Iˇsaˬyaˇ 46:13 - Akha

¹³ Gʼaˬ leˇ-eu aˇ nah kʼoeˇ ngaˇ bi peh le luꞈ ma. Gaˇ mahˇ maˬ paˇ kaˬ meh. Ngaˇ gʼaˬ leˇ-eu aˇ nah maˬ paˇ nyi naˬ nya meh. Yeˬluˇsaˬlehˬ meuˬ-ahˇ ngaˇ ka kʼoꞈ-awˇ, Iˇsaˬleˬlaˆ-ahˇ kʼoeˇ gaˇ ciˬ huiˬ nehˬ ma.”

Iˇsaˬyaˇ 46:13 ပူးပေါင်းရင်းမြစ်များ

Jaceuq 14:7

Iˇsaˬleˬlaˆ-ahˇ ka kʼoꞈ-eu, Ziˇoˬgawˬjawˬ-ahˇneh oe meh. Aˬyawꞈmaꞈpaˇdehꞈdzaˬlaˇni, SahˬpaˬMiˬyehˇ caw ba nehˬngeh, Yaˬkoˆlaˬkʼaˬcehˇdui dui-awˇ, Iˇsaˬleˬlaˆ byawˬdui tehꞈ-a.

Jaceuq 46:1

Miˬyehˇ-aˬ, aˬ dui-euˬ gʼoe duˬ hawˇ-eu aˬ dui-euˬ gʼaˬ pyeuꞈ-awˇ, shaˬ-eu zahˬ-eu aˇ yamˬ laꞈ kʼoeˇ, aˬ dui-ahˇ caw ba nehˬ laꞈ-eu meh.

Jaceuq 46:5

Meuˬ kʼoeˇ meuˬ-ahˇ Miˬyehˇ jawˇ-awˇ, tiˬ jawˇ-iˬ maˬ cawˆ-iˇ nya-a. Uˬ bya bya laˇ ngeh meuˬ kʼoeˇ meuˬ-ahˇ aˬ yawꞈ caw ba le-eu meh.

Jaceuq 85:10

Gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ tahˬ dzoeˇ tehꞈ-a. Yaw tsaˬ yaw dawˇ jeˬ hawˇ-eu nui saˇ oꞈ-eu jeˬ tiˬ gaˇ jaˆ le tehꞈ-a.

Jaceuq 85:9

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ-ahˇ aˬ diˇ aˬ maˇ ka kʼoꞈ nehˬ-awˇ, ka kʼoꞈ-eu guiˬ lahˬ yaw dzahˇ aˬ dui-euˬ miˇ kʼahˬ heu kʼoeˇ taˆ jaˆ tehꞈ-a.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 28:16

Ehˇ kʼawꞈ, Sahˬpaˬ Miˬyehˇ heu loꞈ-ehˇ ehˇ-eu meh. “Ziˇoˬ meuˬ-euˬ dawˬ pehˬ ziꞈ dah ni ngaˇ gawˬ-euˬ ma. ‘Jah-eu ziꞈ-eu jeˬ-aˬ kamˬ coeˇ-eu jeˬ meh’ lehˇ boꞈ taˬ-euˬ, ziꞈ dah ni gʼeh-eu kʼaˬ lo neh, laꞈ coeˇ gawˬ tehˬ-euˬ ma.

Iˇsaˬyaˇ 43:7

Aˬ yawꞈ maꞈ ngaˬ-euˬ tsawˇ haˬ ma. Ngaˬ-euˬ yaw shehꞈ kʼahˬ sehˇ bi doˆ laˇ ni, aˬ yawꞈ maꞈ-ahˇ ngaˇ beh-euˬ ma.”

Iˇsaˬyaˇ 44:23

Mˬ-oˇ, laˬ kʼaˬ cehˇ-awˇ guˇ-awˬ. Miˇ tsaˬ yaw naꞈ tsahˇ-oˇ, guˇ-awˬ. Gawˬ jawˬ deuˬ laˬ kʼaˬ cehˇ-awˇ yaw kʼaˆ-ehˇ guˇ-awˬ. Sahˬ kʼaˆ-ahˇ kʼaˇ dehꞈ-eu aˇ bawˇ yawˬ bawˇ na luꞈ guˇ-awˬ. Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-eu laꞈ kʼoeˇ, aˬ yawꞈ huiˬ-eu mahˇ-eu gaˇ kawˆ bi mawˇ-euˬ meh.

Iˇsaˬyaˇ 45:8

Gʼaˬ leˇ-eu jeˬ mˬ kʼoeˇ taˆ neh, uˬ yehˇ yehˇ-eu loꞈ-ehˇ ngaˇ pyehˬ ka gaˇ, miˇ tsaˬ kʼawˬ pymˬ pah-awˇ ciˬ kʼmˇ geuꞈ ngeh, buˬ-iˇ law-iˇ-eu jeˬ hawˇ-eu yaw tsaˬ yaw dawˇ, aˇ yehˆ loꞈ-ehˇ poˬ laˇ tehꞈ-a. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loꞈ-ehˇ pyeuꞈ laˇ ni mˇ ma.”

Iˇsaˬyaˇ 51:5

Ngaˇ yaw kawˇ-ehˇ oe-awˇ aˬ yawꞈ maꞈ-ahˇ ka kʼoꞈ le ma. Ngaˇ gʼaˬ leˇ-eu aˇ yamˬ dawˬ peh peh laˇ luꞈ meh. Tsawˇ jeuˬ dawˬ tawˆ luꞈ-ahˇ ngaˇ uˆ lahˇ ma. Gaˇ mahˇ kaˬ-eu miˇ kʼahˬ deuˬ ngaˬ-ahˇ dawˬ luꞈ meh. Aˬ yawꞈ maꞈ-ahˇ ngaˇ ka kʼoꞈ nehˬ le gaˇ noeˬ tmˬ luꞈ meh.

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Iˇsaˬyaˇ 56:1

“Yaw tsaˬ yaw dawˇ jeˬ-ahˇ tuˆ tehˬ taˬ-awˇ, yaw tsaˬ yaw dawˇ jeˬ-ahˇ mˇ-awˬ. Ngaˇ ka kʼoꞈ-eu aˇ yamˬ peh le luꞈ-awˇ, ngaˬ-euˬ yaw tsaˬ yaw dawˇ jeˬ pah mehˬ-eu aˇ yamˬ tsaˬ laˇ-euˬ meh.

Iˇsaˬyaˇ 60:21

Nawˬ-euˬ tsawˇ haˬ dawˬ tawˆ yaw tsaˬ yaw dawˇ jeˬ-ahˇ mˇ-awˇ, mˬ maˬ maˬ byaˆ zaˇ ziˇ miˇ kʼahˬ heu za tehꞈ-a. Ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, aˬ yawꞈ maꞈ-ahˇ ngaˬ neh ka-awˇ, ngaˬ neh mˇ taˬ-euˬ kuiˇ zaˇ laꞈ zaˇ pyeuꞈ-eu ma.

Iˇsaˬyaˇ 60:9

Sahˬpaˬ Miˬyehˇ-euˬ tsawˇ haˬ sheuˬ kʼoꞈ ha laˇ-eu gʼaˇ duˬ, gaˇ mahˇ kaˬ gaˇ neh oe-euˬ saˇ baoˬ meh. Tsawˇ jeuˬ dawˬ tawˆ luꞈ aˬ yawꞈ-euˬ tsawˇ jeuˬ-ahˇ taˬ huiˬ ni jahˇ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-euˬ tsawˇ myahˇ-ahˇ taˬ huiˬ taˬ mahˇ nehˬ-eu gʼaˇ duˬ, pyuˇ hawˇ-eu shuiˇ deuˬ aˬ yawꞈ maꞈ yuˇ laꞈ-euˬ meh.

Iˇsaˬyaˇ 61:11

Aˇ yoeˬ-ahˇ aˇ bawˇ dehꞈ laˇ-eu yaw duˬ baw-eu loꞈ-ehˇ, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, aˬ yawꞈ-euˬ tsawˇ jeuˬ-ahˇ ka kʼoꞈ nehˬ-eu yaw duˬ baw-awˇ, tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ tehꞈ-a.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Iˇsaˬyaˇ 62:1

Yeˬluˇsaˬlehˬ meuˬ-ahˇ gʼaˬ biꞈ nehˬ-eu dawˬ ngaˇ ngehˬ ma. Meuˬ kʼoeˇ meuˬ ka kʼoꞈ-eu jeˬ za gʼaˬ-awˇ, aˬ yawꞈ gʼaˬ leˇ-eu jeˬ uˬ ciꞈ bya-eu nahˇ ma nahˇ doꞈ loꞈ-ehˇ maˬ bya laˇ kʼoeˇ keuˆ ni, ngaˇ ciˬ cuˇ ni maˬ jawˇ.

Iˇsaˬyaˇ 62:11

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ heu loꞈ-ehˇ ehˇ luꞈ meh. “Naw maꞈ-ahˇ ka kʼoꞈ-eu gʼaˇ duˬ, aˬ yawꞈ neh ka kʼoꞈ doˆ laꞈ-euˬ tsawˇ haˬ deuˬ-ahˇ sheuˬ-awˇ, Sahˬpaˬ Miˬyehˇ oe luꞈ meh lehˇ, Yeˬluˇsaˬlehˬ tsawˇ haˬ-ahˇ ehˇ nehˬ-awˬ.”

Yeˬlaˬmiˇ 33:9

Yeˬluˇsaˬlehˬ meuˬ-aˬ, laˬ kʼaˬ cehˇ-eu jeˬ, taˬ huiˬ taˬ mahˇ nehˬ-eu jeˬ hawˇ-eu, yaw shehꞈ kʼahˇ sehˇ huiˬ-eu jawˇ duˬ pyeuꞈ laˇ tehꞈ-a. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ngaˬ neh jahˇ nehˬ-euˬ yaw muiˬ jeˬ hawˇ-eu, Yeˬluˇsaˬlehˬ meuˬ-ahˇ ngaˬ neh biꞈ nehˬ-euˬ baw le za le-eu guiˬ lahˬ gaˇ kawˆ ya gaˬ ngeh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-awˇ yaw dzuˬ dzuˬ tehꞈ-a.”

Yawˇlaˆ 2:32

Sahˬpaˬ Miˬyehˇ-euˬ tsawˇ myahˇ-ahˇ, kuˇ-eu tsawˇ haˬ yawˬ gʼaˬ na luꞈ, ka kʼoꞈ-eu jeˬ-ahˇ za tehꞈ-a. Sahˬpaˬ Miˬyehˇ ehˇ taˬ-euˬ-aˬ. ‘Yeˬluˇsaˬlehˬ meuˬ-ahˇ jawˇ-eu, tiˬ paˆ na deuˬ ya dzeuˇ-iˇ-awˇ, ngaˬ neh tseˇ doˆ taˬ-euˬ kʼoeˇdeuˬ, buˬ-iˇ law-iˇ dzeuˇ-iˇ tehꞈ-a.’ ”

Yawˇlaˆ 3:17

“Kʼoeˇ ngeh jawˇ, Iˇsaˬleˬlaˆ-oˇ, SahˬpaˬMiˬyehˇ lehˇ kuˇ-eu ngaˇ, nawˬ-euˬ Miˬyehˇ pyeuꞈ-eu ma lehˇ, nawˇ siˬ duˬ mawˇ duˬ laˇ tehꞈ-a. Muiˬ-eu shawˇ-eu ngaˬ-euˬ gawˬjawˬ, Ziˇoˬ-euˬ kʼoeˇ taˆ ngaˇ jawˇ ma. Yeˬluˇsaˬlehˬ meuˬ shawˇ laˇ-awˇ, aˬ cawˬ neh bi deuˆ gʼaˬ-eu jeˬ, tiˬ jawˇ-iˬ maˬ paˇ keuˆ le meh.

Miˇkaˬ 7:9

Sahˬpaˬ Miˬyehˇ-ahˇ aˬ dui mˇ lehˬ taˬ-euˬ miˇ neh, aˬ yawꞈ nui ma pehˇ-eu jeˬ-ahˇ tiˬ kʼehˬ ya daˬ tehꞈ-a. Ehˇ kʼawꞈ, aˇ saˬ saˬ laˇ ngeh, aˬ yawꞈ aˬ dui gʼaˇ duˬ yaˇ kʼaˬ ja gʼaˬ-eu laꞈ kʼoeˇ, aˬ dui-ahˇ aˬ cawˬ neh mˇ taˬ-euˬ yaw lehˬ jeˬ-ahˇ laˆ tsaˬ nehˬ laꞈ tehꞈ-a. Aˬ dui-ahˇ yaw shehꞈ jaˆ gaˇ sheuˬ doˆ gʼeh-awˇ ka kʼoꞈ nehˬ laꞈ gaˇ aˬ dui ya mawˇ tehꞈ-a.

Haˬbaˬkuˆ 2:3

Ngaˇ pah mehˬ-eu jeˬ keuˆ le-eu, aˇ yamˬ maˬ tsaˬ laˇ-euˬ miˇ neh, boꞈ doˆ-awˇ tiˬ kʼehˬ dawˬ tawˬ siˬ. Ngaˇ pah mehˬ-eu jeˬ keuˆ le-eu, aˇ yamˬ dawˬ peh peh laˇ-euˬ meh. Yaw kawˇ maˬ keuˆ le gaˇ duˇ kʼawꞈ, tiˬ kʼehˬ dawˬ-awˇ haw tsoˆ taˬ yawˬ. Gʼawˬ myahˇ ni maˬ paˇ nyi naˬ ni, keuˆ le luꞈ-eu yaw duˬ baw meh.

Haˬgaiˇ 1:8

Gawˬ jawˬ-ahˇ daˇ kawˬ shaˇ leˇ-awˇ, Uˬ duˬ tahˬ nymˇ nymˇ ma tsoˆ muiˬ-awˬ. Kʼoeˇ loꞈ-ehˇ jahˇ naˇ, ngaˇ nui kʼahˇ shiˇ-awˇ, ngaˬ-ahˇ kʼoeˇ gaˇ uˬ duˬ paˇ ya tahˬ tehꞈ-a.

Yoˇhaˬ 17:10

Ngaˇ kʼaˇ jaˆ-eu jeˬ dawˬ tawˆ luꞈ nawˬ-euˬ pyeuꞈ-awˇ, nawˇ kʼaˇ jaˆ-eu jeˬ dawˬ tawˆ luꞈ ngaˬ-euˬ pyeuꞈ-eu meh. Aˬ yawꞈ maꞈ laꞈ kʼoeˇ ngaˬ-euˬ yaw shehꞈ kʼahˬ sehˇ-ahˇ aˬ cawˬ ya mawˇ-eu meh.

Lormav 1:17

Tsawˇ haˬ zaˬ aˬ yawꞈ-ahˇ tsaˬ laˇ tsahˇ laˇ ni Miˬyehˇ aˬ joˆ-ehˇ jahˇ-eu gaˇ kawˆ, La kʼaˬ cehˇ-eu Guiˬ lahˬ dawˬ laꞈ kʼoeˇ pah mehˬ taˬ-euˬ meh. Miˬyehˇ neh kʼaˇ mˇ-euˬ jeˬ dawˬ tawˆ luꞈ, tsawˇ haˬ zaˬ jah-eu baˬ da neh tehꞈ-ehˇ keuˆ le nya-eu meh. “Jah-eu miˇ neh Miˬyehˇ-ahˇ tsaˬ lehˇ tsahˇ leˇ-eu tsawˇ haˬ-aˬ, saꞈ laˇ dehꞈ-eu jeˬ za tehꞈ-a” lehˇ, Jaˇliꞈ laꞈ kʼoeˇ ehˇ taˬ-euˬ meh.

Eˇpeˇsu 1:6

Aˬ yawꞈ-euˬ huiˬ dui muiˬ dui dui-eu gʼawˬ shaˬ gaˬ-eu guiˬ lahˬ kʼoeˇ, aˬ yawꞈ gaˬ dui dui-eu aˬ yawꞈ-euˬ Zaˬmaˇ laꞈ kʼoeˇ aˬ dui-ahˇ biꞈ laꞈ-euˬ miˇ neh, Miˬyehˇ-ahˇ ja ceuˬ kaˇ-euˇ.

2 Teˇsaˬloˇni 1:10

Aˬ yawꞈ-ahˇ kʼaˇ jah-eu aˬ yawꞈ-euˬ tsawˇ haˬ dawˬ tawˆ luꞈ neh biꞈ-euˬ yaw shehꞈ kʼahˬ sehˇ hawˇ-eu ciˬ huiˬ ciˬ mahˇ nehˬ-eu jeˬ-ahˇ ha geuꞈ-eu lehˇ, Aˇ nah kʼoeˇ nah-ahˇ aˬ yawꞈ oe-eu meh. Sahˬpaˬ Yeˬsuˇ-ahˇ ciˬ huiˬ ciˬ mahˇ-eu tsawˇ haˬ kʼoeˇ deuˬ laꞈ kʼoeˇ, naw maꞈ kʼawꞈ ahˇ leˇ tehꞈ-a. Aˬ jeˬ miˇ neh ehˇ naˇ, nga maꞈ neh saˇ kiˇ kamˬ-euˬ guiˬ lahˬ dawˬ-ahˇ naw maꞈ jah-euˬ meh.

2 Teˇsaˬloˇni 1:12

Kʼoeˇ Loꞈ-ehˇ byah laˇ-eu laꞈ kʼoeˇ, naw maꞈ baˬ da neh Sahˬpaˬ Yeˬsuˇ-euˬ tsawˇ myahˇ yaw shehꞈ kʼahˬ sehˇ za-awˇ, aˬ yawꞈ daˬ ba neh naw maꞈ yaw shehꞈ kʼahˬ sehˇ za tehꞈ-a. Aˬ dui-euˬ Miˬyehˇ hawˇ-eu Sahˬpaˬ Yeˬsuˇ Ka li-euˬ gʼawˬ shaˬ gaˬ-eu guiˬ lahˬ yaw dzahˇ baˬ da neh, kʼoeˇ loꞈ-ehˇ pyeuꞈ laˇ tehꞈ-a.

HeˬByehˇ 10:37

Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Aˇ yamˬ tiˬ kʼehˇ laˇ kʼehˬ dzeuˇ naˇ, oe-eu lehˇ gʼeh luꞈ-eu kʼoeˇ gʼaˬ, maˬ nyi naˬ ni oe keuˆ tehꞈ-a.

1 Beˬtuˆluˆ 2:6

Aˬ jeˬ miˇ neh ehˇ naˇ,Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Poeˬ-eu kʼaˬ lo ngaˇ tseˇ doˆ-awˇ, Ziˇoˬ meuˬ-ahˇ gawˬ-eu laꞈ kʼoeˇ, laꞈ coeˇ lo ziꞈ bi geuꞈ-euˬ ma. Aˬ yawꞈ-ahˇ kʼaˇ jah-eu tsawˇ haˬ, daˬ ga-awˇ maˬ ya shaꞈ dawˇ-aˇ.”