Iˇsaˬyaˇ 46:10 - Akha

¹⁰ Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Iˇsaˬyaˇ 46:10 ပူးပေါင်းရင်းမြစ်များ

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

Aˇ dahˬ 49:10

Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

Yawˇbaˆ 23:13

Aˬ yawꞈ tiˬ jawˇ-iˬ poˆ laˇ paˇ laˇ-eu maˬ baw-ehˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ ciˬ daˬ leˇ peuˬ-a. Aˬ yawꞈ mˇ mawꞈ-eu jeˬ mˇ gaˇ kʼawꞈ, tiˬ gʼaˬ-iˬ maˬ laˆ tsoeˬ leˇ nya-a.

Jaceuq 135:6

Mˬ hawˇ-eu miˇ kʼoeˇ taˆ maˬ ehˇ, iˬ ma laˆ shaˆ hawˇ-eu naꞈ dui dui-eu laˆ shaˆ dawˬ dah maˬ ehˇ, aˬ yawꞈ-euˬ nui noeˬ mˇ byah taˬ-euˬ meh.

Jaceuq 33:11

SahˬpaˬMiˬyehˇ-euˬbawˬtoˆ-aˬ, mˬmaˬmaˬbyaˆzaˇziˇgmˬ-awˇ, aˬyawꞈneh shaˇnoeˬtaˬ-euˬjeˬ, mˬmaˬmaˬbyaˆzaˇziˇziꞈmeh.

Dawqdaq 19:21

Tsawˇ haˬ zaˬ gaˇ kawˆ aˬ joˆ-ehˇ kawˆ kʼawꞈ, Sahˬpaˬ Miˬyehˇ-euˬ nui kʼahˇ uˬ duˬ duˬ leˇ-eu meh.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 14:24

Baoˬ huiˬ-eu Sahˬpaˬ Miˬyehˇ ehˇ-eu, “Ngaˬ neh kʼaˇ lehˬ hmˬ taˬ-euˬ jeˬ keuˆ le-awˇ, ngaˇ kʼaˇ noeˬ tsehˆ taˬ-euˬ jeˬ pyeuꞈ laˇ tehꞈ-a.

Iˇsaˬyaˇ 25:1

Sahˬpaˬ Miˬyehˇ-oˇ, nawˇ ngaˬ-euˬ Miˬyehˇ ma. Nawˬ-ahˇ ngaˇ taˬ huiˬ taˬ mahˇ-awˇ, nawˬ-euˬ tsawˇ myahˇ-ahˇ ja ceuˬ ma. Zahˬ leˇ paˬ-ehˇ gʼeh-eu gaˇ deuˬ nawˇ mˇ-euˬ meh. Aˇ hu ba neh nawˬ neh kʼaˇ noeˬ taˬ-euˬ jeˬ, saˇ jaˇ ziꞈ-eu laꞈ kʼoeˇ nawˇ mˇ byah luꞈ-eu meh.

Iˇsaˬyaˇ 40:8

Ngeuˇ meh. Yaˇ moꞈ nyoeˬ-iˇ-awˇ aˇ yehˆ juˬ-iˇ-eu meh. Ehˇ kʼawꞈ, aˬ dui Miˬyehˇ-euˬ dawˬ, mˬ maˬ maˬ byaˆ zaˇ ziˇ gmˬ meh.”

Iˇsaˬyaˇ 41:21

Iˇsaˬleˬlaˆ-euˬ sahˬ paˬ pyeuꞈ-eu Sahˬpaˬ Miˬyehˇ, heu loꞈ-ehˇ ehˇ-eu meh. “Miˇ kʼahˬ tsawˇ jeuˬ deuˬ-euˬ miˬ yehˇ deuˬ-oˇ, yaˇ kʼaˬ ja haw laˇ sheˇ. Naw maꞈ kʼaˇ ngehˬ nya-eu jeˬ ngehˬ laˇ sheˇ.

Iˇsaˬyaˇ 41:4

Kʼoeˇ loꞈ-ehˇ bi pyeuꞈ laˇ-euˬ gʼaˬ aˬ suˇ gʼaˬ-a. Miˇ kʼahˬ shaˇ ka hawˇ-eu tsawˇ haˬ gaˇ kawˆ, dehˬ paˇ nehˬ-eu kʼoeˇ gʼaˬ aˬ suˇ gʼaˬ-a. Sahˬpaˬ Miˬyehˇ pyeuꞈ-eu ngaˇ-aˬ, aˇ dahˬ beh ngeh neh kʼoeˇ gaˇ jawˇ luꞈ-awˇ, aˇ saˬ saˬ ngeh keuˆ ni jawˇ ma.

Iˇsaˬyaˇ 43:13

Nymˬ-mˇ ngaˇ Miˬyehˇ pyeuꞈ-eu loꞈ-ehˇ, mˬ maˬ maˬ byaˆ zaˇ ziˇ ngaˇ Miˬyehˇ ma. Ngaˬ-euˬ baoˬ-ahˇ cehˆ dzeuˇ nya-eu gʼaˬ maˬ jawˇ-ehˇ, ngaˬ neh mˇ-euˬ jeˬ-ahˇ laˆ paˇ nya-eu gʼaˬ maˬ jawˇ-a.”

Iˇsaˬyaˇ 44:7

Ngaˬ neh mˇ-euˬ gaˇ-ahˇ nui gʼaˬ mˇ nya meh loˇ. Aˇ dahˬ beh ngeh hawˇ-eu aˇ saˬ saˬ ngeh keuˆ ni, kʼaˇ pyeuꞈ laˇ-eu jeˬ tsaˬ tsehˆ nya-eu aˬ suˇ gʼaˬ jawˇ ta.

Iˇsaˬyaˇ 45:21

Naw maꞈ gaˇ kawˆ ja duˬ laˇ sheˇ. Tiˬ kawˆ loꞈ-ehˇ bawˬ dzaˬ-awˇ ja duˬ sheˇ. Mehˬ hu paw pyeuꞈ laˇ-eu gaˇ kawˆ deuˬ-ahˇ, aˇ hu ba neh ehˇ jiˇ taˬ-euˬ aˬ suˇ gʼaˬ-aˬ. Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu Miˬyehˇ pyeuꞈ-eu, ngaˇ Sahˬpaˬ Miˬyehˇ neh ehˇ jiˇ taˬ-euˬ maˬ ngeuˇ-a loˇ. Miˬ yehˇ nui gʼaˬ aˬ gaˇ jawˇ ta.

Iˇsaˬyaˇ 46:11

Nahˇ ma doˆ kʼehˬ paw jawˇ-eu tsawˇ haˬ tiˬ gʼaˬ-ahˇ ngaˇ kuˇ luꞈ ma. Kʼaˬ dzeˇ loꞈ-ehˇ aˬ yawꞈ byoeˇ ka leꞈ-awˇ, ngaˬ neh lehˬ hmˬ-euˬ jeˬ mˇ byah tehꞈ-a. Gaˇ kawˆ heu deuˬ dawˬ tawˆ luꞈ bi pyeuꞈ laˇ ma lehˇ, ngaˬ neh ehˇ taˬ-euˬ jaˆ-eu ma.

Iˇsaˬyaˇ 48:14

“Naw maꞈ dawˬ tawˆ uiˬ laˇ-awˇ naˇ haˬ-awˬ. Ngaˬ neh tseˇ doˆ-euˬ gʼaˬ Baˬbuˇloˬ meuˬ-ahˇ deuˆ meh lehˇ, ehˇ tsehˆ nya-eu miˬ yehˇ tiˬ gʼaˬ-iˬ maˬ jawˇ-a. Ngaˇ kʼaˇ bi mˇ mawꞈ-eu jeˬ-ahˇ, ngaˬ neh tseˇ doˆ-euˬ kʼoeˇ gʼaˬ mˇ tehꞈ-a.

Iˇsaˬyaˇ 48:3

Iˇsaˬleˬlaˆ-ahˇ Sahˬpaˬ Miˬyehˇ ehˇ-eu, “Pyeuꞈ dzeuˇ-euˬ gaˇ kawˆ deuˬ aˇ hu ba neh ngaˇ ehˇ taˬ-awˇ, ja pyuˬ ni bi pyeuꞈ laˇ-euˬ ma.

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Iˇsaˬyaˇ 55:11

ngaˬ-euˬ kʼaˬ meh-ahˇ pyehˬ doˆ-euˬ dawˬ kʼawꞈ, ngaˬ-euˬ nui kʼahˇ mˇ byah yaꞈ-awˇ, ngaˬ neh kʼaˇ kʼehˇ-euˬ jeˬ maˬ mˇ luiˆ kʼoeˇ keuˆ ni, ngaˇ jawˇ gaˇ yawˬ ngehꞈ-ehˇ maˬ gʼoꞈ laˇ-a.

Yeˬlaˬmiˇ 44:28

Ehˇ kʼawꞈ, heu myaˆ gʼaˬ uˬ kʼawˇ buˬ-iˇ-awˇ, Iˇjiˇtuˆ miˇ kʼahˬ-ahˇ neh Yuˇdaˆ miˇ kʼahˬ-ahˇ gʼoꞈ doˆ laˇ tehꞈ-a. Kʼoeˇ ngeh jawˇ, kʼaˇ dzeuˇ-iˇ-euˬ tsawˇ haˬ kʼoeˇ deuˬ, ngaˬ-euˬ dawˬ tsaˬ nga loˇ, aˬ yawꞈ maꞈ-euˬ dawˬ tsaˬ nga loˇ lehˇ, ya siˬ duˬ tehꞈ-a.

Yeˬsaˬgeˬlaˇ 39:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu “Ngaˇ ehˇ-eu aˇ nah kʼoeˇ nah aˬ diˇ keuˆ le tehꞈ-a.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Hawˇseˬ 5:9

Kʼehˬ-eu kʼaˆ-eu aˇ nah keuˆ ngeh, Iˇsaˬleˬlaˆ ya cawˆ-iˇ meh. Iˇsaˬleˬlaˆ tsawˇ haˬ deuˬ-oˇ, ya cawˆ-iˇ-eu yaw duˬ baw meh.

Gʼaˬkʼehˇ 15:18

gaˇ kawˆ heu deuˬ aˇ hu ba neh, bi siˬ laꞈ-euˬ yaw sahˇ pyeuꞈ-eu, SahˬpaˬMiˬyehˇ ehˇ taˬ-euˬ meh.’

Gʼaˬkʼehˇ 3:23

Miˬyehˇ gʼaˇ duˬ ngehˬ dah-eu kʼoeˇ gʼaˬ-euˬ ehˇ dawˬ maˬ kʼaˇ naˇ haˬ-eu aˬ geu gʼaˬ maˬ kaˬ, Miˬyehˇ-euˬ tsawˇ haˬ laꞈ kʼoeˇ bi sawˇ dzeh-awˇ, laˆ luˬ laˆ seˇ nehˬ gaˇ ya daˬ tehꞈ-a’ lehˇ ehˇ taˬ-euˬ meh.

Gʼaˬkʼehˇ 5:39

Ehˇ kʼawꞈ, Miˬyehˇ neh bi mˇ-euˬ jeˬ ngeuˇ lawˬ naˇ, naw maꞈ maˬ zuiˆ gʼaˬ nya-aˇ. Nymˬ-mˇ Miˬyehˇ-ahˇ guiˇ deuˆ cawˬ shaˇ gaˇ duˇ tehꞈ-a.” Baꞈ dzah aˇ muˇ kʼoeˇ, Gaˬmaˬleˬlaˇ-euˬ ehˇ dawˬ geuꞈ-euˬ meh.

HeˬByehˇ 6:17

Miˬyehˇ neh saˇ jaˇ dzaˬ taˬ-euˬ tsawˇ haˬ deuˬ-ahˇ Miˬyehˇ aˬ yawꞈ neh noeˬ taˬ-euˬ jeˬ tiˬ jawˇ-iˬ maˬ poˆ maˬ paˇ-eu gaˇ kawˆ bi siˬ duˬ mawꞈ-eu meh. Kʼoeˇ miˇ neh, aˬ yawꞈ saˇ jaˇ dzaˬ ngeh, dzaˬ-euˬ loꞈ-ehˇ maˇ maˇ ni bi pyeuꞈ laˇ-eu gʼaˇ duˬ kamˬ tsehˆ-eu meh.