇ 23:12

Siˇdoˬ meuˬ-oˇ, nawˇ laˬ kʼaˬ cehˇ-eu aˇ yamˬ jiˇ le-awˇ, nawˬ-euˬ tsawˇ haˬ deuˬ-ahˇ aˬ cawˬ kʼehˬ tehꞈ-a. Guˇbaˬluˇ iˇ jaw lahˇ-ahˇ cehˆ-iˇ kʼawꞈ, cehˆ dzeuˇ kʼaˇ maˬ za-a.

Iˇsaˬyaˇ 26:5

Nui ma huiˬ-eu mahˇ-eu deuˬ-ahˇ aˬ yawꞈ dehˬ awˆ-eu meh. Ziꞈ dah ni gʼeh-eu aˬ yawꞈ maꞈ-euˬ meuˬ-ahˇ, aˬ yawꞈ laˆ cawˆ nehˬ-awˇ, meuˬ meuˬ lahˇ bi byaˆ-iˇ-awˇ, kʼaˬ lehˇ loꞈ-ehˇ laˆ pyeuꞈ tehꞈ-a.

Iˇsaˬyaˇ 3:26

Meuˬ meuˬ lahˇ tsawˇ ngoeˇ ngoeˇ-awˇ, meuˬ-euˬ jawˬ gʼehˇ dzawˇ ngeh, neˇ myawˆ ni miˇ tsa nuiˇ-eu zaˬ miˬ zaˬ-ahˇ duˇ tehꞈ-a.

Iˇsaˬyaˇ 37:22

Saˬneˬkaˬliˇ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. Saˬneˬkaˬliˇ-oˇ, Yeˬluˇsaˬlehˬ meuˬ nawˬ-ahˇ uiˇ-awˇ, noeˬ teˬ dui dui luꞈ meh.

Iˇsaˬyaˇ 52:2

Yeˬluˇsaˬlehˬ meuˬ-oˇ, kʼaˬ lehˇ byuˬ kʼaˇ dzeh-awˬ. Kʼaˬ lehˇ tsahˬ-ahˇ neh tuˇ laˇ-awˇ, dzoeˬ dzaˬ nuiˇ mahˬ kʼoeˇ taˆ nuiˇ-awˬ. Paꞈ tawꞈ taˬ-euˬ Ziˇoˬ meuˬ zaˬ deuˬ-oˇ, shmˇ caˆ tseuˆ puiˇ dzeh-awˬ.

Yeˬlaˬmiˇ 13:18

Sahˬpaˬ Miˬyehˇ ngaˬ-ahˇ ehˇ-eu, “Sahˬ paˬ hawˇ-eu aˬ yawꞈ-euˬ aˬ ma-ahˇ, heu loꞈ-ehˇ ehˇ nehˬ-awˬ. Naw maꞈ-euˬ nuiˇ mahˬ-ahˇ byehˇ-awˇ zaꞈ ka le-awˬ. Aˬ jeˬ miˇ neh ehˇ naˇ naw maꞈ uˬ duˬ-ahˇ kʼoˆ luꞈ-eu, kʼahˬ sehˇ huiˬ-eu shuiˇ uˬ kʼoˆ ga lehˆ le tehꞈ-a.

Yeˬlaˬmiˇ 46:11

Iˇjiˇtuˆ tsawˇ haˬ-oˇ, Giˇlaˆ miˇ kʼahˬ-ahˇ jaˆ gʼaˬ poˆ leˇ sheˇ. Naw maꞈ-euˬ jaˆ gʼaˬ deuˬ gaˇ dahˇ maˬ paˇ tsoeˬ-ehˇ, naw maꞈ naˇ gawˇ maˬ paˇ yaˇ taˬ nya meh.

Yeˬlaˬmiˇ 48:18

Diˇboˬ meuˬ-ahˇ jawˇ-eu tsawˇ haˬ deuˬ-oˇ, kʼahˬ sehˇ jaˆ-eu jawˇ duˬ-ahˇ neh zaꞈ ka le-awˇ, miˇ tsaˬ kʼaˬ lehˇ tsahˬ-ahˇ nuiˇ pahˬ le-awˬ. Mawˇbaˆ miˇ kʼahˬ laˆ cawˆ le-eu deuˬ laˇ keuˆ-awˇ, naw maꞈ-euˬ taˆ laˆ cawˆ-euˬ meh.

Yeˬlaˬmiˇ 50:1

Baˬbuˇloˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ taꞈ leˇ-awˇ, Sahˬpaˬ Miˬyehˇ neh ngaˬ-ahˇ biꞈ laꞈ-euˬ dawˬ heu loꞈ-ehˇ meh.

Yeˬlaˬmiˇ 50:42

Kaˆ hawˇ-eu mi cehˇ-ahˇ tuˆ tehˬ taˬ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ dziˬ-awˇ oe ngeh, laˆ shaˆ iˇ kʼawˇ mahˇ laˇ gaˇ duˇ-eu meh. Baˬbuˇloˬ miˇ kʼahˬ-ahˇ deuˆ-eu gʼaˇ duˬ, aˬ yawꞈ maꞈ lehˬ hmˬ dah-euˬ meh.

Yeˬlaˬmiˇ 51:1

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ miˇ kʼahˬ hawˇ-eu Baˬbuˇloˬ tsawˇ haˬ deuˬ kʼoeˇ taˆ, laˆ cawˆ-eu jaˬ lehˇ tiˬ bahˬ bi oe-eu lehˇ ngaˇ gʼeh-eu ma.

Yeˬlaˬmiˇ 51:33

Gʼawˬ myahˇ maˬ gʼeh-ehˇ muiˇ-eu deuˬ aˬ yawꞈ maꞈ-ahˇ coeˇ tsehˆ-awˇ, cehˇ nawˬ-eu loꞈ-ehˇ nawˬ pahˬ nehˬ tehꞈ-a lehˇ, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ ehˇ-eu ma.”

Yeˬlaˬmiˇ 51:51

‘Nga maꞈ daˬ ga-awˇ shaꞈ dawˇ dui dui nya. Uˬ duˬ tahˬ nymˇ nymˇ ma laꞈ kʼoeˇ jaˆ-eu muiˬ-eu shawˇ-eu jawˇ duˬ-ahˇ aˬ cawˬ tsawˇ jeuˬ uˇ laˇ-euˬ miˇ neh, tiˬ pawꞈ-iˬ gaˇ dahˇ maˬ paˇ tsoeˬ miˇ-a’ lehˇ naw maꞈ ehˇ luꞈ meh.

Ngoeˇ dawˬ 2:10

Ziˇoˬ meuˬ-euˬ tsawˇ mawˬ tsawˇ kʼaˆ, uˬ duˬ kʼaˬ lehˇ jehˆ daˆ taˬ-awˇ, guˬ daˇ pehˇ zeuˇ mehˬ tsoeˬ dm-awˇ, miˇ tsa ciˬ cuˇ ni dzuˇ-eu meh. Ziˇoˬ-euˬ aˬ buˇ miˬ daꞈ deuˬ, miˇ tsa uˬ duˬ tahˬ moꞈ-eu meh.

Ngoeˇ dawˬ 2:21

Tsawˇ mawˬ zaˬ guˬ tiˬ gaˇ shiˇ-awˇ, meuˬ-euˬ gʼahˇ ceh gaˇ ma doe ni, kʼaˬ lehˇ tsahˬ-ahˇ ga luꞈ-eu meh. Aˬ li zaˬ guˬ aˬ buˇ zaˬ guˬ, mi cehˇ neh bi sehꞈ dzeh-euˬ meh. Nawˬ-euˬ nui ma pehˇ laˇ ngeh nah, gʼawˬ shaˬ gaˬ-eu jeˬ maˬ ahˇ ni, aˬ yawꞈ maꞈ-ahˇ sehꞈ dzeh-euˬ meh.

Ngoeˇ dawˬ 4:5

Dzaˇ kuiˇ dzaˇ myehˇ dzaˬ-euˬ tsawˇ haˬ, gaˇ ma-ahˇ mehꞈ-eu ga luꞈ meh. Muiˬ-eu paˇ neˇ dm-euˬ tsawˇ haˬ, kʼaˬ lehˇ jehˆ bymˇ-ahˇ lah luꞈ meh.

Yeˬsaˬgeˬlaˇ 26:16

Iˬ ma laˆ shaˆ paw kʼaˇ jawˇ-eu sahˬ paˬdawˬ tawˆ luꞈ sahˬ paˬ-euˬ nuiˇ mahˬ-ahˇ byehˇ-awˇ, pehˇ kʼahˬ pehˇ mahˇ hawˇ-eu aˇ boꞈ aˇ yehˆ yehˆ taˬ-euˬ mehˬ tsoeˬ deuˬ lehˆ dzeh-awˇ, yaw dzuˬ dzuˬ dzuˬ-ehˇ miˇ tsa ga nuiˇ tehꞈ-a. Nawˇ guiˬ lahˬ doeˇ gaˇ aˬ yawꞈ maꞈ haw guˆ-awˇ, yaw dzuˬ dzuˬ-eu maˬ naˬ leˇ nya-ehˇ shaˬ tehꞈ-a.

Yeˬsaˬgeˬlaˇ 28:17

Nawˬ-euˬ seuˆ jeuꞈ aˇ gʼehˇ muiˬ gaˇ, nawˇ nui ma huiˬ dui dui-eu meh. Nawˇ tsawˇ myahˇ doˆ-eu baˬ da neh, nui ma-ahˇ maˬ paˇ noeˬ-euˬ meh. Kʼoeˇ miˇ neh, nawˬ-ahˇ dehˬ coˬ-awˇ, miˇ kʼahˬ sahˬ paˬ deuˬ-euˬ mehˬ shi, haw niˇ gʼa duˬ bi pyeuꞈ-euˬ ma.

Yawˇnaˆ 3:6

Gaˇ kawˆ kʼoeˇ Niˇnaˬbeˬ sahˬ paˬ-ahˇ gaˬ keuˆ leˇ ngeh, aˬ yawꞈ-euˬ dzoeˬ dzaˬ nuiˇ mahˬ-ahˇ nuiˇ luꞈ-eu tuˇ laˇ-awˇ, sahˬ paˬ dm-eu pehˇ kʼahˬ pehˇ mahˇ lehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, lehˇ tsaˇ jaˆ gaˇ nuiˇ-euˬ meh.

Haˬgaiˇ 2:22

Miˇ kʼahˬ deuˬ bi ga ka jiˇ-awˇ, baoˬ bi byoˆ-iˇ jiˇ-eu lehˇ gʼeh-eu ma. Mahˬ laˆ lawˬ deuˬ hawˇ-eu laˆ lawˬ teh-eu deuˬ-ahˇ ngaˇ ngawˬ pyaˆ dzeh ma. Mahˬ deuˬ shiˇ-awˇ, mahˬ laˆ lawˬ teh-eu deuˬ tiˬ gʼaˬ tiˇ gʼaˬ sehꞈ tehꞈ-a.

Zaˬkaˬliˇ 2:7

“Baˬbuˇloˬ miˇ kʼahˬ-ahˇ jawˇ-eu tsawˇ haˬ deuˬ-oˇ, Ziˇoˬ gawˬ jawˬ-ahˇ cehˆ gʼoꞈ doˆ laˇ yawˬ” lehˇ ehˇ-eu meh.

Panmaeq 18:7

Aˬ yawꞈ yaw shehꞈ kʼahˬ sehˇ huiˬ-awˇ, byawˬ gʼa mo gʼa dehˆ-euˬ kʼoeˇ-ahˇ, shaˬ zahˬ gʼaˬ di di kʼoꞈ nehˬ-awˬ. ‘Sahˬ ma geuꞈ-awˇ ngaˇ nuiˇ luꞈ ma. Miˬ coeˬ miˬ ma pyeuꞈ-eu maˬ ngeuˇ. Shaˬ zahˬ tiˬ jawˇ-iˬ maˬ mˇ’lehˇ, aˬ yawꞈ ehˇ taˬ-euˬ jaˆ-eu meh.