Iˇsaˬyaˇ 45:5 - Akha

⁵ “Ngaˇ Sahˬpaˬ Miˬyehˇ pyeuꞈ-eu ma. Miˬyehˇ nui taw nui gʼaˬ maˬ jawˇ. Nawˇ ngaˬ-ahˇ maˬ siˬ nya-euˬ kʼawꞈ, nawˇ loˬ-eu gʼaˬ deuˬ ngaˇ biꞈ ma.

Iˇsaˬyaˇ 45:5 ပူးပေါင်းရင်းမြစ်များ

1 Sahˬpaˬ 8:60

Kʼoeˇ miˇ neh, Sahˬpaˬ Miˬyehˇ tiˬ gʼaˬ tehꞈ-ehˇ Miˬyehˇ pyeuꞈ-eu gaˇ kawˆ hawˇ-eu, miˬ yehˇ nui gʼaˬ maˬ jawˇ-eu gaˇ kawˆ, miˇ tsaˬ heu kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ ya siˬ duˬ luꞈ-uˇ.

Eˇzaˬlaˬ 1:2

“Heu-aˬ, Paˇshaˇ sahˬ paˬ Guˇluˆ-euˬ dawˬ pyeuꞈ-eu meh. Mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-aˬ, miˇ tsaˬ dawˬ tawˆ luꞈ kʼoeˇ taˆ ngaˬ-ahˇ bi uˆ lahˇ laꞈ-awˇ, Yuˇdaˆ miˇ kʼahˬ Yeˬluˇsaˬlehˬ meuˬ-ahˇ aˬ yawꞈ gʼaˇ duˬ uˬ duˬ tahˬ nymˇ tiˬ nymˇ tsoˆ-awˬ lehˇ ngaˬ-ahˇ kʼehˇ-eu meh.

Yawˇbaˆ 12:18

Sahˬ paˬ deuˬ-ahˇ aˬ yawꞈ aˇ yaˬ yuˇ dzeh-awˇ tawˬ-ahˇ nyehꞈ uˇ-eu meh.

Yawˇbaˆ 12:21

Baoˬ jaˆ-eu tsawˇ haˬ deuˬ-ahˇ aˬ yawꞈ baoˬ bi byoˆ-iˇ-awˇ, uˆ lahˇ-eu tsawˇ haˬ deuˬ-ahˇ gʼaˬ bi juˬ-iˇ-eu meh.

Jaceuq 18:31

SahˬpaˬMiˬyehˇtaꞈ-ehˇdzeuˇnaˇ, Miˬyehˇnui gʼaˬaˬgaˇjawˇta. Aˬdui-euˬgʼoe duˬlo guˇ-aˬ, Miˬyehˇheu gʼaˬjawˇ-eu tehꞈma.

Jaceuq 18:32

Gʼaˬbiꞈlaꞈ-eu Miˬyehˇpyeuꞈ-awˇ, gaˇma haw piˇnehˬlaꞈ-eu meh.

Jaceuq 18:33

Ngaˬ-euˬkuiˇguˬbi ziꞈlaꞈ-awˇ, baˬgʼa kuiˇtoꞈziꞈdah jaˆma.

Jaceuq 18:39

Muiˇ-eu deuˬ-ahˇdeuˆgʼaˬnya ni, nawˇngaˬ-ahˇgʼaˬbiꞈnehˬlaꞈ-awˇ, aˬyawꞈmaꞈ-ahˇngaˇdzoeˬ-euˬma.

Jaceuq 86:10

Nawˇ-aˬ, baoˬ huiˬ-awˇ zahˬ leˇ paˬ-ehˇ gʼeh-eu jeˬ mˇ nya-eu meh. Nawˇ tiˬ gʼaˬ tehꞈ-ehˇ Miˬyehˇ pyeuꞈ-eu meh.

Doˆ-iˇ 9:14

Heu poˆ-aˬ, miˇ tsaˬ heu dawˬ tawˆ luꞈ kʼoeˇ taˆ ngaˬ-ahˇ duˇ-eu tiˬ gʼaˬ-iˬ maˬ jawˇ-eu gaˇ kawˆ nawˇ ya siˬ ni, nawˬ-eu gaˇ mˇ-eu yaw huiˬ yaw mahˇ deuˬ-ahˇ tehꞈ-ehˇ maˬ ngeuˇ-ehˇ, nawˬ-ahˇ kʼawꞈ ngaˇ kʼehˬ-eu lehˇ lehˬ hmˬ taˬ-euˬ ma.

Iˇsaˬyaˇ 22:21

Nawˇ dm luꞈ-eu yaw huiˬ yaw mahˇ-euˬ pehˇ kʼahˬ hawˇ-eu nawˇ paꞈ luꞈ-eu joꞈ paꞈ-ahˇ aˬ yawꞈ-ahˇ ngaˇ bi dm bi paꞈ-awˇ, nawˬ-euˬ baoˬ dawˬ tawˆ luꞈ aˬ yawꞈ-ahˇ biꞈ ma. Aˬ yawꞈ-aˬ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-euˬ aˬ da loꞈ-ehˇ pyeuꞈ tehꞈ-a.

Iˇsaˬyaˇ 37:20

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Miˬyehˇ pyeuꞈ-eu gaˇ kawˆ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ ya siˬ ni, Aˬshuˇliˆ tsawˇ jeuˬ-euˬ aˬ laꞈ laꞈ kʼoeˇ, nga maꞈ-ahˇ nawˇ ka kʼoꞈ nehˬ laꞈ-awˬ.”

Iˇsaˬyaˇ 43:10

“Iˇsaˬleˬlaˆ tsawˇ haˬ deuˬ-oˇ, naw maꞈ-aˬ, ngaˬ-euˬ saˇ kiˇ ma. Naw maꞈ ngaˬ-ahˇ siˬ nya-awˇ jah laˇ ni, ngaˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ siˬ nya ni, ngaˬ-euˬ zaˬ kʼaˆ bi geuꞈ-eu lehˇ, naw maꞈ-ahˇ ngaˇ tseˇ doˆ-euˬ ma. Ngaˇ uˬ taꞈ miˬ yehˇ nui gʼaˬ maˬ jawˇ. Aˇ dahˬ beh ngeh neh maˬ jawˇ-euˬ loꞈ-ehˇ, aˇ saˬ saˬ ngeh kʼawꞈ maˬ jawˇ-aˇ.

Iˇsaˬyaˇ 44:6

Iˇsaˬleˬlaˆ-ahˇ ngehˬ gʼeh haw piˇ-eu Sahˬpaˬ Miˬyehˇ pyeuꞈ-eu, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ dahˬ beh-euˬ gʼaˬ hawˇ-eu aˇ saˬ saˬ-eu gʼaˬ ngaˇ ma. Ngaˇ uˬ taꞈ miˬ yehˇ nui gʼaˬ maˬ jawˇ,

Iˇsaˬyaˇ 44:8

Ngaˬ-euˬ tsawˇ haˬ-oˇ, nawˇ taˬ guˆ. Aˇ hu ba neh iˬ nah keuˆ ni kʼaˇ pyeuꞈ laˇ-euˬ jeˬ-ahˇ, ngaˬ neh ehˇ tsehˆ taˬ-euˬ nawˇ siˬ nya-awˇ, nawˇ saˇ kiˇ pyeuꞈ-eu meh. Miˬ yehˇ nui gʼaˬ jawˇ ta siˬ loˇ. Ngaˇ maˬ gaˬ haw-euˬ baoˬ huiˬ-eu miˬ yehˇ nui gʼaˬ paˇ jawˇ ta loˇ.”

Iˇsaˬyaˇ 45:1

Guˇluˆ-ahˇ sahˬ paˬ bi geuꞈ-eu gʼaˇ duˬ, Sahˬpaˬ Miˬyehˇ tseˇ doˆ-euˬ meh. Aˬ cawˬ miˇ kʼahˬ-ahˇ guiˇ bi deuˆ gʼaˬ-eu gʼaˇ duˬ, Guˇluˆ-ahˇ tseˇ doˆ taˬ-euˬ meh. Miˇ kʼahˬ sahˬ paˬ deuˬ-euˬ baoˬ lehˆ dzeh-eu gʼaˇ duˬ, aˬ yawꞈ-ahˇ pyehˬ gʼeh leꞈ-euˬ meh. Aˬ yawꞈ gʼaˇ duˬ Sahˬpaˬ Miˬyehˇ, meuˬ lahˇ kʼehˬ laˇ gʼoˆ deuˬ pah dzeh tehꞈ-a.

Iˇsaˬyaˇ 45:6

Ngaˇ Sahˬpaˬ Miˬyehˇ pyeuꞈ-eu gaˇ kawˆ heu hawˇ-eu, miˬ yehˇ nui gʼaˬ maˬ jawˇ-eu gaˇ kawˆ-ahˇ, mˬ dzeˇ miˇ dzeˇ keuˆ ni bi siˬ doe ni, ngaˇ heu loꞈ-ehˇ jahˇ-eu ma.

Iˇsaˬyaˇ 46:9

Aˇ hu pyeuꞈ dzeuˇ-euˬ gaˇ kawˆ noeˬ mawˇ-awˬ. Ngaˇ tehꞈ-ehˇ Miˬyehˇ pyeuꞈ-eu siˬ nya-awˇ, ngaˬ-ahˇ duˇ-eu nui gʼaˬ maˬ jawˇ-eu siˬ duˬ-awˬ.

Iˇsaˬyaˇ 47:8

“Byawˬ-eu mo-eu jeˬ-ahˇ gaˬ-eu gʼaˬ-oˇ, ngaˇ ehˇ gaˇ naˇ haˬ sheˇ. Guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za lehˇ nawˇ noeˬ luꞈ meh. Miˬyehˇ naˆ ni huiˬ ma lehˇ nawˇ ehˇ-awˇ, nawˬ-ahˇ duˇ-eu gʼaˬ maˬ jawˇ-a lehˇ ehˇ luꞈ meh. Tiˬ jawˇ-iˬ miˬ coeˬ maˬ ya coeˬ-iˇ-ehˇ, zaˬ bi shiˇ-eu maˬ baw lehˇ nawˇ noeˬ meh.

Yeˬsaˬgeˬlaˇ 30:24

Kʼoeˇ naˇ, Baˬbuˇloˬ sahˬ paˬ-euˬ laꞈ du bi deuˇ laˇ-awˇ, aˬ yawꞈ-euˬ aˬ laꞈ-ahˇ ngaˬ-euˬ mi cehˇ dawˆ ahˇ nehˬ ma. Ehˇ kʼawꞈ, Iˇjiˇtuˆ sahˬ paˬ-euˬ aˬ laꞈ ngaˇ ngawˬ kʼehꞈ-awˇ, aˬ yawꞈ-ahˇ muiˇ-eu deuˬ-euˬ mehˬ shi mahˇ mahˇ-ehˇ shiˇ leˇ tehꞈ-a.

Yawˇlaˆ 2:27

Kʼoeˇ ngeh jawˇ Iˇsaˬleˬlaˆ-oˇ, naw maꞈ-euˬ gʼahˇceh ngaˇjawˇ-awˇ, Sahˬpaˬ Miˬyehˇ pyeuꞈ-eu ngaˇ-aˬ, naw maꞈ-euˬ Miˬyehˇ pyeuꞈ-awˇ, miˬyehˇ nui gʼaˬ maˬ jawˇ-a lehˇ, naw maꞈ-ahˇ siˬ duˬ leˇ tehꞈ-a. Aˬ cawˬ ja bu ja doeˇ-eu jeˬ, ngaˬ-euˬ tsawˇ haˬ heu deuˬ kʼoeˇ taˆ, tiˬ jawˇ-iˬ maˬ paˇ keuˆ le meh.

Yoˇhaˬ 1:1

Mˬ hawˇ-eu miˇ maˬ seu le mi naˆ-ehˇ, Dawˬ jawˇ-euˬ meh. Dawˬ kʼoeˇ Miˬyehˇ nehˬ-ehˇ jawˇ-euˬ meh. Dawˬ kʼoeˇ-aˬ, Miˬyehˇ pyeuꞈ-eu meh.

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.

Dawˬmehˬ 4:35

Aˬ yawꞈ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˬ yehˇ nui gʼaˬ maˬ jawˇ-eu gaˇ kawˆ bi siˬ bi mawˇ-eu gʼaˇ duˬ, naw maꞈ-ahˇ Sahˬpaˬ Miˬyehˇ heu loꞈ-ehˇ mˇ mehˬ-euˬ jeˬ pyeuꞈ-eu meh.

Dawˬmehˬ 4:39

Kʼoeˇ miˇ neh, Sahˬpaˬ Miˬyehˇ-aˬ, mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, Miˬyehˇ pyeuꞈ-eu gaˇ kawˆ, tiˬ jawˇ-iˬ maˬ paˇ ya ngehˇ leˇ ni, iˬ nah naw maꞈ noeˬ taˬ-awˬ. Miˬ yehˇ nui gʼaˬ maˬ jawˇ-a.